[ 43 ]
- LON INSA TOMO - PIMEJA OPEN
ona mute li pini tawa, li lon tomo. lon pini tawa la, jan ale li pilin pona, li pilin lape. ni la, JAN KUNTULI li pana e len lape tawa jan ale. JAN ANKEWI li pali e telo kasi seli li pana e ona tawa jan ale.
JAN TU en JAN KUNTULI li lon tomo musi, li kama open e musi. JAN ANKEWI en SOWELI en ILO NANPA en ILO SUPANPO li lon tomo ante.
ILO SUPANPO en ILO NANPA li toki.
ILO NANPA
(kepeken kalama ilo)
ilo nanpa li ilo pi nasin nanpa pi toki pona!
ILO SUPANPO
(kepeken kalama ilo)
ona li ken pali e seme!
ILO NANPA
(kepeken kalama ilo)
sina jo ala e ilo nanpaILO SUPANPO
(kepeken kalama ilo)
la luka en tu en tu en tu en tu en wan li seme?
ILO NANPA & ILO SUPANPO
(kepeken kalama ilo, lon tenpo wan)
MI SONA ALA A!
ona tu li kuntu mute kepeken kalama ilo, li tawa sike lon ma. JAN ANKEWI li lukin e ilo tu, li pana e sinpin pi pilin pona.
JAN ANKEWI
(tawa ona taso)
a, ilo li suwi a.
JAN ANKEWI li moku lili e telo ona.
SOWELI
mu! mu mu.
JAN ANKEWI li luka e SOWELI. SOWELI li mu pi pilin pona.
[ 44 ]JAN TU
(tawa JAN ANKEWI, tan tomo ante)
jan Ankewi o, sina wile ala wile musi e musi Majon lon poka mi?
JAN ANKEWI
a! ni li pona mute a.
JAN ANKEWI li tawa tomo pi JAN TU pi JAN KUNTULI. ona li musi lon supa pi musi Majon.
JAN KUNTULI
sina wile e lon seme?
JAN ANKEWI
ale li ken tawa mi.
JAN TU
(kepeken kalama lili)
mi wile lon poka sina, jan Kuntuli o...
sinpin pi JAN KUNTULI li kama loje lili.
JAN KUNTULI
aaaaa, ni li pona tawa mi kin a.
ILO NANPA en ILO SUPANPO li kama lon supa musi kin. ona tu li musi sama wan.
JAN TU
musi o open!
JAN TU en JAN KUNTULI li pana e leko mute tawa jan ale. JAN TU li open. ona li alasa sona e leko pona pana.
JAN KUNTULI
jan Tu o... o pana e leko pona tawa mi...
JAN TU
ala! mi olin e sina, taso mi wile kama nanpa wan.
JAN TU en JAN KUNTULI li lukin tawa jan olin ona, li kuntu.
ILO NANPA
(kepeken kalama ilo, lon tenpo sama pi ILO SUPANPO)
ilo nanpa li wile kama nanpa wan!
ILO SUPANPO
(kepeken kalama ilo, lon tenpo sama pi ILO NANPA)
ilo Supanpo li wile kama nanpa wan!
JAN ANKEWI
ala, mi wile!
ona mute li kuntu.
JAN KUNTULI
ala! o pana e leko pona tawa mi!
SOWELI
mu mu mu mu!
lon kama pimeja tenpo la ona mute li awen musi e musi Majon. JAN TU en JAN KUNTULI li awen olin. jan ale li awen pilin pona, li awen pilin musi, li awen kuntu tan toki musi pi JAN KUNTULI, pi JAN TU, pi jan ale. ale li kama pona.
PINI
