نشہ میں سہواً کر لی توبہ
نشہ میں سہواً کر لی توبہ
ایسی بھولی الٰہی توبہ
حج میں جب یاد آئیں وو آنکھیں
طاق حرم پر رکھ دی توبہ
واعظوں سے رندوں میں آئی
پھرتی ہے بہکی بہکی توبہ
قسمیں کھا کر پھر سے پینا
منہ کا نوالہ ٹھہری توبہ
دام میں پھانسا موجۂ مے نے
اک جھٹکے میں ٹوٹی توبہ
بحر گنہ سے پار اتارا
کشتیٔ رحمت ٹھہری توبہ
پی کے منیرؔ اب بادۂ کوثر
مست ہوئی ہے میری توبہ
|
This work was published before January 1, 1929, and is in the public domain worldwide because the author died at least 100 years ago. |