ენოტახილი რე ბოგა
არნახული სისასტიკით გაუსწორდნენ "ძაღლის ენაზე" მოლაპარაკე მეგრელებს.
(ქორთუ ჟურნალისტიშ ნაჭარა)
ავტომატიშ თუდო რინაქ
ჯოჯოხეთიცალო გორთჷ,
მარგალს ვა ჩინებულენა
ომარგალე პოპორს ორთჷ!..
ჟიშე ინგირ მოღვარანსჷ,
მოკიჟინჷნს დიდა-მონკა:
კოლხეფი დო იბერეფ შქას
ენოტახილი რე ბოგა!..
მა მარგალეფს ვალამუსე:
ჩხუპ ვამკონა თინეფწკუმა,
ჩილათირი რენა, დუდი
ჩქინ უჯგუსო მიორჩქუნა...
...ოდო კოლხის ვეჩინენა,
ვედინწყუაფ თე ქიანა,
ხინჯი ჩქინ შქას ვეგიდვალუ
ოდო პატის ვეგებდვანა...
კოჩ ვამძირჷ, ოქორთუე
ქუჸორდუნი მარგალ შორო,
გოჯოგელო, ინა ჩქინი
ქოღირუნო წორო-წორო?!
1993 წანა, ქირსეთუთა.