おもろさうし/第二十

こめすおもろの御さうし 天啓三年癸亥三月七日 第二十

しよりちよわちへが節

20-1331(1)

一米須世の主の／きみくらよ／きみくらす／按司　栄せ／又真物世の主の

一くめすよのぬしの／きみくらよ／きみくらす／あんし　はやせ／又まもんよのぬしの

うらおそい節

20-1332(2)

一石原たうぐすく／良かるたうぐすく／神てだの／守りゆわるぐすく／又石原世の主の／げらへたる御ぐすく／又軍　寄せるまじ／敵　寄せるまじ

一いしやらたうくすく／ゆかるたうくすく／かみてたの／まふりゆわるくすく／又いしやらよのぬしの／けらへたる御くすく／又いくさ　よせるまし／かたき　よせるまし

あおりやへが節

20-1333(3)

一よたま子ぎや　おもろ／御顔　愛しけ／末　長く／世　持ちよわれ／又石原世の主の／真物世の主の

一よたましきや　おもろ／おかう　かなしけ／すゑ　なかく／よう　もちよわれ／又いしやら世のぬしの／まもんよのぬしの

うらおそい節

20-1334(4)

一摩文仁石ぐすく／摩文仁金ぐすく／天頂は　あいつまに／又黒皮の鎧　いきやかせ／糸通しに　みなち

一まふにいしくすく／まふにかなくすく／あまつゝは　あいつまに／又くろかわのよろい　いきやかせ／いととうしに　みなち

ちやうやうへましが節

20-1335(5)

一波比良　在つる御腰／根国　在つる剣／世添いの御腰　ゑ／真玉ど　照り居る／又福地　在つる御腰／根国　在つる剣

一はひら　あつるみこし／ねくに　あつるつるき／よそいのみこし　ゑ／またまと　てりよる／又ふくし　あつるみこし／ねくに　あつるつるき

うらおそい節

20-1336(6)

一波比良杜ぐすく／石橋は　こので／よきあがりしよ／手摩て　栄よわれ／又根国杜ぐすく

一はひらもりくすく／いしはしは　このて／よきあかりしよ／てつて　ふさよわれ／又ねくにもりくすく

てくらんのたらちへが節

20-1337(7)

一山内太郎兄部／良かる太郎兄部／御顔　下垂りやが　清らや／又今日の良かる日に／今日のきや〳〵ろ日に／又山城　おわる／意地気清ら按司の

一やまきたらすさへ／よかるたらすさへ／おかう　したたりやか　きよらや／又けおのよかるひに／けおのきや〳〵ろひに／又やまくすく　おわる／いちへききよらあんしの

やまき節

20-1338(8)

一山内太郎兄部／良かる太郎兄部／百度　ちよわれ　み御殿／又島寄せは　造て／里寄せは　造て

一やまきたらすさへ／よかるたらすさへ／もゝと　ちよわれ　みおとん／又しまよせは　つくて／さとよせは　つくて

やまき節

20-1339(9)

一山内太郎兄部／良かる太郎兄部／一のなより人　手摩て／又今日の良かる日に／今日のきや〳〵ろ日に／又月は　枕　しよわちへ／てだは　腰当て　しよわちへ

一やまきたらすさへ／よかるたらすさへ／いちのなよりきよ　てつて／又けおのよかるひに／けおのきや〳〵ろひに／又月は　まくら　しよわちへ／てたは　こしやて　しよわちへ

やまき節

20-1340(10)

一山内太郎兄部／良かる太郎兄部／百島　引き寄せる鷲／又今日の良かる日に／今日のきや〳〵ろ日に

一やまきたらすさへ／よかるたらすさへ／もゝしま　ひきよせるわし／又けおのよかるひに／けおのきや〳〵ろひに

やまき節

20-1341(11)

一山内太郎兄部／良かる太郎兄部／綾踊り　奇せ踊りが　見物／又山城　おわる／意地気清ら按司の／又君良しぎや　下に／世誇りぎや　前に

一やまきたらすさへ／よかるたらすさへ／あやより　くせよりか　みもん／又やまくすく　おわる／いちへききよらあんしの／又きみよしきや　したに／よほこりきや　まへに

やまき節

20-1342(12)

一山内太郎兄部／良かる太郎兄部／弟者　行き合へしよわちへ／十百度の　お誇りしよわちへ／又今日の良かる日に／今日のきや〳〵ろ日に／又あし川に　ちよわちへ／雲清水　ちよわちへ

一やまきたらすさへ／よかるたらすさへ／おとちや　いきやへしよわちへ／ともゝとの　おほこりしよわちへ／又けおのよかるひに／けおのきや〳〵ろひに／又あしかわに　ちよわちへ／くもさうす　ちよわちへ

やまきおもろの節

20-1343(13)

一山内子　兄部子／打ち寄せれ　掻き寄せれ／又兼城　我が親国

一やまきし　すさへし／うちよせれ　かきよせれ／又かねくすく　わかおや国

にしかないの節

20-1344(14)

一山内子ぎや／兄部子ぎや　おもろ／揚がる望月／君の　清らや／又福地　おわる／根国　おわる　世の主

一やまきしきや／すさへしきや　おもろ／あかるもちつき／きみの　きよらや／又ふくし　おわる／ねくに　おわる　よのぬし

あがるもちづききみの節

20-1345(15)

一山内仁屋が／兄部子ぎや　おもろ／西貢　寄せて／又　良く　勝る　東貢／前　寄せて　ちよわれ／又福地　おわる／根国　おわる　世の主

一やまきにやか／すさへしきや　おもろ／にしかない　よせて／また　よく　まさる　ひかかない／まへ　よせて　ちよわれ／又ふくし　おわる／ねくに　おわる　世のぬし

たまぐすくあまつゞが節

20-1346(16)

一山城げらへ清ら杜に／国寄せ　げらへる　清らや／又ましやかすに／さりよこう　為ちへ　見居れば／又赤口が　ぜるまゝが　依い憑き

一やまくすくけらへきよらもりに／くによせ　けらへる　きよらや／又ましやかすに／さりよこう　しちへ　みよれは／又あかくちやか　せるまゝか　ゆいつき

やまき節

20-1347(17)

一山内太郎兄部／良かる太郎兄部／親思ひ／子思ひ　しよわちへ／ゑ　け　誇ら／又大里のてだと／上江洲世の主と

一やまきたらすさへ／よかるたらすさへ／おやおもひ／くわおもひ　しよわちへ／ゑ　け　ほこら／又大さとのてたと／おゑす世のぬしと

きたたんのよののしが節

20-1348(18)

一山城貴み人／まちやよす　削れ／石ら子　削たる　清らや／又石斧　こので／金斧　こので

一やまくすくたゝみきよ／まちやよす　けすれ／いしらこ　けすたる　きよらや／又いしおうの　このて／かなおうの　このて

うらおそい節

20-1349(19)

一山城貴み人／神　衆生　揃て　歓へ／又一のなより人が

一やまくすくたゝみきよ／かみ　すちや　そろて　あまへ／又いちへのなよりきよか

うらおそい節

20-1350(20)

一精有る国添いぎや／上里杜　降れわちへ／百度揚がり／踏み揚がて　ちよわれ／又気有国添いぎや／又今日の良かる日に／今日のきや〳〵ろ日に／又直り世は　さだけて／歓へ世は　さだけて

一せやるくにおそいきや／おゑさともり　おれわちへ／もゝとあかり／ふみあかて　ちよわれ／又けう有くにおそいきや／又けおのよかるひに／けおのきや〳〵ろひに／又なおりよは　さたけて／あまへよは　さたけて

ふるけむのろの節

20-1351(21)

一聞ゑ上里に／うらこやの宣るむ／又鳴響む上里に

一きこゑおゑさとに／うらこやのせるむ／又とよむおゑさとに

ふるけむのろの節

20-1352(22)

一聞ゑ上里杜に／八千代　見つめてだ／又鳴響む上里に

一きこゑうゑさともりに／やちや　みつめてた／又とよむおゑさとに

たよんなかみねが節

20-1353(23)

一真壁太郎ひ思い／笑顔に　輝／御顔　並で／又大里のてだよ／桜色のてだよ

一まかひたらひよもい／ゑかうに　きやか／おかう　ならて／又大さとのてたよ／さくらいろのてたよ

あおりやへが節

20-1354(24)

一真壁　おわる／根国　おわる　世の主／百島　島　討ちちへ　凪やけれ／又真壁人　選びよわちへ／又掟　選びよわちへ／又那覇港／橋　渡ちへ　道　渡ちへ／又那覇　渡て／いなそ嶺　淀しよわ

一まかひ　おわる／ね国　おわる　よのぬし／もゝしま　しま　うちちへ　とゝやけれ／又まかひ人　ゑらひよわちへ／又おきて　ゑらひよわちへ／又なはみなと／はし　わたちへ　みちへ　わたちへ／又なは　わたて／いなそみね　よとしよわ

あおりやへが節

20-1355(25)

一聞ゑ大里に　ころすな／玉わ　寄り居れ／又鳴響む大里に

一きこゑ大さとに　ころすな／たまわ　よりよれ／又とよむ大さとに

あおりやへが節

20-1356(26)

一聞ゑ大里に／聞ゑ筑紫ちやら／取遣り　栄ゆわれ／又鳴響む大里に／又鳴響む筑紫ちやら

一きこゑ大さとに／きこゑつくしちやら／とやり　ふさゆわれ／又とよむ大さとに／又とよむつくしちやら

もゝとふみあがりが節

20-1357(27)

一大里のてだの／てだ清ら按司の／御愛してだ／又桜色のてだよ／真玉色のてだよ

一大さとのてたの／てたきよらあんしの／みかなしてた／又さくらいろのてたよ／またまいろのてたよ

あおりやへが節

20-1358(28)

一飽かず君添いや／見やかね寄り杜に／上下　揃て　みおやせ／又聞ゑ大里に／又鳴響む大里に

一あかすきみおそいや／みやかねよりもりに／かみ下　そろて　みおやせ／又きこゑ大さとに／又とよむ大さとに

あおりやへが節

20-1359(29)

一聞ゑ大里に／玉の三廻り／百連れ　貫ちへ／持ちちへ　みおやせ／又鳴響む大里に／又腰当てなつこもい

一きこゑ大さとに／たまのみつまわり／もゝつれ　ぬちへ／もちちへ　みおやせ／又とよむ大さとに／又こしやてなつこもい

あおりやへが節

20-1360(30)

一聞ゑ大里に／見物する　遊び／鳴響めば　見〔る〕すが　勝り／又鳴響む大里に／又十百人が　中に／八百人は　選で

一きこゑ大さとに／みもんする　あすひ／とよめは　み〔る〕すか　まさり／又とよむ大さとに／又ともゝそか　なかに／やもゝそは　ゑらて

げらへびやうぶが節

20-1361(31)

一大里の下司の思ひ按司／神てだよ／つほこ　し遣り　ちよわれ／又島尻の下司の

一大さとのけすのおもひあち／かみてたよ／つほこ　しやり　ちよわれ／又しましりのけすの

あおりやへが節

20-1362(32)

一大里の鳴響み杜ぐすく／世掛け鷲　捕りよわちやる　勝り／又差笠が／君の按司の　金鳥／又中辺頂／雲居頂　舞う鳥

一大さとのとよみもりくすく／よかけわし　とりよわちやる　まさり／又さすかさか／きみのあんしの　かねとり／又なかへつちへ／くもいつちへ　まうとり

うらおそいやさけどあるなが節

20-1363(33)

一大里は　神酒国／ゑ　け　世　添て　ちよわれ／又大里の酒国

一大さとは　みきくに／ゑ　け　よ　そわて　ちよわれ／又大さとのさけくに

きせのしが節

20-1364(34)

一兼城のろの／守りよわる弟勝り　やぐめさ／大和軍　寄せらや／又国かねののろの

一かねくすくのろの／まふりよわるおとまさり　やくめさ／やまといくさ　よせらや／又くにかねののろの

おもたが節

20-1365(35)

一我那覇　鳴響み／御駄　鷲毛／熊鷹の槍　栄よわれ／又浦崎に　鳴響み

一かなは　とよみ／みちや　わしけ／くまたかのやり　ふさよわれ／又うらさきに　とよみ

うらおそい節

20-1366(36)

一我那覇杜／鳴響み杜ぐすく／なよ宣り人／まきよの数　てはわ　言へ／又赤かがい／玉かがい　落ちやむ／又盗人猫す／隠と猫す　盗たらめ

一かなはもり／とよみもりくすく／なよせりきよ／まきよのかす　てはわ　いへ／又あかかかい／たまかかい　おとちやむ／又ぬすとみやす／かくとみやす　とたらめ

しよりま人の節

20-1367(37)

一つるこにくけ／良かるにくけ／清らや　誇ら／又我那覇掟／鳴響み掟／又あきねなの浜崎／又幕　引き遣り／蚊帳　下げて／又按司は　使い／ちやらは　使い

一つるこにくけ／よかるにくけ／きよらや　ほこら／又かなはおきて／とよみおきて／又あきねなのはまさき／又まこ　ひきやり／かちや　さけて／又あちは　つかい／ちやらは　つかい

うらおそい節

20-1368(38)

一浦崎の平良に／鼓　打ちちへ　遊べば／ゑの子　平良子さらめ／又崎枝の平良に

一うらさきのたいらに／つゝみ　うちちへ　あすへは／ゑのし　たいらしさらめ／又さきよたのたいらに

うらおそい節

20-1369(39)

一西の世の主／大嶺の　使い／歓ゑて　輝ちよわれ／又今日の良かる日に／又今日のきや〳〵ろ日に

一にしのよのぬし／大みねの　つかい／あまゑて　かかちよわれ／又けおのよかるひに／又けおのきや〳〵ろひに

あおりやへ節

20-1370(40)

一大きてが　おもろ／島踊りや　勝り／隠し金　見ちやる／又太郎子思ひが　おもろ／又真しけつに　ちよわちへ

一大きてか　おもろ／しまよりや　まさり／かくしかね　みちやる／又たらこもいか　おもろ／又ましけつに　ちよわちへ

さはちへきよが節

20-1371(41)

一屋良座大司／吾がころよ　見守て／神座ぎやで　鳴響で／又屋良座若司／又精軍　押し発てば／又はゝら　押し発てば

一やらさ大つかさ／あかころよ　みまふて／かくらきやて　とよて／又やらさわかつかさ／又せいくさ　おしたては／又はゝら　おしたては

ふねたてばが節

20-1372(42)

一阿嘉の子が　大里　行ぢへ／大里の思ひ出ぢへのてだ／又饒波の子が　島尻に　行ぢへ／又代　積い　枡　見ちやる

一あかのこか　大さと　いちへ／大里のおもひいちへのてた／又ねはのこか　しましりに　いちへ／又しろ　つもい　ましい　みちやる

ふねたてばが節

20-1373(43)

一阿嘉の子が　饒波の子が／百ぢやらの　群れ思ひてだ／又大里は　里からる／又かでし川　水からる

一あかのこか　ねはのこか／もゝちやらの　ふれおもひてた／又大さとは　さとからる／又かてしかわ　みつからる

首里大君ぎやおもろのさうし（首里大きみぎやおもろのさうし）

あぢおそいしよよしれが節

20-1374(44)

一首里大君ぎや／鳴響む国添いや／国　栄て　ちよわれ／又京の内に　戻て／もちる内に　戻て／又成さい人思い按司添い／成さい人思い貴み人／又眼　合わちへ　並で／御顔　合わちへ　並で／又明けま年　成らば／向かう年　成らば／又君手摩り　誇れ／神使い　このめ／又今日とまに　依り降れや／吉日選びの　依り降れや／又寄り満ちへが　おより／せぢ寄せが　なおさ／又降れら数　守ら／遊ば数　掻い撫でら

一しより大きみきや／とよむくにおそいや／くに　ふさて　ちよわれ／又けおのうちに　もとて／もちるうちに　もとて／又なさいきよもいあちおそい／なさいきよもいたゝみきよ／又あまこ　あわちへ　ならて／みきやう　あわちへ　ならて／又あけまとし　ならは／むかうとし　ならは／又きみてつり　ほこれ／かみつかい　このめ／又けおとまに　よりおれや／ゑかゑらひの　よりおれや／又よりみちへか　おより／せちよせか　なおさ／又おれらかす　まふら／あそはかす　かいなてら

20-1375(45)

一首里大君ぎや／末　選び遣り　降れわちへ／君ぎやせぢ／もちよる為ちへ　みおやせ／又鳴響む国守りぎや／真末　選び遣り　降れわちへ／又首里杜　ちよわる／英祖にや末按司添い／又真玉杜　ちよわる／てだが末按司添い／又見物内の真庭に／国揚がりは　煽らちへ／又かわるめの御内に／君撓い　煽らちへ／又聞得大君ぢよ／ゑりちよ　遣り交わちへ

一しより大きみきや／すゑ　ゑらひやり　おれわちへ／きみきやせち／もちよるなちへ　みおやせ／又とよむくにもりきや／ませ　ゑらひやり　おれわちへ／又しよりもり　ちよわる／ゑそにやすへあんしおそい／又またまもり　ちよわる／てたかすへあんしおそい／又みもんうちのまみやに／くにあかりは　あふらちへ／又かわるめのみうちに／きみしない　あふらちへ／又きこゑ大きみちよ／ゑりちよ　やりかわちへ

あおりやへが節

20-1376(46)

一首里大君ぎや／此の吉日の　依り降れや／末にぎやめ／真強く　ちよわれ／又鳴響む国添いぎや／此のきらの　憑き降れや／又貴み人／肝　栄て　遊で／又見物清ら　煽らちへ／おぼつ嶽　よりきちへ／又国栄い　押し立て／神座杜　響ちへ／又大君に　よ治られ／てるかはに　宣立てれ

一しより大きみきや／このゑかの　よりおれや／すへにきやめ／まちよく　ちよわれ／又とよむくにおそいきや／このきらの　つきおれや／又たゝみきよ／きも　はへて　あすて／又みもんきよら　あふらちへ／おほつたけ　よりきちへ／又くにふさい　おしたて／かくらもり　ひゝちへ／又大きみに　よしられ／てるかはに　のたてれ

あおりやへ節

20-1377(47)

一首里大君ぎや／首里杜　降れわちへ／按司添いしよ／せぢ　勝て　ちよわれ／又鳴響む君鳴響みぎや／真末　願て　降れわちへ／又あまみやから／精の君やれば／又しねりやから／相手君やれば／又さしふ　五ころに／見守てす　降れたれ／又もつき　七ころに／掻い撫でゝす　降れたれ／又大君ぎや　御想ぜ／てるかはゝ　宣立てゝ

一しより大きみきや／しよりもり　おれわちへ／あんしおそいしよ／せち　まさて　ちよわれ／又とよむきみとよみきや／ませ　ねかて　おれわちへ／又あまみやから／すゑのきみやれは／又しねりやから／あいちへきみやれは／又さしふ　五ころに／みまふてす　おれたれ／又もつき　七ころに／かいなてゝす　おれたれ／又大きみきや　おさうせ／てるかはゝ　のたてゝ

あおりやへ節

20-1378(48)

一首里大君ぎや／首里杜　降れわちへ／按司添いしよ／せぢ　勝て　ちよわれ／又鳴響む国添いぎや／真玉杜　降れわちへ／又按司添いが　おより／王にせが　おより／又きらの数　降れわちへ／吉日の数　降れわちへ／又降れら数　見守ら／遊ば数　見守ら

一しより大きみきや／しよりもり　おれわちへ／あんしおそいしよ／せち　まさて　ちよわれ／又とよむ　くにおそいきや／またまもり　おれわちへ／又あんしおそいか　おより／わうにせか　おより／又きらのかす　おれわちへ／ゑかのかす　おれわわちへ／又おれらかす　みまふら／あすはかす　みまふら

あおりやへ節

20-1379(49)

一聞へ宣ん君ぎや／成り人　降れ栄て／成さい人思い王にせ／せぢ　勝て　ちよわれ／又鳴響む君鳴響みぎや／いけな　降れ直ちへ／又見物内の真庭に／遊で直ちへからは／又かわるめの真庭に／誇て直ちへからは／又さしふ　五ころに／降れ直ちへからは／又もつき　七ころに／見守てす　降れたれ／又首里杜　ちよわる／吾が成さい人王にせ／末　長く／せぢ　勝て　ちよわれ／又真玉杜　ちよわる／吾が成さい人王にせ

一きこへせんきみきや／なりきよ　おれふさて／なさいきよもいわうにせ／せち　まさて　ちよわれ／又とよむきみとよみきや／いけな　ふれなおちへ／又みもんうちのまみやに／あすてなおちへからは／又かわるめのまみやに／ほこてなおちへからは／又さしふ　五ころに／おれなおちへからは／又もつき　七ころに／みまふてす　おれたれ／又しよりもり　ちよわる／あかなさいきよわうにせ／すゑ　なかく／せち　まさて　ちよわれ／又またまもり　ちよわる／あかなさいきよわうにせ

あおりやへ節

20-1380(50)

一聞ゑ宣ん君ぎや／末　尋まへて　降れわちへ／按司添いに／島が命　みおやせ／又鳴響む君鳴響みぎや／真末　願て　降れわちへ／又あまみやから／精の君やれば／又しねりやから／相手君やれば／又さしふ　五ころに／見守てす　降れたれ／又むつき　七ころに／掻い撫でてす　降れたれ／又大君ぎや　御想ぜ／てるかはゝ　宣立てゝ

一きこゑせんきみきや／すへ　とまへて　おれわちへ／あんしおそいに／しまかいのち　みおやせ／又とよむきみとよみきや／ませ　ねかて　おれわちへ／又あまみやから／すゑのきみやれは／又しねりやから／あいちへきみやれは／又さしふ　五ころに／みまふてす　おれたれ／又むつき　七ころに／かいなててす　おれたれ／又大きみきや　おさうせ／てるかはゝ　〔の〕たてゝ

うらおそい節

20-1381(51)

一聞ゑ玻名城／板門　もちろかちゑ／君が京の内ろ／かに　ある／又鳴響む玻名城

一きこゑはなくすく／いちやちや　もちろかちゑ／きみかけおのうちろ／かに　ある／又とよむはなくすく

20-1382(52)

一聞ゑ玻名城／差笠は　手摩て／君が金内ろ／かに　ある／又鳴響む玻名城

一きこゑはなくすく／さすかさは　てつて／きみか金うちろ／かに　ある／又とよむはなくすく

うらおそい節

20-1383(53)

一聞ゑ玻名城／吾が成さす　似せたれ／だに　想ぜて／報為　勝りよわちへ／又鳴響む玻名城

一きこゑはなくすく／あかなさす　にせたれ／たに　さうせて／ふため　まさりよわちへ／又とよむはなくすく

うらおそい節

20-1384(54)

一聞ゑ玻名城／煽り　三つ　立てゝ／吾が成さす／島の主　似せたれ／又鳴響む玻名城

一きこゑはなくすく／あおり　みつ　たてゝ／あかなさす／しまのぬし　にせたれ／又とよむはなくすく

うらおそい節

20-1385(55)

一聞ゑ玻名城／煽り数　立てゝ／神座の京の内ろ／かに　ある／又鳴響む玻名城

一きこゑはなくすく／あおりかす　たてゝ／かくらのけおのうちろ／かに　ある／又とよむはなくすく

うらおそい節

20-1386(56)

一聞ゑ差笠が／鳴響む差笠が／綾鷲　寄せる　玻名城／又聞ゑ玻名城／鳴響む玻名城

一きこゑさすかさか／とよむさすかさか／あやわし　よせる　はなくすく／又きこゑはなくすく／とよむはなくすく

うらおそい節

20-1387(57)

一聞ゑ玻名城／鼓　おわもりや／国鳴響み／又鳴響む玻名城

一きこゑはなくすく／つゝみ　おわもりや／くにとよみ／又とよむはなくすく

うらおそい節

20-1388(58)

一聞ゑ玻名城／鳴響む玻名城／鼓の按司　国鳴響み／又玉とりに　在つる／こらうし　直ちゑ

一きこゑはなくすく／とよむはなくすく／つゝみのあんし　国とよみ／又たまとりに　あつる／こらうし　なおちゑ

うらおそい節

20-1389(59)

一聞ゑ玻名城／百倉　引き連れる／御倉　げらへ／又鳴響む玻名城

一きこゑはなくすく／もゝくら　ひきつれる／御くら　けらへ／又とよむはなくすく

うらおそい節

20-1390(60)

一玻名城たゞな子す／かて〳〵按司に　思われゝ／又下の世の主す／真人　輝しよわれ

一はなくすくたゝなしす／かて〳〵あんしに　おもわれゝ／又しものよのぬしす／ま人　きやかしよわれ

中城おもろの節

20-1391(61)

一沖縄玻名城ちやらの／実にや　へらい欲しや／又沖縄玻名城てだ

一おきなわはなくすくちやらの／けにや　へらいほしや／又おきなわはな城てた

ちやうやうへまのしが節

20-1392(62)

一玉とりに　在つる／麗し花　折ちゑ／浦鳴響むまちらす　付けれ／又せるましに　在つる

一たまとりに　あつる／うるわしはな　おちゑ／うらとよむまちらす　つけれ／又せるましに　あつる

たづな節

20-1393(63)

一玻名城　おわる／御愛しのてだの／苦世　甘世　為す　てだ／又国の根に　おわる

一はなくすく　おわる／みかなしのてたの／にかよう　あまよ　なす　てた／又国のねに　おわる