Un rapaz empecatau

by Mario Gómez

 ¡¡ Cóimi cun la santidad !!
 ¡ Pus Dious, n´esta acierta, miánicas !
 ¡ Dexar lus mozus sin mozas,
 Y quil cura que sea á quitánuslas !
 ¡ Ya, sinón, diga ! ¿ Qué diz,
 De lu que fixe cun Nancia ?
 ¡ Aquel pituñu di floris,
 Aquel cuelmu di abundancias !
 ¡ Aquecha, que you tenía
 Cuasimienti apalabrada !
 Casi tou taba arriglau.
 Ya mi padri tenía echadas
 Las cuentas sobri la doti
 Pa puder salir di trampas,
 Cuandu chegou esi cura
 Y cun él la gran desgracia,
 Pus, cun cuentus y parolas
 Trasturnou á la rapaza.
 - ¡ Pobre señor, él tan reutu,
 Que solu pa Dious aflana,
 Y entovía alcuentra aiquí
 Quien so virtud disacata !.
 - ¡ Nun tien defensa denguna !
 ¡ Pobre nena ! ¡ Quién cuntaba
 Que aquel respigu de glorias;
 Aquel matacu de gracias;
 Aquel cachiquín de cielu;
 Ángili de nidias alas,
 Pur las artis di esi cura
 Fosi á caer despenada
 N´un barrancu negru, escuru,
 Churiosu, chenu de lástimas !
 ¡ Nin la gripi fixu aiquí
 Más destrozus nas rapazas !
 ¡ Tamus arriglús lus mozus
 Pa alcuntrar algu qui valga !
 ¡ - Ser, ye virdá que acuyíu,
 Ya que se chevou la nata
 Peru outramienti, el nun iba
 A chevasi arripunancias,
 Y á tal siñor, tal jardín
 Y á tal jardín, tales matas !
 -¿ Quiés saber lu qui pasou
 Disqui salierun di casa ?
 Pus you te lu cuntarey,
 Que al amanecerín taba
 Aspirandu pa ir cun echus,
 Y cun echus fuy á Cangas.
 - Algu, ya me lu cuntarun
 Sey qui lus padris churaban
 Y tamién dixenun qui echa,
 Tou fuy chegar incierránunla.
 - Claru que sí; cun gran pompa;
 Cun ripiqui di campanas,
 Y gran misa y muita fiesta
 Y gran luxo y muita gala.
 Casi todas las vicinas
 Fumus d´aiquí acompañándula
 Y al chigar nos al cunventu
 Ya pur nos achí aspiraban
 Flairis, curas, siñuríu
 Y toda la xenti baxa.
 Tamién taba achí á la puerta,
 La madrina, doña Plácida,
 Cun vistíu di tirciupelu
 Marietsu y azul á rayas,
 Y cun duas cadenas d´oru
 Y l´gran asombru di alaxas.
 Intramus tous pa la Iglesia.
 Achí rezan y achí cantan,
 Y al salir, tous abrazamus
 Aquescha, ondi las galas
 Dil cielu fixenun níu
 Y el níu pal cielu chivavan !
 You.... prubetina....de mí....
 Nun....sey....cumu tengu....lágrimas
 Dispués qui tantu churey,
 Al ver cumu echa pasaba
 Pur la puerta del ulvidu,
 Dixando al mundo di ispaldas,
 Y cumu ya de pur vida,
 Quedábasi achí incierrada.
 Achí tan las duas santinas.
 Achí si quidóu cun Láura
 Y más di veinte munxinas,
 Todas di Dious á las gradas;
 Todas pidiénduy qui tenga
 Cumpasión cun lus di Cangas,
 Y ye fertuna bien grandi,
 Qui aldea tan piquinaya,
 Tenga ya dau al Señor
 Duas ispusinas santas,
 Pus cun esas enfluencias
 N´el cielu ye cousa clara
 Que en jamás aiquí á dengunu
 Ha de escaseay la gracia.
 - Esu ta bien amañau
 Peru, á mí naidi mi saca,
 De que pa esposas de Dious,
 Ya qui Él nu is mira á la cara,
 Pudían servir las vieyas,
 Las feas, las desgraciadas
 Qui nin un chupín alcuentran
 Qui chevar á la fornada.
 - Nun disparatis Cilipi,
 Qui al rinunciar á más galas
 Di esti mundu, más á Dious
 Si ricrea y afalaga.
 Si la primer rayadina
 De sol, yé la más galana;
 Si yé al abrir de las floris
 L´arrecender más fragancias;
 Si en la sierra, son lus sonis
 Más guapus de la calandria,
 Lus qui suelta arrimuntando
 Al riscar de la alborada,
 Tamién di Dious yé el encantu
 Il primer pudor d´un alma,
 Las primeiras uracionis
 Y las primeiras miradas
 Qui manda al cielu una virxin
 Que n´el cielu se ritrata.
 Dexa a Dious lu qui el escueye,
 Qui cun mal rival chalanas;
 Dexa en paz al siñor cura
 Qui fay lu qui Dious i manda
 Cuandu pa Dious dil rebañu
 Las curderinas aparta.
 Asienta ya la cabeza;
 Ten cuidiáu cun lu qui falas,
 Y si sos furmal, sey you
 D´alguna bien hacendada
 Qui ti quiera á tí y qui´l padri
 Ti la dé de bona gana.
 ¡ Quién sabi si al echar Dious
 Sus cuentas, tú n´echas tabas,
 Y qui si pa dir di monxa
 Vucación i díu á Ulaya,
 Fuy tamién pa quí a la postri
 Casasis tú cún la harmana.
 - ¡ Uy que coimi ! ¡ Vaya un choyu !
 ¡ Esa sí que fuy xugada !
 ¡ La Verdá que Dious, ye Dious
 Y fay las cousas cun maña !
 ¡ De esta salimus pa alantri !
 ¡ Arriba el dengui ! ¡ Meneya
 Il so saber, tía Flurenta,
 Y vivan el cura y l´ama !
 Peru.... el cura qui si guardi
 Di vulver á las andadas,
 Y qui Dious siga en lu firmi
 Y nu mi quiten á Claudia.
 ¡¡ Viva la flor del rumeru !!
 ¡¡ Arriba el garbu !! ¡¡ Quién baila !!