ქუჯი
ქუჯი, სი სქან ომაფესჷ,
ლიხიშ გვალაშ მელე-მოლე
მაფა ზოჯუნდჲ ღმალიერი
ფარნავაზიშ ოწოხოლე..
სი თის უწი: მოზოჯ ჯუმა,
ჩქინ შქას ზისხერ ვადვობათი,
ბჟაეიოლშე სი ქორდა დო
ბჟადაალშე იპიქ მათი...
... გოჭყოლადაშ წკვერემეფშე
გეითოფალუნს სქანი ფსუა,
რექ კოლხეფიშ ზისხერიშ დო
ეგრისიში დიდი სქუა...
ოქორთუეს შურ უდგჷნი,
ჭყოლოფა რე, ქუჯი, სქანი,
ქორთუეფქჷ გეზოჯან დო
სი გირგული დოიშქვანი...
სი დიტენი თი ჸოროფა
ამდღა ოქორთუეს ვარე,
თე ქიანას კინ სი ოკო,
კინ სი ოკო ქიმეხვარე...