კახმა
ირკოჩი თის ეკაჯინე,
მეულაჸაფუ ჩხეშა ფართო,
ჭიჭეს ეთილინუანსჷნ
აქვათალჷ ირფელ ართო...
კიდირ ნიკის მიკაწაწჷ,
წყურკაკაშა განთხი - ლარი,
დღაშ დო სერით ეკაბუძოლ
მაპეჯებელ-მათხილარი...
ათე ჩეშმან რუსიშ ძღაბის
მუთუნ ვამოპატონანს,
ელაქაქილ ქორექჷ და
ვაუძიცუენ, ვა რღოლანს...
ხურხის ტიბას ქეთქაკირუ,
გორჩქილუანს მადონას,
ვაიჩქუნ თეშ გორშვებელანს
კუჩხით ირთუქ აშონანს...
ათე რუსიშ გოდირგილს
მუთუნ ვამოპატონანს...