Ban/Gaguritan Janmaprawreti 03
Deskripsi
[edit]Bahasa Indonesia
[edit]Geguritan ini berisi tentang perjalanan manusia mulai dari dalam kandungan sampai mati. Dijelaskan pula tentang upacara yang dilaksanakan dan benten yang dihaturkan, mulai dari manusia di dalam kandungan sampai mati. Dijelaskankan juga tentang Panca Yadnya, Nama-nama Dewa Dewi beserta tempat bersemayamnya, petuah-petuah tentang kebaikan sebagai manusia dalam menjalani kehidupan. Di akhir Geguritan, menceritakan sedikit tentang Mayadanawa.
Bahasa Inggris
[edit]Naskah
[edit][ 1 ][PERPUSTAKAAN
KTR. DOKBUD BALI
PROP. BALI
G/VIII/10/DOKBUD]
Nama/Judul : Gag. JANMA-PRAWRETI-3
Panj : 45 cm. Leb. 3,5 cm. Jml. 23 lb.
Asal : geriya Jlantik, Subagan, Kr. asem.]
[᭑ 1A]
[Nama/Judul : Gag. JANMA-PRAWRETI-3
Panj : 45 cm. Leb. 3,5 cm. Jml. 23 lb.
Asal : geriya Jlantik, Subagan, Kr. asem.] [ 2 ][᭑ 1B]
᭑
᭚᭜᭚
ᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬧᬸᬄᬧᬋᬓᬦ᭄᭚᭜᭚ᬧᬗ᭄ᬓᬸᬃᬳᬗ᭄ᬕᬾᬦ᭄ᬢᬯᬶᬢ᭄ᬢᭂᬫ᭄ᬩᬂ᭞ᬗᬶᬭᬶᬂᬳᬶᬤ᭄ᬥᬵᬧᬸ᭠ᬢᬸᬲᬶᬂᬇᬰ᭄ᬯᬭᬵᬬᭀᬕᬶ᭞ᬯᬶᬪᬸᬳᬶᬂᬳᬚ᭄ᬜᬡ᭄ᬦᬵᬢᬸᬢᬹᬃ᭞ᬧᬗ᭄ᬕᬦᬶᬂᬲᬭᬵᬰ᭄ᬯᬢ᭄ᬬᬵ᭞ᬯᬶᬘᬓ᭄ᬱᬡ᭄ᬦᬵᬲᬸᬲᬶᬮᬵᬳᬾᬩᭂᬓᬶᬂᬯᭂ
ᬭᬹᬄ᭞ᬤᬃᬫ᭄ᬫᬵᬥ᭄ᬥᬶᬧ᭄ᬭᬢᬫᬾᬂᬕᬶᬢ᭄ᬣᬵ᭞ᬲᬸᬕᬸᬡ᭄ᬦᬵᬲᬶᬗᬶᬢᬶᬂᬓᬯᬶ᭟ᬢᬦ᭄ᬮᬸᬧᬵᬭᬶᬂᬅᬚᬶᬲᬱ᭄ᬝ᭄ᬭᬵ᭞ᬲᬶᬬᬂᬭᬢ᭄ᬭᬶᬫᬃᬡ᭄ᬦᬵᬳᬗ᭄ᬭᬲᬡ᭄ᬦᬶ᭞ᬳᬚᬶᬢᬃᬓ᭄ᬓᬵᬯᬾᬥ᭄ᬬᬵᬲᬫ᭄ᬧᬸᬦ᭄᭞ᬯ᭄ᬬᬓᬭᬡ᭄ᬦᬵᬫ᭄ᬯᬂᬦᬶᬢ᭄ᬣᬵ᭞ᬮᬦ᭄ᬳᬕᬫ᭄ᬫᬵᬲᬫᬶᬓᬲᬶᬗᬶᬢᬾᬂᬢᬭᬸ
᭞ᬳᬱ᭄ᬝᬶᬢᬶᬗ᭄ᬯᬂᬭᬶᬂᬦᬶᬲ᭄ᬓᬵᬮᬵ᭞ᬢᬦ᭄ᬮᬸᬧᬾᬂᬧᬃᬭᬦᬶᬂᬮᬓ᭄ᬯᬶ᭟ᬳᬫᭀᬭᬶᬂᬘᬶᬦ᭄ᬢ᭄ᬬᬵᬪᬯᬡ᭄ᬦ᭄ᬦᬵ᭞ᬲᬧᬮᬸᬗ᭄ᬕᬸᬄᬥᬾᬦᬶᬭᬵᬳ᭄ᬬᬂᬚᬕᬢ᭄ᬧᬢ᭄ᬣᬶ᭞ᬳ᭄ᬮᬵᬢᬦ᭄ᬓ᭄ᬮᬶᬃᬲᬢᬸᬳᬸᬓ᭄᭞ᬫᬮᬶᬗ᭄ᬕᬵᬲᬚ᭄ᬭᭀᬦᬶᬂᬧᬥ᭄ᬫᬵ᭞ᬳᬦᬶᬭᬫ᭄ᬫᬶᬲᬜ᭄ᬚᬶᬯᬦᬶ᭠
ᬯ᭄ᬯᬂᬳᬥᬸᬲᬸᬦ᭄᭞ᬯᬸᬲ᭄ᬦᬶᬲᬗ᭄ᬓ᭄ᬯᬶᬧᬤᬦ᭄ᬦᬶᬭᬵ᭞ᬬᭀᬕ᭄ᬬᬵᬫᬗ᭄ᬕᬮᬦᬶᬂᬕᬸᬭᬶᬢ᭄᭟ᬭᬶᬂᬓᬮᬵᬧᬦ᭄ᬤᬶᬭᬶᬦ᭄ᬳᬶᬤ᭄ᬥ᭟ᬭᬢᬸᬳᬃᬚ᭄ᬚᬵᬉᬤᬓᬵᬳᬗ᭄ᬮᬸᬂᬧᬧᬰᬶᬄ᭞ᬭᬶᬂᬳᬫ᭄ᬮᬵᬧᬸᬭᬵᬦᬕᬦ᭄ᬢᬸᬦ᭄᭞ᬯᬶᬃᬬ᭄ᬬᬵᬕᬸᬡ᭄ᬦᬵᬪᬸᬤᬶᬫ᭄ᬫᬦ᭄᭞ᬲᬦ᭄ᬫ᭠
[᭒ 2A]
ᬢᬡ᭄ᬦᬶᬤᬭᬶᬤᬺᬗᬢ᭄ᬧᬤᬵᬤᬸᬲᬸᬦ᭄᭞ᬰ᭄ᬯᬕᬢ᭄ᬣᬭᬶᬂᬧᬡ᭄ᬥᬶᬢ᭄ᬣᬵ᭞ᬲᬫ᭄ᬫᬵᬭᬶᬂᬯᬶᬪᬸᬄᬫ᭄ᬯᬂᬫᬶᬲ᭄ᬓᬶᬦ᭄᭟ᬢᬦ᭄ᬓᬸᬃᬂᬭᬶᬂᬅᬚ᭄ᬚᬶᬲᬱ᭄ᬝ᭄ᬭᬵ᭞ᬭᬚᬵᬡ᭄ᬦᬶᬢᬶᬳᬕᬫ᭄ᬫᬵᬫ᭄ᬯᬂᬲᬭᭀᬤᬺᬢ᭄ᬢᬶ᭞ᬢᬢ᭄ᬯᬧᬺᬮᬫ᭄ᬗᬗᬾᬲᬫ᭄ᬧᬸᬦ᭄᭞ᬭᭀᬯᬗᬶᬂᬳᬭᬭ
ᬲᬦ᭄᭞ᬦᬶᬢ᭄ᬬᬵᬳᬶᬦᭂᬫ᭄ᬢᬦ᭄ᬳᬦᬦᬶᬂᬩᬬᬵᬓᬾᬯᬸᬄ᭞ᬇᬓᬂᬯ᭄ᬯᬂᬭᬶᬂᬳᬫ᭄ᬮᬵᬧᬸᬭᬵ᭞ᬲᬸᬓᬵᬲᬤ᭄ᬥᬵᬲ᭄ᬬᬂᬮᬢ᭄ᬭᬶ᭟ᬦᬳᬦ᭄ᬤᭀᬦᬶᬂᬲᬧᬢᬸᬭ᭄ᬯᬦ᭄᭞ᬭᬶᬂᬯᬾᬘᭀᬫ᭄ᬫᬵᬯᬕᬾᬯᬭᬵᬚᬸᬮᬸᬂᬯᬗᬶ᭞ᬭᬶᬂᬰᬰᬶᬄᬓ᭄ᬦᭂᬫ᭄ᬫᬦᬸᬚᬸ᭞ᬧᬜ᭄ᬘᭂ
ᬫ᭄ᬫᬶᬲᬸᬓ᭄ᬮᬵᬧᬓ᭄ᬱᬵ᭞ᬭᬶᬂᬇᬰᬓᬵᬓᬮᬵᬪᬰᬶᬲᬤ᭄ᬕ᭄ᬦᬶᬓᬸ᭞ᬢ᭄ᬭᬶᬫᬹᬃᬥ᭄ᬥᬵᬲᬤ᭄ᬫᬲ᭄ᬢᬓᬵ᭞ᬤᬶᬯᬰᬵᬗᬯᬶᬢ᭄ᬫᬗᬯ᭄ᬯᬶ᭟ᬢᬸᬳᬸᬢ᭄ᬯᬲᬶᬂᬳᬓᬵᬓᬯ᭄ᬬᬦ᭄᭞ᬩ᭄ᬭᬦ᭄ᬢᬾᬂᬢ᭄ᬣᬵᬮᬚᬸᬳᬦᬸᬦᬸᬮᬶᬲ᭄᭞ᬳᬓᬭᬲ᭄ᬥᬂᬥᬗᬾᬋᬫ᭄ᬧᬸᬄ
᭞ᬧᬤᬶᬂᬤᬳᬓᬶᬂᬓᬭᬸᬡ᭄ᬦᬵ᭞ᬦ᭄ᬤᬶᬓᬾᬰᭂᬧᬾᬂᬘᬶᬢ᭄ᬣᬵᬲᬸᬥᬶᬃᬬ᭄ᬬᬳᬗᬸᬗᬸ᭞ᬲ᭄ᬯᬭᬵᬢᬦᬶᬭᬸᬓ᭄ᬢ᭄ᬬᬾᬂᬓᬢ᭄ᬣᬵ᭞ᬢᬦ᭄ᬳᬦᬸᬢᬾᬂᬭᬸᬧᬾᬂᬅᬚ᭄ᬚᬶ᭟ᬬᬦᬶᬂᬢᬾᬓᬓᬃᬱᬦᬬᬂ᭞ᬬᬦ᭄ᬯᬶᬦᬸᬦᬶᬂᬫᬦᬯᬓ᭄ᬯᬶᬳᬸᬂᬯ᭄ᬬᬓ᭄ᬢᬶ᭞ᬩᬶᬰᬵᬗᬸᬘ [ 3 ][᭒ 2B]
᭒
ᬧ᭄ᬢᬦ᭄ᬧᬳᬸᬦ᭄ᬥᬸᬓ᭄᭞ᬮᬸᬫᬓᬸᬢᬦ᭄ᬧᬥᬶᬨ᭞ᬓᬤ᭄ᬬᬗ᭄ᬕᬦᬶᬂᬘᬩᭀᬮ᭄᭞ᬳᬓ᭄ᬗᭂᬃᬳᬦᬭᬸᬂ᭞ᬫᬗᬸᬗ᭄ᬲᬶᬧᬸᬦᬂᬕᬕᬡ᭄ᬦᬵ᭞ᬓᬸᬦᬂᬓᬸᬦᬂᬦᬭᬸᬂᬰᬰᬶᬄ᭟ᬫᬗ᭄ᬓᬾᬓ᭄ᬱᬫᬵᬢᬗ᭄ᬯᬂ᭞ᬦ᭄ᬯᬂᬗᬸᬗ᭄ᬕᬸᬳᬂᬓᬓ᭄ᬘᬧ᭄ᬭᬭᬾᬘᬶᬮᬶ᭞ᬮᬦ᭄ᬭ
ᬭᬾᬳᬗᭀᬦ᭄ᬫᬢ᭄ᬫᬸ᭞ᬧ᭄ᬭᬤᬡ᭄ᬦᬵᬮᬯᬦ᭄ᬧᬸᬭᬸᬱᬵ᭞ᬓᬢ᭄ᬣᬢ᭄ᬯᬦᬶᬂᬫᬦᬸᬱᬵᬢᬸᬭᬸᬦ᭄ᬪᬶᬤᬸᬭᬸᬦ᭄᭞ᬗᬯᬶᬢ᭄ᬫᬩ᭄ᬕ᭄ᬕᬯᬾᬫᬦᬸᬱᬵ᭞ᬲᬓᬶᬂᬩᬯᬸᬫᬭᬵᬢᬰᬶᬄ᭟ᬲᬓᬶᬂᬯᬯᬸᬫᬓᬸᬋᬦᬦ᭄᭞ᬧᬸᬧᬸᬢ᭄ᬗᬦ᭄ᬢᬾᬦ᭄ᬧᬢᬸᬢ᭄ᬯ᭄ᬦᬂᬲᬫᬥᬸᬢᬶ
ᬦ᭄᭞ᬫᬓᬮᬵᬓᬮᬬᬦ᭄ᬥᬸᬫᬸᬦ᭄᭞ᬫᬯᬱ᭄ᬝᬵᬫᬩᬾᬬᬵᬓᬮᬵ᭞ᬮᬸᬄᬫ᭄ᬯᬦᬶᬗᬶᬘᬮᬂᬳᬮᬦ᭄ᬧᬢ᭄ᬫᬸ᭞ᬢᬸᬃᬫᬢᬸᬭᬦ᭄ᬭᬶᬂᬓᬫᬸᬮᬦ᭄᭞ᬜᬓ᭄ᬱᬶᬬᬂᬩᬓ᭄ᬢᬶᬭᬶᬂᬯᬶᬤ᭄ᬥᬶ᭟ᬬᬦ᭄ᬢᬦ᭄ᬫᬲᬢ᭄ᬱᬶᬪᬝᬵᬭ᭞ᬫ᭄ᬯᬄᬧᬡ᭄ᬥᬶᬢ᭄ᬣᬵᬧᬯᬶᬯᬳ
ᬦᬾᬓᬯᬲ᭄ᬢᬦᬶᬦ᭄᭞ᬇᬦᬸᬘᬧ᭄ᬳᬲ᭄ᬫᬭᬵᬤᬸᬥᬸ᭞ᬬᬾᬦᬶᬂᬧᬢᬸᬢ᭄ᬫᬓᬸᬋᬦᬦ᭄᭞ᬯ᭄ᬦᬂᬗᬃᬬ᭄ᬬᬦᬶᬦ᭄ᬲᬗ᭄ᬕᬄᬓᬫᬸᬮᬦᬾᬥᬸᬫᬸᬦ᭄᭞ᬗᬭᬦ᭄ᬲᬗ᭄ᬕᬄᬧᬦᭂᬕ᭄ᬢᭂᬕᬦ᭄᭞ᬦᭂᬕ᭄ᬢᭂᬕᬂᬇᬲ᭄ᬫᬭᬵᬢ᭄ᬣᬶᬄ᭟ᬬᬦᬶᬂᬲᬫ᭄ᬧᬸᬦ᭄ᬫ
[᭓ 3A]
ᬤᭂᬕ᭄ᬤᭂᬕᬦ᭄᭞ᬢᬸᬃᬕᬃᬪᬶᬡ᭄ᬦᬶᬉᬨᬢᬭᬵᬫᬗ᭄ᬭᬸᬚᬓᬶᬦ᭄᭞ᬲᬳᬸᬨᬓᬭᬦᬾᬫᬦᬸᬢ᭄᭞ᬫᬦᬶᬱ᭄ᬝᬵᬫᬥ᭄ᬬᬵᬫ᭄ᬧ᭄ᬢᬫ᭄ᬫᬵ᭞ᬬᬦ᭄ᬳᬸᬢᬫ᭄ᬫᬵᬲᬸᬘᬶᬦᬾᬫᬸᬗ᭄ᬕᬄᬓᬳᬢᬸᬃ᭞ᬫᬶᬯᬄᬩᬦ᭄ᬢᭂᬦ᭄ᬳᬩᬢᭂᬓᬦ᭄᭞ᬭᬶᬂᬱᭀᬃᬫᬥᬕᬶᬂ
ᬧᬩᬗ᭄ᬓᬶᬢ᭄᭟ᬫᬓᬤ᭄ᬥᬶᬕ᭄ᬤᭀᬂᬕ᭄ᬤᭀᬗᬦ᭄᭞ᬧᬘᬂᬫᬩᬶᬦ᭄ᬭᬶᬂᬓᬮᬵᬫᬢᭀᬬᬵᬯ᭄ᬬᬓ᭄ᬢᬶ᭞ᬢᬮᬸᬓ᭠ᬢ᭄ᬓᬤ᭄ᬬᬲ᭄ᬢᬸᬧᬸᬗ᭄ᬓᬸ᭞ᬧᬸᬧᬸᬢ᭄ᬲᬯᬺᬢᬶᬗ᭄ᬓᬄ᭞ᬯᬸᬲ᭄ᬫᬮᬸᬓᬢ᭄ᬧᬘᬂᬫᬸᬓ᭄ᬢᬶᬭᬸᬚᬓ᭄ᬳᬶᬓᬸ᭞ᬭᬸᬚᬓᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂ᭞ᬫ
ᬰᬤᬡ᭄ᬦᬵᬳᬦ᭄ᬢᬸᬓ᭄ᬘ᭄ᬮᬕ᭄ᬕᬶ᭟ᬤᬳᭂᬫ᭄ᬧᭀᬄᬤᭀᬤᭀᬮ᭄ᬤᬮᬶᬫ᭄ᬫᬵ᭞ᬫ᭄ᬯᬄᬧᭀᬄᬳᬫ᭄ᬧᬼᬫ᭄᭞ᬕᬸᬡ᭄ᬦᬵᬢ᭄ᬩᬸᬕᬸᬍᬧᬱᬶᬃ᭞ᬢᬶᬮᬂᬫᬥᬸᬕᬸᬎᬩᬢᬸ᭞ᬫᬓᬤ᭄ᬥᬶᬧᬶᬲᬂᬲ᭄ᬬᬸᬮᬦ᭄᭞ᬮ᭄ᬯᬶᬃᬧᬶᬲᬂᬤᬓ᭄ᬫᬥᬸᬓᬂᬫᬗ᭄ᬤᬾᬦᬾᬓᬸᬫ᭄ᬧᬸᬮ᭄
᭞ᬫᬯᬤᬳᬶᬦ᭄ᬚᭂᬫ᭄ᬩᬸᬂᬲᬸᬢ᭄ᬭᬵ᭞ᬳᬸᬮᬶᬕᬂᬫᬶᬭᬄᬓᬓᬮᬶᬄ᭟ᬫᬗ᭄ᬕᬾᬦ᭄ᬫᬗᬥᬸᬓᬶᬦ᭄ᬭᬸᬚᬓ᭄᭞ᬫᬓᬸ᭠ᬫ᭄ᬧᬸᬮᬂᬫᬤᬸᬓᬂᬧᬋᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬲᬶᬥᬸᬫᬲ᭄ᬓᬯᬸᬯᬸᬲ᭄᭞ᬭᬢᭂᬗᬦ᭄ᬳᭀᬭᬢ᭄ᬰ᭄ᬧᭂᬳᬵ᭞ᬯᬸᬲ᭄ᬫᬘ᭠ [ 4 ][᭓ 3B]
᭓
ᬫ᭄ᬧᬸᬄ᭞ᬭᬸᬚᬓᬾᬫᬗ᭄ᬓᬾᬓᬳᬢᬹᬃ᭞ᬭᬶᬂᬳᬶᬤ᭄ᬥᬵᬲᬂᬳᭀᬯᬡ᭄ᬥᬶᬢ᭄ᬣᬵ᭞ᬫᬗ᭄ᬤᬾᬧᬸᬧᬸᬢ᭄ᬧᬸᬍᬧᬮᬶ᭟ᬢ᭄ᬕᭂᬲᬶᬂᬲᬢᬸ᭠ᬨᬓᬭᬵ᭞ᬫᬗ᭄ᬤᬾᬳᬬᬸᬭᬭᬾᬦᬾᬲᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬩᬳᬸᬘᬧ᭄ᬉᬢᬫ᭄ᬫᬵᬫᬸᬗ᭄ᬕᬸᬄ᭞ᬭᬶᬂᬚ᭄ᬭᭀᬦᬶᬂᬫᬦᬶᬓ᭄ᬘᬸ᭠
ᬘᬸᬯ᭄ᬯᬵ᭞ᬲᬂᬳ᭄ᬬᬂᬫᬺᬢ᭄ᬣᬵᬲᬩ᭄ᬯᬡ᭄ᬦᬵ᭞ᬦᬸᬗ᭄ᬕᬸᬤᬶᬢᬸ᭞ᬮᬶᬂᬦᬶᬂᬲ᭄ᬯᬭᬵᬧᬭᬶᬥᬡ᭄ᬦᬵ᭞ᬗᬃᬬ᭄ᬬᬦᬶᬦ᭄ᬗᬶᬦ᭄ᬤᬶᬓᬂᬕᬸᬫ᭄ᬫᬶ᭟ᬫᬗ᭄ᬓᬾᬭᬭᬾᬳᬗᭀᬦ᭄ᬗᬸᬘᬧᬂ᭞ᬬᬦᬶᬂᬲᬫ᭄ᬧᬸᬦ᭄ᬩ᭄ᬮᬶᬗᬾᬢᬶᬕᬂᬰᬰᬶᬄ᭞ᬧᬢᬸᬢᬾᬜᬢᬯᬂᬥᬸᬫᬸᬦ᭄᭞
ᬬᬦ᭄ᬗᬦᬸᬢᬂᬧᬭᬶᬢ᭄ᬭᬫ᭄ᬫᬵ᭞ᬮᬸᬄᬫ᭄ᬯᬦᬶᬫᬉᬨᬓᬭᬵᬧᬂᬫᬦᬸᬢ᭄᭞ᬦᬾᬫ᭄ᬯᬦᬶᬫᬦᬸᬳᬸᬢ᭄ᬩ᭄ᬦᬂ᭞ᬳᬶᬋᬂᬫᬾᬰᬶᬧᬦᬶᬭᬗᬶᬦ᭄᭟ᬫᬗᬯᬾᬩᬸᬮᬸᬄᬕᬮᬗ᭄ᬕᬂ᭞ᬫᬦᬸᬫ᭄ᬩᬓᬶᬦ᭄ᬭ᭄ᬯᬦᬶᬂᬓᬸᬫ᭄ᬩᬂᬫᬳᬶᬲᬶ᭞ᬩᬾᬢᬸᬓᬤ᭄ᬳ᭄ᬬᬫᬯᬸᬗ᭄ᬓᬸᬲ᭄᭞
ᬦᬾᬮᬸᬄᬜᬸᬳᬸᬜ᭄ᬘᬭᬓ᭄ᬬᬦ᭄᭞ᬢᬸᬃᬧᬶᬦᬸᬚᬵᬤᬾᬦᬶᬂᬲᬂᬧᬡ᭄ᬥᬶᬢ᭄ᬣᬵᬧᬸᬢᬸᬲ᭄᭞ᬢᬸᬃᬗᬸᬦ᭄ᬢᬮ᭄ᬫᬶᬭᬄᬳᬧᬲᬂ᭞ᬫᬗ᭄ᬓᬦᬵᬓ᭄ᬭᬫᬦᬶᬂᬤᬥ᭄ᬤᬶ᭟ᬧᬶᬢ᭄ᬕᭂᬲ᭄ᬧᬗᬸᬨᬓᬭᬵ᭞ᬩ᭄ᬦᬂᬲᬼᬫ᭄ᬲᬼᬓᬯᬱ᭄ᬝᬦᬶᬦ᭄᭞ᬦᬸᬳᬸᬢ᭄ᬩ᭄ᬤᬄᬯᬲ᭄ᬢᬦ᭄ᬳᬶᬧᬸᬦ᭄᭞
[᭔ 4A]
ᬦᬸᬫ᭄ᬩᬓ᭄ᬳᭂᬫ᭄ᬩᬂᬯᬱ᭄ᬝᬜᬵ᭞ᬕᬮᬗ᭄ᬕᬗᬾᬳᬕᭂᬂᬕᬮᬂᬯᬱ᭄ᬝᬦᬾᬓᬸ᭞ᬜᬸᬳᬸᬦ᭄ᬫᬜᬸᬗ᭄ᬲᬸᬂᬯᬲ᭄ᬢᬜᬵ᭞ᬘᬭᬓᬾᬦᬾᬓᬯᬲ᭄ᬢᬦᬶᬦ᭄᭟ᬘᬭᬓᬾᬦ᭄ᬗᬭᬦ᭄ᬧᬋᬓᬦ᭄᭞ᬳᬚᬓᬦ᭄ᬬᬓᬯᬲ᭄ᬢᬦᬶᬦ᭄᭞ᬳᬚᬓᬦ᭄ᬳᬶᬜᬫ᭄ᬫᬵᬘ
ᬢᬸᬃ᭞ᬭᬸᬫᬓᭂᬢ᭄ᬭᬶᬂᬰᬭᬶᬭᬵ᭞ᬳᬮᬵᬳᬬᬸᬭᬸᬫᬓ᭄ᬱᬵᬧᬭᬦᬶᬂᬮᬓᬸ᭞ᬬᬦᬶᬂᬭᬭᬾᬯᬯᬸᬮ᭄ᬓᬤ᭄᭞ᬫᬭᬸᬨ᭠ᬬᬵᬳᬭᬶᬳᬭᬶ᭟ᬲᬧᬸᬦᬶᬓᬵᬮᬶᬂᬦᬶᬂᬲᬱ᭄ᬝ᭄ᬭᬵ᭞ᬬᬦᬶᬂᬫᬶᬭᬄᬢ᭄ᬕᭂᬲ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬸᬢᬾᬚᬵᬫᬭᬸᬨᬳᬮᬸᬲ᭄᭞ᬫ
ᬗ᭄ᬤᬾᬢᭂᬢᭂᬧ᭄ᬭᬸᬧᬦᬶᬂᬯ᭄ᬯᬂ᭞ᬯᬯᬸᬍᬓᬤ᭄ᬭᬭᬾᬫᬗ᭄ᬤᬾᬳᬬᬸᬦᬸᬮᬸᬲ᭄᭞ᬩᬾᬮ᭄ᬯᬄᬫᬓᬧᬸᬢ᭄ᬓᬸᬫ᭄ᬩᬂ᭞ᬓᬸᬫ᭄ᬩᬂᬗᬭᬦ᭄ᬓᭂᬫ᭄ᬩᬂᬯᬗᬶ᭟ᬩᬾᬗᬭᬦᬶᬂᬧᬩᬾᬤ᭄ᬥᬵᬯᬂᬤᬵᭂᬪᬾᬥ᭄ᬥᬵᬩᬦ᭄ᬜᬫ᭄ᬫᬵᬘᬢᬹᬃᬗᬯᬾᬦᬶᬦ᭄᭞ᬭᬭᬾᬦᬾᬭᬶᬂᬯᬯᬸ
ᬫ᭄ᬢᬸ᭞ᬭᬶᬂᬩ᭄ᬯᬡ᭄ᬦᬵᬓᭀᬢᬢ᭄ᬣᬦᬕᬭᬵ᭞ᬯᬯᬸᬮ᭄ᬓᬤ᭄ᬯᬾᬳᭂᬦ᭄ᬳᬹᬨᬮᬭᬦ᭄ᬳᬶᬧᬸᬦ᭄᭞ᬩᬩᬦ᭄ᬢᭂᬦ᭄ᬳᬤᬳᬦᬦ᭄᭞ᬚ᭄ᬭᬶᬫ᭄ᬧᭂᬦ᭄ᬫᬶᬯᬄᬧ᭄ᬭᬲ᭄ᬕᬸᬮᬶᬂ᭟ᬳᬶᬭᬭᬾᬳᬗᭀᬦ᭄ᬗᬯ᭄ᬢ᭄ᬯᬂ᭞ᬓᬫ᭄ᬫᬵᬳᬩᬂᬭᬭᬾᬘᬶᬮᬶᬓᬫ᭄ᬫᬵᬧᬸᬢᬶᬄ᭞ᬧᬭᭀᬓᬶᬂ [ 5 ][᭔ 4B]
᭔
ᬲ᭄ᬫᬭᬵᬫᬢ᭄ᬫᬸ᭞ᬓᬫ᭄ᬫᬵᬩᬂᬓᬫ᭄ᬫᬵᬧ᭄ᬢᬓ᭄᭞ᬢᬸᬃᬫᬕ᭄ᬦᬄᬭᬶᬂᬓᬸᬡ᭄ᬥᬶᬫᬦᬶᬓ᭄ᬘᬸᬘᬸᬧᬸ᭞ᬰᬶᬭᬵᬲᬂᬳ᭄ᬬᬂᬫᬺᬢ᭄ᬣᬵᬪ᭄ᬯᬡ᭄ᬦᬵ᭞ᬫᬯᬾᬄᬧᬗᬦ᭄ᬲ᭄ᬬᬂᬮᬢ᭄ᬭᬶ᭟ᬳᬶᬭᬭᬾᬓᬕ᭄ᬲᭂᬂᬜᬩ᭄ᬭᬦ᭄᭞ᬭᬶᬂᬥᬍᬫᬶᬂᬖᬃᬪᬵᬯᬰᬦᬶᬂᬩᬶᬩᬶ᭞ᬳᬦᬵᬯᬭᬄᬭ
ᬭᬾᬳᬶᬓᬸ᭞ᬉᬫᬸᬗ᭄ᬕ᭄ᬯᬶᬂᬢᬢ᭄ᬯᬦᬶᬂᬲᬱ᭄ᬝ᭄ᬭᬵ᭞ᬬᬦ᭄ᬳᬩᬸᬮᬦ᭄᭞ᬫᬤᬦ᭄ᬲᬂᬳ᭄ᬬᬂᬫᬡ᭄ᬦᬶᬓ᭄ᬕᬸᬧᬸᬄ᭞ᬬᬦᬶᬂᬫᬭᬵᬤ᭄ᬯ᭠ᬩᬸᬮᬦ᭄᭞ᬫᬡ᭄ᬦᬶᬓ᭄ᬩᬸᬲᬡ᭄ᬦ᭄ᬦᬵᬓᬤᬤᬶᬦ᭄᭟ᬬᬦᬶᬂᬲᬫ᭄ᬧᬸᬦ᭄ᬢ᭄ᬮᬸᬩᬸᬮᬦ᭄᭞ᬲᬂᬳ᭄ᬬᬂᬫᬡ᭄ᬦᬶᬓ᭄ᬢᬶᬖ᭄ᬕᬵᬯᬃᬡ᭄ᬦᬓᬥᬦᬶᬦ᭄᭞ᬨ
ᬢ᭄ᬮᬾᬓ᭄ᬲᬂᬳ᭄ᬬᬂᬫᬡ᭄ᬦᬶᬓ᭄᭞ᬰ᭄ᬭᬶᬕᬥᬸᬂ᭞ᬮᬶᬫᬂᬮᬾᬓ᭄ᬢᭂᬫ᭄ᬩᬂᬯᬃᬡ᭄ᬦᬵ᭞ᬦᭂᬫ᭄ᬮᬾᬓ᭄ᬫᬡ᭄ᬦᬶᬓ᭄ᬪᬸᬯᬵᬚ᭄ᬗᬶᬮ᭄ᬳᬶᬓᬸ᭞ᬧᬶᬢᬸᬂᬮᬾᬓ᭄ᬲᬂᬳ᭄ᬬᬂᬯᬶᬫ᭄ᬩᬵ᭞ᬯ᭄ᬭᬶᬗᬶᬦ᭄ᬲᬸᬗ᭄ᬲᬸᬂᬓᬸᬢᬸᬰ᭄ᬰᬰᬶᬄ᭟ᬲ᭄ᬬᬵᬮᬾᬓ᭄ᬲᬂᬳ᭄ᬬᬂᬢᬸᬢᬸᬧ᭄ᬪ᭄ᬯᬡ᭄ᬦᬵ᭞ᬓᬯᬲ᭄ᬢᬦᬶᬦ᭄ᬭ
ᬭᬾᬦᬾᬚ᭄ᬭᭀᬦᬶᬂᬋᬥ᭄ᬥᬶ᭞ᬮᬶᬂᬦᬶᬂᬳᬚᬶᬢᬢ᭄ᬯᬵᬳᬶᬓᬸ᭞ᬭᬭᬾᬳᬗᭀᬦ᭄ᬗᬸᬘᬧᬂ᭞ᬳᬫ᭄ᬧᬾᬮ᭄ᬕᬥᬶᬂᬜ᭄ᬭᬶᬢᬬᬂᬓᬮᬦᬶᬂᬯ᭄ᬢᬸ᭞ᬫᬥᬦ᭄ᬲᬂᬳ᭄ᬬᬂᬓᬯᬲ᭄ᬧᬥᬦ᭄᭞ᬥᬸᬓ᭄ᬱᬸᬫᬮᬄᬭᬶᬂᬧᬺᬢᬶᬯ᭄ᬯᬶ᭟ᬫᬤᬦ᭄ᬲᬂᬳ᭄ᬬᬂᬩ᭄ᬯᬡ᭄ᬦᬵᬓᬾᬱᬵ᭞ᬢᬶ
[᭕ 5A]
ᬦ᭄ᬕᭂᬲᬦ᭄ᬳᬭᬶᬳᬭᬶᬦ᭄ᬜᬦᬾᬫᬮᬶᬄ᭞ᬦᬖ᭄ᬕᬵᬗ᭄ᬮᬓ᭄ᬯᬲ᭄ᬢᬦ᭄ᬳᬶᬓᬸ᭞ᬥᬸᬓ᭄ᬳᬶᬗᬤᭂᬕ᭄ᬲᬭᬶᬚ᭄ᬦᬃ᭞ᬥᬸᬓ᭄ᬤᬶᬦᬶ᭠ᬬᬸᬲ᭄ᬦᬖ᭄ᬕᬵᬕᭀᬫ᭄ᬩᬂᬳᬭᬦ᭄ᬳᬶᬧᬸᬦ᭄᭞ᬥᬸᬓ᭄ᬫᬧᬶᬜᬓ᭄ᬲᬂᬳ᭄ᬬᬂᬍᬗᬵ᭞ᬧᬶᬦᬸᬧᬸᬢᬦ᭄ᬢᬸᬢᬸᬧ᭄ᬪᬡ᭄ᬦᬶ᭟ᬥᬸᬓ᭄ᬳᬶᬦᭂᬫ᭄ᬩ
ᬦ᭄ᬲᬂᬳ᭄ᬬᬂᬰ᭄ᬭᭀᬚᬵ᭞ᬥᬸᬓ᭄ᬫᬓᬲᬸᬃᬗᬭᬦ᭄ᬲᬂᬳ᭄ᬬᬂᬯᬶᬡ᭄ᬥᬸᬲᬓ᭄ᬢᬶ᭞ᬳᬸᬦᬸᬲ᭄ᬯᬦ᭄ᬳ᭄ᬬᬂᬪᬸᬯᬧ᭄ᬭᬪᬸ᭞ᬬᬦ᭄ᬢᬶᬦᬸ᭠ᬮᬂᬕᬸᬮᬂᬲᬂᬳ᭄ᬬᬂ᭞ᬳᬦ᭄ᬢᬵᬩᭀᬖ᭄ᬕᬵᬲᬶᬦᬫ᭄ᬩᬸᬢ᭄ᬓᬓᬃᬱᬵᬦᬾᬓᬸ᭞ᬥᬸᬓ᭄ᬮᬸᬫᬶᬗ᭄ᬮᬶᬂᬲᬗ᭄ᬬᬂᬫᬾᬗᭂᬢ᭄᭞ᬓᬸᬫᬺᬩ᭄ᬦᬖ᭄ᬕᬵᬰᬾ
ᬱᬵᬯ᭄ᬬᬓ᭄ᬢᬶ᭟ᬫᬶᬭᬶᬂᬲᬂᬩᬬᬸᬫᬶᬭᬂ᭞ᬩᬶᬰᬵᬮᬸᬗ᭄ᬕᬸᬄᬲᬂᬳ᭄ᬬᬂᬕᬡ᭄ᬦᬵᬓᬯᬲ᭄ᬢᬦᬶᬦ᭄᭞ᬳᬤᭂᬕ᭄ᬳᬦ᭄ᬢᭂᬧ᭄ᬲᬂᬳ᭄ᬬᬂᬩᬬᬸ᭞ᬮᬸᬫᬓᬸᬪᬸᬯᬕ᭄ᬮᬶᬲ᭄ᬲᬂᬳ᭄ᬬᬂ᭞ᬩᬶᬲᬵᬗᬸᬘᬧ᭄ᬲᬂᬳ᭄ᬬᬂᬫᬾᬗᭂᬢ᭄ᬢᬸᬢᬸᬃᬳᬬᬸ᭞ᬥᬸᬓ᭄ᬳᬘᬯᭂᬢ᭄ᬭᬚ᭄ᬚᬵᬮᬶᬮᬶ᭞
ᬗᬗ᭄ᬕᭀᬓᬸᬫᬭᬵᬓᬤᬦᬶᬦ᭄᭟ᬥᬸᬓ᭄ᬫᬧᬸᬢᬺᬱᬂᬳ᭄ᬬᬂᬢ᭄ᬯᬦ᭄᭞ᬯ᭄ᬭᬸᬄᬫᬗᬚᬶᬲᬲ᭄ᬢ᭄ᬭᬵᬳᬕᬫ᭄ᬫᬵᬦᬾᬲᬫᬶ᭞ᬲᬂᬳ᭄ᬬᬂᬢᬢ᭄ᬯᬚ᭄ᬜᬵᬡ᭄ᬦᬵᬭᬦ᭄ᬬᬾᬓᬸ᭞ᬯᬸᬲ᭄ᬯ᭄ᬭᬸᬄᬭᬶᬂᬲ᭄ᬫᬤ᭄ᬥᬶᬧᬸᬚ᭄ᬚᬵ᭞ᬫᬶᬯᬄᬯᬶᬥ᭄ᬬᬵᬲᬂᬳ᭄ᬬᬂᬯᬶᬥ᭄ᬬᬳᬭᬦ᭄ᬳᬶᬓᬸ᭞ᬳ [ 6 ][᭕ 5B]
᭕
ᬫ᭄ᬧᬾᬮ᭄ᬕᬥᬶᬂᬜᬭᬶᬢᬬᬂ᭞ᬮ᭄ᬯᬶᬃᬲᬶᬦ᭄ᬯᬫ᭄ᬫᬶᬂᬫᬥᬸᬕᭂᬦ᭄ᬤᬶᬲ᭄᭚᭟ᬰᬶ᭞᭚ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬓᬥᬚᬶᬢ᭄ᬯᬵ᭞ᬧᬶᬢ᭄ᬕᭂᬲᬶᬂᬳᬭᬶᬳᬭᬶ᭞ᬓᭀᬘᬧ᭄ᬫᬮᬵᬓᬤᬶᬰᬯ᭄ᬯᬵ᭞ᬳᬯᬦᬦ᭄ᬫᬯᬗ᭄ᬲᬸᬄᬩᬺᬰᬶᬄ᭞ᬫᬓᬧᬸᬢᬸᬃᬫᬤᬕᬶᬂ᭞ᬲᬃᬯ᭄ᬯᬵ
ᬳᬗᭂᬢ᭄ᬳᬗᭂᬢ᭄ᬳᬶᬓᬸ᭞ᬫᬯᬥᬄᬜᬸᬄᬫᬲᬶᬩᬓ᭄᭞ᬬᬵᬲᬶᬦᬗ᭄ᬕᬄᬧᬥ᭄ᬫᬵᬲᬭᬶ᭞ᬫᬶᬰᬶᬲᬸᬭᬵᬢ᭄᭞ᬧᭂᬦ᭄ᬤᭂᬫ᭄ᬭᬶᬂᬳᬋᬧᬶᬂᬉᬫᬄ᭟ᬭᬭᬶᬲ᭄ᬓᬢᬜ᭄ᬘᭂᬃᬩᬶᬦ᭄ᬲᬗ᭄ᬕᬄ᭞ᬲᬸᬦ᭄ᬤᬃᬩᬍᬫᬦ᭄ᬫᬓᬤ᭄ᬤᬶ᭞ᬲᬗ᭄ᬕᬄᬫᬯᬓ᭄ᬧ᭄ᬭᬚᬵᬧᬢ᭄ᬬ᭞ᬲᬸᬦ᭄ᬤᬃ
ᬳᬗᭂᬦᬦ᭄ᬓᬤᬦᬶᬦ᭄᭞ᬩᬍᬫ᭄ᬫᬦ᭄ᬧᬗ᭄ᬲᭂᬗᬦᬶᬂ᭞ᬳᬭᬶᬳᬭᬶᬦᬾᬓᬍᬪᬸ᭞ᬯᬢᭂᬲ᭄ᬩᬸᬮᬦ᭄ᬧᬶᬢᬸᬂᬤᬶ᭠ᬡ᭄ᬦᬵ᭞ᬢᬸᬢᬸᬕ᭄ᬳᬶᬘᬮ᭄ᬫᬮᬵᬲᬫᬶ᭞ᬲᬧᬸᬦᬶᬓᬵᬮᬶᬂᬦᬶᬂᬢᬢ᭄ᬯᬵᬭᬭᬾᬳᬗᭀᬦ᭄᭟ᬩᬯᬸᬫᬭᬵᬢ᭄ᬧᬸᬲ᭄ᬧᬸᬗ᭄ᬲᭂᬤ᭄᭞
ᬯᬾᬦ᭄ᬢᭂᬦ᭄ᬳᬸᬨᬓᬭᬵᬫᬮᬶᬄ᭞ᬗ᭄ᬯᬗᬸᬦᬂᬲᬗ᭄ᬕᬄᬚᬸᬫᬳᬦ᭄᭞ᬳ᭄ᬬᬂᬓᬸᬫᬭᬵᬫᬗ᭄ᬮᬶᬗ᭄ᬕᬦᬶᬦ᭄᭞ᬲᬦᬾ᭠ᬭᬶᬂᬚᬩᬬᬦ᭄ᬫᬮᬶᬄ᭞ᬕ᭄ᬦᬄᬲᬯᬵᬬᭀᬦ᭄ᬦᬶᬳᬶᬓᬸ᭞ᬲᬳᬵᬩᬦ᭄ᬢᭂᬦ᭄ᬓᬾᬮᬦᬦ᭄᭞ᬚ᭄ᬭᬶᬫ᭄ᬧᭂᬦ᭄ᬳᬫᭀᬂᬧᬢᭂᬄᬲᬫᬶ
[᭖ 6A]
᭞ᬭᬶᬂᬓᬸᬫᬭᬵ᭞ᬢᬍᬃᬧᬢᭂᬄᬲᬧᬸᬦᬶᬓᬵ᭟ᬬᬦ᭄ᬳᬢᬸᬭᬦ᭄ᬭᬶᬂᬳ᭄ᬬᬂᬩ᭄ᬭᬳ᭄ᬫᬵ᭞ᬧᬜ᭄ᬦᭂᬂᬩᬂᬤᬓ᭄ᬱᬶᬡ᭄ᬦᬵᬤ᭄ᬥᬶ᭞ᬫᬓᬤᬶᬳᬩᬸᬳᬢᬫᬲ᭄᭞ᬫᬤᬕᬶᬂᬓᬓᭀᬚᭀᬂᬫᬮᬶᬄ᭞ᬲᬸᬦ᭄ᬤᬃᬲᬸᬭᬢ᭄ᬢᬸᬃᬫᬥᬕᬶᬂ᭞ᬧᭀᬭᭀᬲᬦ᭄ᬮᬜ᭄ᬚᬭ
ᬦ᭄ᬲᬫ᭄ᬧᬸᬦ᭄᭞ᬢᬮᬸᬓᬢ᭄ᬳᬶᬘᬢᬸᬃᬲᬦᬓ᭄᭞ᬫᬗᬼᬩᬸᬃᬫᬮᬦᬾᬫᬶᬚᬶᬮ᭄᭞ᬗᬼᬧᬲ᭄ᬳᬯᭀᬦ᭄᭞ᬯᬲ᭄ᬢᬜᬵᬲᬳᬵᬳᬢᬸᬭᬦ᭄᭟ᬢᬸᬃᬫᬓᬃᬬ᭄ᬬᬵᬯᬶᬯᬶᬫᬰᬵ᭞ᬓᭀᬘᬧ᭄ᬫᬯᬱ᭄ᬝᬵᬧᬺᬯᬶᬯᬶ᭞ᬲᬳᬵᬧᬗᬗ᭄ᬕᬾᬭᬶᬂᬧ᭄ᬬᬦᬓ᭄᭞᭠
ᬓᬓᬫ᭄ᬩᬸᬄᬢᭀᬘᬧ᭄ᬯᬲ᭄ᬢᬦᬶᬦ᭄᭞ᬭᭀᬭᬲ᭄ᬍᬫᭂᬂᬘ᭄ᬭᬶᬢ᭄ᬣᬵᬫᬮᬶᬄ᭞ᬢᬍᬃᬉᬨᬓᬭᬵᬫᬦᬸᬢ᭄᭞ᬲᬳᬵᬩᬦ᭄ᬢᭂᬦ᭄ᬳᬤᬦ᭄ᬤᬦᬦ᭄᭞ᬢ᭄ᬳᭂᬦᬦ᭄ᬮᬦ᭄ᬧ᭄ᬭᬲ᭄ᬤᬸᬮᬶᬂ᭞ᬲᬧᬸᬧᬸᬢ᭄ᬣ᭄ᬲᬵ᭞ᬥᬾᬯ᭄ᬯᬵᬬᭀᬦᬶᬉᬨᬓᬭᬵ᭟ᬲᬫᬶᬢ
ᬍᬃᬓᬳᬢᬸᬭᬦ᭄᭞ᬩᬦ᭄ᬢᭂᬦ᭄ᬓᬾᬮᬦᬦ᭄ᬳᬢᬦ᭄ᬥᬶᬂ᭞ᬭᬶᬓᬮᬵᬦᬗ᭄ᬓᭂᬦ᭄ᬜᭀᬭᬾᬬᬂ᭞ᬫᬩᬦ᭄ᬢᭂᬦ᭄ᬭᬶᬂᬲᬢ᭄ᬯᬵᬬᭀᬡ᭄ᬦᬶ᭞ᬓᭂᬧᭂᬮᬦ᭄ᬧ᭄ᬢᬂᬢᬦ᭄ᬤᬶᬂ᭞ᬫᬯᬥᬄᬤᭀᬦ᭄ᬤᬧ᭄ᬤᬧ᭄ᬢ᭄ᬮᬸ᭞ᬳᬶᬘᬢᬸᬃᬲᬦᬓ᭄ᬮᬶᬦᬸᬓᬢ᭄᭞ᬳᬕᭂᬦ᭄ᬢᬶ [ 7 ][᭖ 6B]
᭖
ᬳᬭᬦᬾᬫᬗ᭄ᬓᬶᬦ᭄᭞ᬳᬗ᭄ᬕᬵᬧᬢ᭄ᬬᬵ᭞ᬧ᭄ᬭᬚ᭄ᬚᬵᬧᬢ᭄ᬣᬶᬩᬦᬲ᭄ᬧᬢ᭄ᬬᬵ᭟ᬫᬶᬯᬄᬩᬦᬲ᭄ᬧᬢ᭄ᬣᬶᬭᬚ᭄ᬬᬵ᭞ᬫᬗ᭄ᬓᬦᬵᬧᭀᬚᬭᬶᬂᬳᬚ᭄ᬚᬶ᭞ᬢᬢ᭄ᬯᬓᬦ᭄ᬥᬵᬧᬢ᭄ᬦ᭄ᬭᬶᬢᬬᬂ᭞ᬭᬶᬂᬳᬩᬸᬮᬦ᭄ᬧᬶᬢᬸᬂᬯ᭄ᬗᬶ᭞ᬯᬾᬦ᭄ᬢᭂᬦᬸᬨᬓᬭᬵ᭠
ᬫᬮᬶᬄ᭞ᬗᬭᬦ᭄ᬗ᭄ᬮᬸᬯᬭᬂᬓᬓᬫ᭄ᬩᬸᬄ᭞ᬲᬳᬵᬩᬦ᭄ᬢᭂᬦ᭄ᬳᬢᬸᬭᬦ᭄᭞ᬗ᭄ᬮᬧ᭄ᬳᬫ᭄ᬩᬾᬧ᭄ᬭᬲ᭄ᬕᬸᬮᬶᬂ᭞ᬲᬧᬸᬧᬸᬢ᭄ᬣᬵ᭞ᬳᬢᬸᬭᬦ᭄ᬫᬭᬶᬂᬓᬫᬸᬮᬦ᭄᭟ᬯᬸᬲ᭄ᬫᬢᬸᬭᬦ᭄ᬭᬶᬂᬓᬫᬸᬮᬦ᭄᭞ᬉᬧᬵᬓᬭᬦ᭄ᬭᬭᬾᬫᬮᬶᬄ᭞ᬓᬢᬢᬩᬶᬦ᭄ᬩᬦ᭄ᬢᭂᬦ᭄ᬲ
ᬫ᭄ᬧ᭄ᬬᬦ᭄᭞ᬯᬸᬲ᭄ᬦᬢᬩ᭄ᬫᬶᬍᬳᬦ᭄ᬯ᭄ᬬᬓ᭄ᬢᬶ᭞ᬓᬧᬯᭀᬦ᭄ᬫ᭄ᬭᬚᬦ᭄ᬫᬮᬶᬄ᭞ᬗᬶᬘᬮᬂᬫᬮᬦᬾᬲᬫ᭄ᬧᬸᬦ᭄᭞ᬭᬭᬾᬫᬕᭂᬦ᭄ᬢᬶᬧᬓᬓᬲ᭄᭞ᬧᬮᬵᬳᬢ᭄ᬫᬵᬭᬓ᭄ᬱᬵᬉᬭᬶᬧ᭄᭞ᬤᬶᬃᬖ᭄ᬕᬬᬸᬰᬵ᭞ᬮᬸᬮᬸᬢ᭄ᬭᬶᬂᬮᬭᬵᬯᬶᬖ᭄ᬦᬵ᭟
ᬳᬶᬘᬢᬹᬃᬲᬦᬓ᭄ᬮᬶᬯᬸᬓᬢ᭄᭞ᬭᬯᬶᬂᬫᬾᬫᬾᬦ᭄ᬳᬦᬓ᭄ᬳᬮᬶᬢ᭄᭞ᬫᬗ᭄ᬤᬾᬩᬺᬰᬶᬄᬢᬸᬃᬳᬢᬶᬃᬢ᭄ᬣᬵ᭞ᬗᬮᬸᬓᬢ᭄ᬫᬮᬦᬾᬲᬫ᭄ᬫᬶ᭞ᬲᬧᬸᬦᬶᬓᬵᬮᬶᬂᬦᬶᬗᬚ᭄ᬚᬶ᭞ᬥᬃᬫ᭄ᬫᬉᬲᬥ᭄ᬥᬵᬓᬯᬸᬯᬸᬲ᭄᭞ᬧ᭄ᬘᬓ᭄ᬗᬯ᭄ᬢ᭄ᬯᬂᬫᬮᬵ᭞ᬧ᭄ᬕᬢ᭄ᬓᬓᬫ᭄ᬩᬸᬄᬓ
[᭗ 7A]
ᬯᬲ᭄ᬢᬦᬶᬦ᭄᭞ᬬᬦᬶᬂᬲᬫ᭄ᬧᬸᬦ᭄᭞ᬢᬶᬕᬂᬰᬰᬶᬄᬭᬭᬾᬳᬶᬓᬵ᭚ᬫᬮᬶᬄᬯᬾᬦ᭄ᬢᭂᬦ᭄ᬉᬨᬓᬭᬵ᭞ᬫᬯᬱ᭄ᬝᬵᬫᬢᬶᬕᬂᬰᬰᬶᬄ᭞ᬲᬳᬵᬩᬦ᭄ᬢᭂᬦ᭄ᬳᬩᬢ᭄ᬓᬦ᭄᭞ᬩᬩᬗ᭄ᬓᬶᬢ᭄ᬕᬬᬄᬫᬓᬤ᭄ᬥᬶ᭞ᬩᬚᬂᬲᬫ᭄ᬩᬸᬢᬦ᭄ᬢᬦ᭄ᬫᬭᬶ᭞ᬚᬚᬗᬦᬦ᭄ᬲᬋᬂ
ᬓᬸᬫ᭄ᬧᬸᬮ᭄᭞ᬮᬦ᭄ᬶᬂᬓᬫᬸᬮᬦ᭄᭞ᬲᬧᬸᬧᬸᬢ᭄ᬣᬵᬫᬓᬵᬲᬫ᭄ᬫᬶ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬘᬭᬶᬢᬬᬂᬧᬘᬂᬦᬢᬩ᭄᭟ᬫᬩᬓ᭄ᬢᬶᬭᬶᬂᬓᬫᬸᬮᬦ᭄᭞ᬭᬯᬶᬂᬫᬾᬫᬾᬦ᭄ᬳᬦᬓ᭄ᬳᬮᬶᬢ᭄᭞ᬫᬓ᭄ᬲᬸᬤ᭄ᬳᬶᬧᬸᬦ᭄ᬦᬸᬦᬲ᭄ᬮᬸᬕ᭄ᬭᬵ᭞ᬓᬂᬭᬭᬾᬳᬫᬶᬡ᭄ᬝᬵᬉᬭᬶᬧ᭄
᭞ᬭᬶᬂᬪᬝᬵᬭᬰᬶᬯ᭄ᬯᬵᬭᬯᬶ᭞ᬧᬦᭂᬫ᭄ᬩᬾᬦᬾᬧᬘᬂᬗ᭄ᬭᬗ᭄ᬲᬸᬓ᭄᭞ᬗᬗ᭄ᬕᬾᬫᬲ᭄ᬫᬶᬯᬄᬲᭀᬘᬵ᭞ᬳᬶᬘᬢᬹᬃᬮᬶᬦᬸ᭠ᬓᬢ᭄ᬫᬮᬶᬄ᭞ᬭᬯᬶᬂᬭᬭᬾ᭞ᬳᬩᬺᬰᬶᬄᬭᬭᬶᬲ᭄ᬫᬢᬶᬃᬢ᭄ᬣᬵ᭟ᬯᬸᬲ᭄ᬫᬢᬶᬃᬢ᭄ᬣᬵᬫᬳᬶᬍᬳᬦ᭄᭞ᬧᬦᬓ᭄ᬧᬦᬓᬦ᭄ᬫᬓᬥ᭄ᬥᬶ᭞ᬩ
ᬮᬶᬕᭀᬩᬢᬸᬩᬸᬮᬶᬢᬦ᭄᭞ᬢᬮᬸᬄᬲᬫᬶᬫᬓᬫ᭄ᬩᭂᬦᬶᬦ᭄᭞ᬫᬕ᭄ᬮᬂᬫᬧᬸᬧᬸᬓ᭄ᬱᬫ᭄ᬫᬶ᭞ᬓᭀᬘᬧ᭄ᬩᬚᬂᬯᬲ᭄ᬢ᭠ᬦ᭄ᬳᬶᬧᬸᬦ᭄᭞ᬗᬸᬍᬳᬶᬦ᭄ᬍᬲᬸᬂᬩ᭄ᬭᬶᬬᬸᬓᬦ᭄᭞ᬫᬶᬯᬄᬚᬚᬗᬦᬦ᭄ᬫᬮᬶᬄ᭞ᬯᬸᬲ᭄ᬫᬶᬍᬳᬦ᭄᭞ᬯᬲ᭄ᬢᬜᬵᬗ᭄ᬮᬸᬯᬭᬂᬩᬚ᭄ᬚᬂ᭟ [ 8 ][᭗ 7B]
᭗
ᬳᬶᬘᬢᬸᬃᬫᬕᭂᬦ᭄ᬢᬶᬳᬭᬦ᭄᭞ᬳᬶᬫᬮᬶᬨᬳᬶᬫᬮᬶᬧᬶ᭞ᬩᬧᬩᬚ᭄ᬚᬂᬩᬩᬸᬩᬚ᭄ᬚᬂ᭞ᬫᬗ᭄ᬓᬦᬵᬮᬶᬂᬦᬶᬂᬭᬶᬂᬳᬚ᭄ᬚᬶ᭞ᬓ᭄ᬘᬧ᭄᭞ᬲᬂᬳ᭄ᬬᬂᬕ᭄ᬭᬸᬢ᭄ᬣᬶᬲ᭄ᬫᬺᬢ᭄ᬣᬶ᭞ᬗᬸᬘᬧᬂᬭᬭᬾᬫᬢᬸᬯᬸᬄ᭞ᬬᬦ᭄ᬲᬫ᭄ᬧᬸᬦᬶᬂᬳ᭄ᬦᭂᬫ᭄ᬩᬸᬮᬦ᭄᭞ᬉᬨᬓᬭᬵᬫᬗᭀᬢᭀᬦᬶ
ᬦ᭄᭞ᬢ᭄ᬕᭂᬲ᭄ᬳᬶᬧᬸᬦ᭄᭞ᬦᬸᬦᬲ᭄ᬮᬸᬕ᭄ᬭᬵᬭᬶᬂᬪᬝᬵᬭᬵ᭟ᬢᭂᬫ᭄ᬩᬾᬦᬶᬂᬫᬦᬧᬓ᭄ᬍᬫᬄ᭞ᬫᬗ᭄ᬤᬾᬰ᭄ᬯᬾᬘ᭄ᬙᬵᬲᬂᬳ᭄ᬬᬂ᭠ᬯᬶᬤ᭄ᬥᬶ᭞ᬢᬦ᭄ᬓᬢᬫᬦ᭄ᬉᬨᬤ᭄ᬭᬯ᭄ᬯᬵ᭞ᬗ᭄ᬭᬭᬶᬲ᭄ᬫᬕᭀᬕᭀᬯᬦ᭄ᬫᬮᬶᬄ᭞ᬢ᭄ᬮᬰᬵᬫᬾᬰᬶᬫᬲ᭄ᬧᬶᬧᬶᬲ᭄᭞ᬳᬸᬮᬫ᭄ᬢᬸᬓᬤ᭄ᬫᬶᬯᬄᬧ
ᬦ᭄ᬢᬸᬦ᭄᭞ᬫᬩᬶᬦ᭄ᬫᬢᬢᭂᬧ᭄ᬕᬸᬳᬸᬗᬦ᭄᭞ᬫᬶᬱᬶᬩ᭄ᬭᬰ᭄ᬧᬘᭀᬓ᭄ᬧᬶᬢᬶᬓ᭄᭞ᬫᬗ᭄ᬤᬾᬦ᭄ᬳ᭄ᬮᬸᬄ᭞ᬓᭀᬘᬧ᭄ᬲᬸᬫᬗᬾᬃᬯᬲ᭄ᬢᬜᬵ᭟ᬭᬭᬶᬲ᭄ᬫᬮᬸᬓᬢ᭄ᬫᬢᬶᬃᬢ᭄ᬣᬵ᭞ᬳᬶᬜᬫ᭄ᬫᬵᬘᬢᬸᬃᬫᬗᬶᬭᬶᬂ᭞ᬯᬸᬲ᭄ᬮᬶᬦᬸᬓᬢ᭄ᬕᭂᬦ᭄ᬢᬶᬳᬭᬦ᭄᭞ᬓᭀᬃᬰᬶᬓᬵ
ᬕᬃᬖ᭄ᬕᬫᬾᬢ᭄ᬭᬶ᭞ᬲᬂᬓᬸᬭᬸᬱ᭄ᬬᬵᬧᬺᬢᬢ᭄ᬜᬮᬶ᭞ᬧᬸᬦᬸᬥᬸᬄᬤᬾᬭᬵᬲᬂᬯᬶᬓᬸ᭞ᬫᬸᬮᬶᬄᬭᬶᬂᬗ᭄ᬕᭀᬦ᭄ᬰ᭄ᬯᬂᬰ᭄ᬯᬂ᭞ᬫᬗ᭄ᬓᬦᬵᬓᭀᬚᬭᬶᬂᬳᬚ᭄ᬚᬶ᭞ᬰ᭄ᬭᬸᬢᬶᬲ᭄ᬫᬺᬢ᭄ᬬᬵ᭞ᬫᬗ᭄ᬓᬶᬦ᭄ᬗᬸᬢᬂᬩᭀᬓ᭄ᬳᬸᬘᬧᬂ᭟ᬢ᭄ᬕᭂᬲ᭄ᬳᬶᬧᬸᬦ᭄ᬫᬗᬶᬘᬮᬂ᭞ᬫᬮᬦᬶᬂᬭ
[᭘ 8A]
ᬫ᭄ᬩᬸᬢ᭄ᬧᬗᬯᬶᬢ᭄᭞ᬲᬳᬵᬩᬦ᭄ᬢᭂᬦ᭄ᬳᬩᬢ᭄ᬓᬦ᭄᭞ᬲᬸᬘᬶᬫᬓᬤᬶᬧᬩᬗ᭄ᬓᬶᬢ᭄᭞ᬲᬧᬸᬧᬸᬣᬵᬫᬓᭂᬲᬫ᭄ᬫᬶ᭞ᬫᬶᬯᬄᬳᬢᬸᬭᬦ᭄ᬧᬫ᭄ᬬᬸᬢ᭄᭞ᬧᬶᬦᬸᬚ᭄ᬚᬵᬤᬾᬦᬶᬂᬧᬡ᭄ᬥᬶᬢ᭄ᬣᬵ᭞ᬬᬦ᭄ᬦᭂᬢᭂᬧᬂᬧᬸᬎᬧᬮᬶ᭞ᬯᬸᬲ᭄ᬫᬓ᭄ᬢᬸᬲ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬉ
ᬨᬓᬭᬵ᭟ᬳᬧᬚᭂᬕ᭄ᬋᬓᬾᬳᬤᬜᬵ᭞ᬫᬓᬤᬶᬩ᭄ᬬᬵᬓᬮᬵᬫᬮᬶᬄ᭞ᬫᬯᬲ᭄ᬢᬵᬧᬗᬺᬢ᭄ᬢᬶᬰ᭄ᬯᬭᬵ᭞ᬓᬸᬢᬸᬲ᭄ᬤᬸᬮᬂᬫᬓᬵᬲᬫ᭄ᬫᬶ᭞ᬳᬤᬸᬮᬂᬳᬬᬫ᭄ᬩᬶᬳᬶᬂ᭞ᬫᬳᬍᬤᬦ᭄ᬧᬦ᭄ᬤᬦ᭄ᬳᬶᬢᬸ᭞ᬢᬸᬫ᭄ᬧᭂᬂᬳᬩᬂᬲ᭄ᬓᬃᬩᬭᬓ᭄᭞ᬦᬾᬧᬧᬶᬢᬸ
ᬓᭀᬘᬧ᭄ᬫᬮᬶᬄ᭞ᬫᬓᬤᬶᬜᬵ᭞ᬳᬦ᭄ᬢᬸᬓ᭄ᬳᬸᬮᬫ᭄ᬚᬚ᭄ᬭᭀᬯᬦ᭄᭟ᬳᬢᬶᬕᬚᬶᬄᬮᬶᬫ᭄ᬧᬵᬧᬸᬲ᭄ᬯᬦ᭄᭞ᬧᬧᬭᬸᬩᬸᬯᬳᬦ᭄ᬫᬮᬶᬄ᭞ᬫᬓᬤᬶᬜᬵᬳᬢ᭄ᬢᬶᬧ᭄ᬭᬚ᭄ᬜᬵᬦ᭄᭞ᬦᬶᬓᬵᬫᬗ᭄ᬕᬾᬦ᭄ᬫᬓᬸᬮᬫᬶᬦ᭄᭞ᬫᬍᬤᬦ᭄ᬲ᭄ᬮᬶᬯᬄᬳᬲᬶᬓᬶ
᭞ᬫ᭄ᬯᬱ᭄ᬝᬵᬲᬤ᭄ᬕᬸᬢ᭄ᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬫᬍᬤᬦ᭄ᬳᬶᬲᭂᬄᬲᬦᬸᬗ᭄ᬕᬮ᭄᭞ᬳᬢᭂᬧ᭄ᬧᬺᬫᬡ᭄ᬦᬵᬓᬤᬤᬶᬦ᭄᭞ᬦᬾᬲᬶᬓᬶᬬᬦ᭄᭞ᬧᬗ᭄ᬢᬸᬢ᭄ᬳᬢ᭄ᬫᬵᬯᬱ᭄ᬝᬜᬵ᭟ᬫᬤᬕᬶᬂᬳ᭄ᬮᬶᬲ᭄ᬳᬧᬲᬂ᭞ᬭᬯᬶᬂᬫᬓᬫ᭄ᬩᭂᬦ᭄ᬩᬩᬮᬶ᭞ᬫᬲᬩᬸᬓᬶᬦ᭄ᬲᬸ [ 9 ][᭘ 8A]
᭘
ᬕᬶᬄᬋᬦ᭄ᬤᬄ᭞ᬢᬸᬭᬸᬢ᭄ᬜᬦᬾᬲᬸᬓᬵᬯᬺᬥ᭄ᬥᬶ᭞ᬧᬸᬧᬸᬢ᭄ᬫᬩ᭄ᬬᬵᬓᬮᬵᬫᬗ᭄ᬓᬶᬦ᭄᭞ᬫᭂᬱᬾᬄᬭᬭᬶᬲ᭄ᬓᬲ᭄ᬢᬸᬧᬸᬗ᭄ᬓᬸ᭞ᬫᬢᬶᬕᬲᬜ᭄ᬘᬢᬸᬃᬯᬃᬡ᭄ᬦᬵ᭞ᬲ᭄ᬯᬫ᭄ᬩᬸᬫᬺᬢ᭄ᬣᬵᬓᭀᬱ᭄ᬬᬵᬗ᭄ᬘᬧᬶᬦ᭄᭞ᬢ᭄ᬕᭂᬲ᭄ᬳᬶᬧᬸᬦ᭄᭞ᬫᬗ᭄ᬤᬾᬫᬗᬺᬢ᭄ᬢᬶᬰ᭄ᬯᬭᬵ᭟ᬯᬸᬲ᭄ᬭᬭᬾᬫᬓ᭄ᬢᬸ
ᬲ᭄ᬬᭀᬕ᭄ᬬᬵ᭞ᬫᬢ᭄ᬧᭀᬂᬓᬃᬡ᭄ᬦᬵᬳᬚᬳᬶᬦ᭄᭞ᬫᬗᬚᬶᬢᬢ᭄ᬯᬵᬧᬺᬮᬫ᭄ᬩᬂ᭞ᬯᬸᬲ᭄ᬓᬳᬤᬦ᭄ᬫᬦᬄᬩᬸᬤ᭄ᬥᬶ᭞ᬲᬢ᭄ᬯᬵᬭᬚᬄᬢᬫᬄᬯ᭄ᬬᬓ᭄ᬢᬶ᭞ᬬᭀᬕ᭄ᬬᬵᬳᬸᬭᬸᬓ᭄ᬫᬗ᭄ᬤᬾᬧᬢᬸᬢ᭄᭞ᬓᭀᬘᬧ᭄ᬰ᭄ᬯᬭᬵᬧᬭᬶᬥᬡ᭄ᬦᬵ᭞ᬳᬗ᭄ᬕᬲ᭄ᬢ᭄ᬬᬵᬜ᭄ᬭᬶ
ᬢᬬᬂᬫᬮᬶᬄ᭞ᬳ᭄ᬬᬦᬶᬂᬲᬫ᭄ᬧᬸᬦ᭄᭞ᬳᬦᬓᬾᬤ᭄ᬳᭂᬢᬭᬸᬡ᭄ᬦᬵ᭟ᬭᬾᬄᬳᬤᬦᬶᬦ᭄ᬩ᭄ᬭᬳ᭄ᬫᬵᬳᬢ᭄ᬬᬵ᭞ᬯ᭄ᬦᬂᬉᬨᬓᬭᬵᬫᬮᬶᬄ᭞ᬧᬫᬭᬶᬲᬸᬤ᭄ᬥᬵᬦᬶᬂᬤᬾᬯ᭄ᬯᬵ᭞ᬗᬶᬘᬮᬂᬍᬢᬸᬳᬾᬲᬫᬶ᭞ᬳᬫᬚᭂᬕ᭄ᬗᬦ᭄ᬢᭂᬦ᭄ᬜᬵᬲᬫᬶ᭞ᬲᬉᬧᬓ᭠
ᬭᬵᬦᬾᬧᬸᬧᬸᬢ᭄᭞ᬬᬦ᭄ᬗᬦᬸᬢᬂᬧᬭᬶᬓ᭄ᬭᬫ᭄ᬫᬵ᭞ᬫᬦᬸᬭᬸᬢ᭄ᬓ᭄ᬘᬧᬶᬂᬳᬚ᭄ᬚᬶ᭞ᬭᬚᬵᬰ᭄ᬯᬎ᭞ᬢᭂᬫ᭄ᬩᬾᬦᬶᬂᬓ᭠ᬩ᭄ᬭᬳ᭄ᬫᬵᬳᬢ᭄ᬬᬵ᭟ᬮᬶᬂᬦᬶᬂᬳᬗ᭄ᬕᬱ᭄ᬝ᭄ᬬᬵᬜ᭄ᬭᬶᬢᬬᬂ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬘ᭄ᬭᬶᬢ᭄ᬣᬵᬫᬮᬶᬄ᭞ᬬᬦ᭄ᬲᬫ᭄ᬧᬸᬦᭂᬫ᭄ᬩ᭄ᬮᬲ᭄ᬢᬶ
[᭙ 9A]
ᬩᬦ᭄᭞ᬯᬾᬦ᭄ᬢᭂᬦ᭄ᬳᬸᬨᬓᬭᬵᬫᬮᬶᬄ᭞ᬫᬢᬢᬄᬓᬯᬢᬦᬶᬦ᭄᭞ᬗᬶᬘᬮᬂᬫᬮᬦᬶᬂᬭᬫ᭄ᬩᬸᬢ᭄᭞ᬗᬶᬘᬮᬂᬫᬮ᭠ᬦᬶᬂᬘᬃᬫ᭄ᬫᬵ᭞ᬫᬓᬤᬶᬫᬮᬦᬶᬂᬕᬶᬕᬶ᭞ᬲᬧᬸᬦᬶᬓᬵ᭞ᬫᬸᬗ᭄ᬕᬄᬭᬶᬂᬓ᭄ᬘᬧᬶᬂᬲᬱ᭄ᬝ᭄ᬭᬵ᭟ᬫᬫᭀᬢᭀᬂᬕᬶᬕᬶᬫᬢᬢᬄ᭞ᬲᬉᬨᬓᬃᬬ᭄ᬬ
ᬦᬾᬲᬫ᭄ᬫᬶ᭞ᬳᬶᬘᬢᬹᬃᬲᬦᬓ᭄ᬮᬶᬦᬸᬓᬢ᭄᭞ᬓᭀᬘᬧ᭄ᬫᬗ᭄ᬤᬾᬲᬋᬂᬩᬺᬰᬶᬄ᭞ᬯᬸᬲ᭄ᬮᬶᬦᬸᬓᬢ᭄ᬘ᭄ᬭᬶᬢ᭄ᬣᬵᬫᬮᬶᬄ᭞ᬫᬩ᭄ᬬᬓᬮᬵᬲᬋᬂᬓᬸᬫ᭄ᬧᬸᬮ᭄᭞ᬓᬧᬶᬭ᭄ᬯᬦᬶᬂᬉᬨᬓᬭᬵ᭞ᬳᬫᬸᬚᬵᬳᬶᬲ᭄ᬫᬭᬵᬭᬢᬶᬄ᭞ᬳᬦᬫ᭄ᬢᬫᬶ᭞ᬓᬬᭀᬳᬦᬦ᭄ᬲᬂᬫᬫᬸᬶᬢᬢᬄ
᭟ᬢᬢᬩᬜᬵᬳᬩᬢ᭄ᬓᬦ᭄᭞ᬭᬯᬸᬄᬓᬨᬫᬺᬫᬦ᭄ᬲᬫᬶ᭞ᬱᬩᬗ᭄ᬓᬶᬢ᭄ᬕᬸᬮᬶᬂᬫ᭄ᬯᬂᬕᬬᬄ᭞ᬫᬶᬯᬄᬲᬲᬢᬾᬩᭂᬩ᭠ᬮᬶ᭞ᬧᬶᬓᭂᬓᭂᬄᬫᬶᬡ᭄ᬦᬵᬓᬤ᭄ᬥᬶ᭞ᬫᬩ᭄ᬬᬓᬮᬵᬲᬋᬂᬓᬸᬫ᭄ᬧᬸᬮ᭄᭞ᬯᬾᬦ᭄ᬢᭂᬦ᭄ᬮ᭄ᬬᬦ᭄ᬫᬮᬶᬄᬳᬧᬲᬮ᭄᭞ᬭᬶᬂᬧᬢᬢᬳᬦ᭄ᬦ᭄ᬦᬾ᭠
ᬯ᭄ᬬᬓ᭄ᬢᬶ᭞ᬧᬸᬍᬓᬺᬢ᭄ᬢᬶ᭞ᬫᬓᬤᬶᬜᬵᬨᬫᬚᬗᬦ᭄᭟ᬭᬯᬶᬂᬩᬦ᭄ᬢᭂᬦ᭄ᬧᬸᬎᬕᬾᬫ᭄ᬩᬮ᭄᭞ᬢᭂᬕ᭄ᬢᭂᬕ᭄ᬫᬶᬯᬄᬧᬮ᭄ᬢᬶᬓ᭄ᬘᭂᬗ᭄ᬓᬶᬃ᭞ᬳᭀᬯᬤᬫᭂᬮ᭄ᬲ᭄ᬓᬃᬲᬶᬢᬫᬦ᭄᭞ᬩᬩᬮᬶᬮᬦ᭄ᬲᬧᬸᬢ᭄ᬓᬸᬦᬶᬂ᭞ᬢ᭄ᬥᬸᬦ᭄ᬫᬧᭂᬜ᭄ᬚᭂᬓᬦ᭄ᬮᬶᬗ᭄ᬕᬶᬲ᭄᭞ᬗ᭄ᬢᭀᬓ᭄ᬩᬜ᭄ᬘᬓᭂ [ 10 ][᭙ 9B]
᭙
ᬢ᭄ᬧᬶᬂᬢ᭄ᬮᬸ᭞ᬲᬦᬾᬫᬢᬢᬄᬫ᭄ᬮᬭᬂ᭞ᬢᬦ᭄ᬤᬤᭀᬲ᭄ᬓᬧᬯᭀᬦ᭄ᬗ᭄ᬭᬜ᭄ᬚᬶᬂ᭞ᬲᬨᬤᬫ᭄ᬫᭂᬮ᭄᭞ᬢᬸᬢᬸᬕᬂᬢᬶᬕᬂᬭᬳᬶᬡ᭄ᬦᬵ᭟ᬬᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬫᬢᬢᬄ᭞ᬳᬢ᭄ᬫᬦᬾᬫᬗᬸᬢ᭄ᬕᬸᬢᬶᬳᬶᬂ᭞ᬭᬶᬂᬳᬬᬵᬢᬡ᭄ᬦᬵ᭞ᬓᭀᬘᬧᬵᬭᬶᬂᬮᬶᬂᬦᬶᬂ
ᬳᬚ᭄ᬚᬶ᭞ᬳᬢ᭄ᬫᬵᬧᬺᬰᬗ᭄ᬰᬵᬗ᭄ᬘᬧᬶᬦ᭄᭞ᬬᬦ᭄ᬮᬶᬯᬃᬲᬓᬶᬂᬧᬸᬦᬶᬓᬸ᭞ᬉᬨᬓᬭᬦᬾᬫᬢᬢᬄ᭞ᬓᬯ᭄ᬦᬂᬯ᭄ᬦᬗᬾᬫᬮᬶᬄ᭞ᬬᬦ᭄ᬩ᭄ᬭᬳ᭄ᬫᬵᬡ᭄ᬦᬵ᭞ᬫᬤᬶᬓ᭄ᬱᬵᬧᬘᬂᬢᬸᬚᬸᬜᬵ᭟ᬫᬗ᭄ᬲᬸᬤ᭄ᬳᬶᬧᬸᬦ᭄ᬫᬗᬶᬘᬮᬂ᭞ᬍᬢᬸᬄᬰᬾᬦ᭄ᬥ᭄ᬭᬶᬬᬵᬲᬫ᭄ᬫᬶ᭞ᬫ
ᬗᬺᬢ᭄ᬲᬤ᭄ᬯᬃᬖ᭄ᬕᬵᬰᬭᬶᬭᬵ᭞ᬓᬂᬰᬭᬶᬭᬵᬫᬗ᭄ᬤᬾᬩᬺᬰᬶᬄ᭞ᬮ᭄ᬯᬶᬃᬳᬶᬘᬢᬸᬃᬲᬦᬓᬾᬲᬫ᭄ᬫᬶ᭞ᬫᬮᬶᬄᬕᬶᬦ᭄ᬢᬶᬳᬭᬦᬶᬧᬸᬦ᭄᭞ᬲ᭄ᬭᬸᬯᬶᬲ᭄ᬫᬺᬢ᭄ᬣᬶᬗᬸᬘᬧᬂ᭞ᬰ᭄ᬯᬭᬵᬧᬭᬶᬤᬡ᭄ᬦᬵᬫᬮᬶᬄ᭞ᬫᬶᬢᬸᬭᬸᬢ᭄ᬢᬂ᭞ᬲᬲᬦᬦᬶᬂᬓᬨᬡ᭄ᬥᬶᬢᬦ᭄᭟ᬰᭀᬃᬦᬶᬂ᭠
ᬩ᭄ᬭᬳ᭄ᬫᬵᬦᬵᬫᬯᬶᬦ᭄ᬢᭂᬦ᭄᭞ᬲᬂᬫᬯᬶᬦ᭄ᬢᭂᬦ᭄ᬫᬗ᭄ᬤᬾᬩᬺᬰᬶᬄ᭞ᬫᬗᬗ᭄ᬕᬾᬧᬸᬢᬶᬄᬧ᭄ᬭᬤ᭄ᬕᬦ᭄᭞ᬳᬶᬦᬸᬨᬓᬭᬵᬫᬢᬸᬮᬶᬲ᭄᭞ᬲᬦ᭄ᬢᬸᬓ᭄ᬢ᭄ᬩᬸᬫᬶᬦᭂᬓᬤ᭄ᬥᬶ᭞ᬫᬥᬸᬫᬗ᭄ᬕᬾᬢᭀᬬᬦ᭄ᬳᬶᬧᬸᬦ᭄᭞ᬓᬲᬸᬭᬵᬢ᭄ᬤᬾᬋᬱᬂᬧᬡ᭄ᬥ᭄ᬬᬵ᭞ᬦᬸᬦᬲ᭄ᬓᬮᬸ
[᭑᭐ 10A]
ᬧᬸᬢᬦ᭄ᬲᬫᬶ᭞ᬢ᭄ᬕᭂᬲ᭄ᬳᬶᬧᬸᬦ᭄᭞ᬢᬦ᭄ᬓᬢᬫᬦ᭄ᬤᬸᬨᬤ᭄ᬭᬯ᭄ᬯᬵ᭟ᬫᬗᬸᬜ᭄ᬘᬭᬂᬮᬶᬂᬦᬶᬂᬲᬰ᭄ᬢ᭄ᬭᬵ᭞ᬧᬺᬕᭀᬮᬦ᭄ᬫᬶᬯᬄᬲ᭄ᬫᬥ᭄ᬥᬶ᭞ᬬᬤᬶᬦ᭄ᬗᬸᬗ᭄ᬕᬸᬳᬂᬲᬸᬭᬢ᭄᭞ᬫᬗ᭄ᬤᬾᬭᬳᬬᬸᬓᬧᬗ᭄ᬕᬶᬄ᭞ᬕᬸᬭᬸᬓ᭄ᬢᬄᬦᬶᬱ᭄ᬝᬵᬯ᭄ᬬᬓ᭄ᬢᬶ᭞ᬲᬱ᭄ᬝ᭄ᬭᬓ᭄ᬢᬄᬫ᭄ᬥ᭄ᬬᬳᬶᬓᬸ᭞ᬲᬦᬾᬧᬸᬧᬸ
ᬢ᭄ᬭᬶᬂᬲ᭄ᬯᬢᬄ᭞ᬧᬸᬦᬶᬓᬵᬧᬘᬂᬧ᭄ᬮᬚᬳᬶᬦ᭄᭞ᬓ᭄ᬦᬶᬲᬫ᭄ᬧᬸᬦ᭄᭞ᬫᬯᬶᬦ᭄ᬢᭂᬦ᭄ᬫᬗᬯᬕ᭄ᬳᬯᬕ᭄᭟ᬲᬧᬸᬦᬶᬓᬵᬓᬢᬢ᭄ᬯᬜᬵ᭞ᬳᬦᬓᬾᬫᬯᬶᬦ᭄ᬢᭂᬦ᭄ᬲᬫᬶ᭞ᬬᬤᬶᬦ᭄ᬫᬫᬗ᭄ᬓ᭄ᬯᬶᬦ᭄ᬤᬾᬯᬵ᭞ᬭᬶᬂᬧᬸᬰᭂᬄᬧᬫᬓ᭄ᬱᬦ᭄ᬫᬮᬶᬄ᭞ᬯᬸᬲᬶᬦᬸᬭᬢ᭄ᬫᬮᬸᬓᬢ᭄ᬫᬮᬶᬄ᭞ᬳᬢᬶᬃᬢ᭄ᬣᬵᬫᬗ᭄ᬤᬾ
ᬦᬾᬧᬸᬧᬸᬢ᭄᭞ᬯᬸᬲ᭄ᬫᬢᬶᬃᬢ᭄ᬣᬵᬫᬮᬩᬬᬦ᭄᭞ᬲ᭄ᬤᬄᬢᬸᬫ᭄ᬭᭀᬲ᭄ᬩ᭄ᬯᬄᬘᬗᬸᬭᬶᬧ᭄᭞ᬢᬸᬃᬫᬲᬸᬭᬢ᭄᭞ᬳᬦ᭄ᬢᬸᬓ᭄ᬰ᭄ᬯᬭᬵᬯ᭄ᬬᬜ᭄ᬚᬡ᭄ᬦᬵ᭟ᬳᬶᬓᬂᬰ᭄ᬯᬭᬵᬗᬭᬦ᭄ᬲᬩ᭄ᬤᬵ᭞ᬯ᭄ᬬᬜ᭄ᬚᬡ᭄ᬦᬵᬧᬸᬧᬸᬮᬶᬂᬳᬚ᭄ᬚᬶ᭞ᬰ᭄ᬭᬸᬢᬶᬲ᭄ᬫᬺᬢ᭄ᬣᬶᬫᬗᬸᬘᬧᬂ᭞ᬧᬶᬢ᭄ᬕᭂᬲ᭄ᬫᬢᬶᬃᬢ᭄ᬣᬵᬫ
ᬮᬶᬄ᭞ᬫᬓ᭄ᬢᬶᬲ᭄ᬧᬶᬂᬢ᭄ᬭᬶᬡ᭄ᬦᬶ᭞ᬫᬗ᭄ᬲᬸᬤ᭄ᬗᬢᬸᬭᬂᬧᬫ᭄ᬮᬬᬸ᭞ᬫᬭᬶᬲᬸᬥ᭄ᬥᬵᬳ᭄ᬬᬂᬓᬯᬶᬢᬦ᭄᭞ᬫᬜᬶᬬᬸᬧ᭄ᬧᬶᬂᬢᬶᬕ᭄ᬕᬵᬯ᭄ᬬᬓ᭄ᬢᬶ᭞ᬢ᭄ᬕᭂᬲ᭄ᬳᬶᬧᬸᬦ᭄᭞ᬧᬗᬼᬩᬸᬭᬦ᭄ᬳᬶᬢ᭄ᬭᬶᬫᬮᬵ᭟ᬫᬮᬶᬄᬫᬭᬯᬸᬧ᭄ᬧᬶᬂᬢᬶᬕ᭄ᬕᬵ᭞ᬢ᭄ᬕᭂᬲ᭄ᬳᬶᬧᬸᬦ᭄ᬫᬫᬺᬰᬶᬳᬶᬦ᭄᭞ᬳᬶᬘᬢᬸᬃ [ 11 ][᭑᭐ 10B]
᭑᭐
ᬮᭀᬓᬵᬰᬭᬶᬭᬵ᭞ᬫᬗᬦ᭄ᬯᬶᬚ᭄ᬚᬵᬧᬶᬢᬸᬂᬲᬶᬓᬶ᭞ᬢᬦ᭄ᬯ᭄ᬦᬂᬋᬫᭂᬓᭂᬦ᭄ᬯ᭄ᬬᬓ᭄ᬢᬶ᭞ᬎᬤ᭄ᬚᬸᬕ᭄ᬕᬵᬓᬮᬦᬶᬗᬶᬦᬸᬫ᭄᭞ᬩᬶᬩᬶᬢ᭄ᬲᬓᬶᬂᬧᬜ᭄ᬘᬢᬶᬃᬢ᭄ᬣᬵ᭞ᬮᬶᬂᬦᬶᬂᬳᬚᬶᬫᬗ᭄ᬤᬾᬉᬭᬶᬧ᭄᭞ᬲᬧ᭄ᬝᬵᬩᬬᬸ᭞ᬫᬤᬾᬯᬾᬓ᭄ᬳᬸᬭᬶᬧᬶᬂᬚᬕᬢ᭄᭟ᬳᬯᬦ
ᬦ᭄ᬫᬮᬶᬄᬫᬲ᭄ᬓᬃ᭞ᬫᬗ᭄ᬲᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬫ᭄ᬧᬸᬦ᭄ᬲᬸᬥ᭄ᬥᬵᬳᬶᬢ᭄ᬭᬶᬫᬮᬵ᭞ᬢ᭄ᬭᬶᬧᬭᬶᬲᬸᬤ᭄ᬥᬵᬓᬤᬦᬶᬦ᭄᭞ᬤᬤᭀᬲ᭄ᬫᬥᬾᬯᬾᬓ᭄ᬯᬗᬶᬂ᭞ᬲᬧᬸᬦᬶᬓᬵᬓ᭄ᬘᬧ᭄ᬳᬶᬓᬸ᭞ᬫᬭᬶᬂᬢᬢ᭄ᬯᬵᬓᬧᬡ᭄ᬥᬶᬢᬦ᭄᭞ᬫ᭄ᬯᬂᬭᬶᬂᬫᬳᬾᬲ᭄ᬯᬭᬶᬢᬢ᭄ᬯᬶ᭞ᬳᬶᬦ᭄ᬥ᭄ᬭᬵᬮᭀᬓᬵ᭞
ᬗᬸᬘᬧᬂᬭᬶᬂᬳᬶᬦ᭄ᬤᬶᬓᬦ᭄᭟ᬫᬗ᭄ᬓᬶᬦ᭄ᬕᬫ᭄ᬫᬵᬓᬧᬢ᭄ᬬᬦ᭄᭞ᬭᬶᬂᬢᬶᬗ᭄ᬕᬮᬶᬂᬲᬂᬳ᭄ᬬᬂᬉᬭᬶᬧ᭄᭞ᬭᬶᬗᭂᬦ᭄ᬤᬶᬋᬓᬾᬳᬸᬗ᭄ᬕ᭄ᬯᬦ᭄ᬜᬵ᭞ᬭᬶᬂᬳᬯ᭄ᬯᬵᬧᭀᬚᬭᬶᬂᬳᬚ᭄ᬚᬶ᭞ᬲᬢ᭄ᬲᬢ᭄ᬩᬦ᭄ᬢᬂᬲᬯᬦ᭄ᬦᬾᬓᬶ᭞ᬇᬦᬸᬘᬧ᭄ᬤᬳᬢᬶᬂᬍᬢᬸᬄ᭞ᬓ᭄ᬭᬡ᭄ᬦᬵᬗᬃᬬ᭄ᬬᬧ
ᬩᬺᬱ᭄ᬳᬶᬳᬦ᭄᭞ᬤᬤᭀᬲᬂᬳᬤᬸᬮᬂᬲᬫ᭄ᬫᬶ᭞ᬉᬨᬓᬭᬵ᭞ᬲᬯ᭄ᬯᬵᬫᬩᬺᬰᬶᬄᬢᬸᬢᬸᬕᬂ᭟ᬦᬾᬫ᭄ᬯᬱ᭄ᬝᬵᬧᬩᬺᬰᬶᬳᬦ᭄᭞ᬫᬗ᭄ᬤᬾᬜᬫ᭄ᬧᬸᬭᬬᬂᬢᬶᬤᬶᬓ᭄᭞ᬫ᭄ᬓᬦᬾᬧᬶᬦᬓᬵᬫᬢ᭄ᬣᬵ᭞ᬯᬚᬦᬾᬧᬶᬦᬓᬵᬕᬶᬕᬶ᭞ᬲᬶᬓᬨᬗᬮᬸ᭠
[᭑᭑ 11A]
ᬲᬂᬓᬸᬮᬶᬢ᭄᭞ᬫᬕ᭄ᬦᬫᬾᬫᬓᬵᬧᬫᬸᬮᬸ᭞ᬬᬦ᭄ᬫᬶᬜᬓᬶᬂᬓᬮᬾᬦ᭄ᬢᬂ᭞ᬢᭀᬬᬦ᭄ᬫᬢ᭄ᬣᬵᬓᬯᬱ᭄ᬝᬦᬶᬦ᭄᭞ᬩᭂᬩᭂ᭠ᬓ᭄ᬳᬶᬓᬸ᭞ᬓᭀᬘᬧ᭄ᬤᬕᬶᬂᬚᬚ᭄ᬭᭀᬯᬦ᭄᭟ᬳᬫ᭄ᬧᬾᬓ᭄ᬳᬫ᭄ᬧᭀᬓ᭄ᬢᬸᬳᬸᬂᬩᭀᬮᬵ᭞ᬤᬯᬸᬦ᭄ᬧᬥ᭄ᬫᬵᬬᬦᬶᬂᬳᬶᬲ᭄ᬢ᭄ᬭᬶ᭞ᬫ᭄ᬦᬸᬄᬘᬮᬶᬂ
ᬓ᭄ᬯᬗᬶᬭᬾᬓᬵ᭞ᬳᬦᬸᬢ᭄ᬳᬸᬓᬸᬃᬓᬚᬂᬲᬫ᭄ᬫᬶ᭞ᬳᬗᭂᬦᬦ᭄ᬫᬶᬦᬵᬓᬤ᭄ᬥᬶ᭞ᬘᬯᬦ᭄ᬕᬸᬎᬢᬸᬮᬓ᭄ᬢᬮᬸᬄ᭞ᬮᬜ᭄ᬚᬶᬦᬄᬓᭀᬘᬶᬳᬩᬶᬤ᭄ᬥᬂ᭟ᬘ᭄ᬮᬸᬧᭀᬦ᭄ᬲᬶᬕᬶᬫᬶᬰᬶᬍᬗᬶᬲ᭄᭞ᬫ᭄ᬤᬕᬶᬂᬕ᭄ᬦᬶ᭞ᬦᬶᬦᬸᬘᬧ᭄ᬲᬧ᭄ᬝᬵᬥᬾᬯᬢ᭄ᬣᬵ᭟ᬫᬢᬢᬓᬦ᭄ᬩᬩᭀᬓᭀᬭᬦ᭄
᭞ᬩ᭄ᬭᬲ᭄ᬚᬶᬦᬄᬓᬓᬲᬂᬫᬮᬶᬄ᭞ᬜᬸᬄᬘᬫᬦᬶᬂᬢᬫ᭄ᬩᬂᬜᬵ᭞ᬫᬤᬕᬶᬂᬳᬭᬸᬗᭂᬩᭂᬓᬶᬦ᭄᭞ᬧᬘ᭄ᬓᬶᬦ᭄ᬳᬗᭂᬦᭂᬦ᭄ᬫᬮᬶᬄ᭞ᬩᬸᬗ᭄ᬲᬶᬮ᭄ᬫᬢᬦᭂᬫ᭄ᬭᬶᬂᬳᬭᬸ᭞ᬫᬕ᭄ᬦᬄᬮᬸᬳᬸᬭᬶᬂᬲᬯ᭄ᬯᬵ᭞ᬬᬦ᭄ᬢᭂᬕᭂᬲᬂᬫᬓᬵᬲᬫ᭄ᬫᬶ᭞ᬓᭀᬘᬧ᭄ᬳᬶᬓᬸ᭞ᬧᬳᬬᬸᬩᬤ᭄ᬲᬂᬳ᭄ᬬᬂ
ᬳᬢ᭄ᬫᬵ᭟ᬫᬮᬶᬄᬯᬾᬦ᭄ᬢᭂᬦ᭄ᬲᬗ᭄ᬕᬄᬢᬸᬢ᭄ᬯᬦ᭄᭞ᬭᬶᬂᬢ᭄ᬗᭂᬦ᭄ᬫᬕ᭄ᬦᬄᬩ᭄ᬘᬶᬓ᭄᭞ᬓᭀᬘᬧ᭄ᬲᬗ᭄ᬕᬄᬧ᭄ᬭᬚ᭄ᬚᬵᬧᬢ᭄ᬬᬵ᭞ᬫᬶᬯᬄᬧᬗᬯᬓᬾᬫᬮᬶᬄ᭞ᬮᭀᬦ᭄ᬢᬃᬫᬭᬶᬗ᭄ᬕᬶᬢ᭄ᬫᬚᭂᬧᬶᬢ᭄᭞ᬫᬲ᭄ᬭᭀᬩᭀᬂᬫᬯᬥᬄᬯᬓᬸᬮ᭄᭞ᬧᬦᬓ᭄ᬩ᭄ᬬᬸᬓᬬᬸᬤ᭠ [ 12 ][᭑᭑ 11B]
᭑᭑
ᬕᬶᬂᬜᬵ᭞ᬩᬶᬓ᭄ᬮᬯᬾᬋᬂᬫᬶᬰᬶᬧᬶᬧᬶᬲ᭄᭞ᬤᬾᬭᬶᬂᬯᬓᬸᬮ᭄᭞ᬩ᭄ᬭᬲ᭄ᬚᬶᬦᬄᬩ᭄ᬬᬸᬳᬶᬚᬲᬦ᭄᭟ᬓᭀᬘᬧ᭄ᬫᬯ᭠ᬱ᭄ᬝᬵᬧᬗᬯᬓ᭄᭞ᬫ᭄ᬤᬕᬶᬂᬘᬡ᭄ᬥᬡ᭄ᬦᬵᬯᬗᬶ᭞ᬫᬲᬸᬭᬢ᭄ᬧᬶᬡ᭄ᬥᬵᬯᭀᬂᬯᭀᬗᬦ᭄᭞ᬧᬲᬶᬫ᭄ᬧᬗᬦ᭄ᬳᬢ᭄ᬫᬵᬗ᭄ᬢᬶᬲ᭄᭞ᬲᬶᬬᭀᬲ᭄ᬫ
ᬮᬶᬄᬧ᭄ᬭᬚᬵᬧᬢ᭄ᬢᬶ᭞ᬓᭀᬘᬧ᭄ᬲᬂᬳ᭄ᬬᬂᬩ᭄ᬭᬳ᭄ᬫᬵᬫᬸᬗ᭄ᬕᬸᬄ᭞ᬫ᭄ᬦᬫ᭄ᬧᬶᬲᬮ᭄ᬯᬶᬃᬳᬢᬸᬭᬦ᭄᭞ᬦᬾᬓᬢᬸᬃᬓᬧ᭄ᬭᬚ᭄ᬚᬵᬧᬢ᭄ᬣᬶ᭞ᬬᬦ᭄ᬢᬃᬧᬡ᭄ᬦᬵ᭞ᬲᬂᬳ᭄ᬬᬂᬧᬶᬢᬺᬓᭀᬘᬧ᭄ᬫᬸᬓ᭄ᬢ᭄ᬬᬵ᭟ᬲᬶᬬᭀᬲ᭄ᬦᬾᬢ᭄ᬩᬾᬦᬶᬂᬰᬯ᭄ᬯᬵ᭞ᬩᬦ᭄ᬢᭂᬦ᭄ᬤᬕᬦ᭄ᬦᬶᬯᬄᬕᬸᬮᬶᬂ᭞ᬧᬶᬲᬘ᭄ᬙᬵ
ᬲᬗ᭄ᬳ᭄ᬬᬀᬫᬫᬸᬓ᭄ᬢ᭄ᬬᬵ᭞ᬫ᭄ᬯᬂᬓᬮᬵᬪᬸᬝᬵᬪᬸᬘᬭᬶ᭞ᬳᬶᬓᬵᬦᬫ᭄ᬧᬶᬫᬓᬵᬲᬫ᭄ᬫᬶ᭞ᬩᬦ᭄ᬢᭂᬦ᭄ᬤᬕᬦᬾᬫᬢᬸᬭᬸᬢ᭄᭞ᬫᬓᬤᬶᬩᬸᬩᬸᬃᬧᬶᬭᬢ᭄ᬣᬵ᭞ᬧᬦᬂᬢᬢᬸᬓᭀᬤᬾᬫᬮᬶᬄ᭞ᬓᭀᬘᬧ᭄ᬳᬶᬓᬸ᭞ᬓᬩᬓ᭄ᬢᬵᬫᬗ᭄ᬕᬾᬭᬭᬧᬦ᭄᭟ᬭᬯᬸᬳᬾᬭᬶᬂᬫᬃ
ᬕ᭄ᬕᬵᬲᬗ᭄ᬳᬵ᭞ᬲᬂᬓᬱᬶᬭᬚ᭄ᬚᬵᬫᬦᬫ᭄ᬧᬶ᭞ᬧᬜ᭄ᬚᬗᬾᬲᬂᬳᬱᬸᬳᬗ᭄ᬲᬂ᭞ᬫᬦᬫ᭄ᬧᬶᬭᬭᬶᬲ᭄ᬫᬫᬸᬓ᭄ᬢᬶ᭞ᬚᬸᬫᬄᬘᬭᬶᬢ᭄ᬣᬵᬫᬮᬶᬄ᭞ᬕᬕᬾᬜ᭄ᬚᬾᬃᬮᬦ᭄ᬢᬸᬫ᭄ᬧᬂᬲᬮᬸ᭞ᬫᬕᬮᬃᬓᭀᬘᬧ᭄ᬮᬮᬶᬫ᭄ᬫᬵ᭞ᬫᬩᬤᬶᬂᬋᬓᬾᬳᬓᬳᬓᬢᬶᬄ᭞ᬓᭀᬘᬧ᭄ᬳᬶ
[᭑᭒ 12A]
ᬓᬸ᭞ᬧᬲᬶᬦᬸᬢᬦ᭄ᬲᬂᬳ᭄ᬬᬂᬳᬢ᭄ᬫᬵ᭟ᬫᬮᬶᬄᬫᬯᬱ᭄ᬝᬵᬕᬜ᭄ᬚᬭᬦ᭄᭞ᬩᬸᬮᬸᬄᬕᬥᬶᬂᬤ᭄ᬯᬂᬓᬢᬶᬄ᭞ᬫᬢᬢᭀᬧᭀᬂᬳᬦ᭄ᬢᬸᬓᬱᬵ᭞ᬫᬲᬸᬦ᭄ᬥᬸᬓ᭄ᬫᬤᬕᬶᬂᬓ᭄ᬮᬫ᭄ᬩᬶ᭞ᬫᬲᬮᬶᬩᬄᬕᬭᬶᬗ᭄ᬲᬶᬂ᭞ᬫᬩᬸᬗ᭄ᬲᭂᬮ᭄ᬘᬯᬦ᭄ᬫᬓᬧᬸᬢ᭄᭞ᬢᬸᬃᬫᬤᬕᬶᬂᬕ
ᬕᭂᬢᭂᬧᬦ᭄᭞ᬚᬶᬦᬄᬲᬢᬓ᭄ᬱ᭄ᬮᬳᬾᬲᬫ᭄ᬫᬶ᭞ᬦᬾᬳᬓᬢᬶᬄ᭞ᬓᬭᬶᬓᬢᬸᬢᬶᬦ᭄ᬫᬸᬜ᭄ᬘᬸᬓᬵ᭟ᬲᬶᬬᭀᬲ᭄ᬫᬮᬶᬄᬭᬶᬂᬚᬩᬬᬦ᭄᭞ᬲᬗ᭄ᬕᬄᬳᬲᬕᬦ᭄ᬳᬲᬶᬓᬶ᭞ᬫᬤᬕᬶᬂᬲᬸᬦ᭄ᬤᬃᬫᬰ᭄ᬭᭀᬩᭀᬂ᭞ᬳᬦ᭄ᬢᬸᬓᬱᬵᬫᬓᬧᬸᬢᬶᬦ᭄᭞ᬲᬸᬦ᭄ᬤᬃᬜᬦᬾᬧ
ᬢᭂᬄᬲᬫ᭄ᬫᬶ᭞ᬘᬯᬦ᭄ᬕᬸᬡ᭄ᬦᬵᬓᬸᬮᬓ᭄ᬢᬮᬸᬄ᭞ᬫᬶᬜᬓ᭄ᬲᬶᬕᬶᬫᬘ᭄ᬮᬸᬧᬂ᭞ᬭᬶᬂᬩᭀᬮᭀᬂᬳᬶᬚᬶᬦᬄᬢᬸᬘᬶ᭞ᬢᬸᬃᬫᬳ᭄ᬜᬶᬢ᭄᭞ᬓᭀᬘᬧ᭄ᬳᬶᬓᬵᬧᬲᬗ᭄ᬕ᭄ᬭᬳᬦ᭄᭟ᬓᬼᬚᬂᬓᬼᬚᬶᬂᬲᬂᬳ᭄ᬬᬂᬳᬢ᭄ᬫᬵ᭞ᬲᬫᬶᬧᭀᬮᬶᬄᬓᬕ᭄ᬦᬳᬶᬦ᭄᭞ᬲᬕᬾᬢ᭄ᬭᬯᬸᬄᬲᬕᬾ
ᬢ᭄ᬮᬸᬗᬵ᭞ᬬᬦ᭄ᬓᬮᬵᬦᬃᬧᬡ᭄ᬦᬵᬯ᭄ᬬᬓ᭄ᬢᬶ᭞ᬓᬋᬋᬄᬫᬗ᭄ᬤᬾᬦᬾᬧ᭄ᬭᬧ᭄ᬝᬶ᭞ᬧᬘᬂᬦᬗ᭄ᬕᬧ᭄ᬲᬚᬶᬳᬶᬓᬸ᭞ᬗᬼᬕᬦᬶᬦ᭄ᬧᬺᬢᬶᬲᬦ᭄ᬢᬡ᭄ᬦᬵ᭞ᬢᬸᬃᬦᬫ᭄ᬧᬶᬢᬃᬧᬡ᭄ᬦᬵᬲᬫᬶ᭞ᬲᬧᬸᬦᬶᬓᬵ᭞ᬲᬱ᭄ᬢ᭄ᬭᬵᬧᬹᬃᬯ᭄ᬯᬓ᭄ᬓᬵᬗᬸᬘᬧᬂ᭟ᬬᬦ᭄ᬫᬮᬶᬄᬢᬶᬃᬢ᭄ᬣᬵᬧᬫᬦᬄ᭞ [ 13 ][᭑᭒ 12B]
᭑᭒
ᬫᬗ᭄ᬲᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬂᬳ᭄ᬬᬂᬳᬢ᭄ᬫᬵᬓᭀᬘᬾᬦ᭄ᬫᬦᬄ᭞ᬫᬗ᭄ᬤᬾᬦ᭄ᬳᬶᬮᬶᬂᬓᬤᬶᬭᬶᬳᬶᬦ᭄᭞ᬓᬤᬶᬤᬯᭂᬕᬾᬫᬉᬭᬶᬧ᭄᭞ᬧᬘᬂᬦᬫ᭄ᬧᬶᬲᬚᬶᬳᬶᬓᬸ᭞ᬬᬦᬶᬂᬢᬶᬃᬢ᭄ᬣᬵᬧᬩᬺᬰᬶᬳᬦ᭄᭞ᬫᬺᬰᬶᬳᬶᬜ᭄ᬘᬶᬢ᭄ᬣᬵᬲᬂᬫᬢ᭄ᬣᬶ᭞ᬲᬧᬸᬦᬶᬓᬵ᭞ᬢ᭄ᬕᭂᬲ᭄ᬫᬩᬺ
ᬰᬶᬄᬫᬫᬦᬄ᭟ᬯᬶᬲ᭄ᬦᬃᬧᬡ᭄ᬦᬵᬓᬯᬮ᭄ᬬᬂ᭞ᬳᬢ᭄ᬫᬦᬾᬭᬶᬂᬯᬶᬡ᭄ᬥᬸᬵᬚᬢ᭄ᬢᬶ᭞ᬫᬗ᭄ᬓᬦᬵᬓᭀᬚᬭᬶᬂᬲᬲ᭄ᬢ᭄ᬭᬵ᭞ᬢᬢ᭄ᬯᬦ᭄ᬳᬦᬓ᭄ᬫᬫᬺᬰᬶᬳᬶᬦ᭄᭞ᬦᬾᬓᬭᬓ᭄ᬱᬵᬭᬶᬂᬦ᭄ᬕᬭᬶ᭞ᬕ᭄ᬭᬳᬵᬧᬳᭀᬫᬳᬦ᭄ᬳᬶᬓᬸ᭞ᬬᬦ᭄ᬲᬯ᭄ᬯᬵᬧᭂᬦ᭄ᬤᭂᬫ᭄ᬭᬶᬂᬲ᭄ᬫᬵ᭞᭠
ᬤᬸᬦᬸᬂᬭᬶᬂᬳᬶᬪᬸᬧᬺᬢᬶᬯ᭄ᬯᬶ᭞ᬇᬓᬂᬲᬯ᭄ᬯᬵ᭞ᬭᬶᬦᬓ᭄ᬱᬾᬂᬪᬝᬵᬭᬶᬥᬸᬃᬖ᭄ᬕᬵ᭟ᬳᬶᬤᬵᬧᬗᬸᬮᬸᬦᬶᬂᬲᬾᬢᬻ᭞ᬫᬗ᭄ᬓᬦᬵᬓᭀᬚᬭᬶᬂᬳᬚᬶ᭞ᬢᬢ᭄ᬯᬦᬶᬂᬳᬫᭂᬦ᭄ᬤᭂᬫ᭄ᬲᬯ᭄ᬯᬵ᭞ᬬᬦ᭄ᬓᬮᬵᬫᬺᬢᬾᬓᬵᬯ᭄ᬬᬓ᭄ᬢᬶ᭞ᬭᬶᬂᬗᬸᬘᬧᬾᬢᬶᬕᬂᬯ᭄ᬗᬶ᭞ᬳᬦᬵ
ᬳᬸᬨᬓᬭᬦ᭄ᬳᬶᬧᬸᬦ᭄᭞ᬓᬤᬍᬫ᭄ᬗᬸᬮᬧᬶᬦ᭄ᬧᬶᬢᬻ᭞ᬦᬸᬦᬲ᭄ᬭᬶᬂᬇᬪᬸᬧᬺᬣᬶᬯ᭄ᬯᬶ᭞ᬲ᭄ᬥᬳᬦ᭄ᬲᬾᬢᬺ᭞ᬫᬶᬯᬄᬭᬶᬂᬪᬝᬵᬭᬶᬤᬸᬃᬖ᭄ᬕᬵ᭟ᬫᬓᬵᬧᬯᬓᬦᬶᬂᬰᬯ᭄ᬯᬵ᭞ᬓᬤᬾᬰᬵᬭᬶᬂᬗ᭄ᬕ᭄ᬯᬦᬾᬭᬶᬳᬶᬦ᭄᭞ᬭᬶᬗᬸᬘᬧ᭄ᬩᬾᬜ᭄ᬚᬂᬯᬶᬯᬶ
[᭑᭓ 13A]
ᬯ᭄ᬯᬵ᭞ᬳᬢ᭄ᬫᬵᬳᬶᬗᬲ᭄ᬓᬭᬵᬫᬮᬶᬄ᭞ᬳᬦ᭄ᬢᬸᬓ᭄ᬳᬶᬤ᭄ᬥᬵᬲᬂᬕᬸᬯᬸᬤ᭄ᬥᬶ᭞ᬧᬶᬢ᭄ᬕᭂᬲ᭄ᬳᬶᬧᬸᬦᬾᬲᬫ᭄ᬧᬸᬦ᭄᭞ᬲᬂᬳ᭄ᬬᬂᬧᬶᬢᬺᬦᬸᬳᬸᬦ᭄ᬧᬥ᭄ᬥᬵ᭞ᬳᬶᬦᬸᬕ᭄ᬭᬳᬦ᭄ᬫᬃᬕ᭄ᬕᬵᬯᬶᬰᬶᬓ᭄᭞ᬫᬗ᭄ᬤᬾᬍᬧᬲ᭄᭞ᬲᬓᬶᬂᬳᬶᬧᬨᬦᬭᬓ᭄ᬓᬵ᭟ᬲᬧᬸᬦᬶᬓᬵᬢ
ᬢ᭄ᬯᬦᬶᬂᬯ᭄ᬯᬵᬂ᭞ᬦᬗ᭄ᬕᬄᬰᬶᬱ᭄ᬬᬵᬭᬶᬂᬲᬂᬳᬥ᭄ᬥᬶ᭞ᬰᬶᬱ᭄ᬬᬗᬭᬦ᭄ᬧᬭᬦᬓᬦ᭄᭞ᬯ᭄ᬢᬸᬯ᭄ᬬᬓ᭄ᬢᬶ᭞ᬲᬓᬶᬂᬳᬶᬤ᭄ᬥᬵᬲᬂᬕᬸᬭᬸᬤ᭄ᬥᬶ᭞ᬓᬧᬶᬂᬭ᭄ᬯᬦᬶᬂᬚᬤ᭄ᬫᬵᬳᬶᬓᬸ᭞ᬫᬗ᭄ᬓᬦᬵᬮᬶᬂᬦᬶᬂᬧᬸᬃᬯ᭄ᬯᬓ᭄ᬓᬵ᭞ᬧᬶᬢ᭄ᬕᭂᬲ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬲᬓᬶᬂᬓᬸᬡ᭄ᬦᬵ᭞ᬫᬮᬶᬄ᭠
ᬫᬩᬾᬦᬦ᭄ᬳᬸᬘᬧᬂ᭟ᬬᬦᬶᬂᬲᬯᬦᬾᬭᬶᬂᬱᬾᬢᬻ᭞ᬓᬃᬬ᭄ᬬᬦᬂᬧᭀᬦ᭄ᬤᭀᬓ᭄ᬦᬾᬫᬗ᭄ᬓᬶᬦ᭄᭞ᬢᬸᬃᬓᬶᬦᬦᬦ᭄ᬧᬮᬸᬓᬢᬦ᭄᭞ᬯᬾᬄᬥᬳᬃᬓᬲ᭄ᬢᬸᬭᬶᬲᬸᬘ᭄ᬘᬶ᭞ᬭᬶᬂᬧᬗᬩᬾᬦᬦᬾᬭᬭᬶᬲ᭄᭞ᬢᬸᬗ᭄ᬕᬮᬂᬯᬓ᭄ᬧᬶᬢᬺᬳᬶᬓᬸ᭞ᬭᬶᬂᬢ
ᬳᬸᬮᬦ᭄ᬯᬗ᭄ᬓᬾᬳᬶᬓᬵ᭞ᬭᬶᬂᬲ᭄ᬫᬳᬸᬕᬶᬓᬃᬬ᭄ᬬᬦᬶᬦ᭄᭞ᬩᬶᬦᬺᬱ᭄ᬳᬶᬳᬦ᭄᭞ᬳᬶᬦᭂᬦ᭄ᬢᬲ᭄ᬥᬾᬲᬂᬧᬡ᭄ᬥᬶᬢ᭄ᬣᬵ᭟ᬧᬶᬢ᭄ᬕᭂᬲ᭄ᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬧᬥᬸᬓ᭄ᬧᬯᬓᬦ᭄ᬲᬂᬫᬢ᭄ᬣᬶ᭞ᬩ᭄ᬦᬂᬯᬢ᭄ᬕ᭄ᬢᬶᬄᬢᭀᬬᬵ᭞ᬳᬫ᭄ᬩᭂᬗᬦ᭄ᬫᬓᬵᬳᬢ᭄ᬫᬵᬮ [ 14 ][᭑᭓ 13B]
᭑᭓
ᬓᬶ᭞ᬧᬥᬂᬍᬧᬲ᭄ᬳᬢ᭄ᬫᬵᬳᬶᬲ᭄ᬢ᭄ᬭᬶ᭞ᬧ᭄ᬭᬶᬧᬶᬄᬯᬶᬰᬾᬱᬦᬶᬂᬩᬬᬸ᭞ᬚᬶᬚᬶᬳᬾᬧᬶᬦᬓᬵᬩᬲᬂ᭞ᬮᬶᬫ᭄ᬧᬵᬧᬭᬸᬕᬚᬶᬄᬳᬢ᭄ᬢᬶ᭞ᬧᬸᬲᬸᬄᬲᬸᬫ᭄ᬲᬸᬫ᭄᭞ᬳᬫ᭄ᬧ᭄ᬭᬸᬧ᭄ᬭᬚ᭄ᬜᬦ᭄ᬫ᭄ᬯᬄᬳᬶᬦ᭄ᬩᬦ᭄᭟ᬲᬩ᭄ᬥᬵᬩᬬᬸᬇᬥᭂᬳᭀᬱᬫ᭄ᬱᬫ᭄᭞ᬋᬘ᭄ᬘᬵᬥᬡ᭄ᬦᬵ
ᬫᬓᬓᬸᬮᬶᬢ᭄᭞ᬫᬓᬤᬶᬤᬕᬶᬂᬓᬸᬮᬶᬢ᭄ᬜᬵ᭞ᬮᬶᬤᬶᬦ᭄ᬜᬦᬾᬢᬸᬮᬂᬕᬶᬳᬶᬂ᭞ᬳᭀᬮᬦ᭄ᬢᬕᬵᬫᬓᬵᬫᬃᬕ᭄ᬕᬶ᭞ᬧ᭠ᬫᬸᬧᬸᬢ᭄ᬳᬸᬢᬫ᭄ᬫᬵᬳᬶᬓᬸ᭞ᬫᬨᬦ᭄ᬮᬲ᭄ᬭᬶᬂᬧᬺᬦᬯ᭄ᬯᬵ᭞ᬢᬦ᭄ᬓᬦ᭄ᬤᭂᬕ᭄ᬭᬶᬂᬮᬦᬂᬳᬶᬲ᭄ᬢ᭄ᬭᬶ᭞ᬲᬧᬸᬦᬶᬓᬵ᭞ᬓᬓ᭄ᬘᬧ᭄ᬳᬚᬶᬧᬹᬃᬯ᭄ᬯᬓ᭄ᬓᬵ᭟
ᬢ᭄ᬕᭂᬲ᭄ᬢᬶᬃᬢ᭄ᬣᬵᬧᬩᬺᬰᬶᬳᬦ᭄᭞ᬫᬺᬰᬶᬳᬶᬜ᭄ᬘᬶᬢ᭄ᬣᬵᬲᬗ᭄ᬫᬢ᭄ᬣᬶ᭞ᬳᬯᬦᬦ᭄ᬫ᭄ᬯᬱ᭄ᬝᬵᬧᬗᭂᬦ᭄ᬢᬲ᭄᭞ᬗᭂᬦ᭄ᬢᬲ᭄ᬧᬶᬢᬺᬱ᭄ᬡᬦ᭄ᬲᬂᬫᬢ᭄ᬣᬶ᭞ᬫᬗᬲ᭄ᬢᬶᬫᬗᬭᬦ᭄ᬗᬶᬭᬶᬫ᭄᭞ᬫᬗᬶᬭᬶᬫ᭄ᬧᬶᬢ᭄ᬕᭂᬲ᭄ᬳᬶᬧᬸᬦ᭄᭞ᬗᬼᬧᬲ᭄ᬳᬓᭂᬦ᭄ᬲᬂᬳ᭄ᬬᬂᬧᬶᬢᬻ᭞ᬮ᭄ᬯᬶᬄᬭᬶᬂᬯᬶᬡ᭄ᬥᬸᬭᬸ᭠
ᬧᬓᬵᬤ᭄ᬥᬶ᭞ᬗᬸᬮᬶᬳᬓᭂᬦ᭄,ᬳᬗ᭄ᬕᬵᬧᬺᬫᬦᬦᬶᬂᬢ᭄ᬯᬦ᭄᭟ᬲᬧᬸᬦᬶᬓᬵᬓᬢᬢ᭄ᬯᬦ᭄ᬜᬵ᭞ᬳᬶᬦᬹᬘᬧ᭄ᬭᬶᬂ᭠ᬧᬹᬃᬯ᭄ᬯᬓᬵᬤ᭄ᬥᬶ᭞ᬫᬮᬶᬄᬬᬦ᭄ᬗᬢ᭄ᬫᬵᬯᬾᬥᬡ᭄ᬦᬵ᭞ᬩᬮᬶᬕ᭄ᬬᬵᬋᬓᬾᬓᬤᬦᬶᬦ᭄᭞ᬩᬮᬶᬕ᭄ᬬᬵᬢ᭄ᬕᭂᬲᬂᬫᬮᬶᬄ᭞ᬧᬫᬃᬕᬶ
[᭑᭔ 14A]
ᬦ᭄ᬳᬸᬢᬫ᭄ᬫᬵᬳᬶᬓᬸ᭞ᬓᬯᬗᬸᬦᬂᬉᬨᬓᬭ᭞ᬲᬂᬳ᭄ᬬᬂᬧᬶᬢᬺᬓᬓᬃᬬ᭄ᬬᬦᬶᬦ᭄᭞ᬩᬮᬶᬕ᭄ᬬᬵ᭞ᬓᬳᬸᬘᬧ᭄ᬤᬳᬢ᭄ᬳᬸᬢᬫ᭄ᬫᬵ᭟ᬬᬦᬶᬂᬓᬃᬬ᭄ᬬᬵᬧᬗ᭄ᬭᭀᬭᬲᬦ?᭞ᬬᬦ᭄ᬢ᭄ᬕᭂᬲᬂᬲᬫᬶᬢᬸᬗ᭄ᬕᬶᬮ᭄᭞ᬫᬗᬲ᭄ᬢᬶᬢ᭄ᬬᬵᬂᬲᬂᬳ᭄ᬬᬂᬧᬶᬢᬻ᭞ᬭᬶᬂᬕ᭄ᬦᬄ
ᬫᬸᬮ᭄ᬬᬓᬳᬾᬲ᭄ᬢᬶ᭞ᬓᬢᬸᬭᬦ᭄ᬢᬃᬧᬡ᭄ᬦᬵᬲᬚ᭄ᬚᬶ᭞ᬳᬶᬯᬓ᭄ᬳᬶᬯᬓᬦ᭄ᬯᬸᬲ᭄ᬫᬦᬸᬢ᭄᭞ᬓᬂᬫᬸᬮ᭄ᬬᬵᬫᬗ᭄ᬤᬾᬢᬦ᭄ᬓᬸᬭᬂ᭞ᬳᬫᬺᬢ᭄ᬣᬵᬭᬶᬂᬲᬸᬦ᭄ᬬᬢ᭄ᬣᬵᬤ᭄ᬥᬶ᭞ᬲᬂᬳ᭄ᬬᬂᬧᬶᬢᬻ᭞ᬭᬶᬂᬦᬶᬲ᭄ᬓᬮᬵᬫᬸᬓ᭄ᬢᬶᬩᭀᬕ᭄ᬕᬵ᭟ᬲᬧᬸᬦᬶᬓᬵᬓᬢᬢ᭄ᬯᬦ᭄ᬜᬵ᭞ᬧᬶᬢ᭄ᬕᭂᬲ᭄ᬳᬶᬭᭀ
ᬭᬲ᭄ᬲᬫ᭄ᬫᬶ᭞ᬫᬓᬵᬫᬶᬯᬄᬳᬶᬩᬮᬶᬕ᭄ᬬᬵ᭞ᬗᬦᬸᬢᬂᬭᬶᬂᬢᬢ᭄ᬯᬳᬚ᭄ᬚᬶ᭞ᬳᬢ᭄ᬫᬵᬧᬨᬘ᭄ᬭᬶᬢ᭄ᬣᬵᬫᬮᬶᬄ᭞ᬪᬸᬯ᭠ᬘᬸᬯᬶᬮ᭄ᬯᬲ᭄ᬢᬦ᭄ᬳᬶᬧᬸᬦ᭄᭞ᬲᬦᬾᬦᬾᬦ᭄ᬢᭂᬦ᭄ᬫᬸᬨᬓᬭᬵ᭞ᬫᬕ᭄ᬦᬄᬭᬶᬂᬳᬮᬂᬳᬓᬶᬂ᭞ᬫ᭄ᬥᭀᬭᬶᬭᬕᬲ᭄᭞ᬓᭀᬘᬧ᭄ᬳ
ᬗ᭄ᬕᬾᬜᬵᬧᬬᬸᬩᬦ᭄᭟ᬓᬢᬶᬓ᭄ᬱ᭄ᬦᬦ᭄ᬤᬾᬦᬶᬂᬲᬹᬃᬬ᭄ᬬᬵ᭞ᬫᬗᬶᬲᭂᬓ᭄ᬳᬶᬲᭂᬓ᭄ᬫᬦᬗᬶᬲ᭄᭞ᬫᬦᬸᬮᬫᬾᬧ᭄ᬬᬦᬓ᭄ᬰᭀᬫᬄ᭞ᬧᬸᬢᬸᬓᬂᬓᬭᬶᬫᬳᬸᬭᬶᬧ᭄᭞ᬲᬩ᭄ᬤᬦᬾᬢᬦ᭄ᬧᬰ᭄ᬭᬸᬢ᭄ᬢᬶ᭞ᬦ᭄ᬫᬄᬲᬦ᭄ᬢᬦᬵᬦᬾᬮ᭄ᬬᬸ᭞ᬳᬸᬥᬸᬄᬘᬳᬶᬧ᭄ᬬ [ 15 ][᭑᭔ 14B]
᭑᭔
ᬦᬓ᭄ᬩᬧᬵ᭞ᬢᬦ᭄ᬫᬢᬺᬯ᭄ᬮᬲᬶᬂᬘᬳᬶ᭞ᬫᬯᬾᬄᬩᬸᬩᬸᬃ᭞ᬫᬓᬤᬶᬢᭀᬬᬵᬲᬢᬳᬧ᭄᭟ᬳᬓ᭄ᬯᬾᬄᬩᬧᬗ᭄ᬮᬄᬧ᭄ᬬᬦᬓ᭄᭞ᬧᬸᬢᬸᬩᬸᬬᬸᬢ᭄ᬧᬤ᭄ᬥᬵᬤᬶᬦᬶ᭞ᬩᬧᬵᬯᬾᬄᬧᬤ᭄ᬥᬵᬓᬲᬸᬓᬦ᭄᭞ᬕ᭄ᬮᬄᬧᬵᬕᬶᬲᬶᬜ᭄ᬘᬳᬶ᭞ᬢᬦ᭄ᬳᬦᬵ
ᬯᬯᬦ᭄ᬓᬸᬫᬢ᭄ᬢᬶ᭞ᬘᬳᬶᬗᬗ᭄ᬕᭀᬧᬤ᭄ᬥᬵᬤᬶᬢᬸ᭞ᬫᬗ᭄ᬯᬶᬰᬾᬱᬬᬂᬫᬓ᭄ᬚᬂ᭞ᬫ᭄ᬮᬄᬫ᭄ᬮᬄᬳᬗ᭄ᬕᭀᬜ᭄ᬘᬳᬶ᭞ᬩᬲ᭄ᬲᬶᬂᬧᬶᬲᬦ᭄᭞ᬳᬶᬗᭂᬢ᭄ᬢ᭄ᬓᬾᬦᬶᬂᬭᬭᬫ᭄ᬫᬵ᭟ᬫᬓᬤᬶᬜᬵᬭᬶᬂᬓᬯᬶᬢᬦ᭄᭞ᬲᬶᬂᬳᬤ᭄ᬥᬵᬧᬗᬶᬥᭂᬧ᭄ᬘᬳᬶ᭞ᬧᬘᬂᬯᬾᬄᬢᬶᬃ᭠
ᬢ᭄ᬣᬵᬧᬗᭂᬦ᭄ᬢᬲ᭄᭞ᬲᬦ᭄ᬢᬦᬦ᭄ᬩᬧᬦᬾᬘᬳᬶ᭞ᬯᬲ᭄ᬢᬸᬡ᭄ᬦᬵᬚᬦᬶᬘᬳᬶ᭞ᬧᬗ᭄ᬲᬶᬂᬦᭂᬧᬸᬓᬶᬦ᭄ᬭᬳᬬᬸ᭞ᬢᬸᬃᬫᬗ᭄ᬕᬶᬄᬳᬮ᭄ᬧᬵᬬᬸᬰᬵ᭞ᬲᬮᬓ᭄ᬯᬦ᭄ᬲᬾᬮᭀᬯᬜ᭄ᬘᬳᬶ᭞ᬲᬧᬸᬦᬶᬓᬵ᭞ᬮᬶᬂᬦᬶᬂᬳᬚ᭄ᬚᬶᬧᬹᬃᬯ᭄ᬯᬢᬢ᭄ᬢᬵ᭟ᬓᭀᬘᬧ᭄
ᬕ᭄ᬦᬄᬳᬢ᭄ᬫᬵᬧᬨ᭞ᬢ᭄ᬕᬮᬶᬗ᭄ᬕᬄᬮᬮᬂᬳᬓᬶᬂ᭞ᬫᬤᬕᬶᬂᬫᬥᬸᬭᬶᬭᬕᬲ᭄᭞ᬫᬗ᭄ᬕᬾᬦ᭄ᬫᬬᬸᬗ᭄ᬲᬋᬂᬲᬫ᭄ᬫᬶ᭞ᬧᬦᬲᬾᬢᬦ᭄ᬲᬶᬦᬶᬧᬶ᭞ᬓᭀᬘᬧ᭄ᬫᬃᬕᬶᬮᬸᬗᬵᬫᬦ᭄ᬢᬸᬓ᭄᭞ᬓᬧᬶᬧᬶᬢᬂᬲᬋᬂᬲᬫ᭄ᬬᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬳᬢ᭄ᬫᬵ
[᭑᭕ 15A]
ᬫᬫᬃᬕ᭄ᬕᬶ᭞ᬲᬫᬶᬦᬸᬢᬸᬕ᭄᭞ᬬᬤᬶᬦ᭄ᬮᬸᬗᬵᬗᬫᬦ᭄ᬢᬸᬓᬂ᭟ᬳᬦ᭄ᬢᬸᬓ᭄ᬧᬦᬲᬾᬓᬮᬶᬦ᭄ᬢᬂ᭞ᬧᬸᬧᬸᬢ᭄ᬲᬫᬶᬦ᭄ᬤᭂᬳᬗᬶᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬳᬢ᭄ᬫᬦᬾᬮᬸᬗᬵ᭞ᬓᬫᬺᬘ᭄ᬙᬵᬧᬤ᭄ᬥᬵᬦᬸᬫᬥ᭄ᬥᬶ᭞ᬓᬢᬸᬢᬸᬢ᭄ᬲᬋᬂᬲᬫᬶ᭞ᬤᬤᭀᬲ᭄ᬩᬚᬂᬯᬲ᭄ᬢ
ᬦ᭄ᬳᬶᬧᬸᬦ᭄᭞ᬬᬦᬶᬂᬭᬭᬾᬢ᭄ᬮᬸᬩᬸᬮᬦ᭄᭞ᬲᬳᬸᬨᬓᬭᬵᬫᬚᬗᬶᬦ᭄᭞ᬫᬗ᭄ᬮᬸᬯᬭᬂ᭞ᬳᬶᬪᬚᬂᬫᬮᬶᬄᬫᬦ᭄ᬢᬸᬓᬵ᭟ᬬᬦᬶᬂᬳᬢ᭄ᬫᬵᬗᬫᬦ᭄ᬢᬸᬓᬂ᭞ᬓᬢᬸᬢᬸᬕ᭄ᬬᬵᬲᬋᬂᬲᬫ᭄ᬫᬶ᭞ᬭᬶᬓᬮᬵᬳᬦᬓ᭄ᬫᬮᬶᬕ᭄ᬬᬵ᭞ᬫᬶᬯᬄᬭᭀᬭᬲ᭄ᬫᬥ᭄ᬬᬵ
ᬲᬫ᭄ᬫᬶ᭞ᬲᬮᬶᬂᬮᬗ᭄ᬓᬸᬗᬶᬦ᭄ᬫᬫᬃᬕ᭄ᬕᬶ᭞ᬧᬶᬢᬺᬱᬗ᭄ᬕᬾᬯᬲ᭄ᬢᬦ᭄ᬳᬶᬧᬸᬦ᭄᭞ᬯᬯᬸᬧᭀᬮᬶᬄᬧᬢᬸᬯᬲᬦ᭄᭞ᬯᬸᬲ᭄ᬫᬸᬓ᭄ᬢᬶᬓᬢᬸᬦ᭄ᬥᬸᬂᬲᬫ᭄ᬫᬶ᭞ᬗᭂᬦ᭄ᬢᭂᬓ᭄ᬳᭂᬦ᭄ᬢᬓ᭄᭞ᬫᬮᬶᬄᬫ᭄ᬯᬮᬶᬭᬶᬂᬚᬸᬫᬄᬜᬵ᭟ᬲᬧᬸᬦᬶᬓᬵᬓᬢᬢ᭄ᬯᬦ᭄ᬜᬵ᭞ᬲᬦᬾᬢᬦ᭄ᬫᬩᬾᬬᬵ
ᬲᬫ᭄ᬫᬶ᭞ᬳᬯᬦᬦ᭄ᬦ᭄ᬫᬄᬲᬦ᭄ᬢᬡ᭄ᬦᬵ᭞ᬳᬶᬦᬸᬘᬧ᭄ᬭᬶᬂᬮᬶᬂᬦᬶᬂᬳᬚ᭄ᬚᬶ᭞ᬳᬯᬦᬦ᭄ᬳᬦᬓᬾᬲᬫ᭄ᬫᬶ᭞ᬢᬍᬃᬫᬸᬯᬢᬂᬭᬳᬬᬸ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬧᬦᬲᬦ᭄᭞ᬬᬦ᭄ᬤᬤᭀᬲ᭄ᬢᬍᬃᬓᬃᬬ᭄ᬬᬦᬶᬦ᭄᭞ᬫᬗ᭄ᬤᬾᬳᬬᬸ᭞ᬭᬯᬸᬄᬭᬶᬂᬥᬹᬃ [ 16 ][᭑᭕ 15B]
᭑᭕
ᬫ᭄ᬫᬵᬓᬯᬶᬢᬦ᭄᭚᭜᭚ᬥᬹᬃ᭚᭜᭚ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬩᬩᬦ᭄ᬢᭂᬦ᭄ᬫᬮᬶᬄᬳᬸᬘᬧᬂ᭞ᬧᬶᬦᬶᬄᬉᬢᬫ᭄ᬫᬵᬲᬸᬘ᭄ᬙᬶ᭞ᬲᬢ᭄ᬲᬢ᭄ᬯᬶᬤ᭄ᬥᬶᬯᬬᬵ᭞ᬳᬦ᭄ᬢᬸᬓ᭄ᬜᬢ᭄ᬫᬓᬬᬂ᭞ᬫᬦᬫ᭄ᬧᬶᬭᬶᬂᬮᬶᬂᬦᬶᬂᬳᬚ᭄ᬚᬶ᭞ᬢᬦ᭄ᬳᬦᬵᬩᬦ᭄ᬢᭂᬦ᭄᭞ᬢᬦ᭄ᬳᬦᬵᬧᬸ
ᬚ᭄ᬚᬵᬯ᭄ᬬᬓ᭄ᬢᬶ᭟ᬲᬧᬸᬦᬶᬓᬶᬓᬢ᭄ᬭᬗᬦ᭄ᬲᬸᬘ᭄ᬙᬶᬉᬢᬫ᭄ᬫᬵ᭞ᬢᬸᬫ᭄ᬩᬬ᭄ᬳᭂᬫ᭄ᬧᬢᬾᬯ᭄ᬬᬓ᭄ᬢᬶ᭞ᬲᬋᬱ᭄ᬯᬢ᭄ᬣᬶᬫᬸᬓ᭄ᬢ᭄ᬬᬵ᭞ᬚᬚᬤᬳᬃᬕᬸᬭᬸᬲᬫ᭄ᬯᬦ᭄᭞ᬧᬶᬲᬂᬢᭂᬫ᭄ᬩᬂᬧᬶᬲᬂᬰᬶᬄ᭞ᬲᬸᬓ᭄ᬮᬵᬧᬯᬶᬢᬻ᭞ᬮᬮᬫ᭄ᬧᬥᬦ᭄ᬮᬶᬗ᭄ᬕᬵᬫᬮᬶᬄ᭟ᬘᬢᬹᬃᬧᬫᬸᬓ᭄ᬢ᭄ᬬᬦ᭄ᬯᬾ
ᬥ᭄ᬬᬧᬧᬾᬦ᭄ᬤᬾᬢᬦ᭄᭞ᬧ᭄ᬭᬗ᭄ᬓᬢᬦ᭄ᬫᬓᬤ᭄ᬥᬶ᭞ᬫᬶᬯᬄᬓ᭄ᬭᬶᬢᬸᬭᬫᬲ᭄᭞ᬲᬋᬂᬲ᭄ᬓᬃᬲᬶᬢᬫᬦ᭄᭞ᬘᬦᬂᬢᬸᬩᬸᬓᬦ᭄ᬢᬦ᭄ᬫᬭᬶ᭞ᬫ᭄ᬯᬂᬧᬜ᭄ᬘᬧᬮᬵ᭞ᬫᬶᬯᬄᬥᬸᬫ᭄ᬫᬵᬍᬗᬵᬯᬗᬶ᭟ᬮᬮᬫ᭄ᬧᬤᬦ᭄ᬧ᭄ᬦᭂᬓ᭄ᬧ᭄ᬭᬲ᭄ᬧᬜ᭄ᬘᬧᬮᬵ᭞ᬤᬓ᭄ᬱᬶᬦᬦᬾᬢᬦ᭄ᬫ
ᬭᬶ᭞ᬫᬓᬵᬮᬯᬦ᭄ᬧᬥ᭄ᬫᬵ᭞ᬲᬋᬰ᭄ᬯᬢ᭄ᬢᬶᬭᬶᬂᬢ᭄ᬗᬄ᭞ᬫᬓᬵᬢᬸᬂᬢᬸᬂᬮᬯᬵᬲᬫᬶ᭞ᬲᬤᭀᬲ᭄ᬫᬭᬕ᭄ᬕᬵ᭞ᬲᬂᬳ᭄ᬬᬂᬧᬺᬡᬯ᭄ᬯᬵᬰᬫᬺᬢ᭄ᬣᬶ᭟ᬲᬧᬸᬦᬶᬓᬵᬓᬢ᭄ᬭᬗᬦ᭄ᬲᬸᬘ᭄ᬙᬶᬉᬢᬫ᭄ᬫᬵ᭞ᬢᭀᬳᬯᬦᬦ᭄ᬲᬋᬂᬲᬫ᭄ᬫᬶ᭞ᬲᬦᬾᬲᬫ᭄ᬧᬸᬦ᭄ᬢᬢᬲ᭄᭞ᬳᬸ᭠
[᭑᭖ 16A]
᭑᭖
ᬦᬶᬂᬭᬶᬂᬧᬳᬶᬦ᭄ᬤᬶᬓᬦ᭄᭞ᬢᬦ᭄ᬮᬾᬫ᭄ᬧᬲ᭄ᬫᬓᬃᬬ᭄ᬬᬵᬲᬸᬘ᭄ᬙᬶ᭞ᬯᬶᬭᬾᬄᬉᬢᬫ᭄ᬫᬵ᭞ᬓᬢᬸᬭᬶᬂᬳᬶᬤ᭄ᬥᬵᬳ᭄ᬬᬂᬯᬶᬤ᭄ᬥᬶ᭟᭠ᬲᬧᬸᬦᬶᬓᬵᬢᬶᬗ᭄ᬓᬄᬳᬦᬓᬾᬫᬢᬸᬭᬦ᭄᭞ᬫᬗ᭄ᬲᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬤᬓ᭄ᬱᬶᬡ᭄ᬦᬵᬫᬶᬯᬄᬧ᭄ᬭᬲ᭄᭞ᬧ᭄ᬭᬲᬾᬫᬸᬧᬸᬢᬂᬓᬃ
ᬬ᭄ᬬᬵ᭞ᬲᬶᬤᬬᬂᬓᬃᬬ᭄ᬬᬦᬾᬲᬫ᭄ᬫᬶ᭞ᬤᬓ᭄ᬱᬶᬡ᭄ᬦᬵᬓᭀᬘᬧ᭄᭞ᬧᬶᬦᬓᬵᬧᬰᬕᬶᬰᬕ᭄ᬕᬶ᭟ᬲᬶᬂᬓᬸᬭᬗᬦ᭄ᬩᬘᬓᬦ᭄ᬩᬦ᭄ᬢᭂᬦ᭄ᬧᬸᬦᬶᬓᬵ᭞ᬤᬓ᭄ᬱᬶᬡ᭄ᬦᬦᬾᬫᬗᭂᬦ᭄ᬢᬸᬕᬶᬦ᭄᭞ᬫᬶᬯᬄᬩ᭄ᬭᬲ᭄ᬤᬰᬬᬦ᭄᭞ᬓᬯᬸᬘᬧ᭄ᬮᬶᬂᬦᬶᬂᬲᬲ᭄ᬢ᭄ᬭᬵ᭞ᬳᬯᬶᬦᬦ᭄ᬢᬸᬓ
ᬗᬾᬲᬫ᭄ᬫᬶ᭞ᬫᬸᬯᬢᬂᬧᬶᬲᬦ᭄᭞ᬫᬓᬃᬬ᭄ᬬᬵᬧᬲᬕᬶᬲᬕ᭄ᬕᬶ᭟ᬢᬸᬃᬓᬩᬸᬓ᭄ᬢᬶᬳᬦ᭄ᬢᬸᬓ᭄ᬳᬶᬤ᭄ᬥᬵᬲᬂᬳ᭄ᬬᬂᬲ᭄ᬭᬸᬢ᭄ᬬᬵ᭞ᬘᬢᬸᬃᬫ᭠ᬫᬸᬓ᭄ᬢ᭄ᬬᬦ᭄ᬫᬮᬶᬄ᭞ᬓᬪᬸᬓ᭄ᬢ᭄ᬬᬦᬶᬂᬲᬂᬳ᭄ᬬᬂ᭞ᬳ᭄ᬬᬂᬩ᭄ᬭᬳ᭄ᬫᬵᬮᬦ᭄ᬳᬶᬲ᭄ᬢ᭄ᬭᬶᬜᬵ᭞ᬯᬶᬱ᭄ᬡᬸᬭᬸᬤᬺᬇᬰ᭄ᬯᬭ᭄ᬲᬵᬤ᭄ᬥᬶ᭞ᬭᬯᬶᬂᬳᬶᬲ᭄ᬢ᭄ᬭᬶᬜᬵ᭞ᬓᭀᬘ
ᬧ᭄ᬭᬶᬂᬧᬹᬃᬯ᭄ᬯᬓᬵᬤ᭄ᬥᬶ᭟ᬲᬧᬸᬦᬶᬓᬵᬳᬯᬦᬦ᭄ᬢᬦ᭄ᬤᬤᭀᬲ᭄ᬩ᭄ᬮᬲ᭄᭞ᬳᬶᬰ᭄ᬭᬸᬢ᭄ᬢᬶᬫ᭄ᬯᬂᬲᬫᬺᬢ᭄ᬢᬶ᭞ᬢᬸᬗ᭄ᬕᬶᬮ᭄ᬧᬯᭂᬢ᭄ᬯᬦ᭄ᬜᬵ᭞ᬲᬫᬶᬫᬳᬵᬉᬢᬫ᭄ᬫᬵ᭞ᬲᬸᬘ᭄ᬙᬶᬫᬫᬸᬧᬸᬢᬂᬲᬫ᭄ᬫᬶ᭞ᬬᬤᬶᬦ᭄ᬧᬫᬸᬓ᭄ᬢ᭄ᬬᬦ᭄᭞ᬫᬶᬯᬄᬧᬗᬗ᭄ᬕᬾᬲᬫ᭄ᬫᬶ᭟ᬥᬤᬶᬦ᭄ᬩᬦ᭄ᬢᭂᬦ᭄ᬳ᭠ [ 17 ][᭑᭖ 16B]
᭑᭖
ᬩᬮᬾᬤᬸᬮᬗ᭄ᬥᬸᬮᬗᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬤᬕᬶᬂᬲᬸᬘ᭄ᬘᬶ᭞ᬢ᭄ᬯᬭᬵᬓᭀᬕᬯᬾᬜᬵ᭞ᬗᬮᬶᬄᬲᬦᬾᬉ᭠ᬢᬫ᭄ᬫᬵ᭞ᬧᬘᬂᬓᬢᬸᬭᬶᬂᬳ᭄ᬬᬂᬯᬶᬥ᭄ᬥᬶ᭞ᬗᭂᬩᭂᬓᬶᬦ᭄ᬮᬧᬦ᭄᭞ᬩᬦ᭄ᬢᭂᬦ᭄ᬦᬶᬱ᭄ᬝᬵᬓᬯᬲ᭄ᬢᬦᬶᬦ᭄᭟ᬲᭀᬭᬶᬂᬲᬸᬘ᭄ᬘᬶᬫᬮᬶᬄᬫ᭄ᬯᬱ᭄ᬝᬵᬳᬩ
ᬢ᭄ᬓᬦ᭄᭞ᬢ᭄ᬳᭂᬤᬦ᭄ᬫᬶᬦᬵᬓᬤ᭄ᬥᬶ᭞ᬕᬸᬭᬸᬫ᭄ᬯᬂᬓᬸᬋᬦᬦ᭄᭞ᬮ᭄ᬯᬂᬫᬶᬯᬄᬧᬫᬧᬕ᭄᭞ᬧᬗᬶᬭᬶᬂᬘᭀᬗ᭄ᬓᬓ᭄ᬫᬓᬤ᭄ᬥᬶ᭞ᬳᭀᬤᭂᬮ᭄ᬚᬭᬶᬫ᭄ᬧᭂᬦ᭄᭞ᬓᬚ᭄ᬭᭀᬧᬫᬺᬫᬦ᭄ᬗ᭄ᬭᬜ᭄ᬚᬶᬂ᭟ᬮ᭄ᬬᬦ᭄ᬢᬢᬩᬦ᭄ᬧᬗᬸᬮᬧ᭄ᬧᬗᬫ᭄ᬩᬾᬬᬦ᭄᭞ᬧᬜᭂᬕ᭄ᬚᭂᬕ᭄ᬧ᭄ᬭᬲ᭄ᬕᬸᬮᬶᬂ
᭞ᬧᬸᬘᬓ᭄ᬫᬦᬶᬓ᭄ᬚ᭄ᬭᬶᬫ᭄ᬧᭂᬦ᭄᭞ᬯᬢᭂᬓ᭄ᬧᬶᬢᬸᬲᬦᬾᬓᭀᬘᬧ᭄᭞ᬦᬗ᭄ᬕᬄᬲᬧ᭄ᬝᬵᬤᬾᬯ᭄ᬯᬵᬯ᭄ᬬᬓ᭄ᬢ᭄ᬢᬶ᭞ᬬᬦ᭄ᬭᬶᬂᬳᬓ᭄ᬱᬭᬵ᭞ᬓᭀᬘᬧ᭄ᬫ᭄ᬭᬕᬵᬳ᭄ᬬᬂᬳᭀᬂᬓᬭᬶ᭟ᬯᬾᬦ᭄ᬢᭂᬦ᭄ᬧᬯᭂᬯᭂᬄᬲᬬᬸᬢ᭄ᬲᬳᬵᬯᬱ᭄ᬢᬜᬵ᭞ᬲᬢᬸᬲ᭄ᬳᬓᬸᬢᬸᬲ᭄ᬰᬫᬶ᭞ᬲ
ᬦᬾᬫᬳᬸᬢᬫ᭄ᬫᬵ᭞ᬬᬦᬶᬂᬫᬥ᭄ᬬᬵᬳᬸᬮᬸᬂᬤᬰᬵ᭞ᬦᬶᬱ᭄ᬝᬵᬲᬓᬬᬸᬦ᭄ᬦᬕᬶᬗᬶᬦ᭄᭞ᬬᬤᬶᬦ᭄ᬳᬯᬲᬂ᭞ᬫᬓᬤᬶᬜᬵᬳᬢᬦ᭄ᬤᬶᬂ᭟ᬲᬦᬾᬫᬥ᭄ᬬᬵᬳᬧᬚᭂᬕ᭄ᬋᬓᬾᬯᬲ᭄ᬢᬜᬵ᭞ᬢ᭄ᬳᭂᬦᬦ᭄ᬦᬾᬫᬓᬤ᭄ᬥᬶ᭞ᬕᬸᬭᬸᬫ᭄ᬯᬂᬓᬸᬋᬦᬦ᭄᭞᭠
[᭑᭗ 17A]
ᬮ᭄ᬯᬂᬚ᭄ᬭᬶᬫ᭄ᬧᭂᬦ᭄ᬧᬗᬸᬮᬧ᭄᭞ᬧᬜᭂᬕ᭄ᬚᭂᬕ᭄ᬫ᭄ᬯᬂᬧ᭄ᬭᬲ᭄ᬕᬸᬮᬶᬂ᭞ᬫ᭄ᬯᬄᬧᬗᬫ᭄ᬩᬾᬬᬦ᭄᭞ᬫᬓᬤ᭄ᬥᬶᬜᬵᬧᬸᬘᬓ᭄ᬫᬦᬶᬓ᭄᭟ᬬᬦ᭄ᬲᭂᬲᬬᬸᬢ᭄ᬓᬾᬗᬶᬦ᭄ᬲᬓᬬᬸᬦ᭄ᬗᬸᬗ᭄ᬕᬳᬂ᭞ᬦᬶᬱ᭄ᬢᬦᬾᬘ᭄ᬭᬶᬢᬬᬂᬫᬮᬶᬄ᭞ᬫ᭄ᬯᬱ᭄ᬢᬵᬳᬤᬳᬤᬦ᭄᭞ᬢ᭄ᬳᭂᬦᬦ᭄ᬫᬶᬯᬄᬧ᭠
ᬗᬸᬮᬧ᭄᭞ᬧᬜᭂᬕ᭄ᬚᭂᬕ᭄ᬫ᭄ᬯᬄᬧ᭄ᬭᬲ᭄ᬕᬸᬮᬶᬂ᭞ᬕᬸᬭᬸᬧᬗᬫ᭄ᬩᬾᬬᬦ᭄᭞ᬧᬸᬧᬸᬢ᭄ᬫᬯᬱ᭄ᬝᬵᬳᬮᬶᬢ᭄᭟ᬦᬶᬱ᭄ᬢᬦᬶᬂᬦᬶᬱ᭄ᬢᬵᬳᬯᬲ᭄ᬢᬵᬤᬳᬦᬦ᭄ᬩᬸᬗᬵ᭞ᬢ᭄ᬳᭂᬦᬦ᭄ᬦᬾᬢᬦ᭄ᬫᬭᬶ᭞ᬕᬸᬭᬸᬧ᭄ᬭᬲ᭄ᬧᬜ᭄ᬦᭂᬂ᭞ᬚ᭄ᬭᬶᬫ᭄ᬧᭂᬦ᭄ᬳᬲᬧᬸᬦᬶᬓᬵ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬓᬵᬲᬫᬶ᭞
ᬭᬶᬂᬧᬳᬶᬦ᭄ᬤᬶᬓᬦ᭄᭞ᬲᬶᬦ᭄ᬯᬫ᭄ᬫᬶᬂᬢᬢ᭄ᬯᬵᬳᬚ᭄ᬚᬶ᭚᭜᭚ᬰᬶ᭚᭜᭚ᬲᭀᬭᬶᬂᬲᬸᬘ᭄ᬘᬶᬭᬶᬂᬳᬲᬕᬦ᭄᭞ᬲᬂᬧ᭠ᬡ᭄ᬥᬶᬢ᭄ᬣᬵᬫᬢᭂᬧᭂᬢᬶ᭞ᬫᬓᬤᬶᬜᬵᬧ᭄ᬮᬸᬓᬢᬦ᭄᭞ᬫᬜᬘᬄᬲᬲᬬᬸᬢ᭄ᬲᬫ᭄ᬫᬶ᭞ᬢ᭄ᬳᭂᬦᬦ᭄ᬦᬾᬫᬸᬓ᭄ᬬᬤ᭄ᬥᬶ᭞ᬗᬲ᭄ᬢᬯ᭄ᬯᬵᬫᬗ᭄ᬤᬾ
ᬦᬾᬧᬸᬧᬸᬢ᭄᭞ᬩᬘᬓᬦ᭄ᬩᬦ᭄ᬢᭂᬦ᭄ᬧᬸᬦᬶᬓᬵ᭞ᬫᬗ᭄ᬲᬸᬤ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬫᬗ᭄ᬤᬾᬢ᭄ᬭᬸᬲ᭄᭞ᬤᬶᬃᬕ᭄ᬕᬬᬸᬱᬵᬲᬂ᭠ᬓᬃᬬ᭄ᬬᬦᬂ᭟ᬬᬦᬶᬂᬩᬦ᭄ᬢᭂᬦ᭄ᬭᬶᬂᬳᬲᬕᬦ᭄᭞ᬲᬂᬳ᭄ᬬᬂᬲᬸᬓ᭄ᬱ᭄ᬫ᭄ᬲᬵᬳᬶᬤ᭄ᬥᬵᬦᬫ᭄ᬧᬶ᭞ᬲᬯᬾᬦ᭄ᬢᭂᬦ᭄ᬩᬦ᭄ᬢᭂᬦ᭄ᬧᬸᬦᬶᬓᬵ᭞ᬦᬾᬫᬸᬗ᭄ᬕᬄ [ 18 ][᭑᭗ 17B]
᭑᭗
ᬭᬶᬂᬢᬩᬦ᭄ᬲᬫᬶ᭞ᬯᬾᬦ᭄ᬢᭂᬜ᭄ᬘᬭᬶᬢ᭄ᬣᬵᬫᬮᬶᬄ᭞ᬭᬶᬂᬢᬩᬦᬾᬢᬍᬃᬫᬸᬗ᭄ᬕᬸᬄ᭞ᬧᬩᬗ᭄ᬓᬶᬢ᭄ᬫ᭄ᬯᬂᬫᬗᬸᬮᬧ᭄᭞ᬧᬗᬫ᭄ᬩᬾᬬᬦ᭄ᬧ᭄ᬭᬲ᭄ᬕᬸᬮᬶᬂ᭞ᬳᬤᬦ᭄ᬤᬦᬦ᭄᭞ᬫᬓᬵᬫᬶᬯᬄᬮᬶᬲ᭄ᬳᬧᬲᬂ᭟ᬳ᭄ᬮᬶᬲᬾᬫᬓᬵᬧᬯᬓᬦ᭄᭞ᬳᬶᬤᬵᬲᬂᬳ᭄ᬬᬂᬚᬦᬸᬃᬓᬸᬦᬶᬂ᭞
ᬫᬯᬦᬦ᭄ᬢ᭄ᬕᭂᬧ᭄ᬩᬘᬓᬦ᭄᭞ᬩᬮᬸᬂᬩᬲᬂᬳᬢᬶᬲᬫ᭄ᬫᬶ᭞ᬢᬸᬦᬸᬘᬧ᭄ᬭᬶᬂᬲᬲ᭄ᬢ᭄ᬭᬵᬳᬚ᭄ᬚᬶ᭞ᬳᬚᬶᬧᬹᬃᬯ᭄ᬯᬓᬵᬓᬯᬸᬯᬸᬲ᭄᭞ᬧᬩᬗ᭄ᬓᬶᬢᬾᬓᬩᬸᬓ᭄ᬢ᭄ᬬᬂ᭞ᬳᬦ᭄ᬢᬸᬓ᭄ᬳᬶᬤ᭄ᬥᬵᬲᬂᬳ᭄ᬬᬂᬩ᭄ᬭᬳ᭄ᬫᬶ᭞ᬥᬹᬃᬖ᭄ᬕᬥᬾᬯ᭄ᬯᬶ᭞ᬫᬓᬤᬶᬪᬝᬵᬭᬕᬡ᭄ᬦᬵ᭟ᬭᬶᬂᬲᭀᬃᬫᬮᬶᬄᬕ᭄ᬮᬃᬲᬗᬵ
᭞ᬫᬶᬯᬄᬘᬭᬸᬲᬫ᭄ᬫᬶ᭞ᬫᬲᬗ᭄ᬕᬄᬫᬶᬯᬄᬳᬲᬕᬦ᭄᭞ᬓᬮᬵᬫᬜ᭄ᬘᬲᬦᬓ᭄ᬱᬫ᭄ᬫᬶ᭞ᬫᬜ᭄ᬘᬩᬮᬶᬓ᭄ᬭᬫ᭄ᬫᬵᬲ᭠ᬫ᭄ᬫᬶ᭞ᬫᬶᬯᬄᬓᬮᬵᬢᬩᬸᬕᭂᬦ᭄ᬢᬸᬄ᭞ᬧᬶᬢ᭄ᬕᭂᬲ᭄ᬓᬃᬬ᭄ᬬᬧᬸᬦᬶᬓᬵ᭞ᬲᬂᬓᬮᬵᬪᬸᬢᬵᬦᬾᬲᬫ᭄ᬫᬶ᭞ᬲᬦᬾᬫᬸᬓ᭄ᬢ᭄ᬬᬵ᭞ᬓᬳᬸᬘᬧ᭄ᬭᬶᬂᬳ᭠
ᬚ᭄ᬚᬶᬲᬲ᭄ᬢ᭄ᬭᬵ᭟ᬯᬸᬲ᭄ᬫᬸᬓ᭄ᬢ᭄ᬬᬵᬭᬭᬶᬲ᭄ᬧᬜᭀᬫ᭄ᬬᬵ᭞ᬓᬳᬸᬦ᭄ᬤᬸᬃᬪᬸᬢᬵᬦᬾᬲᬫᬶ᭞ᬫᬦ᭄ᬢᬸᬓ᭄ᬫᬭᬶᬂᬤᬾᬰᬦᬶᬭᬵ᭞ᬓᬧᬺᬮᬶᬡ᭄ᬦᬵᬫᬗ᭄ᬤᬾᬫ᭄ᬯᬮᬶ᭞ᬤᬤᭀᬲ᭄ᬪᬝᬵᬭᬵᬫᬮᬶᬄ᭞ᬤᬾᬯ᭄ᬯᬵᬓᬮᬵᬪᬸᬣᬓᬸᬫ᭄ᬧᬸᬮ᭄᭞ᬤᬤᭀᬲ᭄ᬫᬭᬕᬵᬢᬸᬗ᭄ᬕᬮ᭄᭞
[᭑᭘ 18A]
ᬰᬗ᭄ᬕᬄᬳᬃᬥ᭄ᬥᬵᬦᬭᬾᬰ᭄ᬯᬭᬶ᭞ᬧᬫᬸᬧᬸᬢ᭄ᬣᬵ᭞ᬤᬤᭀᬲ᭄ᬳᬶᬤ᭄ᬥᬲᬤ᭄ᬥᬵᬰᬶᬯ᭄ᬯᬵ᭟ᬬᬦ᭄ᬳᬶᬤᬵᬗ᭄ᬯᬶᬩᬸᬳᬂᬳᬗ᭄ᬕᬵᬤᬤᭀᬲ᭄ᬤᬾᬯᬢᬦᬾᬲᬫ᭄ᬫᬶ᭞ᬓᬾᬗᬶᬦ᭄ᬲᬂᬳ᭄ᬬᬂᬦᬯ᭄ᬯᬵᬲᬗᬵ᭞ᬫᬶᬯᬄᬘᬢᬸᬃᬮᭀᬓᬵᬫᬮᬶᬄ᭞ᬓᬮᬵᬭᬸᬯᬦᬾᬲᬫ᭄ᬫᬶ᭞
ᬫᬶᬯᬄᬤᬤᭀᬲ᭄ᬢᬓ᭄ᬱᬸᬢᬓ᭄ᬱᬸ᭞ᬬᬦᬶᬂᬫᬲᬾᬭᭀᬲᬾᬭᭀᬯᬦ᭄᭞ᬤᬤᭀᬲ᭄ᬯᬮ᭄ᬬᬦ᭄ᬓᭀᬦ᭄ᬢᬾᬂᬲᬫ᭄ᬫᬶ᭞ᬫ᭄ᬯᬂᬯᬯᬮᬾᬦ᭄᭞ᬓᬲᬸᬭᬢᬂᬯ᭄ᬯᬂᬲᬚᬕᬢ᭄᭟ᬤᬤᭀᬲ᭄ᬤᬾᬯᬦ᭄ᬧᬢᬶᬢ᭄ᬯᭂᬦᬂ᭞ᬤᬾᬯᬦ᭄ᬲᬫ᭄ᬧᬵᬢ᭄ᬤᬾᬯᬦ᭄ᬮᬶᬤ᭄ᬥᬶ᭞ᬤᬾᬯᬦ᭄
ᬍᬲᬸᬂᬤᬾᬯᬦ᭄ᬳᬸᬫᬄ᭞ᬤᬾᬯᬦ᭄ᬓᬬᬸᬤᬾᬯᬦ᭄ᬓᬸᬭᬶ᭞ᬤᬾᬯᬦᬶᬂᬧᬸᬦᬧᬶᬚᭂᬤ᭄ᬥᬶᬂ᭞ᬲᬗ᭄ᬕᬄᬲᬗ᭄ᬕᬄᬤᬾᬯᬦ᭄ᬕᬸᬦᬸᬂ᭞ᬳᬸ᭠ᬧᬫᬶᬯᬶᬦ᭄ᬢᭂᬦ᭄ᬦᬶᬃᬫ᭄ᬫᬮᬵ᭞ᬲᬋᬂᬕ᭄ᬦᬳᬾᬫᬮᬶᬗ᭄ᬕᬶᬄ᭞ᬲᬧᬸᬦᬶᬓᬵ᭞ᬓᬯᬸᬘᬧ᭄ᬭᬶᬂᬲᬱ᭄ᬝ᭄ᬭᬵᬕᬫ᭄ᬫᬵ᭟ᬢᬢ᭄ᬯᬦᬶᬂᬪᬝᬵᬭᬶᬤᬹᬃᬖ᭄ᬕᬵ᭞ᬳ᭄ᬬᬂᬲᬶᬦ
ᬗ᭄ᬕᬄᬤᬹᬃᬖ᭄ᬕᬵᬥᬾᬯ᭄ᬯᬶ᭞ᬬᬦ᭄ᬳᬶᬤᬵᬮᬸᬗᬵᬓᬳᬩ᭄ᬬᬦ᭄᭞ᬲᬂᬳ᭄ᬬᬂᬰ᭄ᬭᬶᬓᬧᬲᬾᬗᬶᬦ᭄᭞ᬓᬮᬦᬶᬂᬳᬶᬤ᭄ᬥᬵᬓᬘᬭᬶᬓ᭄᭞ᬤᬾᬯᬶᬉᬫ᭄ᬫᬵᬳᬭᬦ᭄ᬳᬶᬓᬸ᭞ᬬᬦᬶᬂᬓᬕᬸᬦᬸᬂᬳᬮᬲ᭄᭞ᬳ᭄ᬬᬂᬲᬶᬦᬕ᭄ᬕᬄᬕᬶᬭᬶᬧᬸᬢ᭄ᬭᬶ᭞ᬬᬦ᭄ᬭᬶᬂᬧᬦ᭄ᬢᬸᬦ᭄᭞ᬪᬝᬵᬭᬶᬰᬭᬶᬓ [ 19 ][᭑᭘ 18B]
᭑᭘
ᬳᬸᬘᬧ᭄᭟ᬳᬯᬶᬦᬦ᭄ᬫ᭄ᬮᬶᬗ᭄ᬕᬵᬭᬶᬂᬰᬵ᭞ᬭᬶᬂᬤᬍᬫ᭄ᬳᬶᬤ᭄ᬥᬵᬫᬮᬶᬗ᭄ᬕᬶᬄ᭞ᬓ᭄ᬦᬶᬲᬨᬳᬦ᭄ᬢᬸᬓ᭄ᬳᬶᬤ᭄ᬥᬵ᭞ᬪᬝᬵᬭᬵᬕᬸᬭᬸᬗ᭄ᬯᬲ᭄ᬢᭀᬦᬶᬦ᭄᭞ᬓᬯᬶᬢ᭄ᬪᬝᬵᬭᬶᬲᬸᬘ᭄ᬘᬶ᭞ᬓᬯᬸᬢᬸᬲ᭄ᬗᬸᬮᬢᬶᬲᬸᬲᬸ᭞ᬳᭂᬫ᭄ᬧᭂᬳᬦ᭄ᬫᬗ᭄ᬤᬾᬜᬵᬓᬢᬄ᭞ᬫᬫᬃᬕ᭄ᬕᬶᬭ᭠
ᬭᬶᬲ᭄ᬫᬗᬸᬗ᭄ᬲᬶ᭞ᬢᬸᬃᬓᬚᬸᬚᬸᬃ᭞ᬚᬕᬢ᭄ᬭᬶᬂᬕᭀᬕ᭄ᬧᬭᬵᬬᬡ᭄ᬦᬵ᭟ᬧᬍᬫ᭄ᬩ᭄ᬯᬦ᭄ᬳᬶᬤ᭄ᬥᬵᬳ᭄ᬬᬂᬰᬶᬯ᭄ᬯᬵ᭞ᬪᬝᬵᬭᬵᬕᬡ᭄ᬦᬵᬫ᭄ᬭᬶᬓ᭄ᬱᬳᬶᬦ᭄᭞ᬓᬧᬺᬣᬶᬲᬭᬵᬗᬾᬮᬶᬗᬂ᭞ᬚᭂᬕ᭄ᬭᬯᬸᬄᬪᬝᬵᬭᬶᬲᬸᬘ᭄ᬘᬶ᭞ᬫᬫᬶᬦᭂᬄᬫᬫᭂᬲ᭄ᬧᭂᬲ᭄ᬭᬭᬶᬲ᭄᭞ᬲ᭄ᬥᭂᬢ᭄ᬳᭂᬫ᭄ᬧᭂᬳᬦᬾ
ᬫ᭄ᬢᬸ᭞ᬫᬲᬸᬮᬸᬩ᭄ᬗᬺᬋᬄᬳᭂᬫ᭄ᬧᭂᬳᬦ᭄᭞ᬳ᭄ᬬᬂᬕᬡ᭄ᬦᬵᬭᬯᬸᬄᬜᬧᬢᬶᬦ᭄᭞ᬲᬥᬵᬮᬚᬸ᭞ᬩᬩᬯᭀᬰᬾᬓᬤᬶᬩᬗ᭄ᬕ᭄ᬭᬲ᭄᭟ᬳᬶᬄᬫᬾᬫᬾᬢᬦ᭄ᬲᭀᬮᬄᬤᬾᬯ᭄ᬯ᭞ᬩᬶᬓᬲᬾᬜ᭄ᬮᬸᬧᬶᬦ᭄ᬲᬫ᭄ᬧᬶ᭞ᬫᬫᬶᬦᭂᬄᬗᬮᬶᬄᬳᭂᬫ᭄ᬧᭂᬳᬦ᭄᭞ᬗ᭄ᬭᬸᬲ᭠
ᬓ᭄ᬧᬫᬃᬕᬶᬦᬾᬗᬸᬦᬶ᭞ᬢᬦ᭄ᬳᬦᬸᬢᬶᬦ᭄ᬲᬲ᭄ᬢ᭄ᬭᬳᬚ᭄ᬚᬶ᭞ᬲᭀᬓ᭄ᬫᬩᬳᬦ᭄ᬗᬮᬶᬄᬲᬸᬲᬸ᭞ᬢᬦ᭄ᬳᬶᬢᬾᬫᬗᬸᬢᬂ᭠ᬮᬫ᭄ᬧᬄ᭞ᬪᬝᬵᬭᬶᬲᬸᬘ᭄ᬘᬶᬜᬯᬸᬭᬶᬦ᭄᭞ᬉᬥᬸᬄᬘᬳᬶ᭞ᬳ᭄ᬤᬵᬮᬦ᭄ᬢᬂᬫᬓᬭᬸᬡ᭄ᬦᬵ᭟ᬦᬾᬚᬦᬶᬘᬳᬶᬢᬭᬶᬫ᭄ᬫᬵ᭞ᬩ᭄ᬭᬳ᭄ᬫ
[᭑᭙ 19A]
ᬱ᭄ᬢ᭄ᬭᬦ᭄ᬩ᭄ᬬᬗᬾᬢᬫ᭄ᬧᬶ᭞ᬫ᭄ᬢᬸᬕ᭄ᬦᬶᬗᬩᬃᬳᬩᬃ᭞ᬓᬤᬶᬕᬸᬦᬸᬂᬧᬘᬂᬦᬕ᭄ᬥᬷ᭞ᬯᬯᬸᬫᬸᬭᬸᬩ᭄ᬓᬗᬕ᭄ᬦᬶ᭞ᬚᭂᬕ᭄ᬭᬯᬸᬄᬪᬝᬵᬭᬵᬕᬸᬭᬸ᭞ᬲᬳᬵᬦ᭄ᬫᬄᬳᬦᬓ᭄ᬳᬶᬤ᭄ᬥᬵ᭞ᬳᬧᬵᬕᬯᬾᬦᬦᬓ᭄ᬚᬦᬶ᭞ᬕᭂᬗᬶᬂᬢ᭄ᬭᭀᬤ᭄ᬥᬵ᭞ᬢᬦ᭄ᬳᬦᬸᬢᬶᬂᬲᭀᬮᬄᬤᬾ
ᬯ᭄ᬯᬵ᭟ᬓ᭄ᬫᬦᬦᬓ᭄ᬚᬦᬶᬩᬸᬤᬮ᭄᭞ᬓᬲ᭄ᬫᬵᬦᭀᬗᭀᬲ᭄ᬦᬾᬚᬦᬶ᭞ᬤᬤᬶᬧᬗᬸᬮᬸᬦᬶᬂᬲᬾᬢ᭄ᬭᬵ᭞ᬤᬶᬤᬍᬫ᭄ᬢᭀᬗᭀᬲ᭄ᬫᬗᬦ᭄ᬢᬶ᭞ᬦᬦᬓ᭄ᬥᬤᬶᬤᬸᬃᬖ᭄ᬕᬵᬤᬾᬯ᭄ᬯᬶ᭞ᬦᬗ᭄ᬕᬧ᭄ᬲᬚ᭄ᬚᬶᬘᬫᬄᬤᬶᬢᬸ᭞ᬫᬸᬧᭀᬦᬶᬦ᭄ᬳᬢᬸᬭᬜ᭄ᬚᬕ᭠
ᬢ᭄᭞ᬦᬫ᭄ᬧᬶᬳᬢᬸᬭᬦ᭄ᬯᭀᬂᬫᬢᬶ᭞ᬬᬤᬶᬜ᭄ᬘᬭᬸ᭞ᬦᬦᬓ᭄ᬫᬸᬧᭀᬦᬶᬦ᭄ᬫᬓ᭄ᬚᬂ᭟ᬭᬭᬶᬲ᭄ᬳᬶᬤᬵᬗᬺᬓ᭄ᬳᬶᬂᬩ᭄ᬭ᭠ᬳ᭄ᬫᬵ᭞ᬦᬫ᭄ᬧᬶᬳᬢᬸᬭᬦ᭄ᬯᭀᬂᬫᬢ᭄ᬣᬶ᭞ᬓᬯᬸᬘᬧ᭄ᬳᬶᬤᬵᬫᬦᬗ᭄ᬕᬧ᭄᭞ᬳᬢᬸᬭᬦ᭄ᬓᬧ᭄ᬭᬚ᭄ᬚᬵᬧᬢ᭄ᬣᬶ᭞ᬲᬤ᭄ᬥᬵᬲ᭄ᬭᬶᬂᬳᬶᬤ᭄ᬥᬵᬫᬸᬓ᭄ᬢᬶ᭞
ᬭᬭᬶᬲ᭄ᬰᬰᬶᬄᬓ᭄ᬦᭂᬫ᭄ᬭᬯᬸᬄ᭞ᬲ᭄ᬬᭂᬧ᭄ᬳᬦᬓᬾᬫᬢᬸᬭᬦ᭄᭞ᬢᬦ᭄ᬧᬸᬮᬶᬄᬳᬶᬤ᭄ᬥᬵᬫᬫᬸᬓ᭄ᬢᬶ᭞ᬓᬚᬕᬢᬾ᭞ᬜᬸᬲᬸᬧ᭄ᬤᬤᭀᬲ᭄ᬓᬮᬵᬪᬸᬢᬵ᭟ᬓ᭄ᬩᬸᬲ᭄ᬧᬦᬲ᭄ᬓᬂᬦ᭄ᬕᬭᬵ᭞ᬳᬗ᭄ᬲᭂᬗᬦ᭄ᬪᬝᬵᬭᬶᬲᬸᬘ᭄ᬘᬶ᭞ᬫᬜᬸᬲᬸᬧᬶᬦ᭄ᬳᬶᬓᬂᬚᬕᬢ᭄᭞ [ 20 ][᭑᭙ 19B]
᭑᭙
ᬕ᭄ᬭᬢ᭄ᬓᬂᬩ᭄ᬯᬡ᭄ᬦᬵᬲᬫ᭄ᬫᬶ᭞ᬪᬢᬵᬭᬵᬳᬾᬯᭂᬄᬫᬶᬦᭂᬳᬶᬦ᭄᭞ᬳᬯᬦᬦ᭄ᬲᬫ᭄ᬩᭂᬄᬫᬦᬸᬮᬸᬂ᭞ᬫᬮᬶᬄᬳᬗᬶᬦᬾᬳ᭄ᬬ᭠ᬓ᭄ᬭᬲ᭄᭞ᬫᬗ᭄ᬤᬾᬜᬫ᭄ᬧᬸᬭᬬᬂᬓᬶᬤᬶᬓ᭄᭞ᬫ᭄ᬭᭀᬓ᭄ᬢᬯᬸᬓ᭄᭞ᬯᬲ᭄ᬢᬜᬵᬩᬦᬾᬦ᭄ᬓᬲᬗᬵ᭟ᬢᬶᬍᬫ᭄ᬓᬳᬸᬯᬸᬮᬸᬦᬾᬓᭀ
ᬘᬧ᭄᭞ᬧᬢᬸᬢᬾᬫᬘᬭᬸᬲᬫ᭄ᬫᬶ᭞ᬭᬶᬂᬧᬲᬃᬓᭀᬢ᭄ᬣᬵᬦᬕᬭᬵ᭞ᬢᬩᬸᬕᭂᬦ᭄ᬢᬸᬄᬓᬯᬲ᭄ᬢᬦᬶᬦ᭄᭞ᬲᬦ᭄ᬢᬶᬓᬵᬧᭀᬱ᭄ᬢᬶᬓᬵᬤ᭄ᬥᬶ᭞ᬭᬓ᭄ᬱᬵᬦᬦ᭄ᬘᬲᬋᬂᬓᬸᬫ᭄ᬧᬸᬮ᭄᭞ᬫᬶᬯᬄᬓᬂᬳᬩᬶᬘᬭᬸᬓᬵ᭞ᬫᬜ᭄ᬘᬩᬮᬶᬓ᭄ᬭᬫ᭄ᬫᬵᬫᬮᬶᬄ᭞ᬯᬸᬲ᭄ᬫᬫᬸᬓ᭄ᬢᬶ᭞ᬫᬮᬶᬄ
ᬤᬤᭀᬲ᭄ᬪᬝᬵᬭᬶᬥᬹᬃᬖ᭄ᬕᬵ᭟ᬲᬫ᭄ᬧᬸᬦ᭄ᬳᬸᬲᬦ᭄ᬫ᭄ᬭᬕ᭄ᬕᬵᬓᬮᬵ᭞ᬬᬤᬶᬦ᭄ᬭᬶᬂᬲᬭᬶᬭᬵᬫᬮᬶᬄ᭞ᬢᬍᬃᬫᬦᬢᬩ᭄ᬓᬢᬶᬧᬢ᭄᭞ᬓᬭᬂᬤᬗ᭄ᬓᬮ᭄ᬫᬗ᭄ᬤᬾᬩᬺᬰᬶᬄ᭞ᬳᬯᬦᬦ᭄ᬦᬾᬓᬢ᭄ᬯᬲᬶᬦ᭄᭞ᬗᬰᬗᬵᬯᬲ᭄ᬢᬦ᭄ᬜᬵᬫᬸᬗ᭄ᬕᬸᬄ᭞ᬢᬸᬃᬫᬢᬸᬭᬦ᭄ᬭᬶᬂ
ᬓᬫᬸᬮᬦ᭄᭞ᬬᬶᬭᬶᬬᬂᬩᬓ᭄ᬢᬶᬭᬶᬂᬯᬶᬤ᭄ᬥᬶ᭞ᬲᬧᬸᬦᬶᬓᬵ᭞ᬮᬶᬂᬦᬶᬂᬳᬚ᭄ᬚᬶᬰ᭄ᬭᬸᬢᬶᬲ᭄ᬫ᭄ᬭᬢ᭄ᬬᬵ᭟ᬬᬦ᭄ᬦᬫ᭄ᬧᬶᬰᬰᬶᬄᬓᬥᬰᬵ᭞ᬗᬯᬶᬢ᭄ᬫᬮᬶᬄᬧᬸᬍᬧᬮᬶ᭞ᬳᬘᬶᬳᬘᬶᬭᬶᬂᬪᬝᬵᬭᬵ᭞ᬫᬶᬯᬄᬭᬶᬂᬫᬦᬸᬰᬵᬫᬮᬶᬄ᭞ᬭᬶᬂᬓᬯᬶᬢᬦ᭄ᬫ᭠
[᭒᭐ 20A]
ᬓᬵᬲᬫ᭄ᬫᬶ᭞ᬲᬳᬸᬨᬓᬭᬦᬾᬫᬦᬸᬢ᭄᭞ᬫᬮᬶᬄᬫᬸᬓ᭄ᬢᬶᬲᬂᬳ᭄ᬬᬂᬲᬸᬓ᭄ᬱ᭄ᬫᬵ᭞ᬫᬕᭂᬳᬂᬚᬕᬢᬾᬲᬫ᭄ᬫᬶ᭞ᬲᬧᬸ᭠ᬦᬶᬓᬵ᭞ᬧᬸᬗ᭄ᬓᬸᬭᬦ᭄ᬫᬮᬶᬄᬉᬘᬧᬂ᭚᭜᭚ᬧᬂ᭚᭜᭚ᬬᬦ᭄ᬳᬸᬚ᭄ᬬᬦ᭄ᬳᬸᬓᬸᬧᬸᬦᬶᬓᬵ᭞ᬧᬢᬸᬢ᭄ᬯ᭄ᬦᬂᬫᬩ
ᬦ᭄ᬢᭂᬦ᭄ᬜᬫᬬᬸᬢᬶᬦ᭄᭞ᬗᬯᬶᬢ᭄ᬲᬶᬡ᭄ᬝᬵᬳᬶᬓᬂᬳᬸᬓᬸ᭞ᬪᬝᬵᬭᬶᬭᬢᬶᬄᬧᬶᬦᬸᬚ᭄ᬚᬵ᭞ᬩᬸᬤᬵᬓ᭄ᬮᬶᬯᭀᬦ᭄ᬫᬳᬬᬸᬲᬭᬶᬭᬵᬤᬸᬫᬸᬦ᭄᭞ᬫᬲᬸᬲᬸᬃᬩᬦᬾᬦ᭄ᬦ᭄ᬤᬕᬦ᭄ᬲᬸᬃᬬ᭄ᬬᬵ᭞ᬫᬯᬱ᭄ᬝᬵᬳᬧᬕᭂᬃᬯ᭄ᬲᬶ᭟ᬫᬗ᭄ᬓᬶᬦ᭄ᬢᬸᬫ᭄ᬧᭂᬓ᭄ᬮᬡ᭄ᬥᭂᬧ᭄
ᬓᭀᬘᬧ᭄᭞ᬢᬦ᭄ᬮ᭄ᬬᬦ᭄ᬳᬶᬤᬵᬳ᭄ᬬᬂᬧᬲᬸᬧᬢᬶᬓᬧᬸᬚ᭄ᬚᬶ᭞ᬮᬮᬦ᭄ᬤᭂᬧ᭄ᬲᬫᬶᬧᬳᬬᬸ᭞ᬳᭀᬤᬮᬦ᭄ᬲᬃᬯ᭄ᬯᬵᬲᬜ᭄ᬚᬢ᭄ᬣᬵ᭞ᬬᬦ᭄ᬯᬭᬶᬕ᭄ᬕᬵᬰᬦᬶᬰ᭄ᬘᬭᬵᬓ᭄ᬮᬶᬯᭀᬦ᭄ᬳᬶᬓᬸ᭞ᬪᬝᬵᬭᬶᬰ᭄ᬭᬶᬓᬂᬧᬶᬦᬸᬚ᭄ᬚᬵ᭞ᬲᬃᬯ᭄ᬯᬵᬢᬸᬫᬸᬯᬸᬄᬫᬳᬸᬭᬶᬧ᭄᭟
ᬯᬺᬱ᭄ᬧᬢᬶᬯᬕᬾᬦᬶᬂᬲᬸᬗ᭄ᬲᬂ᭞ᬫᬶᬯᬄᬰᬸᬓᬺᬓ᭄ᬮᬶᬯᭀᬦ᭄ᬜᬦᬾᬫᬮᬶᬄ᭞ᬪᬝᬵᬭᬵᬭᬸᬤᬺᬢᬸᬫᬸᬭᬸᬦ᭄᭞ᬗᬸᬭᬶᬧᬶᬦ᭄ᬲᬃᬯ᭄ᬯᬵᬪᬸᬰᬡ᭄ᬦᬵ᭞ᬲᬸᬕᬶᬄᬫᬤᭀᬓ᭄ᬓᭀᬘᬧ᭄ᬯᬲ᭄ᬢᬦ᭄ᬜᬦᬾᬳᬶᬓᬸ᭞ᬳᬗ᭄ᬕᬭᬵᬯᬕᬾᬤᬸᬗᬸᬮᬦ᭄᭞ᬢ᭄ᬫᬸ [ 21 ][᭒᭐ 20B]
᭒᭐
ᬓᬮᬵᬚᬬᬵᬯ᭄ᬬᬓ᭄ᬢᬶ᭟ᬚᬦ᭄ᬫᬵᬯ᭄ᬦᬂᬫᬩ᭄ᬬᬓᬮᬵ᭞ᬗ᭄ᬮᬸᬯᬭᬓᭂᬦ᭄ᬫᬮᬦᬶᬂᬰᬭᬶᬭᬵᬯ᭄ᬬᬓ᭄ᬢ᭄ᬢᬶ᭞ᬫᬰᭂᬫᬬᬸᬢ᭄ᬫᬗ᭄ᬤᬾᬳᬬᬸ᭞ᬩᬸᬤᬵᬓ᭄ᬮᬶᬯᭀᬦ᭄ᬜᬦᬾᬓᭀᬘᬧ᭄᭞ᬲᬂᬳ᭄ᬬᬂᬫᬳᬵᬤᬾᬯ᭄ᬯᬵᬧᬶᬦᬸᬚᬶᬧᬸᬦᬶᬓᬸ᭞ᬳᬗᬸᬭᬶᬧ᭄ᬩᬮᬸᬂᬳ᭄ᬯᬢ᭄᭞ᬓᬂ
ᬯᭀᬂᬯ᭄ᬦᬂᬲ᭄ᬫᬬᬸᬢ᭄ᬢᬶᬦ᭄᭚ᬬᬤᬶᬦ᭄ᬭᬶᬂᬲᬗ᭄ᬕᬄᬓᬫᬸᬮᬦ᭄᭞ᬢᬍᬃᬧᬢᬸᬢ᭄ᬫᬢᬸᬭᬦ᭄ᬩᬩᬦ᭄ᬢᭂᬦ᭄ᬓᬶᬤᬶᬓ᭄᭞ᬓᬸᬦᬶᬗ᭠ᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬰᬦᬶᬱ᭄ᬘᬭᬵᬓ᭄ᬮᬶᬯᭀᬦ᭄ᬜᬵ᭞ᬲᬂᬳ᭄ᬬᬂᬕᬸᬭᬸᬧᬶᬸᬧᬶᬦᬸᬚᬶᬓᬮᬧᬸᬦᬶᬓᬸ᭞ᬫᬢᬸᬭᬦ᭄ᬭᬶᬂᬲᬗ᭄ᬕᬄᬲᬗ᭄ᬕᬄ᭞ᬢ
ᬍᬃᬜᬶᬭᬶᬬᬂᬲᬸᬩᬓ᭄ᬢᬶ᭟ᬭᬯᬸᬄᬭᬶᬂᬚᬦ᭄ᬫᬵᬦᬾᬲᬫ᭄ᬬᬦ᭄᭞ᬳᬰᭂᬲᬬᬸᬢ᭄ᬫᬗ᭄ᬲᬸᬤ᭄ᬳᬶᬧᬸᬦ᭄ᬫᬗᬸᬭᬶᬧᬶᬦ᭄᭞ᬘᬃᬫ᭄ᬫᬵᬤᬕᬶᬂᬫᬶᬯᬄᬲᬸᬫ᭄ᬲᬸᬫ᭄᭞ᬩᬸᬤᬵᬓ᭄ᬮᬶᬯᭀᬦ᭄ᬧᬳᬂᬓᭀᬘᬧ᭄᭞ᬲᬂᬳ᭄ᬬᬂᬰᬶᬯ᭄ᬯᬵᬧᬶᬦᬸᬚᬶᬓᬮᬵᬧᬸᬦᬶᬓᬸ᭞ᬗᬶᬮᬂᬳᬓᭂᬦ᭄ᬫᬮ
ᬦ᭄ᬫᬦᬄ᭞ᬫᬢᬸᬭᬦ᭄ᬭᬶᬂᬲᬗ᭄ᬕᬄᬫᬮᬶᬄ᭟ᬓ᭄ᬭᬸᬮᬸᬢ᭄ᬰᬦᬶᬰ᭄ᬘᬭᬵᬓ᭄ᬮᬶᬯᬵᬦ᭄᭞ᬳ᭄ᬬᬂᬇᬰ᭄ᬯᬭᬵᬳᬶᬤ᭄ᬥᬵᬓᭀᬘᬧ᭄ᬓᬂᬧᬶᬦᬸᬚ᭄ᬚᬶ᭞ᬲᬃᬯ᭄ᬯ᭄ᬲᬵᬫᬳ᭄ᬮᬃᬢᬸᬫᬸᬯᬸᬄ᭞ᬢᬸᬫ᭄ᬧᭂᬓ᭄ᬳᬸᬬᬾᬳᬸᬘᬧᬂ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬧᬶᬦᬸᬚᬶᬲ᭄ᬥᬸᬓ᭄ᬧᬸᬦᬶᬓᬸ᭞ᬳᬗᬸᬭᬶᬧᬶᬦ᭄
[᭒᭑ 21A]
ᬲᬃᬯ᭄ᬯᬵᬲᬢᭀ᭞ᬢᬸᬫ᭄ᬧᭂᬓ᭄ᬯᬬᬂᬘ᭄ᬭᬶᬢ᭄ᬣᬵᬫᬮᬶᬄ᭟ᬲᬂᬳ᭄ᬬᬂᬩᬭᬸᬡ᭄ᬦᬵᬧᬶᬦᬸᬚ᭄ᬚᬵ᭞ᬳᬗᬸᬭᬶᬧᬶᬦ᭄ᬲᬃᬯ᭄ᬯᬵᬫᬶᬦᬦᬾᬲᬫ᭄ᬫᬶ᭞ᬯ᭄ᬦᬂᬫᬳᬢᬸᬭᬦ᭄ᬩᬸᬩᬸᬄ᭞ᬧᬸᬢᬶᬄᬳᬩᬂᬫ᭄ᬯᬂᬚᬗᬦ᭄᭞ᬤᭀᬦ᭄ᬳᬶᬦ᭄ᬢᬭᬦ᭄ᬫᬮᬶᬄᬩᬸᬤ᭄ᬥᬵᬯᬕᬾᬓ᭄ᬮᬯᬸ᭞ᬳ᭄ᬬᬂᬫᬳᬾᬰᭀ
ᬭᬵᬧᬶᬦᬸᬚ᭄ᬚᬵ᭞ᬳᬗᬸᬭᬶᬧᬶᬦ᭄ᬳ᭄ᬫᬲ᭄ᬧᬶᬧᬶᬲ᭄᭟ᬰᬦᬶᬰ᭄ᬘᬭᬵᬫᬦᬶᬲ᭄ᬓᭀᬘᬧ᭄᭞ᬯᬢᬸᬕᬸᬦᬸᬂᬳ᭄ᬬᬂᬰᬭᬵᬰ᭄ᬯᬢ᭄ᬣᬶᬧᬶᬦᬸᬚᬶ᭞ᬫᬕᭂᬳᬓᭂᬦ᭄ᬢᬸᬢᬸᬃᬳᬬᬸ᭞ᬫ᭄ᬯᬂᬗᬸᬭᬶᬧᬶᬦ᭄ᬳᬓ᭄ᬱᬭᬵ᭞ᬫ᭄ᬯᬄᬳᭀᬤᬮᬦ᭄ᬲᬂᬳ᭄ᬬᬂᬰᬭᬵᬰ᭄ᬯᬢ᭄ᬢᬶᬳᬶᬓᬸ᭞ᬧᬢᬸᬢᬾ
ᬗ᭄ᬥᬲ᭄ᬮ᭄ᬫᬳᬂ᭞ᬫᬦ᭄ᬥᬸᬲ᭄ᬫᬓᬸᬫ᭄ᬓᬸᬫᬦ᭄ᬯ᭄ᬬᬓ᭄ᬢᬶ᭟ᬯᬸᬲ᭄ᬫᬢᬸᬃᬢ᭄ᬣᬵᬫᬮᬩᬳᬦ᭄᭞ᬢᬸᬃᬫᬮᭀᬮᭀᬄᬩᬜᬸᬦ᭄ᬧ᭠ᬦᬭᬸᬄᬓᬤᬦᬶᬦ᭄᭞ᬫ᭄ᬭᬢᬬᬂᬫᬗ᭄ᬤᬾᬭᬳᬬᬸ᭞ᬢᬦ᭄ᬲᭀᬘᬧᬦ᭄ᬭᬶᬂᬯᭀᬂᬘᬫᬄ᭞ᬫᬓᬵᬰᭀᬭᬾᬓᬦ᭄ᬢᭀᬲ᭄ᬫ᭄ᬥ
ᬮ᭄ᬩᬶᬦ᭄ᬢᬂᬳᬶᬓᬸ᭞ᬤᬤᭀᬲ᭄ᬫᬺᬫ᭄ᬲᬂᬫᬩ᭄ᬭᬢ᭄ᬣᬵ᭞ᬧᬸᬧᬸᬢ᭄ᬪᬦ᭄ᬤᬦ᭄ᬲᬭᬵᬰ᭄ᬯᬢ᭄ᬣᬶ᭟ᬓᬯᬾᬦ᭄ᬢᭂᬦᬦ᭄ᬲᬂᬳ᭄ᬬᬂᬲᬲ᭄ᬢ᭄ᬭᬵ᭞ᬢᬦ᭄ᬮ᭄ᬬᬦ᭄ᬳᬶᬤ᭄ᬥᬵᬰᬶᬯ᭄ᬯᬵᬫᬗᬃᬬ᭄ᬬᬦᬶᬦ᭄᭞ᬭᬶᬂᬲᬓᬮᬵᬫᬗ᭄ᬤᬾᬫᬦᬸᬢ᭄᭞ᬫᬭᬸᬧᬵᬦᭂᬫ᭄ᬰᭀᬭᭀᬳᬦ᭄᭞ᬬ [ 22 ][᭒᭑ 21B]
᭒᭑
ᬦ᭄ᬧᬶᬢ᭄ᬕᭂᬲ᭄ᬧᬫᬃᬕᬶᬦ᭄ᬲᬲ᭄ᬢ᭄ᬭᬵᬧᬸᬦᬶᬓᬸ᭞ᬗᬯᬶᬢ᭄ᬫᬯᬱ᭄ᬝᬵᬳᬕᬫ᭄ᬫᬵ᭞ᬳᬱ᭄ᬢᬵᬤᬰᬵᬯ᭄ᬬᬵᬳᬭᬵᬤ᭄ᬥᬶ᭟ᬓᬧᬶᬂᬭᭀᬳᬚᬶᬯᬲ᭄ᬢᬦ᭄ᬜᬵ᭞ᬲᬲ᭄ᬢ᭄ᬭᬵᬯᬾᬥ᭄ᬥᬵᬧᬹᬃᬯ᭄ᬯᬓᬦᬾᬰᬫ᭄ᬫᬶ᭞ᬓᬢᬶᬕ᭄ᬕᬵᬢᬃᬓ᭄ᬓᬵᬓᬯᬸᬯᬸᬲ᭄᭞ᬰᭀᬭᭀᬄᬢ᭄ᬦᬸᬂᬫ᭄ᬯᬂᬯᬭᬶᬕ᭄ᬕᬵ᭞ᬧᬶᬂ
ᬧᬢ᭄ᬜᬦᬾᬯᬾᬥ᭄ᬬᬯᬱ᭄ᬢᬦ᭄ᬜᬦᬾᬫᬦᬸᬢ᭄᭞ᬲᬮ᭄ᬯᬶᬃᬦᬶᬂᬲᬲ᭄ᬢ᭄ᬭᬵᬉᬰᬤ᭄ᬥᬵ᭞ᬲᬃᬯ᭄ᬯᬵᬳᬗᬶᬮᬗᬂᬯ᭄ᬬᬤ᭄ᬥᬶ᭟ᬓᬧᬶᬂᬮᬶᬫ᭄ᬫᬵᬯ᭄ᬬᬓᬭᬡ᭄ᬦᬵ᭞ᬫᬸᬗ᭄ᬕ᭄ᬯᬶᬂᬕᬶᬢ᭄ᬣᬵᬫ᭄ᬯᬄᬧᬺᬮᬫ᭄ᬩᬂᬕᬶᬦᬸᬭᬶᬢ᭄᭞ᬓ᭄ᬦᭂᬫ᭄ᬤᬶᬢ᭄ᬣᬵᬳᬭᬦ᭄ᬳᬶᬧᬸᬦ᭄᭞ᬲᬲ᭄ᬢᬻᬫᬸᬗ᭄ᬕ᭄ᬯᬶᬂᬧᬯᬶᬮᬗᬦ᭄᭞ᬫ᭄ᬯᬂ
ᬭᬶᬂᬳᬗ᭄ᬓᬵᬳᬚᬶᬯ᭄ᬕᬶᬕ᭄ᬢ᭄ᬯᬄᬧᬧᬶᬢᬸ᭞ᬦᬭᬜ᭄ᬳᬡ᭄ᬦᬵᬧᬧᬲᬗᬦ᭄᭞ᬧᬯᬸᬮᬄᬳᬮᬦᬾᬲᬫ᭄ᬫᬶ᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬧᬶᬢᬸᬂᬧᬲᬮ᭄᭞ᬓᬯᬾᬦ᭄ᬢᭂᬦᬦ᭄ᬲᬂᬳ᭄ᬬᬂᬲᬲ᭄ᬢ᭄ᬭᬦᬾᬲᬫᬶ᭞ᬯᬾᬦ᭄ᬢᭂᬦ᭄ᬫᬮᬶᬄᬘ᭄ᬭᬶᬢ᭄ᬣᬵᬥᬸᬫᬸᬦ᭄᭞ᬪᬢᬵᬭᬵᬭᬶᬂᬓᬫᬸᬮᬦ᭄
᭞ᬯᬳᬗᬦ᭄ᬢᬾᬦ᭄ᬫᬓᬃᬬ᭄ᬬᬵᬓᬫᬸᬮᬦ᭄ᬥᬸᬫᬸᬦ᭄᭞ᬫ᭄ᬯᬱ᭄ᬝᬵᬲᬗ᭄ᬕᬄᬧᬦᭂᬕ᭄ᬢᭂᬕᬦ᭄᭞ᬫᬗ᭄ᬤᬾᬢᭂᬕ᭄ᬢᭂᬕ᭄ᬗᬯᬾᬳᬸᬭᬶᬧ᭄᭟ᬧᬸᬦᬧᬶᬋᬓᬾᬗᬯᬦᬂ᭞ᬓᬳᬸᬭᬶᬧᬦ᭄ᬚᬦ᭄ᬫᬦᬾᬫᬓᬵᬲᬫ᭄ᬫᬶ᭞ᬢᬦ᭄ᬮ᭄ᬬᬦ᭄ᬕ᭄ᬦᬶᬢᭀᬬᬩᬬᬸ᭞ᬧᬭᬕᬬ
[᭒᭒ 22A]
ᬦ᭄ᬲᬂᬳ᭄ᬬᬂᬢᬶᬕ᭄ᬕᬵ᭞ᬭᬶᬂᬓᬫᬸᬮᬦ᭄ᬓᭀᬘᬧᬵᬳᬶᬤ᭄ᬥᬵᬫᬮᬸᬗ᭄ᬕᬸᬄ᭞ᬳᬧᬶᬲᬦ᭄ᬥᬸᬫᬸᬦ᭄ᬘ᭄ᬭᬶᬢᬬᬂ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸ᭠ᬫᬳᬾᬰ᭄ᬯᬭᬶ᭟ᬢ᭄ᬕᭂᬲᬂᬫᬮᬶᬄᬳᬧᬲᬮ᭄᭞ᬲᬂᬳ᭄ᬬᬂᬰᬶᬯ᭄ᬯᬵᬲᬤ᭄ᬥᬵᬰᬶᬯᬦᬾᬫᬓᬤ᭄ᬥᬶ᭞ᬫᬶᬯᬄᬧ᭄ᬭᬫ᭄ᬫᬵᬰᬶᬯ᭄ᬯᬵᬕᬸᬭᬸ᭞ᬧᬧᬸᬧᬸᬮ᭠
ᬦ᭄ᬲᬃᬯ᭄ᬯᬵᬤᬾᬯ᭄ᬯᬵ᭞ᬬᬦ᭄ᬭᬶᬂᬳᬶᬪᬸᬧᬫ᭄ᬭᬚᬦ᭄ᬫᬮᬶᬄᬓᬯᬸᬯᬸᬲ᭄᭞ᬢᬍᬃᬢᬶᬕ᭄ᬕᬵᬫᬩᬢᬸᬭᬦ᭄᭞ᬓᭀᬘᬧ᭄ᬲᬂᬳ᭄ᬬᬂ᭠ᬢᬶᬕ᭄ᬕᬵᬯ᭄ᬬᬓ᭄ᬢᬶ᭟ᬢᬶᬕᬵᬧᬶᬬᬓᬵᬫ᭄ᬩᬦ᭄ᬳᬶᬤ᭄ᬥᬵ᭞ᬧᬫᬸᬧᬸᬢ᭄ᬣᬵᬯᬦ᭄ᬢᬄᬳᬶᬤ᭄ᬥᬵᬳᬲᬶᬓᬶ᭞ᬳᬶᬪᬸᬧᬺᬢᬶᬯᬶᬢᬢ᭄ᬯᬾᬓᬸ᭞ᬧᬭᭀᬓ᭄ᬭᬶᬂ
ᬳᬓᬱᬵᬢᬢ᭄ᬯᬵ᭞ᬳᬯᬦᬦᬾ᭞ᬧᬢ᭄ᬧᬢ᭄ᬲᬸᬘ᭄ᬘᬶᬦᬾᬭᬶᬂᬳᬶᬪᬸ᭞ᬭᬶᬂᬢ᭄ᬗᬄᬓᬓᬮᬶᬄᬫᬸᬗ᭄ᬕᬄ᭞ᬭᬶᬂᬩᬶᬮᬂᬲᬫ᭄ᬧᬶᬂᬳᬲᬶᬓᬶ᭟ᬲᬶᬓᬮᬾᬃᬚ᭄ᬭᭀᬦ᭄ᬤᬾᬯ᭄ᬯᬵᬧᬢ᭄ᬧᬢ᭄᭞ᬲᬗ᭄ᬕᬃᬳᬕᬸᬂᬫᬓᬵᬫᬶᬯᬄᬮᬶᬫᬲ᭄ᬲᬭᬶ᭞ᬮᬶᬫᬲ᭄ᬘᬢᬸᬫ᭄ᬯᬕ᭄ᬳᬩᬸᬗ᭄ᬓᬸᬮ᭄
᭞ᬲᬶᬓᬯᬸᬄᬫᬜ᭄ᬚᬗᬦ᭄ᬲᬮ᭄ᬯᬂ᭞ᬦᬾᬭᬶᬂᬢ᭄ᬗᬄᬢ᭄ᬧᬲ᭄ᬗ᭄ᬭᬸᬭᬄᬯᬲ᭄ᬢᬦ᭄ᬳᬶᬧᬸᬦ᭄᭞ᬓᭀᬘᬧ᭄ᬮᬶᬗ᭄ᬕᬶᬄᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬲᬗ᭄ᬕᬃᬳᬕᬸᬂᬮᬶᬗ᭄ᬕᬵᬯ᭄ᬬᬓ᭄ᬢᬶ᭞ᬲᬦᬾᬭᬶᬂᬫᬦᬗᬦ᭄ᬲᬮ᭄ᬯᬂ᭞ᬯᬶᬱ᭄ᬡᬸᬓᭀᬘᬧ᭄ᬳᬶᬤ᭄ᬥᬵᬫᬗ᭄ᬮᬶᬗ᭄ᬕᬦᬶᬦ᭄᭞ᬮᬶᬫᬲᬭᬶ [ 23 ][᭒᭒ 22B]
᭒᭒
ᬲ᭄ᬥᬎᬫᬸᬗ᭄ᬕᬸᬄ᭞ᬮᬶᬫᬰ᭄ᬘᬢᬸᬰ᭄ᬭᬶᬫᬮᬶᬗ᭄ᬕᬵ᭞ᬬᬦᬶᬂᬯᬾᬦ᭄ᬢᭂᬦ᭄ᬫᬮᬶᬄᬕ᭄ᬥᭀᬂᬫᬾᬭᬸᬫᬾᬭᬸ᭞ᬓᭀᬘᬧ᭄ᬧᬲᬶᬫ᭄ᬧᬂᬲᬶᬫ᭄ᬧᬗᬦ᭄᭞ᬓᬯᬸᬘᬧ᭄ᬭᬶᬂᬮᬶᬂᬦᬶᬗᬚ᭄ᬚᬶ᭟ᬬᬦᬶᬂᬪᬝᬵᬭᬵᬭᬶᬂᬧᬸᬰᭂᬄ᭞ᬧᬲᬶᬫ᭄ᬧᬗᬦ᭄ᬪᬝᬵᬭᬭᬶᬂᬩᬰᬓᬶᬄ᭞ᬲᬂᬳ᭄ᬬᬂᬧᬸᬢᬺ
ᬚᬬᬵᬫᬸᬗ᭄ᬕᬸᬄ᭞ᬤᬸᬓ᭄ᬫᬥᭂᬕ᭄ᬫᬬᬵᬤᬡ᭄ᬥᬯ᭄ᬯᬵ᭞ᬮᭀᬩᬵᬤᬫ᭄ᬩᬵᬫᭀᬫᭀᬱᬨᬓᬤᬶᬳᬓᬸ᭞ᬢᬦ᭄ᬫᬯᬾᬄᬚᬦ᭄ᬫᬵ᭠ᬫᬢᬸᬭᬦ᭄᭞ᬓᬩᬰᬓᬶᬄᬲᬋᬂᬲᬫ᭄ᬫᬶ᭟ᬳᬶᬤ᭄ᬥᬵᬗᬓᬸᬥᬾᬯᬜ᭄ᬚᬕᬢ᭄᭞ᬭᬶᬂᬦᬶᬲ᭄ᬓᬮᬵᬲᬓᬮᬵᬳᬶᬤᬵᬗᬕᬸᬗᬶᬦ᭄᭞ᬬᬦ᭄ᬯᬾ
ᬦ᭄ᬢᭂᬦ᭄ᬳᬦᬓ᭄ᬫᬫᬸᬯᬸᬓ᭄᭞ᬓᬩᬰᬓᬶᬄᬫᬳᬢᬸᬭᬦ᭄᭞ᬢᬦ᭄ᬯᬗ᭄ᬤᬾᬜᬵᬧᬥᭂᬫ᭄ᬬᬵᬫᬲᬸᬮᬸᬄᬲᬸᬮᬸᬄ᭞ᬳᬯᬶᬦᬦ᭄ᬳᬦᬓᬾᬲᬫ᭄ᬬᬦ᭄᭞ᬲᬤᬾᬰᬵᬤᭀᬰᬵᬗᬃᬬ᭄ᬬᬦᬶᬦ᭄᭟ᬧᬘᬂᬕ᭄ᬦᬄᬫᬳᬢᬸᬭᬦ᭄᭞ᬜᬶᬮᬶᬩ᭄ᬩᬓ᭄ᬢᬶᬦᬸᬦᬲ᭄ᬓᬭᬳᬬ᭄ᬯᬦ᭄
ᬯ᭄ᬬᬓ᭄ᬢᬶ᭞ᬯᬶᬭᬾᬄᬚᬕᬢ᭄ᬓᬤᬶᬳ᭄ᬭᬸᬕ᭄᭞ᬥᬸᬓ᭄ᬫᬥᭂᬕ᭄ᬫᬬᬵᬤᬡ᭄ᬥᬯ᭄ᬯᬵ᭞ᬩᬶᬮᬂᬤᬾᬰᬵᬫᬓᬃᬬ᭄ᬬᬵᬧᬸᬲᭂᬄᬫᬩ᭄ᬭᬶ᭠ᬬᬸᬓ᭄᭞ᬤᬤᭀᬲ᭄ᬫᬗ᭄ᬕᬾᬦ᭄ᬧᬰᬶᬫ᭄ᬧᬗᬦ᭄᭞ᬦᬫ᭄ᬫᬵᬢᬫᬶᬓᬥᬶᬫᬗ᭄ᬓᬶᬦ᭄᭚᭜᭚ᬧᬸᬧᬸᬢ᭄᭚᭜᭚ᬓᬲᬸᬭᬵᬢ᭄ᬳᬦ᭄ᬢᬸ
[᭒᭓ 23A]
ᬓ᭄ᬳᬶᬤ᭄ᬥᬜᭀᬫᬦ᭄ᬩᭀᬤ᭄ᬥᬵ᭞ᬲᬓᬶᬂᬲᬸᬩᬕᬦ᭄᭞ᬕ᭄ᬭᬶᬬᬵᬚ᭄ᬮᬡ᭄ᬝᬶᬓ᭄ᬩᬮᬾᬃᬫᬃᬕ᭄ᬕᬶ᭟ᬧᬸᬧᬸᬢ᭄ᬭᬶᬂᬭᬳᬶᬦᬵ᭞ᬘ᭞ᬯ᭞ᬯᬭᬮᬗ᭄ᬓᬶᬃ᭞ᬢᬶᬢᬶ᭞ᬧᬂ᭞ᬧᬶᬂ᭞᭒᭞ᬰᬰᬶᬄ᭞ᬓ᭞᭓᭞ᬭᬄ᭞᭗᭞ᬢᭂᬂ᭞᭐᭞ᬇᬰᬓᬵ᭞᭑᭙᭐᭗᭟᭐᭟[image] [ 24 ][᭒᭓ 23B]
᭒᭓