Il chaunt d'la zappa

by Gian Fadri Caderas

[ 9 ]

Il chaunt d'la zappa.

Zappa, zapp' agricultur;
Zapp' il champ per bain!
Cun fadia, cun süjur,
Vo prodür sieu sain.

Zappa, zappa con ared,
Per ch'in sain da quel,
Penetrescha il bun fled,
Florizant e bel.

Zappa, zappa! D'ün respir
Tuorn a palpiter
La natüra, pera dir:
Hoz am vo sdasder!

Da ta zappa suot il tagl,
Crouda, mour' il verm;
Tres la glüsch del pür solagl
Plaunta dvaint' il dscherm.

Zapp' il verm da te smacho
Ho confrers, ch'ün di,
Past avron dasper tieu cho,
Nel sunter' cuvi!

[ 10 ]

Zappa pür! Ün vo chaver
Bod o tard per te,
Stretta fossa nel sunter'
Staunz' a tieu vasché!

Zappa, zappa, zappa spert!
Hegiast in imaint:
Cha la vit' ais dun intschert;
Cuort ais il preschaint!

5 Settember 1867.