Vör de Döör

Vör de Döör.
Author:	Paul Kaphengst
Text type:	Gedicht
Comment:
:

Winacht! -- Wat ’ne moje Tiet!
Wat heff ik luurt! -- Nu is’t sowiet!
De Winachtsmann de is dar we’n,
dör’t Slödellok heff ik dat seen.
Wat ik woll krieg? Dat much ik weten,
man Moder see, wi wull’n erst eten.
Ik mag gar nix, ik bün al satt;
in ’ne Stuuv gifft nastens ok jo wat.
Up ’n Teller liggt so leck’re Saken. --
Se schull’n ok doch ’n beten maken,
dat se mi roopt. --
(Es klingelt.) Dar! hefft ji’t höört?
Hurra! --- Nu geit’r nix verkeert!