გინოსქილადა
წყარ მოსოფუნს პელაგონი,
მოუღ შქვიდელ ცხენ დო ჩხოუ,
ბოში ქირქეშ დუს გიმარე
დუდიშ შქვიდაშ არზი ორუ...
წყარს მეუფიორ ლილი ჩქიჩქი,
ბოშიქ მერქას თოლ ქაკინდუ,
ვალას თექჷ ქინაჟვენგუ
სოდეთ მართუ ინიირთუ...
გაჭყორდ მუში უჩა არზიქ,
ორგიათი ქუგაჸუნუ
მართუს კინჩხი გემკუტახუ,
ჩქიჩქი ლეკის ქეკახუნუ.
ქირქეშ დუსჷ ქიგმადირთჷ
ჩქიჩქ კიდირშა ხუტოლერო,
თქუ: დუს ანწი დღას ვეპილუ,
თე ჩქიჩქ ოკო მობრდე გერო...