toki soweli tan jan Beatrix Potter/jan pi pali len tan ma Kota

by Beatrix Potter

[ 127 ]

jan pi pali len
tan ma tomo Kota

 

 

tan jan Beatrix Potter

ante pi toki pona tan jan Ke Tami

 

 

[ 128 ]

 

jan pi pali len tan
ma tomo Kota

 

 

 

 

[ 129 ]

jan pi pali len
tan ma tomo Kota

tan jan Beatrix Potter
ante pi toki pona tan jan Ke Tami

 

 

[ 130 ]

jan pi pali len
tan ma tomo Kota

tenpo pi toki ni la, jan li jo e palisa utala kiwen, li len e lawa kepeken linja len suli, li len kepeken len suli pi namako pona mute, li len kepeken len pi linja sike mute, li len kepeken len pi sijelo sewi taso, li len kepeken len suno.

 

[ 131 ]tenpo pi toki ni la, jan pi

pali len li lon ma tomo Kota.

ona li lape e monsi ona lon poka pi lupa lukin, lon tomo pi pali len, lon nasin Lupawese. ona li nasin e noka ona kepeken nasin ante, li awen lon supa pali lon ale pi tenpo suno.

 

[ 132 ]suno li lon la, ona li pali len,

li tu e len, li wan e len. ona li pali e len suno, e len pi namako mute mute. len ale ni li nasa, taso ona li suli tawa jan pi tenpo ni, li mani mute.

 

[ 133 ]taso jan pali li pali mute e

len ni tawa jan ante la, ona li jo e mani pi lili mute. ona li lon tenpo mute, li wile kepeken ilo lukin. sinpin ona li ante tan tenpo. palisa luka ona li ante tan pali mute. len ona li kama wawa ala.

 

[ 134 ]jan pali li tu e len tawa ona

taso la, ona li wile weka ala e len, li weka e len lili taso. len lili ni li lon supa pali la, ona li toki e ni: "len ni li lili taso. mi ken ala kepeken ona. ni li pona tawa soweli pi lili mute taso."

 

[ 135 ]tenpo lete suli la, tenpo

sewi li lon tenpo kama. jan pali li pali e len pi awen seli. (len ni li loje kili. linja ona li suno lili. kasi pi lipu kule li sitelen lon ona.) jan li pali e len pi sijelo sewi tan len pi walo jelo. (ko len walo en len ko pi laso kasi li lon pini pi lupa ona.) jan pali li pali e ni tawa jan lawa pi ma tomo Kota.

 

[ 136 ]

 

 

[ 137 ]

 

 

[ 138 ]jan pali li pali, li pali la, ona

li toki, taso toki ni li tawa ona taso. ona li lukin e suli len, li tawa e len lon nasin sike, lon nasin sike, li tu e len kepeken ilo. supa pali ona la, lili len loje mute li lon.

 

[ 139 ]jan pali len pi ma Kota li toki

e ni: "suli len li lili a; mi tu e linja; suli len li lili taso; li pona tawa soweli pi lili mute taso."

ko lete walo li kama tan sewi, li len e lupa lukin, li len e suno tan lupa la, jan pali li pini e pali. len pi pali pini li lon supa pali.

 

[ 140 ]len lili luka luka tu li tawa len pi awen seli. len lili tu tu li tawa len pi sijelo sewi. len lipu pi poki pini en len namako pi luka pini en kiwen pi len awen li lon, li pona. len awen la, poka insa li jelo pona suno. len sijelo la, linja selo pi loje kili li lon lupa pi awen pini.

 

[ 141 ]ale li pona tawa pali pi tenpo suno kama la jan pali li ken wan e len — taso ijo wan li lon ala: linja loje li lili taso.

jan pi pali len li kama weka tan esun ona lon tenpo pimeja. ona li lape ala lon esun. ona li pini e lupa ale, li awen e ilo open. jan ala li lon tomo lon tenpo pimeja. soweli pi lili mute li lon,

 

[ 142 ]taso ona li kepeken ala ilo

open.

 

 

[ 143 ]

 

 

[ 144 ]tomo ale pi ma Kota la, ijo li

lon insa sinpin. sona ala la, nasin lili pi tawa sewi en lupa lili li lon. soweli pi lili mute li kepeken ona, li ken tawa ale pi ma tomo, li ken awen lon insa kepeken nasin ala pi insa ala.

a. jan pi pali len li kama weka tan esun ona, li tawa lon lete ko walo, li tawa tomo ona.

 

[ 145 ]tomo lape ona li lon nasin

Masona, li lon poka pi ma kasi Petasona.

tomo li tomo suli ala. taso jan pali li jo e mani lili taso la, ona li ken pana e mani tawa tomo moku taso, li awen lon ni taso.

 

[ 146 ]ona li lon tomo la, soweli

ona li lon. nimi soweli li Sinkin. ona li soweli pi kalama noka ala, li soweli alasa.

jan pali li weka, li pali lon ale pi tenpo suno la, soweli Sinkin li wan taso lon tomo. soweli pi lili mute li pona tawa ona. taso ona li pana ala e len pona tawa soweli lili.

 

[ 147 ]jan pali li open e lupa, li

kama insa la, soweli li wile sona e ni: "mu?"

jan pali li toki e ni: "soweli Sinkin o, mi kama jo e mani mute lon tenpo, taso wawa mi li lili sama linja lili. mi pana e mani lili ni. ona li mani mi pini.

soweli Sinkin, o kepeken ona. o kepeken poki kiwen.

 

[ 148 ]mani ni la, o esun e pan

wan, e telo walo wan tan soweli mani, e moku palisa ko soweli.

mani li kama ala pini tan ni la, o esun e linja loje tawa pali len mi kepeken mani pini. o weka ala e mani pini ni a, soweli Sinkin o. mani li kama weka la, mi kama weka kin, mi kama anpa tan weka pi linja loje."

 

[ 149 ]

 

 

[ 150 ]

 

 

[ 151 ]soweli Sinkin li mu sin, li jo

e mani e poki, li tawa ma lon pimeja.

jan pali li pilin lape mute. sijelo ona li kama nasa; ona li pilin nasa. ona li tawa poka pi poki seli, li toki e len pi pali ona tawa ona taso.

 

[ 152 ]mani mute o kama tawa mi.

len o selo lon sijelo sama selo sijelo. jan lawa pi ma tomo Kota en olin ona li kama wan lon tenpo suno sewi.

ona li toki e wile ona la ona li wile e len pi awen seli, e len pi sijelo sewi kepeken linja namako — kepeken len suno jelo kin.

 

[ 153 ]"mute pi len suno ni li

pona; mi ken ala kepeken len suno lili, mi ken kepeken ona tawa soweli pi lili mute a taso——" lon tenpo ni a la ona li tawa sewi kepeken wawa tan ni: kalama lili li kama tan supa poki lon poka ante tomo—

Noka-Noka-Noka-Noka Lili a!

 

[ 154 ]jan pi pali len li toki e ni:

"aa, ni li seme?" ona li tawa sewi tan supa ona. ilo moku en poki moku en poki telo en kiwen supa moku li lon supa poki.

 

[ 155 ]jan pali li tawa supa poki, li

awen lon poka ona, li kute, li lukin kepeken ilo oko ona. sin la, kalama musi ni li tan poki telo wan—

Noka-Noka-Noka-Noka Lili a!

jan pali li toki e ni: "ni li nasa a." ona li sewi e poki telo.

 

[ 156 ]

 

 

[ 157 ]

 

 

[ 158 ]soweli pi lili mute li kama

tan anpa poki. ona li anpa lili sama pona toki tawa jan pali. ona li tawa weka tan supa poki, li tawa anpa sinpin.

jan li tawa sin lon poka seli, li seli e luka ona, li toki tawa ona taso:—

 

[ 159 ]"a, len pali li tan len suno

loje, kepeken linja sitelen sama kasi kule, kepeken linja ko! a, mi pana e mani pini mi tawa soweli Sinkin la, ni li pona ala pona? a, kiwen len li kepeken linja loje!"

 

[ 160 ]taso tenpo ni la, kalama lili

ante li kama tan supa poki

Noka-Noka-Noka-Noka Lili a!

jan pali li pilin e ni: "ni li kama nasa a!" ona li sewi e poki telo ante.

soweli mije pi lili mute li kama tan anpa poki, li anpa lili sama pona toki tawa jan pali!

 

[ 161 ]ni la, kalama mute pi noka

mute li kama, li kama tan ale pi supa poki, li kama kalama kulupu, li kalama sama toki kulupu, li kalama mute.

Noka-Noka-Noka-Noka Lili a!

 

[ 162 ]tan anpa pi poki lili la, tan

poki telo la, tan poki moku la, tan poki supa la, soweli mute pi lili mute li kama, li tawa weka, li tawa anpa sinpin.

jan pali li kama anpa lon poka seli, li toki e pilin ike ona: "kiwen len mute wan o lon, o kepeken linja loje a!

 

[ 163 ]

 

 

[ 164 ]

 

 

[ 165 ]ona o kama pini lon pini pi

tenpo suno nanpa luka wan. a, tenpo ni li pini pi tenpo suno nanpa tu. mi ken e weka pi soweli lili ni la, ni li nasin ala nasin? pilin la, soweli Sinkin li lawa e ona. ike a, mi kama anpa, mi kama pini, tan ni: linja len loje li lon ala a."

 

[ 166 ]soweli pi lili mute li kama

sin, li kute e toki pi jan pali. ona li lukin e pona pi pali jan, e pona len. ona li toki kulupu, li toki e len suno jelo pona, e linja namako, e len lili tawa pona pi soweli lili.

 

[ 167 ]wawa la, ona li tawa weka

kepeken wawa, li tawa anpa sinpin, li lon nasin pi insa sinpin. ona li mu lili, li wile tawa kulupu, li kama weka tan tomo.

soweli Sinkin li jo e moku, li kama sin lon tomo jan la, soweli lili ala a li awen lon tomo.

 

[ 168 ]soweli Sinkin li open e lupa,

li tawa insa, li mu e mu pi pilin ike. ona li pilin ike tan lete. ko walo lete li lon, li lon kute ona, li lon sewi ona, li lon insa pi len nimi ona. ona li pana e moku tawa supa, li pilin e kon kepeken nena.

 

[ 169 ]jan pali li toki tawa ona:

"soweli Sinkin o, linja loje mi li lon seme?"

taso soweli Sinkin li pana e poki kiwen lon supa, li lukin e poki telo taso lon supa, li pilin e ken nasa. ona li wile moku e soweli pona pi lili mute!

 

[ 170 ]jan pali li toki tawa ona:

"soweli Sinkin o, linja mi li lon seme?"

 

[ 171 ]

 

 

[ 172 ]

 

 

[ 173 ]taso soweli Sinkin li len e ijo

jan lon insa pi poki kiwen lon tenpo pini lili, li mu ike tawa jan pali. ona li ken ala toki, taso ona li ken la, ona li wile toki e ni: "soweli lili mi li lon seme?"

jan pali li kalama e ni: "a! mi kama anpa, mi kama weka, mi kama pakala!" pilin ike ona la, ona li tawa supa lape ona.

 

[ 174 ]tenpo pimeja ni la, soweli

Sinkin li alasa, li alasa lon ale pi tomo moku, li lukin lon insa supa, li lukin lon insa sinpin, li lukin lon insa poki lon linja loje pi jan pali, li wile e soweli lili. taso ona li ken ala lukin e soweli lili.

 

[ 175 ]jan pali li lape. ona li kalama

lon lape la, soweli Sinkin li mu tawa ona, li kalama nasa, li kalama jaki. ni li nasin soweli lon tenpo pimeja.

 

[ 176 ]sijelo pi jan pali li kama ike,

li kama seli. lape la, ona li tawa mute lon supa lape. ona li toki lape: "a, linja li lon ala! a, linja li lon ala!"

ale pi tenpo suno ni en ale pi tenpo suno kama tu la, sijelo ona li ike. a, len loje pi awen seli li kama ala pini anu seme?

 

[ 177 ]tomo esun pi jan pali la, len

suno en len pona li lon supa pali, li ken kama wan. kiwen len mute wan li lon kin! a, lupa li pini awen la, jan seme li ken tawa ona, li ken pali e ona?

taso soweli pi lili mute la, lupa pini li suli ala; ona li tawa insa kepeken ilo ala, li tawa insa tomo ale pi ma tomo Kota!

 

[ 178 ]

 

 

[ 179 ]

 

 

[ 180 ]ma esun la, jan esun li tawa

lon ko lete walo, li wile esun e waso moku, li wile pali e pan pi tenpo suno sewi; taso soweli Sinkin en jan pi pali len la, tenpo suno sewi ni li ken ala.

 

[ 181 ]jan pali li awen ike lon

tenpo suno tu wan. ni la, tenpo sewi a li kama. tenpo pimeja li lon. mun li kama sewi lon sewi pi ma tomo, li lukin lon anpa, li lukin e lupa pi nasin Masona. suno ala li lon lupa lukin. kalama ala kin li lon tomo ale. ko lete walo en pimeja la, ale pi ma tomo li lape.

 

[ 182 ]tenpo ni kin la, soweli

Sinkin li wile e soweli lili ona, li mu tawa supa lape.

a, o sona: toki tenpo sewi la, soweli ale li ken toki lon tenpo pimeja sewi. (taso jan pi mute lili taso li ken kute e ona, li ken sona e toki ona.)

 

[ 183 ]ilo tenpo pi tomo suli li

kalama kepeken mu luka luka tu la, kalama ante li kama kin—sama mu ante pi ilo tenpo ante. soweli Sinkin li kute e ni, li weka tan tomo, li tawa lon ko walo lete.

 

[ 184 ]tomo mute en tomo ale la,

kalama pona mute mute a li kalama e musi e pilin tan tenpo pimeja sewi ni. ni li musi kalama ale pi sona pini mi, li musi pi sona ala mi kin.

 

[ 185 ]

 

 

[ 186 ]

 

 

[ 187 ]tenpo open la, waso kalama

li kalama e musi, li kalama musi tan tenpo pimeja sewi ni.

soweli Sinkin li toki pilin: "musi musi musi mu a."

sewi pi tomo wan la, suno en kalama en tawa musi li lon. soweli mute li kama tan poka nasin ante.

 

[ 188 ]soweli Sinkin li awen toki:

musi mu tawa tan musi mu tawa taso. soweli ale li kama tan ale pi ma tomo. taso mi taso li kama ala.

 

[ 189 ]waso lili en waso suwi li mu

e pan suwi pi tenpo sewi lon anpa pi sewi tomo. waso pimeja li pini e lape lon sewi palisa pi tomo sewi. waso pi sinpin walo en waso pi sinpin loje li open e mu lon tenpo lape ona. mu musi mute li lon kon ale a.

 

[ 190 ]taso ni ale li ike e pilin pi

soweli Sinkin tan wile suli ona.

ijo wan kin li ike nasa a tawa ona: kalama li kama tan sinpin pi kiwen kasi. sona mi la, ni li waso soweli. sona li kama tan kalama lili ona— lete wawa li lon la, ona li toki lon lape ona. jan pi pali len li toki lon lape kin.

 

[ 191 ]toki ona li nasa li sama ni

tawa kute—

"pipi waso lili laso li mu; pipi waso pimeja jelo li mu. mu li kalama tan ona tu. ni la, mi kalama sama ni tu."

ni la, soweli Sinkin li tawa weka, li tawa e kute ona tan pipi pi lon ala.

 

[ 192 ]

 

 

[ 193 ]

 

 

[ 194 ]suno li kama tan tomo pi

pali len lon nasin Lupawese. soweli Sinkin li tawa ona, li lukin lon lupa lukin la, palisa seli suno mute li lon ni. kalama ilo en kalama kepeken en kalama linja en kalama pali li lon. kin la, kalama lili mute li mu e pilin pona tan soweli pi lili mute:

 

[ 195 ]

"jan pali mute li wile, alasa e pipi – taso jan wawa ale, la monsi ona li jaki; pipi ko la palisa tu, li lon lawa ona; li ken utala, e jan pali, la jan o tawa!"

 

[ 196 ]kepeken tenpo ala la,

kalama pi soweli lili li kalama sin:

"o pona tawa e pan ko, o pona kiwen e ko pan, o ona e kili kiwen, o awen lon tenpo pona——"

 

[ 197 ]soweli Sinkin li pini e ni

kepeken mu mu a, li noka wawa e lupa. taso ilo awen li awen pini e lupa. ilo open li lon anpa len lon anpa pi jan ona. soweli li ken ala insa tan ni.

 

[ 198 ]ni la, soweli lili li kalama e

pilin pona, li kalama musi sin—

"soweli lili li pali e linja, soweli alasa li sama ala; li wile sona, e pali pona. pali li seme? li lon tan seme? pali li len, li lon tan jan. soweli alasa li ken ala ken kama, li ken ala ken tu, e linja len? ala a, soweli alasa o, sina tu e, lawa mi taso!"

 

[ 199 ]soweli Sinkin li kalama:

"mu! mu!"

soweli lili li toki kin:

"soweli o o o, a a a soweli o o, a a, len pi jan esun li loje lon ma, len selo sewi li suno kule, len seli anpa li jelo kule, jan esun li tawa lon musi ni!"

 

[ 200 ]

 

 

[ 201 ]

 

 

[ 202 ]ona li pali e kalama kepeken

poki luka lili ona, taso kalama ala li pona tawa soweli Sinkin. ona li nena e lupa, li mu tawa lupa, li wile lon insa esun.

soweli lili wan pi wile nasa li pana e kalama kin:

 

[ 203 ]

"mi esun e poki pi telo wawa, mi esun e pan wan pona kin, mi kepeken mani wan taso—— mi pana e ale ni lon supa poki!"

soweli Sinkin li mu wawa, li luka wawa, li luka e lupa. tenpo sama la, soweli lili ale li kama tawa, li kama kalama: "linja len li kama pini! linja li lon ala!" ona ale li len ilo e lupa lukin, li pini e lukin lupa pi soweli Sinkin.

 

[ 204 ]taso lupa lili li lon len ilo pi

lupa lukin la, ona li ken kute e poki luka lili, e kalama musi soweli:

"linja li lon ala! linja li lon ala!"

 

[ 205 ]soweli Sinkin li tawa tan

esun, li tawa tomo ona. kon ona li pali mute lon lawa ona. ona li tawa jan ona, li lukin e jan. jan pali la, seli ike li weka. jan li lape pona. soweli Sinkin li tawa kepeken kalama ala, li tawa supa poki, li tawa poki kiwen, li jo e linja len tan poki.

 

[ 206 ]ona li lukin e linja lon suno

mun. soweli pi lili mute li pona, li pali pona. taso soweli Sinkin li pali ike sama ala soweli lili la, ona li pilin ike tan pali ni.

jan pali li pilin e lape la, ona li kama lukin e linja len loje pona a lon supa lape ona, e soweli Sinkin kin pi pilin ike lon poka supa!

 

[ 207 ]

 

 

[ 208 ]

 

 

[ 209 ]jan li toki: "pakala, mi pilin

wawa ala. taso mi jo e linja len a"

suno li suno e lete walo la, jan li tawa, li len e sijelo ona, li tan tomo, li tawa lon nasin. soweli Sinkin li lon poka ona.

 

[ 210 ]waso lili li mu lon sewi

tomo. waso pi sinpin walo en waso pi sinpin loje li mu kin—taso mu ni li mu kalama taso, li mu toki ala sama tenpo pimeja sewi.

jan li toki: "pakala. mi jo e linja pona, taso mi jo ala e wawa. tenpo li lon ala kin.

 

[ 211 ]mi ken ala pali mute tan ni:

tenpo suno ni li tenpo suno sewi la, jan lawa pi ma tomo Kota en olin ona li wile kama wan lon olin—taso len loje ona li lon seme? ona li lon ala a! tenpo mi la, mi ken pali e selo lupa wan taso a."

 

[ 212 ]ona li open e esun ona lon

nasin Lupawese. wawa la, soweli Sinkin li tawa insa sama alasa sona.

taso suli ala li lon. soweli lili kin li lon ala a!

jaki ala en pona taso li lon supa ale. linja lili en len lili en jaki len en ko lili li weka, li lon ala ma anpa.

 

[ 213 ]taso supa pali la jan pali li

mu pi pilin pona a! supa ni la, jan pali li pini ala e len lon tenpo pini, li lukin e len pini pona a lon tenpo ni. len li suwi mute lon lukin, li pona suli tawa jan lawa ale pi ma Kote a!

 

[ 214 ]

 

 

[ 215 ]kasi loje en kasi suwi li lon

supa pi len seli a. kasi pan pona en kasi linja suwi li lon len pi sijelo sewi a.

pali len li kama pini, taso pali wan taso li pini ala: selo lupa loje wan li pini ala, li wile e pali lili, li jo e lipu lili. lipu ni la, jan li lukin e nimi pi lili mute:

linja li lon ala.

 

[ 216 ]tenpo pi ni ale la, pona li

kama lon jan pi pali len. ona li kama wawa, li kama jo e mani mute.

len ona li pona wawa tawa jan esun ale pi mani mute, li pona kin tawa jan mani pi ma poka ale.

 

[ 217 ]

 

 

[ 218 ]

 

 

[ 219 ]len ona la, namako pi sike

mute en namako pi luka pini en namako pi linja sike mute li suwi pona a! taso selo lupa ona li suli sewi a.

selo lupa ale ona li kepeken linja pi lili suwi a—linja li lili suwi la, ni li ken ala ken tan jan pali pi tenpo mute, tan luka jan pi wawa ala?

 

[ 220 ]linja li lili suwi mute la, lili ni

li ken tan soweli pi lili mute a!

 

pini