Hærramek ja bæsstamek Jesus Kristus ođđa Testament/St. Peter 2ŋeb oftasaš girje

[ 732 ]

St. Peter 2 oftasaš girje.

1. Kapittal.

Simon Peter, Jesus Kristus balvvalægje ja apo­stal, sigjidi, guđek oft divras osko oaǯǯom læk, nuftgo mi, min Ibmelæmek ja bæsstamek, Jesus Kristus vanhurskesvuođa boft:

² Arbmo ja raffhe ædnanifči digjidi Ibmel ja Jesus, min bærramek dovddoi!

³ Dademield go su ibmelvuođa fabmo migjidi buok addam læ ællem ja ibmelballolašvuođa daf­host, su dieđo boft, gutte su hærvasvuođas ja famos bot min gočoi,

⁴ mai boft stuorramus ja hui divras loppadu­sak migjidi addujuvvum læk, vai dai boft ibmel­vuođa lunddui di særvvolaǯǯan dakkujuvvubættet, go dam suddolašvuođast di barggabættet erit [ 733 ]bataraddat, mi anestume boft mailmest læ,

⁵ de barggat ado dam ala, ja čajetækket os­skodek sist sivvovuođa, mutto sivvovuođa sist dieđo,

⁶ mutto dieđo sist mærralašvuođa, mutto mær­ralašvuođa sist gierdavašvuođa, mutto gierdavaš­vuođa sist ibmelballolašvuođa,

⁷ mutto ibmelballolašvuođa sist veljalaš rakis­vuođa, mutto veljalaš rakisvuođa sist rakisvuođa buokaidi.

⁸ Dastgo go dak basse davek sistadek gavd­nujek, ja valjest, de æi dak luoite din joavdelas­san daihe šaddotæbmen orrot hærramek Jesus Kristus dieđo sist.

⁹ Dastgo son, gæst dak basse davek æi læk, čuovgatæbme læ, čalmides oftičarvve, ja buttastusa oudiš suddoines vajaldattam læ.

¹⁰ De damditti, veljačak! adnet dade stuorrab bargo nanosen dakkat din goččujume ja vallji­jume; dastgo go nuft di barggabættet dakkat, de æppet di goassegen šadda jorralet.

¹¹ Dastgo nuft galle valjest digjidi gæidno addjuvvu hærramek ja bæsstamek, Jesus Kristus aǥalaš valddegoddai.

¹² De damditti im hæittet aigo alelessi dam din jurddagidadek vuollai goččot, josjoge di dam diettebættet, ja nannijuvvum læppet dam duot­vuođa sist, mi mist læ.

¹³ Mutto buorren anam, nuft gukka go dam paulunast mon læm, ravvagi boft din bajasboftet,

¹⁴ go dieđam, atte muo paulun eritbigjujubme [ 734 ]forg boatta, nuftgo maida min hærramek Jesus Kristus munji dieđetam læ.

¹⁵ Aigom maida dam ala barggat, vai muo vuolggem maŋŋel dist læ, mi dam din jurddagi vuollai matta goččot.

¹⁶ Dastgo huŧkkijuvvum cufcasid æp mi læk muittalam, go hærramek Jesus Kristus famo ja boattem mi dieđeteimek, mutto mi læp ješ su majestætalašvuođa oaidnam.

¹⁷ Dastgo gudne ja goargo son Ibmelest ačest oaǯoi, daggar jedn majestætalaš hærvas­vuođast sunji boađededin: dat muo bardne læ, gutte muo miela mield læ.

¹⁸ Ja dam jena mi gulaimek almest boatte­men, go basse varest mi suin læimek.

¹⁹ Ja dat prophetalaš sadne mist læ ain buo­rebut nannijuvvum; ja burist di dakkabættet, go dam vuttivalddebættet, nuftgo čuovgas, mi sevd­njus baikkai baitta, dassači go bæive čuvggišgoatta, ja iđđedesguovso nasste din vaimoidi bagjan;

²⁰ vuostaičedin dam dieđededin, atte i mik­kege prophetalašvuođaid čallag sist ješječaldes čilggimest læk.

²¹ Dastgo i goassegen læk mikkege prophe­talašvuođaid celkkujuvvum olmušlaš datost; mutto Ibmel basse olbmuk sarnedegje, bassevuoiŋast oapatuvvum.

2. Kapittal.

¹ Mutto værre prophetak maida legje olbmui gaskast, nuftgo maida din særvvai værre [ 735 ]oapatægjek boattemen læk, guđek bahha sierraservid asatek ja biettalek dam hærra, gutte sin osti; guđek fakka hævvanæme bagjelassasek buftek.

² Ja ædnagak sin sivvotesvuođai luodaid doar­radallamen læk, gæi ditti duotvuođa gæidno bilk­kon šadda adnujuvvut.

³ Ja hanesvuođastæsek si huŧkalaš saniguim avke dist bivddek; duobmo sin bagjel, aiggai jo celkkujuvvum, i vælta, ja sin hævvanæbme i nokka.

⁴ Dastgo jos Ibmel i daid engelid sæsstam, guđek suddodegje, mutto nordesti sin helveti, ja addi sin sævdnjadasa lakkidi, gattijuvvut duobmoi;

⁵ ja audeb mailme i sæsstam, mutto Noah, vanhurskesvuođa sarnedægje, ješ gavtsaden var­jali, go suddoolle dai ibmelmættomi mailme ba­gjeli son buvti,

⁶ ja Sodoma ja Gomorra gavpugid gunnan daǥai, ja daid hævvanæbmai dubmi, atte audda­mærkkan daid son sigjidi bijai, guđek boatte aige ibmelmættom ællem adnek;

⁷ ja vanhurskes Loth gajoi, gutte dai ibmel­mættom olbmui nuoskes ællem boft gifsašuvui;

⁸ — dastgo dat vanhurskes, nuft gukka go sin gaskast son asai, de juokke bæive su van­hurskes siello balost læi, dai gudnetes daǥoi ditti, maid son oini ja gulai, —

⁹ de hærra maida galle dietta ibmelballolaš olb­muid gæččalusat erit gagjot, mutto vanhurskesmæt­tomid duomo bæivvai gattit, rangaštuvvum varas;

¹⁰ mutto ænemusat sin, guđek oaǯe mield vagjolek, nuosskevuođa himoi sist, ja essevalddid [ 736 ]bagjelgečček. Jalok nuftgo jallak, ješrađđalaǯak æi si bala allagvuođaid bilkedæmest;

¹¹ go vela engelak, guđek famo ja valde dafhost stuorrab læk, æi cælke bilkadusa duomo sin vuosstai hærra audast.

¹² Mutto dak, nuftgo luonddogappalaǥak, oaǯǯalaǯak, rieǥadam giddavalddujuvvut ja god­dujuvvut, go si bilkedek, maid si æi dieđe, de sin ječaidæsek hævvanæbmai si hævvanek,

¹³ ja vernudaǥa balka si oǯǯuk. Oaǯǯalaš hav­skudaǥaid bæivalaš muddotesvuođast si bivddek; hæppadvuottan ja gudnetesvuottan si læk; bætto­lašvuotta sin illosek læ, go mallasid dinguim si adnek.

¹⁴ Čalmek sist læk dievva furuđaǥast, guđek suddost æi hæite; sieloid, guđek æi vela nanosak læk, si fillijek; vaibmo sist læ, hanesvutti, harje­tuvvum; garrodusa manak si læk.

¹⁵ Rieftes gæino si læk hæittam, ja boassto gæinoid si mannek, doarradallamen si lk Bileam, Beor barne, luodaid, gutte verudaǥa balka raki­sen ani;

¹⁶ mutto mæddadusastes væratuvui: dat gie­lates spiri, mi olmušlaš jenain sarnoi, propheta jallavuođa caggai.

¹⁷ Dak čacetes agjagak læk, balvak, mak jorrabiegain dolvvujuvvujek, gæi varas aǥalaš sævdnjadas ja mosko vurkkijuvvum læ.

¹⁸ Go dušševuođa goargo sanid si sardnuk, de oaǯe havskudaǥai boft nuosskevuođaidi si daid fillijek, guđek jo erit bæssam legje sist, guđek čajadusai sist vagjolek;

[ 737 ]¹⁹ isedvuođa sigjidi loppededin, josjoge ješ hævvanæme balvvalægjek si læk; dastgo gæst guttege vuittujuvvum læ, su balvvalægje son maida læ šaddam.

²⁶ Dastgo jos si, guđek mailme nuosskevuo­đain erit besstujuvvum legje hærra ja bæsste Je­sus Kristus dieđo boft, fastain ječaidæsek addek daidi sorrujuvvut, ja vuittujuvvujek, de maŋeb dille sigjidi bahabun læ šaddam go audeb.

²¹ Dastgo buoreb sigjidi lifči læm, atte van­hurskesvuođa gæino si æi lifči diettam, go si dam dieđededin ječaidæsek jorggalam læk basse bakkom bælest erit, mi sigjidi addujuvvum læi.

²² Mutto sigjidi dappatuvvum læ dam duot sad­nevajas mield: bæn jorggal su ječas vuofsanasaidi, ja bassujuvvum spidne manna nuoskes rivvaki.

3. Kapittal.

¹ Dat læ dal, di æcalaǯak! dat nube girje, maid digjidi čalam, man sist ravvagi boft din vuoigadlaš miela mon bajasbovtam,

² vai daid sanid di muittebættet, mak basse prophetain auddal læk celkkujuvvum, ja min bak­komid, mi, guđek læp hærra ja bæsste apostalak.

³ Diettet dalle vuostaičedin, atte maŋemuš beivin bilkedægjek bottek, guđek sin ječaidæsek himoi mield vagjolek

⁴ ja celkkek: gosa šadda dalle su boattem loppadussa? Dastgo dam bæive rajast, go van­hemak jabmam læk, de buok bissta nuftgo sina­dusa algost.

[ 738 ]⁵ Dastgo dam æi si diettet aigo, atte Ibmel sane boft de almek šaddam læk dolin aigin, ja ædnam čacest ja čace boft auddanboattam læ;

⁶ man ditti dat mailbme, mi dalle læi, duššai dulvvečace boft.

⁷ Mutto almek ja ædnam, mak dal læk, dama­naǥa sane boft dolli bisotuvvujek, duomo ja ib­melmættom suddogasai hævvanæme bæivvai biso­tuvvum.

⁸ Mutto dam ovt di galggabættet diettet, di æcalaǯak! oft bæivve hærrai læ nuftgo duhat jaǥek, ja duhat jaǥek nuftgo oft bæivve.

⁹ Hærra loppadusas i maŋed — nuftgo mut­tomak maŋŋanæbmen dam lokkek, — mutto gier­davašvuođa minguim son adna, go i ovtage son aigo lappujubmai, mutto atte buokak buoreb guvllui jorggalek.

¹⁰ Mutto hærra bæivve boatta nuftgo suol ikko, go almek stuorra slamain duššamen læk, mutto elementak buollamen ja suddamen læk, ja ædnam, ja buok mi dam bagjelist læ, balddujuvvu.

¹¹ Go dalle dat buok nokka, moft galggabættet di dalle ællet? basse ællemgærde ja ibmelballolaš­vuođa daǥoi sist

¹² di vuorddet ja halidet galggabættet Ibmel bæive boattem, go almek cakkituvvujek ja duššek, ja elementak buollajek ja suddek.

¹³ Mutto su loppadusa mield ođđa almid ja ođđa ædnam mi vuorddep, mai sist vanhurskes­vuotta assa.

¹⁴ De damditti, di æcalaǯak! go dam [ 739 ]vuorddebættet, de barggat viǥetæbmen ja mainetæb­men su audast gavdnujuvvut rafhe sist;

¹⁵ ja adnet min hærramek gukkagierdavas­vuođa besstujubmen; nuftgo maida min æcalaš velljamek Paulus, dam sunji addujuvvum vises­vuođa mield, digjidi čallam læ,

¹⁶ nuftgo maida buok čallagi sist, go dai sist daid sanid son sardno; mai gaskast soames vades læ arvedet, maid daiddemættomak ja si, gæin nanna osko i læk, bodnjek aldsesek hævatussan, nuftgo maida daid ærra čallagid.

¹⁷ Damditti, di æcalaǯak! go dam jo auddal di diettebættet, de varotækket ječaidædek, amadek di maida dai gudnetes olbmui mæddadusain šad­dat fillijuvvut, ja amadek nanna oskostædek erit di jorralet.

¹⁸ Mutto auddanækket min hærramek ja bæs­stamek Jesus Kristus arbmoi ja dittui! Sunji gudne, sikke dal ja aǥalaš aiggai! Amen.