ლაწკარეფი "ნანაშ ნინაშოჲ-ო"
ტჷ გოფშაფილ ჩხოულეფი
ჸუდეს მიოღვარანა,
ბჟას ოჭმარე-ონჯუას
დერგის ენაჭვალანა
ღეჯი ნეძის გითორე,
ნეძის გითიტკუმორუ,
რინტუ ფერდის მიკორე,
ცურუს მიკიცქუმორუ...
ქვერსემ, უჩა კამბეშეფი
ტყორტყოს ენოჯანუნა,
მაჭვალეფსჷ გიშაგორნა
ჭინით ეშარაჸუნა...
ოზეშ ხასლას, ღანდაშ იქლე,
ენიშვაშვალ ორტვინონა,
კონკერს დუს ურაჸუანა
ქინძი, მაკინდოლი, სონა....
დუჸიეფი მინდორიას
ოდიარეს ცვანგუნა,
დიო ოფიჸვინანა
მუმულია ვაჸუნა...