Wen oły zich łiwa

←

Wen oły zich łiwa
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113597Wen oły zich łiwa — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 60 ]

Wen oły zich łiwa

Wen oły zich yms rod łiwa,
do müswer aoj trynkia.
Wen ych dy łiwy ny rüfa kon
müs ych cy jyr wynkia,
wen ych dy łiwy ny rüfa kon
ju, ju rüfa kon
müs ych cy jyr wynkia.

Ych wynk aoj myła aojga
an traot jyr ufa füs
Zy ej fir mejch dy siynsty
di majny waoda müs,
zy ej fir mejch dy siynsty
ju, ju dy siynsły
di majny waoda müs.

Ferym zuł zy ny waoda
ych ho zy ju zu gaon.
Zy höt cwe świöcy aojgieła
di łaojchta wii cwej śtaom,
zy höt cwe świöcy aojgieła
ju, ju aojgieła
di łaojchta wii cwej śtaom.

This work is licensed under the Creative Commons Attribution-ShareAlike 3.0 Unported license.