Larmas innozaintas

by Gian Fadri Caderas

[ 10 ]

Larmas innozaintas.

Perche mè cridast, matta bella?
Perche tieu ögl ais cotschen, di?
Perche sospirast di'm, favella?
Tieu led confid' a cour amih!

»»Ah, hoz Signur, ais perdunaunza ....!«
»Perque voust tü usche crider?
Sco ün ch'in terra nun ho spraunza?«
»»Sulett' a chesa stu rester!««

»»La mamm' ho dit: ma figlia chera,
Co hest nuschella, ün bastard,
Nu'm fer il gnif, ne trida tschera;
La perdunaunza metta d'vart!««

[ 11 ]

»Per que tü cridast, bella Nina?
Il led ais pitschen, cher infaunt!
Il tschel benign mê nun at pina,
Pü greiv cordöli del preschaint!«

»Crider pür lascha, dutsch' amia,
Chi orfan viva be sulet!
Las larmas terdscha, a fadia
Subentr' in cour serain dalet!«

Avuost 1867.