دیوانی فایق بێکەس/سروود
گۆرانی وەتەن
[edit]| خوایە وەتەن ئاوا کەی چەند دڵگیر و شیرینە | |
| ئاوی کەوسەرە، خاکی گەوهەرە | پڕ لە گوڵ و نەسرینە |
| *** | |
| سەیرانگای بەهارانی سەوزەگیای نەرم و جوانی | |
| ئاوی کەوسەرە، خاکی گەوهەرە | پڕ لە گوڵ و نەسرینە |
| *** | |
| شاخی بەفرین و بەرزە بۆ ڕابردوومان ڕەمزە | |
| ئاوی کەوسەرە، خاکی گەوهەرە | پڕ لە گوڵ و نەسرینە |
| *** | |
| ئەم شوێنە شوێنی کوردە جێی قارەمان و مەردە | |
| ئاوی کەوسەرە، خاکی گەوهەرە | پڕ لە گوڵ و نەسرینە |
| *** | |
| وەتەن چاوی لێمانە دەری کەین لە تەنگانە | |
| ئاوی کەوسەرە، خاکی گەوهەرە | پڕ لە گوڵ و نەسرینە |
1935
مورتکەی بازیان
ئەی دلێران
[edit]| ئەی دلێران، بێچوە شێران | بەسیە، هەستن لە خەو، وا بەیانە |
| بۆ بەرزی قەومی کورد | تێکۆشن دەست و برد |
| چاوی لێتانە، دایکی وەتەن | |
| *** | |
| عالەم ئەمڕۆ هەر خەریکە | هەوڵ ئەدا بۆ بەرزیی ژیانی |
| یەک گرن، پێش کەون | ڕاپەڕن، سەرکەون |
| چاوی لێتانە، دایکی وەتەن | |
| *** | |
| مەکتەبە دەرمانی ئێمە | خوێندنە ڕەهبەری ڕزگاری |
| هەستن ئەی لاوی کورد | تێکۆشن دەست و برد |
| چاوی لێتانە، دایکی وەتەن | |
| *** | |
| چارەسازان، کاربەدەستان | بۆ چی وا مات و بێ دەنگ و دوورن |
| ئۆباڵی قەومی کورد | لە ئەستۆی ئێوەیە |
| چاوی لێتانە، دایکی وەتەن | |
بۆ وەتەن
[edit]| دڵ لە دەردی وەتەن | پەست و گیراوە |
| وەک کەوی ناو قەفەس | شەوقی نەماوە |
| ئەگەر ئەیزانی من | چەند پەرێشانم |
| شەو و ڕۆژ ئەی وەتەن | هەر لە گریانم |
| دڵ فیدای خاکت بێ | گشتی گەوهەرە |
| بەفیدای ئاوت بێ | چەشنی کەوسەرە |
| مەنزەرەی کوردستان | بەری بەیانی |
| پاریس و لوبنان | بێ بەقوربانی |
| لە جریوەی چۆلەکە | ئاوازی قومری |
| لە سروەی بای نەسیم | لە خەو هەڵدەسی |
| ئەی کورد بەسیەتی ئیتر | چیت لە نیفاقە |
| واسیتەی پێشکەوتنت | هەر ئیتیفاقە |
| قەومە هەستە وەک شێر | ئێمڕۆ فرسەتە |
| بۆ تەرەققیی قەومی کورد | ڕۆژی هیممەتە |
گۆرانی گۆیژە
[edit]| شاخی ڕەنگاوڕەنگی گۆیژە باعیسی کەیف و سروور | هەردەمە بەرگێ ئەپۆشێ، گا سپی، گا سەوز و سوور |
| وەسفی قەومی کورد ئەکەی تۆ بەم هەموو ڕەنگانەوە | ڕەنگی سوورت شاهیدە بۆ کورد کە قەومێکن جەسوور |
| بەرگی بێ گەرد و سپیشت دیارە وا هاوار ئەکا | قەومی کورد دڵ ساف و پاکن میللەتێکن بێ قوسوور |
| بەرگی سەوزیشت ئەڵێ ئەم خاکە هەر شینایییە | پڕ لە دەغڵ و دان و کانی، سەر بەڕزق و پڕ لە نوور |
| ئەی وەتەن شایانی فەخری واجبە مەدحت بکەم | دار و بەردت عەینی گەوهەر، خاک و خۆڵت وەک بلوور |
سلێمانی
لاوانی وەتەن...
[edit]| لاوانی وەتەن | غیرەتێ بکەن |
| دەی هەستن لە خەو | وا بەسەرچوو شەو |
| نەما زەمانی | جەهل و نەزانی |
| ئەمڕۆ فرسەتە | ڕۆژی هیممەتە |
| بەعیلم و سەنعەت | بەرز ئەبێ میللەت |
| عالەم هەمیشە | خەریکی ئیشە |
| ئیش کەن بەمەردی | بەدەست و بردی |
| یەک دڵ و دەم بن | تا ڕۆژی مردن |
| لاوانی وەتەن | غیرەتێ بکەن |
گۆرانی بۆ مەکتەب
[edit]| وەتەن هاوار ئەکا ئەڵێ هەستن | ئەمڕۆ ڕۆژی هەوڵ و هیممەتە! |
| حەیفە نووستن زۆر دوا کەوتوون | قەومی دواکەوتوو دیل و نەگبەتە |
| ئیش کە بە مەردی بەدەست و بردی بۆ پێشەوە ئەی لاوی کورد | |
| *** | |
| بە خوڵق و کردەوەی شیرین | لەگەڵ یەک وەک برا بژین |
| بەسیە لە دڵ لابەرن قین | ئێمە دوودڵ بووین بۆیە دواکەوتین |
| ئیش کە بەمەردی بەدەست و بردی بۆ پێشەوە ئەی لاوی کورد | |
| *** | |
| عیلمە میللەت ڕزگار ئەکا | جەهلە بەجارێ وەتەن وێران ئەکا |
| کوڕگەل هەستن بۆ وا سستن؟ | وەتەن وا چاوەڕێتان ئەکا |
| ئیش کە بەمەردی بەدەست و بردی بۆ پێشەوە ئەی لاوی کورد | |
1934
مۆرتکە
بۆ گاڵتە و گەپ
[edit]ئەم شیعرانە لە شێوەی قسەکردنی «سەید نووری بەرزنجی کونەکۆتری» دانراوە.
| ئەمن لە تەفتیش چوو لە کوردستان | ئەمن دیت مەنزەر وەک باغ و بیستان |
| لە خۆم زۆر مسرور لە ئەو مەنزەرە | ئاوی جبالی شوبهی کەوسەرە! |
| گولان ئەو حمرا «مختلف الوان»، | شیان تەنەزوه دەیکەن لە خۆیان |
| لەو سەنەی مازی چومان لە پێنجوین | دیتمان زۆر ئەشجار خەزراء و ڕەنگین |
| زۆر پیاوان گەورە چوون لە ئەو جێگا | ئیستغراب کردیان لەم جەدید ڕێگا! |
| دائیرە ئیشغال زۆر جەهد کردی | تەریق سەییارە لە پێنجوێن بردی |
| ڕەشۆڵ موغەننی حارب دەیکردی | قلوب عالەم جلب دەیکردی! |
| ئەو موتەسەریف حازم ئیداری | لایق لەسەر ئەو کورسی وەزاری |
| ئەو سلێمانی دەیکا لە جەننە، | شەخسی موقتەدیر ساحب الهمه |
| یا ڕەب مستقبل ئەم وەتەن خۆمان | ارتيقاء بکات كسائر بلدان! |
«بەناوی قصيدة رائعة للسید نوری الکونە کوتری»
[edit]ئەم شیعرانەشی لەسەر شێوەی ئاخاوتنی سەید نووری بەرزنجی داناوە
| لە خۆم بو مودیر لەو سلێمانی | مودیر تانەوی عەجەب نەزانی |
| لەم ترفيع عەدوو هەموو قەهر کرد | رغما لە ئەوان موقع لەخۆم برد |
| لەم سەنەی حالي زۆر جهد دەیکەم | لە موعەلیمی زۆر ظرف دەیبەم، |
| موتەوسیتە ارتقاء دەیکا، | سائر الوية زۆر غبظ دەیبا |
| وەقتا کە خۆمان لە خارج چوومان | لەو لیوا دلێم موفەتیش بوومان |
| خدمات جیدییەی ئەوان کردم | لاكن مەعاریف موقع لێ بردم |
| قسما بااللة ئەمن زۆر مەحزوون | لەم تحويل اخر جدا غير مەمنوون |
| چونکە لەو بلاد من نییە تاقەت | لازم هەر مەشغول لە حەمد و تاعەت |
| طبع خۆم مائل لە کیف و حارب | لاكن في الظاهر تقي و مؤدب |
| من کە لەسەر خۆم دەیکەم عەمامە | لازم توزانی ئەو بۆ مەرامە |
| في الحقيقة خۆم سید بەرزنجی | اخلاق و اعمال خۆم زۆر برنجي |
| لەو عاصمة خۆ مشهور و معروف | زۆر استفادة دەیکەم لە ظروف |
| ئەو وەتەنیەکان مفلس و برسی | نای بەن مثل خۆم لە خۆیان کورسی |
| ئەوان حەز دەیکەن لە موشاغەبە | ارتقاء خۆیان چی موناسەبە! |
| چونکە نەزانن اصول ادارة | لە جمع ثروەت زۆر بێ مهارە! |
| نسیحەت دەیکەم خۆم بەئەوشیان | لازم منية ئەبن لە خۆیان |
| ئەو عزت نفس بلاء معیبە، | لە جمع ثروەت هەرشت مصيبة! |
بۆ سەید نووری بەرزنجی الکونە کوتری دانراوە!
[edit]| ئەو سليماني جدا لطيف | ولاسيما لة فصل خريف |
| مناخ معتدل اثمار مختلف | اشهد باللة لة خۆم معترف |
| لاكن لةو بلدە هیچ نییە عومران | بەمرقد باوکم مثل سەر قەبران |
| علوا متصرف دەبم لە یەک سال | انقلاب سهول دەیدە بە احوال |
| ئەو سلێمانی دەبی لە جنت | ازدهار دەیکا لە عيلم و صنعت! |
| جميع شوارع تةبليط دەیکردم، | یەک شهرەت گەورە لە خۆم دەیبردم |
| ابنية عصري لە طراز حديث | نەشر دەیکردم تفسير و حديث |
| توظف نەیکا خۆم شخص خرافي | بەس یەک اشارة لە عاقل كافي |
| ئەم بلد حالی مظرة حزينة | لازم حدائق لە ئەو مدينة! |
| خۆم بعون اللة زۆر امل دەیکەم | ئەو دقت زانی چۆن عمل دەیکەم |
| مثل هەموو شت لەو منصب جديد | اقتراح ئەیکەم یەک فكر سديد |
| طبعا خۆم عالم لە لوغەت کوردی | عدة قراءة ترجمە کردی |
| بعض لە اشخاص مثل خۆم عاقل | لەو لسان کوردی زۆر عالم فاضل |
| تشويقات ئەیکەم بەئەوان هەر جار | تأليف حالی خۆم بیکەن انتشار! |