Biblia/Vetule Testamento/Proverbios/Proverbios 12

Le Proverbios

Capitulo 12

¹Qui ama le disciplina, ama le cognoscentia^[1], ma qui odia le reprimenda es un insipiente^[2].

²Un bon persona gania le favor del Senior, ma le Senior condemna illes que medita como facer le mal.

³Le impietate assecura nulle stabilitate, ma le radices del justos penetra in profunditate.

⁴Un femina diligente^[3] es un corona pro su marito, ma un femina dishoneste es como un cancere in su osteos.

⁵Le cogitationes del pios es juste ma le consilio del impios es fraudulente.

⁶Le parolas del impios es como le imboscada de un assassino, ma le parolas del pios salva vitas.

⁷Le impios mori e dispare, ma le familia del pio remane firme.

⁸Un persona essera laudate secundo su sapientia, ma ille qui ha un corde perverse va patir contempto^[4].

⁹Melio un persona de humil condition que sape administrar se ipse que un persona que pretende esser importante ma es indigente.

¹⁰Un persona juste custodia le vita de su animales, ma mesmo le actos le plus compassionate del impios es cruel.

¹¹Qui labora su campos diligentemente non carera de alimentos, ma quicunque chassa sonios vacue care de bon senso.

¹²Le impios desidera le rapina de homines malefic, ma justos es ben radicate e fructifica^[5].

¹³Le malfactor cade in le trappa tendite de su proprie parolas, ma le justos fugi de tal angustias.

¹⁴Parolas sapiente comporta multe beneficios, e manos laboriose comporta recompensas.

¹⁵Le insipientes crede que le via per le qual illes ambula es bon, ma le sapientes audi le consilios de altere personas.

¹⁶Le insipientes se inragia facilemente, ma le sapientes remane calme quando illes es injuriate.

¹⁷Un testimonio honeste dice le veritate, ma un false testimonio dice mentitas.

¹⁸Alcunes face remarcas que talia como un gladio, ma le parolas del sapientes resana.

¹⁹Qui dice le veritate permane in eterno, ma le parolas del mentitor dura solmente per un momento.

²⁰In le cordes de illes que cogita le mal il ha solmente deception, ma illes qui promove le pace ha gaudio.

²¹Nulle calamitate superveni^[6] al justo, ma le impios solmente males in abundantia.

²²Un bucca mendace es un abomination pro le Senior, ma a ille place qui age con veracitate^[7].

²³Le sapiente non ostenta^[8] su cognoscentia, ma le insipientes proclama lor follia.

²⁴Le persona diligente^[9] va dominar, ma le indolente deveni un sclavo.

²⁵Le anxietate es un peso grave a portar, ma un parola incoragiante allegra un persona.

²⁶Le justo conduce rectemente su amico, ma le impios les face disviar.

²⁷Le indolentes non face rostir lor predas, ma esser diligente es un preciose possession pro le homines.

²⁸In le sentieros del justitia il ha vita, ma sentieros differente conduce al morte.

Notas

1. Le clave del saper es le disciplina, ingagiar se seriosemente in apprender.
2. Litt. “como un bestia brute”. Illes qui desira ameliorar se ipse debe apprender acceptar le correction, ma solmente un persona stupide odia (rejecta) esser corrigite.
3. O “virtuose”.
4. O “essera dispreciate”.
5. O Le impios ha multe desiderios non complite, ma le justos es como arbores que ha bon radices e que fructifica certemente a su tempore,
6. O “le domina”.
7. O “fidelitate”.
8. O “cela”.
9. O “le mano del diligente”.