Biblia/Vetule Testamento/Ezechiel/Ezechiel 48

Ezechiel

48

Subdivision del territorio

¹Ecce le lista del tribos de Israel e le territorio que cata uno de illos va reciper. Le territorio de Dan es in le extreme nord. Su linea de confinio seque le via de Hethlon usque a Lebo-hamath e pois proseque usque a Hezar-enan sur le fimbria de Damasco, con Hamath a nord. Le territorio de Dan se extende longe trans le terra de Israel ab est a west. ²Le territorio de Asher se trova a sud de illo de Dan e alsi se extende ab est a west. ³Le terra de Nephtali se trova a sud de illo de Ashes, e anque se extende ab est a west. ⁴Deinde veni Manasse a sud de Nephtali, e su territorio se extende alsi ab est a west. ⁵A sud de Manasse se trova Ephraim, ⁶e pois Ruben, ⁷e pois Juda, cuje confinios se extende ab est a west. ⁸A sud de Juda es le territorio consecrate a un proposito special. Illo essera large vinti-cinque milles cubitos de latitutude e de longitude, e se extendera a est e a west usque al territorios tribal, con le Templo in su medio.

⁹Le lot ponite a parte pro le Templo del Senior, essera de vinti-cinque milles cubitos de longitude e vinti milles cubitos de latitude. ¹⁰Pro le sacerdotes il habera un banda de terra mensurante vinti-cinque milles cubitos de longor e dece milia de largor, con le Templo del Senior in su medio. ¹¹Iste area es reservate pro le sacerdotes ordinate, le descendentes de Zadok que me serviva fidelmente e non errava insimul al populo de Israel e sicut le resto del Levitas. ¹²Illo essera lor special portion quando le territorio essera distribuite, le plus sacre. Juxta le territorio del sacerdotes il habera le loco in le qual le altere Levitas habitara. ¹³Le territorio assignate al Levitas essera del mesme grandor e forma de illo que pertine al sacerdotes - vinti-cinque milles cubitos de longitude e dece milia de latitude. Iste portiones insimul vinti-cinque milia de longitude e vinti milia de latitude. ¹⁴Nulle parte de iste terra special potera unquam esser vendite, excambiate o empleate per alteres, quia illo pertine al Senior; illo es terra consecrate.

¹⁵Un banda additional de terra mensurante vinti-cinque milles cubitos pro cinque, a sud del del area sacre del Templo, essera assignate al empleo public - domos, pasturas e terras commun, con un citate in su medio. ¹⁶Le citate mensurara: le latere nord: quatro milles cinque centos cubitos; le latere sud: quatro milles cinque centos cubitos; le latere est: quatro milles cinque centos cubitos; e le latere west: quatro milles cinque centos cubitos. ¹⁷Le citate habera spatios aperte de duo centos cinquanta cubitos que circumferera le citate in omne directiones^[1]. ¹⁸Extra le citate il habera un area agricole que se extende de dece milles mensuras a oriente e de dece milles mensuras a occidente longe le confinio del area sacre. Iste terreno a cultivar producera alimentos pro laboratores in le citate. ¹⁹Illes qui veni ab le varie tribos de Israel pro laborar in le citate potera cultivar le agros. ²⁰Iste area integre - includite le terrenos sacre e le citate - es un quadrato de vinti cinque milles mensuras sur cata latere.

²¹Le areas remanente, al est e al west del terras sacre e del citate, pertinera al prince. Cata un de iste areas essera de vinti cinque milles mensuras, extendente se in directiones adverso in le confinios est e west de Israel, con le terras sacre e le sanctuario del Templo al centro. ²²Assi, le terras del prince includera toto inter le territorios assignate a Juda e Benjamin, con le exception del areas appartate pro le terras sacre e le citate.

²³Le sequente es le territorios assignate al resto del tribos. Le territorio de Benjamin jace justo a sud del terras del princes, e se extende trans le terra integre de Israel ab est a west. ²⁴A sud del territorio de Bejamin jace illo de Simon, le qual se extende trans le terra de Israel ab est a west. ²⁵Seque le territorio de Issachar con le mesme confinios oriental e occidental. ²⁶Seque le territorio de Zebulon, que se extende alsi trans le terra de Israel ab est a west. ²⁷Le territorio de Gad es justo a sud de Zebulon con le mesme confinio a oriente e occidente. ²⁸Le bordo sud de Gad curre ab Tamar al aquas de Meriba a Kadesh, e pois seque le Torrente de Egypto usque al Mar Mediterranee.

²⁹Istos es le parcellas de terreno que essera appartate pro proprietate exclusive de cata un tribos. Io, le Senior Soveran ha parlate.

Le portas del citate

³⁰Istos essera le exitos del citate: sur le muro nord, que es de quatro milles cinque centos. ³¹Il habera tres portas, cata un appellate secundo un tribo de Israel. Le prime portara le nomine de Reuben, le secunde de Juda, e le tertie de Levi. ³²Al muro de est, alsi quatro milles cinque centos mensuras, le portas essera appellate secundo Joseph, Benjamin, e Dan. ³³Le muro sud alsi, longe anque quatro milles cinque centos, habera portas appellate secundo Simeon, Issachar e Zabulon. ³⁴E al muro west, alsi de quatro milles cinque centos mensuras, essera appellate secundo Gad, Asher e Naphtali.

³⁵Le distantia circum le citate integre essera de dece octo milles mensuras, e ab celle die le nomine del citate essera: “Le Senior es ibi”.

Notas

1. Le texto original mentiona le quatro punctos cardinal: nord, est, sud e west, del mesme longitudes.