بنک کی جلوہ گری پر غش ہوں
بنک کی جلوہ گری پر غش ہوں
یعنی اس سبز پری پر غش ہوں
گرچہ دنیا کے ہنر ہیں لیکن
اپنے میں بے ہنری پر غش ہوں
برق کی طرح نہ تڑپوں کیوں کر
تیری پوشاک زری پر غش ہوں
اس کی پشواز کی سے لائی باس
اس کی میں گود بھری پر غش ہوں
غش نسیم سحری ہے مجھ پر
میں نسیم سحری پر غش ہوں
اسے کچھ ہو نہ سکا انشاؔ میں
آہ کی بے اثری پر غش ہوں
|
This work was published before January 1, 1929, and is in the public domain worldwide because the author died at least 100 years ago. |