Wymysöjer siejny makia

←

Wymysöjer siejny makia
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113585Wymysöjer siejny makia — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 36 ]

Wymysöjer siejny makia

Wymysöjer siejny makia,
di kyna zich ju siejn brata.
Y dy kiych gejn zy siejn ogyciün,
an ym kracium śtejn zy byfür.
Y dy kiych gejn zy siejn ogyciün,
an ym kracium śtejn zy byfür.

Dy pobütkla müsa glaonca,
do zy beser kyna taonca.
Z muölla mü ny zajn gyśłosa,
do zy beser kyna pössa.
Z muölla mü ny zajn gyśłosa,
do zy beser kyna pössa.

Ym gyśtaołtła siejny ruza,
do zy beser kyna kuza.
Zyłwer krojcła ufum haocła,
do zy z giełd hon śtejn ym maocła.
Zyłwer krojcła ufum haocła,
do zy z giełd hon śtejn ym maocła.

This work is licensed under the Creative Commons Attribution-ShareAlike 3.0 Unported license.