[ 20 ]
- LON NASIN PI MA KASI - SUNO PINI
tenpo li weka.
ILO NANPA li toki mute. JAN KUNTULI en JAN TU li pilin pipi lili. SOWELI li awen tawa lon nasin jan.
ILO NANPA
(tan awen toki, kepeken kalama ilo)
...ali ali ali ali ali ali ali ali ali ali ali ali—
JAN TU
(tawa pake toki pi ILO NANPA)
jan Kuntuli o, o lukin! tomo suli li lon!
JAN TU li luka tawa tomo suli.
JAN KUNTULI
a! ken la ni li tomo pi jan ike.
JAN TU
sina sona kepeken seme?
JAN KUNTULI
ona li lon pilin mi!
JAN TU
a, pona. pilin mi la, jan ike li ken lon tomo ni, anu seme?
JAN KUNTULI
lon a!
SOWELI li pake tawa, li lukin tawa tomo suli. nasin tawa tomo li tawa lon sewi pi telo linja.
SOWELI
mu! mu mu!
JAN KUNTULI
pilin mi la... mi ken ala awen lon monsi soweli. ni li ken ike.
JAN TU
a, lon. mi o weka.
JAN KUNTULI en JAN TU li weka tan monsi soweli.
[ 21 ]ILO NANPA
(kepeken kalama ilo)
ilo nanpa li pilin sama. ilo nanpa o weka kin.
JAN TU
sina weka tawa seme? sina ken ala weka tan luka mi.
ILO NANPA
(kepeken kalama ilo)
ilo nanpa li sona!
ko nasa li open kama tan sewi.
SOWELI
mu! mu!!
JAN KUNTULI
a, o lukin e kon; ko nasa li lon!
JAN TU
ike a! ona li pali e seme?
JAN KUNTULI li alasa luka e ko nasa. SOWELI li nena e ona, li pana e sinpin pi pilin jaki.
JAN KUNTULI
ona li awen taso...
JAN TU
ko nasa li lon tomo ni la... ken la ni li tomo pi jan ike?
JAN KUNTULI
ni li ken lon...
ko li kama mute lon kon. JAN KUNTULI en JAN TU li open tawa tomo suli, li kama tawa lupa tomo.
JAN KUNTULI
ike li lon a...
JAN TU
seme?
JAN KUNTULI
mi wile tawa insa la, sinpin lupa li wile e nanpa...
JAN TU
a, o kepeken ilo nanpa! ona li ken sona.
JAN TU li pana e ILO NANPA tawa sinpin lupa.
ILO NANPA
(kepeken kalama ilo)
ilo nanpa li sona ala.
JAN TU
seme? taso... toki sina la sina sona e ale!
ILO NANPA
(kepeken kalama ilo)
ilo nanpa li weka e nanpa. ken la, ona li weka e nanpa ni tan lawa
ona.
JAN TU
ike a...
JAN KUNTULI
ni la, mi ken tawa insa kepeken nasin seme?
SOWELI li nena e lipu lon sinpin.
SOWELI
mu!
JAN TU en JAN KUNTULI li open lukin e lipu.
JAN TU
(tawa SOWELI)
a! sina pona, soweli o.
(tawa JAN KUNTULI)
ni li ken pona!
JAN KUNTULI
pona a! lipu li toki e seme?
JAN TU li lukin sin e lipu. lon lipu la, sitelen "9-8-0-6" li lon.
JAN TU
ona li toki e ni: "luka tu tu en luka tu wan en ala en luka wan"
SOWELI
mu! mu mu!
JAN KUNTULI
mi pana!
JAN KUNTULI li pana e nanpa tawa sinpin lupa. ilo pi pana nanpa li kalama ike. sinpin li open ala.
JAN TU
seme?
SOWELI
mu!! MU!!
JAN KUNTULI
ken la mi pana ike e ni...?
JAN TU
a, ni li ken.
JAN KUNTULI
mi o pana sin!
JAN KUNTULI li pana sin e nanpa. sinpin li awen open ala.
JAN KUNTULI
(lon pilin pipi lili)
tan seme la mi pana e ni kepeken ike mute?
JAN TU
mi sona ala... ken la lupa ni li pakala?
SOWELI li tawa mute, li nena mute e lipu. JAN KUNTULI li alasa mute e nanpa pona.
SOWELI
MU!!! MU!!!
SOWELI li nena wawa e luka pi JAN TU. tan SOWELI la, JAN TU li ken ala pana e nanpa.
JAN TU
soweli, o pake! mi tu li alasa pali e nanpa.
JAN TU
o weka!
SOWELI
(kepeken wawa mute)
o JASIMA e lipu! sewi ona li lon anpa! o kute e mi!
pake lili.
JAN TU li oko e soweli.
JAN TU
(tawa SOWELI)
seme a? sina soweli li ken mu taso!
SOWELI
(kepeken pilin ike lili)
... mu. MU.
SOWELI li oko e JAN TU. JAN TU li oko e SOWELI.
JAN KUNTULI
(lon weka, lon kute ala SOWELI)
a! mi kama sona! sewi pi lipu ni li lon anpa.
SOWELI
...mu.
JAN KUNTULI li pana e anpa lipu tawa sewi, li jasima e lipu.
JAN KUNTULI
ni la... mi ken ala ken pana sin?
JAN TU
(lon awen oko ona tawa SOWELI)
... lon, o alasa sin.
JAN KUNTULI li pana e nanpa sin. sinpin lupa li open lon kalama suli.
SOWELI
mu!
JAN KUNTULI
a! ona li pali—
JAN TU
(lon awen toki pi JAN KUNTULI)
—li pona!
nasin lupa pi pimeja mute li lon. jan li awen lon open ona, li tawa ala.
JAN TU
...li monsuta lili.
ona tu li pake, li lukin taso tawa nasin.
JAN KUNTULI
...ike li ken ala ken lon?
JAN TU
pilin mi la, ni li ken ike mute a...
SOWELI li tawa sike lon jan.
SOWELI
mu!
JAN TU li alasa luka e SOWELI. taso SOWELI li tawa wawa.
ILO NANPA
(kepeken kalama ilo)
ilo nanpa li ilo pi nasin nanpa pi toki pona. ona li ken—
JAN TU a a, mi sona, ilo nanpa o.
ILO NANPA
(kepeken kalama ilo)
mi sona ala a!
lukin la, JAN KUNTULI li pilin monsuta lili.
JAN KUNTULI
(lon kute ala pi ijo ante)
taso... mi wile alasa e jan ike la, mi o tawa ni.
JAN TU
ni li lon a...
pake lili. JAN KUNTULI li lukin tawa JAN TU.
[ 26 ]JAN KUNTULI
... pilin mi la, mi wile tawa nasin.
JAN KUNTULI li pana e luka tawa JAN TU. JAN TU li lukin e luka, li luka e luka.
JAN TU
mi tu o tawa! lon poka la, ale li pona.
JAN KUNTULI
ni li nasin pona!
SOWELI
(kepeken pilin pona)
mu!
ona tu li open tawa nasin pimeja.
