Сло́во г҃, сказа́нїе, ꙗ҆́кѡ є҆́сть бг҃ъ.
Ꙗ҆́кѡ є҆́сть бг҃ъ, и҆́же ст҃а̑ѧ писа̑нїѧ прїе́млютъ, ве́тхїй и҆ но́вый завѣ́тъ, рекꙋ́ же, ве́тхїй и҆ но́вый завѣ́тъ є҆́сть, и҆́же моѷсе́й жидѡ́мъ преда́стъ, и҆ пото́мъ а҆пⷭ҇ли на́мъ преда́ша, да и҆́же та̑ ѻ҆́ба завѣ̑та держи́мъ, то́е непе́рнѡ є҆мꙋ̀ є҆́сть, ꙗ҆́кѡ є҆́сть бг҃ъ, и҆ є҆́ллинъ мно́зѣмъ. ꙗ҆́коже гл҃ахомъ, во є҆́стествѣ всѣ́ѧно на́шемъ вѣ́дѣнїе, ꙗ҆́кѡ є҆́сть бг҃ъ. но и҆́же толи́кѡ воⷥмо́же непрїѧ́знена ѕло́ба на чл҃че є҆стество̀, и҆ въ толи́кꙋ поги́бель введѐ, ꙗ҆́коже гл҃ати є҆́терѡмъ: нѣ́сть бг҃а. и҆́хже безꙋ́мїе дв҃дъ ꙗ҆влѧ́етъ, речѐ:
ѱаⷧ҇ г҃і речѐ безꙋ́менъ въ срⷣцы свое́мъ: нѣ́сть бг҃а. гдⷭ҇ни же ᲂу҆чн҃цы и҆ а҆пⷭ҇ли, ѿ ст҃а́гѡ дх҃а премⷣрость прїе́мши, и҆ тогѡ̀ си́лою и҆ да́ромъ вели̑ка чꙋдеса̀ творѧ́ща, вели́кою то́ю ѿме́тїю, на свѣ́тъ ᲂу҆вѣ́дѣнїю бг҃а, ѿ глꙋбины̀ невѣ́денїѧ ᲂу҆ловлѧ́ющꙋ, и҆ взалка́хъ ю҆̀. та́коже и҆ тѣ́хъ намѣ́стницы сꙋ́ть, и҆ прїи́мцы да́рꙋ, и҆ си́лѣ, пастꙋсѝ, и҆ ᲂу҆чт҃лїе, ѡ҆сщ҃а́ющи да́ръ ст҃а́гѡ дх҃а прїи́мши, и҆ чꙋдотво́рными си́лами, до́брыми же ᲂу҆чє́нїи ѡ҆сщ҃а́хꙋсѧ, и҆ заблꙋди́вшагѡ ѡ҆браща́хꙋ. мы́ же ни чꙋде́съ, ни ᲂу҆че́нїй ᲂу҆ да́ра прїѧ́хомъ, недосто́йни бо сѧ сотвори́хомъ, жи́зни сеѧ̀ сла́сть лю́бѧще. ѻ҆ба́че, сѐ, да понѐ ма́лѡ, є҆́же є҆́сть прїѧ́ли ѿ ᲂу҆чт҃ль ст҃ы́хъ, ѡ҆ то́мъ же побесѣ́дꙋемъ, ѻ҆ц҃а̀, и҆ сн҃а, и҆ ст҃а́го дх҃а наре́кше. Всѐ сꙋ́щее и҆лѝ зда́нно є҆́сть, и҆лѝ незда́нно. а҆́ще ᲂу҆́бѡ є҆́сть зда́нно, то̀ и҆ звра́тно, є҆го́же бо житїѐ ѿ звра́та нача́сѧ, то и҆ звра́тꙋ пови́ннѡ ᲂу҆́бо є҆́сть, и҆лѝ тлѧ́ѧ, и҆лѝ хотѣ́нїемъ и҆змѣнѧ́ѧсѧ. а҆́ще ли є҆́сть незда́нно по послѣ́дствованномъ словесѝ, то̀ ᲂу҆́бѡ невоⷥвра́тно є҆́сть. є҆мꙋ́же бо є҆́сть бытїѐ сꙋпроти́вно тогѡ̀, и҆ ка́кѡ бы́ти сло́вꙋ сꙋпроти́вно. ре́кше сво́йства, кто̀ ᲂу҆́бѡ нарече́тъ всегѡ̀, є҆́же въ на́шемъ чꙋ́вствѣ, но и҆ а҆́гг҃лы, и҆звраща́ющасѧ, и҆змѣнѧ́ющасѧ; и҆ мно́гѡ ѡ҆́бразнѣ преобразꙋ́ющесѧ, то́же въ разꙋ́мныхъ, а҆́гг҃лы рекꙋ̀, и҆ дш҃ѧ, и҆ бѣ́сы, по во́ли свое́й, лю́бо добро̀ прїѧ́ти, лю́бо добро̀ ѿѧ́ти; въ тѣ́хъ бо мо́жетъ добро̀ пребыва́ти, и҆ ᲂу҆быва́ти, ꙗ҆́коже и҆зво́лѧтъ, а҆ прѡ́чаѧ по родствꙋ̀ и҆ тлѣ́нїю, растлѣ́нїю же и҆ ги́бенїю, и҆ вотвори́твенный прило́гъ, и҆ вмѣ́стно ше́ствїе; да є҆лма́ же совра́тно є҆́сть, то̀ и҆ зда́нно. творе́но же сы́й всѧ́ко нѣ́кимъ є҆́сть зако́ннѡ. не ᲂу҆же́ ли є҆́сть творцꙋ̀ несозда́ннꙋ бы́ти. а҆́ще бо и҆ то́й бꙋ́детъ зда́нъ, то и҆ то́й всѧ́кѡ нѣ́кимъ творе́нъ, да же и҆ прїи́демъ во что́ же несотворе́нно. не зда́нъ ᲂу҆́бѡ сы́й тво́рецъ, всѧ́кѡ неиⷥвра́тенъ є҆́сть. то́ же и҆́но что̀ мо́жетъ бы́ти, ра́звѣ бг҃а; И҆ сеѧ̑ же тва́ри здержа́нїе и҆ снабдѣ́нїе и҆ строе́нїе ᲂу҆чи́тъ ны, ꙗ҆́кѡ є҆́сть бг҃ъ, и҆́же се́й всѐ соста́вилъ є҆́сть и҆ содержи́тъ и҆ снабди́тъ и҆ промышлѧ́ѧсѧ. ка́къ бо проти̑вна є҆стєства̀, ѻ҆гнѧ̀, рекꙋ̀, и҆ воды̀, воздꙋ́хъ же и҆ зе́млю, во є҆ди́нꙋ ᲂу҆тва́рь наконча́ти, соше́дшымсѧ самѣ́мъ въ себѣ̀, и҆ без̾ зраⷥдрѣ́шїѧ пребыва́ютъ, а҆́ще бо бы̀ всѧ̀ мо́щнаѧ си́ла тѣ́хъ свѧза́ла и҆ снабдѣ́ла при́снѡ, без̾ зраⷥдрѣше́нїѧ; Кто̀ є҆́сть нарекова́лъ нбⷭ҇ное и҆ земно́е, є҆ли́коже по воⷥдꙋ́хꙋ твори́тъ и҆ по водѣ̀ пла́ваетъ, и҆ па́че пре́жде тѣ́хъ нб҃о и҆ зе́млю и҆ воⷥдꙋ́хъ и҆ є҆стество̀, во́ды же и҆ ѻ҆́гнь; кто́ бо є҆́сть смѣси́лъ и҆ раⷥдѣли́лъ; кто̀ є҆́сте́ствено сотвори́лъ, и҆ веды́й непреклоне́ное населе́нїе и҆ несоста́вное; не хитре́цъ ли всегѡ̀ тогѡ̀, и҆ сло́во положѝ всемꙋ̀, по немꙋ́же словесѝ всѐ но́ситсѧ и҆ и҆зво́дитъ; кто̀ є҆́сть хитре́цъ всегѡ̀ тогѡ̀ и҆ въ бытїѐ и҆зве́лъ; не да́мъ бо самобытїю̀ толи́ки си́лы. бꙋ́ди же самобытїе́мъ, то кто̀ є҆́сть повелѣ́лъ томꙋ̀ бы́ти; се́ ли творце́мъ то́чїю соблюде́нїе и҆лѝ снабдѣ́нїе, ꙗ҆́коже є҆́сть исперва̀ сотворе́но; не ᲂу҆же́ ли ꙗ҆́вѣ є҆́сть и҆на́гѡ творе́нїѧ, а҆ не самобы́тно. то́же кто̀ є҆́сть и҆́нъ ра́звѣ бг҃а;
This is a translation and has a separate copyright status from the original text. The license for the translation applies to this edition only.
