Якстере теште/1924/04/Ильич кулось, но Ленин эри
| ←Вейкест вейкест сасыть | Якстере теште, № 4, 15 февраля 1924 г. Ильич кулось, но Ленин эри сёрмадызе Эрзя |
Эрзень-мокшонь и татаронь комунистонь конференция→ |
| Якстере теште. Еженедельный орган мордовской секции при Ц. К. Р. К. П. (б.). — № 4, 15 февраля 1924 г. — с. 1 |
[ 1 ]
| Ильич кулось, но Ленин эри |
| Ленин — то ней аволь вал, аволь фамилия. Те ней цела тев, конась ащи ламо миллион ломанинь седей- сэ и срады весе масторцть лангс. |
Кулось Владимир, Ильич Ленин. Сонзэ эстэде попросту мерилть Ильич, — и весе содылть, ки те Ильичесь.
Да, кулось Ильич. Сонзэ калминек Красной Площадес. И ней больше а нейсынек. Остатка раз сонзэ неинек, но неинек уж, зярдо сон ульнесь гробсо Ламо ломать ютасть те гробсть вакска.
Чинек—венек, кафто кенгшка нароць совась остатка раз варштамо се ломансть лангс, конась сорнофтызе весе масторцть, конась кода жар курвайсь эрьва трудиця ломанеть седейс.
Ломатне остатка раз ваность сень ланг, конась весе пингезэ ютафтызе тень кис, кода бу нельгемс властесть буржуазиянь кецтэ и мяксмокс робочейнень и крестьяннэнь. Якасть ванмо атят, якасть од ломать, якасть и эйкакшт. Кода пачкоди ломансь гробсть вакс эйкакшость марто кепицазо сонзэ верев и мери тензэ: „ванок, церынем, Ленин бодянт лангс и иляк истофт, больше а несак“.
Да, правда больше кияк а нейсы. Но эряви содамс, что минь а нейсынек анцяк Ильичинь. Сондензэ жо мееле лияць тевзэ, конась зярдыяк а кулы. Сондензэ мееле лияць истямо наследник, — коммунистической партия, — конась тожо зярдыяк а кулы, конась что ие, то седияк пек касы. Те тевсь Ленинынь, комсь ветеве ие сон тейсь ие партиясость, зато сон парсте и теизе. Сон содась, кодамо эряви партия робочейнень и крестьяннэнь, чтобу сынь маштост кода саймекс властест сынцист кец и кирдемс парынестэ.
И робочейть парсте содыть, кинь вийсэ сынь теевить азорокс масторсть лангсо. Аволь жо стяко сынь покш памятник кармасть тейме Лениннэнь. И те памятниксь аволь кевинь. Те памятникс сыньцист эстэде жо. Сынь кармасть кучмо коммунистической партияс самой сек парт ялгасуст. И месец еще эзь ютак, кода кулось Ильич, но уже ламо тысшат робочейть сермадызь пряст коммунистэкс. Вана косо памятниксь, конась зярдыяк а калады.
Вана косо эри Ленинсь.
То истя минек масторцо. Но и лия масторга содыть, ки те Ленинсь. И тосо содыть, что Ленин — се толсь, конасть енов тон молят чопуда вене, зярдо кадуват. Ленин — те се паро эрямось конадость арцить весе не ломатьне, конань сявдексыст лангсо ащить пуцтазь капиталист. Лениндэ ряц содыт. Сондензэ соды дажи кодамияк дикарь Африкасо, конань эснэ поти и муци английской капиталист. Не дикартьне лацесть эстэдинзэ сказкат, кода Христоздо. Сынь кортыть сыньцист ютксо, что сы покш ломань Ленин и максы тенст оля.
Вана мекс минь мердянок, что кулось анцяк Ильич, но Ленин эри. Ленин — те Советской власть, конась пока ащи анцяк трудицянь седейсэ, но курок карми ульме ряц масторсть ланга. Косо робочейть боруцить капиталист марто и теевелть сынцист власть, содак, что тосо Ленин. Ленин — те значит, эряви сиведе кундамс капиталистнэнь, нельгемс властесть кецтысть и максмокс трудицянень. Ленин — те значит, эряви теймекс парыне союз робочейень и крестьяннэнь юткозуст и вейсэ кармамс строямо эрямосость.
Эрзя.