Volapük in Milano 1

Milano. - Tidadüp vpi pemaniföl fa Pakamaklub Milanik elabom seki säto gudik. Tidübs ebeginoms XI 3.^id. dub vöds nemödik söla Cappello, nemü cifef kluba, me kels äbitopom julanes (za 30) söli plofedi A. Marin, e ekomedom omes sükön ko senit e ledul tidadüpi, dat ot ekanom labön seki gudik.

Täno söl Marin äpükatom nolaviko e nitediko dö döl gletik väpüka, dö zesüd oma, dö steifs vanlik pemeköl jünu; poso eseplänom blefiko lasame plisipis stabik vpa, nefikulami e tikavi omas.

Pükat at peläsevom ko nited gletik fa plisenels, bevü kels äbinoms plofeds, tedels, studels, klerel bal e i vomüls tel; kludo spelobs das tidadüps ofovoms ko sek äso gudik; zil e nol plofeda divik garanom atosi obes.

Se Nunal nulik 1891, Nüm: 6, Pad: 28.