პიჯი წყარით მაფნა ეფშა
ირო მუშენ იბიბრათჷ:
"აშო ჩელა, იშო ბუსკა",
დიდალეფიშ ჩილამურსჷ
გოურზათი ხოლო მუსხანს...
მუსხანს ოკო იბნგარათჷ:
"სი მონობაშ გეგაფილი",
მუსხანს ოკო იბიბრათჷ:
"სი კისერი ელაფირი"...
დღემუშიშე მიკორთელი
ვა შქიდედეს მარგალეფშა,
დიოდღარო ღორჯოცალო
პიჯი წყარით მაფნა ეფშა...
მუქ მაღოლეს, დეფჩიჩითო,
ქოღირუნო შურიშ დგუმა,
ხოლო ხონარ ვეშებღით და
უფრაშ უღუს ქიმნობდგუნა...
1993 წ. ივანობა