Vignìt pur in sequestri cont Francesc

by Ermes di Colloredo

Consiglio di buon amico al sig. Conte Francesco N.N.

SONETTO

VIGNÌT pur in sequestri cont Francesc,
Cul B...... no fait il biel umor,
Se lui nassè a Vacil däur un desc,
E vo di mulinar ses fat un sior:

Al mi pàr che avès fat un grand eror
Corezi l'incrëanze a chiacarà,
Volìnd i giaz dai altris petenà;
Dovèvis dài un pugn a chel Dotor.

Savèso ce che al è sior V......
Ogni planet si zire in te' so sfere,
Se al crod là fuur di cheste l'è un minchion.

No si fidait vo, nè lui in tai parons;
Che se us viòdin a dà dal cùl in tiere,
Ridaran di vo, come dai siei bufons.