कइसे के आईं कान्हा तोहरी सेजरिया
कइसे के आईं कान्हा तोहरी सेजरिया से डरवा लागे ना।
हमरो धरके ला करेजवा से डरवा लागे ना।
कल पा परेला सखिया निनिया हेरइली रतिया भूली गइले ना।
मोरा सोरहो सिंगारवा रतिया भूली गइलें ना/कान्हा।
एही रे इरीखवे जमुना डूबी धँसी जइबों से महुरवा खइबों ना।
तेजब आपन हम परानवाँ से महुरवा खइबों ना/कान्हा।
सून भइलें मोर भवनवाँ से परदेसिया भइलें ना/कान्हा।
कहत महेन्दर स्याम मानऽना कहनवाँ से कइसे अइहें ना।
मोरा मांग के सेनूरवा राम से कइसे अइहें ना।
|
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author. | 
|