Jeremia

35

Le fidelitate del rechabitas

¹Isto es le message que le Senior dava a Jeremia quando Jehoiakim, filio de Josia, esseva rege de Juda: ²“Vade a ubi le rechabitas reside e invita les venir al Templo del Senior. Porta les in uno del cameras lateral del Templo del Senior e da a illes vino a biber. ³Assi io vadeva sumer Jaazania, filio de Jeremia e granfilio de Habazziniah, su fratres e su filios - representantes de tote le familias rechabita. ⁴Io les introduceva in le Templo del Senior, e nos vadeva a in le camera assignate al filios de Hanan, filio de Igdalia, homine de Deo. Iste camera esseva locate juxta illo empleate per le officieros del Templo, directemente supra le camera de Maaseia, filio de Shallum, uno del porteros del Templo.

⁵Deinde io poneva coram le membros del communitate rechabita urceos de vino e io les diceva: “Bibe vino”. ⁶Illes tamen, replicava: “Nos non bibe vino, quia nostre ancestre Jehonadab, filio de Rechab, nos prescribeva: ‘Que vos e vostre descendentes nunquam bibe vino. ⁷In ultra, nunquam edifica domos, planta semines o vinias, ma vos debera semper viver in tentas pro tote vostre vitas. Si vos face iste cosas, vos vivera longemente sur le facie del terra in le qual vos peregrina’. ⁸Ergo nos obediva a tote lo que nos prescribeva nostre ancestre Jehonadab, filio de Rechab. Nos nunquam bibeva vino usque a iste die, ni lo faceva nostre uxores, nostre filios o nostre filias. ⁹Nos nunquam edificava domos pro habitar los. Nos non possede ulle vinias, agros o messes. ¹⁰Nos semper viveva in tentas e nos obediva in toto a lo que nos prescribeva Jehonadab, nostre ancestre. ¹¹Quando tamen, Rege Nebuchadnezzar de Babylon invadeva iste pais, ille nos diceva: “Vamos intrar in Jerusalem pro proteger nos del armeas babylonian e syrian. Assi nos remaneva in Jerusalem”.

¹²Alora le Senior dava iste message a Jeremia: ¹³“Isto es lo que le Senior del universo, le Deo de Israel, dice: ‘Vade dicer al populo de Juda e de Jerusalem: Veni e apprende un lection re como obedir a mi parolas. ¹⁴Le rechabitas nunquam bibeva vino, quia lor ancestre Jehonadab les prescribeva non facer lo. Io tamen, parlava a vos plure vices e semper vos refusava obedir me. ¹⁵Io mandava a vos prophetas, qui diceva: ‘Reverte vos ab vostre mal conducta e face lo que es bon. Cessa coler deos estranie e vos vivera in pace hic, le terra que io dava a vos e a vostre ancestres’. Vos tamen non me prestava attention e non me ascoltava. ¹⁶Si, le descendentes de Jonadab, filios de Rechab, obediva diligentemente a lor ancestre, ma vos refusava ascoltar me.

¹⁷Dunque, isto es lo que dice le Senior Deo del universo, le Deo de Israel: ‘Propter vostre refusa de ascoltar o responder a mi appellos, io mandara super Juda e super le habitantes de Jerusalem tote le afflictiones que io menaciava causar’”.

¹⁸Deinde Jeremia se adressava al rechabitas e les diceva: “Isto es lo que le Senior del universo, le Deo de Israel, dice: ‘Vos obediva diligentemente a vostre ancestre Jehonadab, e vos faceva tote lo que ille vos prescribeva. ¹⁹Ergo, isto es lo que le Senior del universo, le Deo de Israel, dice: ‘Jehonadab, filio de Rechab, semper habera descendentes qui me servira’”.