Jv/Alkitab/Kaimaman/26

^26:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦲꦗꦒꦮꦺꦧꦿꦲꦭꦲꦸꦠꦮꦉꦕ꧈​ꦭꦤ꧀ꦠꦸꦒꦸꦮꦠꦸꦲꦸꦏꦶꦂꦲꦸꦏꦶꦂꦫꦤ꧀ꦏꦁꦒꦺꦴꦱꦼꦱꦼꦩ꧀ꦧ꧀ꦧꦃꦲꦤ꧀꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​

^26:2 ꦥꦝꦤꦸꦕꦺꦏ꧀ꦏꦏꦺꦢꦶꦤ​꧊ꦱꦧ꧀ꦧꦠ꧀꧈​ꦢꦶꦤꦢꦶꦤꦫꦶꦪꦪꦭꦶꦪꦤꦺ꧈​ꦭꦤ꧀ꦥꦼꦢꦊꦩ꧀ꦩꦤ꧀ꦏꦸ ꧉​ꦲꦏꦸꦲꦶꦏꦶꦄꦭ꧀ꦭꦃ꧉​

^26:3 ꦪꦺꦤ꧀ꦏꦺꦴꦮꦺꦥꦝꦤꦼꦠꦼꦥ꧀ꦥꦶꦲꦁꦒꦼꦂꦲꦁꦒꦼꦂꦏꦸꦭꦤ꧀ꦔ꧀ꦭꦏꦺꦴꦤ꧀ꦤꦶꦥꦽꦤꦠꦤ꧀ꦥꦽꦤꦠꦤ꧀ꦏꦸ꧈​

^26:4 ꦲꦏꦸꦧꦏꦭ꧀ꦥꦫꦶꦁꦲꦸꦢꦤ꧀ꦲꦶꦁꦩꦁꦱꦤꦺ꧈​ꦠꦼꦩꦃꦧꦸꦩꦶꦧꦏꦭ꧀ꦔꦼꦠꦺꦴꦏ꧀ꦏꦏꦺꦲꦱꦶꦭ꧀ꦭꦺ꧈​ꦭꦤ꧀ꦮꦶꦠ꧀ꦮꦶꦠ꧀ꦠꦤ꧀ꦧꦏꦭ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ꧉​

^26:5 ꦥꦩꦼꦠꦸꦤꦺꦥꦊꦩꦃꦲꦤ꧀ꦧꦏꦭ꧀ꦭꦸꦧꦺꦂꦭꦸꦧꦺꦂ꧉​ꦢꦸꦫꦸꦁꦫꦩ꧀ꦥꦸꦁꦲꦺꦴꦭꦺꦃꦩꦸꦔꦼꦤꦺꦤ꧀ꦤꦶꦒꦤ꧀ꦢꦸꦩ꧀꧈​ꦏꦺꦴꦮꦺꦮꦶꦱ꧀ꦏꦸꦢꦸꦔꦸꦤ꧀ꦝꦸꦃꦲꦁꦒꦸꦂ꧉​ꦭꦤ꧀ꦮꦶꦱ꧀ꦠꦼꦏꦤ꧀ꦮꦪꦃꦲꦺꦚꦼꦧꦂꦒꦤ꧀ꦢꦸꦩ꧀꧈​ꦏꦺꦴꦮꦺꦲꦶꦱꦶꦃꦔꦸꦤ꧀ꦝꦸꦃꦲꦁꦒꦸꦂ꧉​ꦏꦺꦴꦮꦺꦲꦺꦴꦫꦧꦏꦭ꧀ꦥꦝꦏꦼꦏꦸꦫꦁꦔꦤ꧀ꦥꦔꦤ꧀꧈​ꦭꦤ꧀ꦩꦁꦒꦺꦴꦤ꧀ꦏ꧀ꦭꦮꦤ꧀ꦲꦪꦼꦩ꧀ꦲꦶꦁꦠꦤꦃꦩꦸ꧉​

^26:6 ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦏꦠꦼꦤ꧀ꦠꦽꦩ꧀ꦩꦤ꧀ꦲꦶꦁꦤꦼꦒꦫꦩꦸ꧈​ꦔꦤ꧀ꦠꦶꦏꦺꦴꦮꦺꦧꦶꦱꦥꦝꦠꦸꦫꦸꦏꦼꦥꦺꦤꦏ꧀ꦠꦤ꧀ꦥꦲꦤꦱꦶꦁꦏꦺꦴꦏ꧀ꦱꦸꦩꦼꦭꦁꦔꦏꦺ꧉​ꦏꦺꦮꦤ꧀ꦒꦭꦏ꧀ꦧꦏꦭ꧀ꦢꦏ꧀ꦱꦶꦁꦏꦶꦂꦫꦏꦺꦱꦏꦠꦤꦃꦩꦸꦭꦤ꧀ꦲꦺꦴꦫꦧꦏꦭ꧀ꦲꦤꦥꦼꦥꦿꦁꦔꦤ꧀ꦩꦼꦤꦺꦃ꧉​

^26:7 ꦩꦸꦁꦱꦸꦃꦩꦸꦧꦏꦭ꧀ꦏꦺꦴꦏ꧀ꦠꦼꦭꦸꦏ꧀ꦏꦏꦺꦏꦧꦺꦃ꧉​

^26:8 ꦮꦺꦴꦁꦭꦶꦩꦲꦶꦁꦲꦤ꧀ꦠꦫꦩꦸꦧꦏꦭ꧀ꦔꦭꦃꦲꦏꦺꦮꦺꦴꦁꦱꦠꦸꦱ꧀꧈​ꦭꦤ꧀ꦮꦺꦴꦁꦱꦠꦸꦱ꧀ꦧꦶꦱꦔꦭꦃꦲꦏꦺꦮꦺꦴꦁꦱꦼꦥꦸꦭꦸꦃꦲꦺꦮꦸ꧉​

^26:9 ꦏꦺꦴꦮꦺꦧꦏꦭ꧀ꦢꦏ꧀ꦧꦼꦂꦏꦃꦲꦶꦭꦤ꧀ꦢꦏ꧀ꦥꦫꦶꦁꦔꦶꦱꦸꦒꦶꦃꦲꦤꦏ꧀꧉​ꦲꦥꦗꦚ꧀ꦗꦶꦏꦸꦩꦫꦁꦏꦺꦴꦮꦺ꧈​ꦧꦏꦭ꧀ꦢꦏ꧀ꦠꦼꦠꦼꦥ꧀ꦥꦶ꧉​

^26:10 ꦥꦤꦺꦤ꧀ꦩꦸꦧꦏꦭ꧀ꦭꦸꦧꦺꦂꦭꦸꦧꦺꦂ꧈​ꦔꦤ꧀ꦠꦶꦲꦺꦴꦫꦲꦼꦤ꧀ꦠꦺꦏ꧀ꦏꦺꦴꦏ꧀ꦥꦔꦤ꧀ꦱꦼꦠꦲꦸꦤ꧀꧉​ꦩꦭꦃꦏꦺꦴꦮꦺꦧꦏꦭ꧀ꦩ꧀ꦧꦸꦮꦁꦱꦶꦱꦤꦺꦥꦤꦺꦤ꧀ꦱꦶꦁꦏꦼꦥꦸꦁꦏꦸꦂ꧈​ꦱꦸꦥꦪꦲꦤꦥꦁꦒꦺꦴꦤ꧀ꦤꦤ꧀ꦏꦁꦒꦺꦴꦚꦶꦩ꧀ꦥꦼꦤ꧀ꦥꦤꦺꦤ꧀ꦱꦶꦁꦲꦚꦂ꧉​

^26:11 ꦲꦏꦸꦧꦏꦭ꧀ꦢꦼꦢꦊꦩ꧀ꦲꦶꦁꦠꦼꦔꦃꦩꦸꦲꦶꦁꦏꦺꦩꦃꦱꦸꦕꦶꦏꦸ꧈​ꦭꦤ꧀ꦲꦺꦴꦫꦧꦏꦭ꧀ꦤꦶꦁꦒꦭ꧀ꦏꦺꦴꦮꦺ꧉​

^26:12 ꦲꦏꦸꦧꦏꦭ꧀ꦤꦸꦁꦒꦭ꧀ꦏꦫꦺꦴꦏꦺꦴꦮꦺꦭꦤ꧀ꦗꦸꦩꦼꦤꦼꦁꦢꦢꦶꦲꦭ꧀ꦭꦃꦩꦸ꧈​ꦱꦂꦠꦏꦺꦴꦮꦺꦢꦢꦶꦲꦸꦩꦠ꧀ꦏꦸ꧉​

^26:13 ꦲꦏꦸ꧈​ꦥꦔꦺꦫꦤ꧀ꦲꦭ꧀ꦭꦃꦩꦸ꧈​ꦱꦶꦁꦔꦶꦫꦶꦢ꧀ꦏꦺꦴꦮꦺꦱꦏꦲꦶꦁꦠꦤꦃ​꧊ꦩꦺꦱꦶꦂ꧈​ꦱꦸꦥꦪꦏꦺꦴꦮꦺꦲꦺꦴꦫꦢꦢꦶꦧꦠꦸꦂꦠꦸꦏꦺꦴꦤ꧀ꦩꦼꦤꦺꦃ꧉​ꦥꦔ꧀ꦮꦱꦱꦶꦁꦤꦶꦤ꧀ꦝꦼꦱ꧀ꦏꦺꦴꦮꦺꦮꦶꦱ꧀ꦢꦏ꧀ꦉꦩꦸꦏ꧀꧈​ꦱꦸꦥꦪꦏꦺꦴꦮꦺꦢꦢꦶꦮꦺꦴꦁꦩꦼꦂꦢꦶꦏ꧉"​

^26:14 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦱꦥꦱꦶꦁꦲꦺꦴꦫꦤꦼꦠꦼꦥ꧀ꦥꦶꦥꦼꦥꦏꦺꦴꦤ꧀ꦏꦸꦧꦏꦭ꧀ꦢꦶꦲꦸꦏꦸꦩ꧀꧉​

^26:15 ꦪꦺꦤ꧀ꦏꦺꦴꦮꦺꦥꦝꦤꦼꦫꦏ꧀ꦥꦽꦗꦚ꧀ꦗꦶꦪꦤ꧀ꦏꦸꦭꦤ꧀ꦔꦼꦩꦺꦴꦃꦲꦶꦲꦁꦒꦼꦂꦲꦁꦒꦼꦂꦭꦤ꧀ꦥꦼꦥꦏꦺꦴꦤ꧀ꦥꦼꦥꦏꦺꦴꦤ꧀ꦏꦸ꧈​

^26:16 ꦏꦺꦴꦮꦺꦧꦏꦭ꧀ꦢꦏ꧀ꦲꦸꦏꦸꦩ꧀꧉​ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦏꦱꦁꦱꦫꦤ꧀ꦩꦫꦁꦏꦺꦴꦮꦺ꧉​ꦪꦏꦸꦮꦶꦭꦫꦥꦤꦱ꧀ꦱꦶꦁꦲꦺꦴꦫꦏꦼꦤꦢꦶꦮꦫꦱ꧀ꦱꦏꦺ꧈​ꦱꦶꦁꦩꦫꦏ꧀ꦏꦏꦺꦩꦿꦶꦥꦠ꧀ꦩꦸꦢꦢꦶꦮꦸꦠꦭꦤ꧀ꦲꦸꦫꦶꦥ꧀ꦩꦸꦔꦼꦤꦼꦱ꧀꧉​ꦏꦺꦴꦮꦺꦧꦏꦭ꧀ꦥꦝꦚꦼꦧꦂꦮꦶꦗꦶ꧈​ꦤꦁꦔꦶꦁꦲꦺꦴꦫꦩꦁꦔꦤ꧀ꦥꦩꦼꦠꦸꦤꦺ꧈​ꦱꦼꦧꦧ꧀ꦩꦸꦁꦱꦸꦃꦩꦸꦁꦱꦸꦃꦩꦸꦧꦏꦭ꧀ꦠꦼꦏꦤꦼꦭꦸꦏ꧀ꦏꦏꦺꦏꦺꦴꦮꦺꦭꦤ꧀ꦔꦼꦤ꧀ꦠꦺꦏ꧀ꦏꦏꦺꦲꦥꦱꦶꦁꦏꦺꦴꦏ꧀ꦠꦤ꧀ꦢꦸꦂ꧉​

^26:17 ꦏꦺꦴꦮꦺꦧꦏꦭ꧀ꦢꦏ꧀ꦲꦗꦂ꧈​ꦔꦤ꧀ꦠꦶꦧꦏꦭ꧀ꦢꦶꦠꦼꦭꦸꦏ꧀ꦏꦏꦺꦢꦺꦤꦶꦁꦩꦸꦁꦱꦸꦃꦩꦸꦁꦱꦸꦃꦩꦸ꧈​ꦭꦤ꧀ꦮꦺꦴꦁꦱꦶꦁꦱꦼꦔꦶꦠ꧀ꦩꦫꦁꦏꦺꦴꦮꦺꦏꦸꦮꦶꦱꦶꦁꦧꦏꦭ꧀ꦔꦼꦫꦺꦃꦏꦺꦴꦮꦺ꧉​ꦱꦏꦮꦼꦢꦶꦤꦺꦏꦺꦴꦮꦺꦧꦏꦭ꧀ꦥꦝꦩ꧀ꦭꦪꦸ꧈​ꦱꦼꦤꦗꦤ꧀ꦲꦺꦴꦫꦲꦤꦱꦶꦁꦔꦺꦴꦪꦏ꧀꧉​

^26:18 ꦪꦺꦤ꧀ꦱꦮꦶꦱ꧀ꦱꦺꦔꦭꦩ꧀ꦩꦶꦏꦸꦮꦶꦏꦧꦺꦃꦏꦺꦴꦮꦺꦩꦼꦏ꧀ꦱꦢꦸꦫꦸꦁꦒꦼꦊꦩ꧀ꦩ꧀ꦧꦔꦸꦤ꧀ꦠꦸꦫꦸꦠ꧀꧈​ꦥꦲꦸꦏꦸꦩ꧀ꦩꦤ꧀ꦏꦸꦧꦏꦭ꧀ꦢꦏ꧀ꦠꦶꦏꦼꦭ꧀ꦭꦏꦺꦥꦶꦠꦸ꧉​

^26:19 ꦏꦺꦴꦮꦺꦥꦚ꧀ꦕꦺꦤ꧀ꦥꦸꦒꦸꦃꦧꦔꦼꦠ꧀꧈​ꦤꦁꦔꦶꦁꦧꦏꦭ꧀ꦢꦏ꧀ꦲꦼꦭꦸꦏ꧀꧉​ꦲꦺꦴꦫꦧꦏꦭ꧀ꦲꦤꦲꦸꦢꦤ꧀꧈​ꦔꦤ꧀ꦠꦶꦊꦩꦃꦩꦸꦧꦏꦭ꧀ꦒꦫꦶꦁ꧈​ꦢꦢꦶꦲꦠꦺꦴꦱ꧀ꦏꦪꦮꦠꦸ꧉​

^26:20 ꦏꦔꦺꦭ꧀ꦭꦤ꧀ꦩꦸꦧꦏꦭ꧀ꦠꦤ꧀ꦥꦒꦮꦺ꧈​ꦱꦼꦧꦧ꧀ꦊꦩꦃꦩꦸꦧꦏꦭ꧀ꦲꦺꦴꦫꦔꦼꦠꦺꦴꦏ꧀ꦏꦏꦺꦲꦥꦲꦥ꧈​ꦮꦶꦠ꧀ꦮꦶꦠ꧀ꦠꦤ꧀ꦱꦶꦁꦏꦺꦴꦏ꧀ꦠꦤ꧀ꦢꦸꦂꦧꦏꦭ꧀ꦲꦺꦴꦫꦔꦼꦠꦺꦴꦏ꧀ꦏꦏꦺꦮꦺꦴꦃ꧉​

^26:21 ꦪꦺꦤ꧀ꦏꦺꦴꦮꦺꦩꦼꦏ꧀ꦱꦲꦶꦱꦶꦃꦢꦸꦫꦸꦁꦒꦼꦊꦩ꧀ꦩ꧀ꦧꦔꦸꦤ꧀ꦠꦸꦫꦸꦠ꧀ꦩꦫꦁꦲꦏꦸ꧈​ꦥꦲꦸꦏꦸꦩ꧀ꦩꦤ꧀ꦏꦸꦧꦏꦭ꧀ꦢꦏ꧀ꦠꦶꦏꦼꦭ꧀ꦭꦏꦺꦥꦶꦠꦸꦩꦼꦤꦺꦃ꧉​

^26:22 ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦏꦺꦮꦤ꧀ꦒꦭꦏ꧀꧈​ꦱꦶꦁꦤꦸꦧꦿꦸꦏ꧀ꦲꦤꦏ꧀ꦲꦤꦏ꧀ꦩꦸ꧈​ꦩꦁꦱꦫꦗꦏꦪꦩꦸꦭꦤ꧀ꦏꦺꦴꦮꦺꦝꦺꦮꦺꦔꦤ꧀ꦠꦶꦭꦸꦝꦼꦱ꧀꧈​ꦩꦸꦭꦕꦕꦃꦩꦸꦏꦫꦶꦱꦼꦛꦶꦛꦶꦏ꧀꧈​ꦔꦤ꧀ꦠꦶꦢꦭꦤ꧀ꦢꦭꦤ꧀ꦲꦶꦁꦠꦤꦃꦩꦸꦧꦏꦭ꧀ꦢꦢꦶꦱꦼꦥꦶ꧉​

^26:23 ꦪꦺꦤ꧀ꦱꦮꦶꦱ꧀ꦱꦺꦊꦭꦏꦺꦴꦤ꧀ꦏꦸꦮꦶꦏꦧꦺꦃꦏꦺꦴꦮꦺꦩꦼꦏ꧀ꦱꦢꦸꦫꦸꦁꦒꦼꦊꦩ꧀ꦩ꧀ꦧꦔꦸꦤ꧀ꦠꦸꦫꦸꦠ꧀꧈​ꦩꦭꦃꦠꦼꦠꦼꦥ꧀ꦔ꧀ꦭꦮꦤ꧀ꦩꦫꦁꦲꦏꦸ꧈​

^26:24 ꦏꦺꦴꦮꦺꦧꦏꦭ꧀ꦠꦼꦫꦸꦱ꧀ꦢꦏ꧀ꦲꦗꦂꦭꦤ꧀ꦲꦧꦺꦴꦠ꧀ꦠꦺꦲꦸꦏꦸꦩ꧀ꦩꦤ꧀ꦏꦸꦧꦏꦭ꧀ꦢꦏ꧀ꦒꦮꦺꦠꦶꦏꦼꦭ꧀ꦥꦶꦠꦸꦏꦼꦠꦶꦩ꧀ꦧꦁꦱꦶꦁꦲꦸꦮꦶꦱ꧀ꦲꦸꦮꦶꦱ꧀꧉​

^26:25 ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦥꦼꦥꦿꦁꦔꦤ꧀ꦏꦁꦒꦺꦴꦔꦗꦂꦏꦺꦴꦮꦺꦩꦼꦂꦒꦲꦼꦁꦒꦺꦴꦤ꧀ꦩꦸꦤꦼꦫꦏ꧀ꦥꦽꦗꦚ꧀ꦗꦶꦪꦤ꧀ꦏꦸ꧉​ꦭꦤ꧀ꦱꦩꦱꦏꦺꦴꦮꦺꦔꦸꦁꦱꦶꦲꦤꦲꦶꦁꦏꦸꦛ꧈​ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦥꦒꦼꦧ꧀ꦭꦸꦒ꧀꧈​ꦪꦏꦸꦮꦶꦊꦭꦫꦱꦶꦁꦲꦺꦴꦫꦏꦼꦤꦢꦶꦮꦫꦱ꧀ꦱꦏꦺ꧈​ꦔꦤ꧀ꦠꦶꦏꦺꦴꦮꦺꦧꦏꦭ꧀ꦏꦼꦥꦼꦏ꧀ꦱꦥꦱꦿꦃꦧꦺꦴꦁꦏꦺꦴꦏ꧀ꦏꦤ꧀ꦩꦫꦁꦩꦸꦁꦱꦸꦃꦩꦸ꧉​

^26:26 ꦏꦺꦴꦮꦺꦧꦏꦭ꧀ꦏꦼꦤ꧀ꦠꦺꦏ꧀ꦏꦤ꧀ꦥꦔꦤ꧀꧈​ꦔꦤ꧀ꦠꦶꦮꦺꦴꦁꦮꦢꦺꦴꦤ꧀ꦱꦼꦥꦸꦭꦸꦃꦕꦸꦏꦸꦥ꧀ꦔꦁꦒꦺꦴꦥꦁꦒꦁꦔꦤ꧀ꦫꦺꦴꦠꦶꦱꦶꦗꦶ꧈​ꦏꦁꦒꦺꦴꦩꦁꦒꦁꦫꦺꦴꦠꦶꦤꦺ꧉​ꦥꦔꦤ꧀ꦧꦏꦭ꧀ꦢꦶꦥꦚ꧀ꦕꦶ꧈​ꦭꦤ꧀ꦱꦼꦤꦗꦤ꧀ꦮꦶꦱ꧀ꦩꦁꦔꦤ꧀ꦲꦺꦮꦢꦺꦤꦺꦧꦏꦭ꧀ꦲꦶꦱꦶꦃꦔꦼꦭꦶꦃ꧉​

^26:27 ꦪꦺꦤ꧀ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦏꦺꦴꦮꦺꦩꦼꦏ꧀ꦱꦲꦶꦱꦶꦃꦔ꧀ꦭꦮꦤ꧀ꦩꦫꦁꦲꦏꦸꦭꦤ꧀ꦲꦺꦴꦫꦒꦼꦊꦩ꧀ꦩ꧀ꦧꦔꦸꦤ꧀ꦠꦸꦫꦸꦠ꧀꧈​

^26:28 ꦲꦏꦸꦧꦏꦭ꧀ꦢꦸꦏꦭꦤ꧀ꦤꦶꦧꦏ꧀ꦏꦏꦺꦧꦼꦧꦼꦤ꧀ꦢꦸꦱꦶꦁꦲꦧꦺꦴꦠ꧀ꦠꦺꦠꦶꦏꦼꦭ꧀ꦥꦶꦠꦸꦏꦼꦠꦶꦩ꧀ꦧꦁꦏꦫꦺꦴꦱꦶꦁꦲꦸꦮꦶꦱ꧀ꦲꦸꦮꦶꦱ꧀꧉​

^26:29 ꦏꦺꦴꦮꦺꦧꦏꦭ꧀ꦏꦼꦭꦸꦮꦺꦤ꧀ꦔꦤ꧀ꦠꦶꦠꦺꦒꦩꦁꦔꦤ꧀ꦲꦤꦏ꧀ꦩꦸꦝꦺꦮꦺ꧉​

^26:30 ꦥꦁꦒꦺꦴꦤ꧀ꦤꦤ꧀ꦩꦸꦚꦼꦩ꧀ꦧꦃꦧꦿꦲꦭꦲꦶꦁꦥꦸꦤ꧀ꦛꦸꦏ꧀ꦥꦸꦤ꧀ꦛꦸꦏ꧀ꦧꦏꦭ꧀ꦢꦏ꧀ꦒꦼꦩ꧀ꦥꦸꦂ꧈​ꦩꦼꦱ꧀ꦧꦺꦃꦩꦼꦱ꧀ꦧꦺꦃꦩꦸꦱꦶꦁꦏꦺꦴꦏ꧀ꦲꦼꦁꦒꦺꦴꦔꦺꦴꦧꦺꦴꦁꦩꦼꦚꦤ꧀ꦧꦏꦭ꧀ꦢꦏ꧀ꦗꦸꦒꦿꦸꦒ꧀ꦒꦏꦺ꧈​ꦭꦤ꧀ꦧꦁꦏꦺꦧꦁꦏꦺꦩꦸꦧꦏꦭ꧀ꦢꦏ꧀ꦠꦸꦩ꧀ꦥꦁꦔꦏꦺꦲꦶꦁꦧꦛꦁꦔꦺꦧꦿꦲꦭꦧꦿꦲꦭꦩꦸꦱꦶꦁꦮꦶꦱ꧀ꦲꦩ꧀ꦧꦿꦸꦏ꧀꧉​ꦏꦺꦴꦮꦺꦧꦏꦭ꧀ꦢꦏ꧀ꦠꦩ꧀ꦥꦶꦏ꧀꧈​

^26:31 ꦏꦸꦛꦏꦸꦛꦩꦸꦧꦏꦭ꧀ꦢꦏ꧀ꦭꦼꦧꦸꦂ꧈​ꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦶꦁꦏꦺꦴꦏ꧀ꦲꦼꦁꦒꦺꦴꦩꦼꦩꦸꦗꦧꦿꦲꦭꦩꦸꦧꦏꦭ꧀ꦢꦏ꧀ꦒꦼꦩ꧀ꦥꦸꦂ꧈​ꦭꦤ꧀ꦲꦏꦸꦧꦏꦭ꧀ꦲꦺꦴꦫꦱꦸꦢꦶꦤꦩ꧀ꦥꦏꦸꦂꦧꦤ꧀ꦏꦸꦂꦧꦤ꧀ꦱꦶꦁꦏꦺꦴꦏ꧀ꦱꦲꦺꦴꦱ꧀ꦱꦏꦺ꧉​

^26:32 ꦤꦼꦒꦫꦩꦸꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦭꦸꦝꦼꦱ꧀ꦔꦤ꧀ꦠꦶꦩꦸꦁꦱꦸꦃꦩꦸꦁꦱꦸꦃꦩꦸꦧꦏꦭ꧀ꦒꦸꦩꦸꦤ꧀ꦤ꧀ꦢꦼꦊꦁꦏꦫꦸꦱꦏ꧀ꦏꦤ꧀ꦱꦶꦁꦱꦼꦩꦺꦴꦤꦺꦴꦩꦲꦸ꧉​

^26:33 ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦥꦼꦥꦿꦁꦔꦤ꧀ꦲꦶꦁꦠꦤꦃꦩꦸ꧈​ꦭꦤ꧀ꦏꦺꦴꦮꦺꦧꦏꦭ꧀ꦢꦏ꧀ꦱꦼꦧꦂꦲꦶꦁꦲꦤ꧀ꦠꦫꦤꦺꦥꦫꦧꦁꦱ꧉​ꦥꦊꦩꦃꦲꦤ꧀ꦩꦸꦧꦏꦭ꧀ꦢꦢꦶꦲꦫꦲꦫꦱꦩꦸꦤ꧀꧈​ꦭꦤ꧀ꦏꦸꦛꦏꦸꦛꦩꦸꦧꦏꦭ꧀ꦏꦫꦶꦉꦫꦸꦤ꧀ꦠꦸꦃꦲꦤ꧀꧉​

^26:34 (26:34-35)ꦲꦶꦁꦮꦼꦏ꧀ꦠꦸꦏꦸꦮꦶꦊꦩꦃꦩꦸꦱꦶꦁꦲꦺꦴꦫꦠꦲꦸꦏꦺꦴꦏ꧀ꦮꦺꦤꦺꦃꦲꦶꦔꦱꦺꦴ꧈​ꦧꦏꦭ꧀ꦔꦿꦱꦏ꧀ꦏꦏꦺꦔꦱꦺꦴ꧉​ꦱꦗꦿꦺꦴꦤꦺꦏꦺꦴꦮꦺꦥꦝꦲꦤꦲꦶꦁꦥꦼꦩ꧀ꦧꦸꦮꦁꦔꦤ꧀꧈​ꦭꦤ꧀ꦲꦸꦫꦶꦥ꧀ꦲꦶꦁꦲꦤ꧀ꦠꦫꦤꦺꦩꦸꦁꦱꦸꦃꦩꦸꦁꦱꦸꦃꦩꦸ꧈​ꦊꦩꦃꦩꦸꦧꦏꦭ꧀ꦲꦺꦴꦫꦏꦼꦒꦫꦥ꧀꧉​

^26:35 (26:34)

^26:36 ꦲꦤꦲꦶꦁꦥꦼꦩ꧀ꦧꦸꦮꦁꦔꦤ꧀꧈​ꦲꦶꦁꦠꦤꦃꦲꦺꦩꦸꦁꦱꦸꦃꦩꦸꦁꦱꦸꦃꦩꦸꦏꦺꦴꦮꦺꦧꦏꦭ꧀ꦠꦤ꧀ꦱꦃꦤꦤ꧀ꦝꦁꦒꦶꦫꦶꦱ꧀꧈​ꦔꦤ꧀ꦠꦶꦏꦿꦸꦔꦸꦏꦸꦩꦿꦶꦱꦶꦏ꧀ꦏꦺꦒꦺꦴꦝꦺꦴꦁꦱꦶꦁꦏꦼꦠꦼꦫꦏ꧀ꦲꦔꦶꦤ꧀ꦮꦲꦺꦏꦺꦴꦮꦺꦧꦏꦭ꧀ꦩ꧀ꦭꦪꦸꦩꦼꦂꦒꦮꦼꦢꦶ꧉​ꦏꦺꦴꦮꦺꦧꦏꦭ꧀ꦏꦼꦥ꧀ꦭꦪꦸꦏꦪꦮꦺꦴꦁꦱꦶꦁꦢꦶꦲꦺꦴꦪꦏ꧀ꦩꦸꦁꦱꦸꦃꦲꦶꦁꦥꦼꦥꦿꦁꦔꦤ꧀꧈​ꦭꦤ꧀ꦏꦺꦴꦮꦺꦧꦏꦭ꧀ꦥꦝꦠꦶꦧ꧈​ꦱꦼꦤꦗꦤ꧀ꦲꦶꦁꦏꦶꦮꦠꦼꦔꦼꦤ꧀ꦩꦸꦲꦺꦴꦫꦲꦤꦩꦸꦁꦱꦸꦃ꧉​

^26:37 ꦏꦺꦴꦮꦺꦧꦏꦭ꧀ꦥꦝꦩ꧀ꦭꦪꦸ꧈​ꦱꦶꦁꦱꦶꦗꦶꦤꦧꦿꦏ꧀ꦱꦶꦗꦶꦤꦺ꧈​ꦱꦼꦤꦗꦤ꧀ꦲꦺꦴꦫꦲꦤꦱꦶꦁꦔꦺꦴꦪꦏ꧀꧈​ꦱꦂꦠꦏꦺꦴꦮꦺꦧꦏꦭ꧀ꦲꦺꦴꦫꦏꦼꦕꦺꦴꦁꦒꦃꦔ꧀ꦭꦮꦤ꧀ꦲꦥꦮꦲꦺꦱꦶꦁꦏꦺꦴꦏ꧀ꦲꦁꦒꦼꦥ꧀ꦩꦸꦁꦱꦸꦃ꧉​

^26:38 ꦏꦺꦴꦮꦺꦧꦏꦭ꧀ꦥꦝꦩꦠꦶꦲꦶꦁꦠꦤꦃꦥꦼꦩ꧀ꦧꦸꦮꦁꦔꦤ꧀꧈​ꦠꦸꦩ꧀ꦥꦼꦱ꧀ꦢꦺꦤꦶꦁꦩꦸꦁꦱꦸꦃꦱꦶꦁꦤꦼꦒꦫꦤꦺꦏꦺꦴꦏ꧀ꦲꦼꦁꦒꦺꦴꦤ꧀ꦤꦶ꧉​

^26:39 ꦩꦸꦁꦱꦥꦺꦫꦁꦔꦤ꧀ꦕꦶꦭꦶꦏ꧀ꦏꦼꦏꦫꦺꦤ꧀ꦤꦺꦧꦁꦱꦩꦸꦧꦏꦭ꧀ꦲꦸꦫꦶꦥ꧀ꦩꦼꦁꦒꦏ꧀ꦩꦼꦁꦒꦶꦏ꧀ꦲꦤꦲꦶꦁꦠꦤꦃꦲꦺꦩꦸꦁꦱꦸꦃꦩꦸꦩꦼꦂꦒꦱꦏꦥꦤꦼꦫꦏ꧀ꦏꦺꦝꦺꦮꦺꦭꦤ꧀ꦥꦤꦼꦫꦏ꧀ꦏꦺꦥꦫꦊꦭꦸꦲꦸꦂꦫꦺ꧉​

^26:40 ꦤꦁꦔꦶꦁꦲꦤꦏ꧀ꦠꦸꦫꦸꦤ꧀ꦩꦸꦧꦏꦭ꧀ꦔꦿꦸꦩꦁꦱꦤꦶꦥꦤꦼꦫꦏ꧀ꦏꦺꦝꦺꦮꦺꦭꦤ꧀ꦥꦤꦼꦫꦏ꧀ꦏꦺꦊꦭꦸꦲꦸꦂꦫꦺ꧈​ꦪꦏꦸꦮꦶꦲꦼꦁꦒꦺꦴꦤꦺꦔ꧀ꦭꦮꦤ꧀ꦩꦫꦁꦲꦏꦸ꧈​ꦭꦤ꧀ꦩ꧀ꦧꦿꦺꦴꦤ꧀ꦠꦏ꧀ꦲꦏꦸ꧈​

^26:41 ꦔꦤ꧀ꦠꦶꦢꦏ꧀ꦧꦸꦪꦂꦫꦏꦺꦭꦤ꧀ꦢꦏ꧀ꦱꦼꦧꦂꦲꦤꦲꦶꦁꦤꦼꦒꦫꦤꦼꦒꦫꦤꦶꦁꦩꦸꦁꦱꦸꦃꦲꦺ꧉​ꦮꦼꦏꦱꦤ꧀ꦤꦺ꧈​ꦱꦮꦶꦱ꧀ꦱꦺꦲꦤꦏ꧀ꦠꦸꦫꦸꦤ꧀ꦩꦸꦩꦲꦸꦒꦼꦊꦩ꧀ꦔꦿꦸꦩꦁꦱꦤꦶꦭꦤ꧀ꦚꦁꦒꦥꦲꦸꦏꦸꦩ꧀ꦩꦤ꧀ꦤꦺꦢꦺꦴꦱꦤꦺꦲꦼꦁꦒꦺꦴꦤꦺꦩ꧀ꦧꦿꦺꦴꦤ꧀ꦠꦏ꧀ꦲꦏꦸ꧈​

^26:42 ꦲꦏꦸꦧꦏꦭ꧀ꦔꦺꦭꦶꦁꦔꦶꦥꦽꦗꦚ꧀ꦗꦶꦪꦤ꧀ꦏꦸ꧈​ꦪꦏꦸꦮꦶꦩꦫꦶꦁꦔꦏꦺꦠꦤꦃꦩꦲꦸꦩꦫꦁꦲꦸꦩꦠ꧀ꦏꦸ꧉​

^26:43 ꦤꦁꦔꦶꦁꦠꦤꦃꦏꦸꦮꦶꦏꦸꦢꦸꦢꦶꦱꦸꦮꦸꦁꦔꦏꦺ꧈​ꦱꦸꦥꦪꦧꦶꦱꦲꦱꦺꦴꦠꦼꦩꦼꦤ꧀ꦤꦤ꧀꧉​ꦭꦤ꧀ꦲꦸꦩꦠ꧀ꦏꦸꦏꦸꦢꦸꦚꦁꦒꦱꦏꦺꦃꦲꦶꦁꦥꦲꦸꦏꦸꦩ꧀ꦩꦤ꧀ꦤꦺꦲꦼꦁꦒꦺꦴꦤꦺꦲꦺꦴꦫꦒꦼꦊꦩ꧀ꦔ꧀ꦭꦏꦺꦴꦤ꧀ꦤꦶꦲꦁꦒꦼꦂꦲꦁꦒꦼꦂꦏꦸꦭꦤ꧀ꦲꦺꦴꦫꦔꦺꦱ꧀ꦠꦺꦴꦏ꧀ꦏꦏꦺꦥꦼꦥꦏꦺꦴꦤ꧀ꦥꦼꦥꦏꦺꦴꦤ꧀ꦏꦸ꧉​

^26:44 ꦱꦼꦤꦗꦤ꧀ꦤꦩꦼꦁꦏꦺꦴꦤꦺꦴꦱꦼꦭꦮꦱ꧀ꦱꦺꦩꦁꦒꦺꦴꦤ꧀ꦲꦶꦁꦤꦼꦒꦫꦤꦺꦩꦸꦁꦱꦸꦃ꧈​ꦲꦺꦴꦫꦧꦏꦭ꧀ꦢꦏ꧀ꦠꦺꦒꦏ꧀ꦏꦏꦺꦲꦸꦠꦮꦢꦏ꧀ꦱꦶꦂꦤꦏ꧀ꦏꦏꦺ꧉​ꦩꦼꦂꦒꦱꦲꦸꦥꦩꦢꦏ꧀ꦱꦶꦂꦤꦏ꧀ꦏꦏꦺꦲꦠꦼꦒꦼꦱ꧀ꦲꦏꦸꦲꦺꦴꦫꦱꦼꦠꦾꦏꦫꦺꦴꦗꦚ꧀ꦗꦶꦏꦸ꧈​ꦩꦁꦏꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦲꦺ꧉​

^26:45 ꦲꦏꦸꦧꦏꦭ꧀ꦲꦺꦭꦶꦁꦩꦫꦁꦥꦽꦗꦚ꧀ꦗꦶꦪꦤ꧀ꦏꦸꦏꦫꦺꦴꦥꦫꦊꦭꦸꦲꦸꦂꦫꦺ꧈​ꦱꦶꦁꦢꦏ꧀ꦲꦶꦫꦶꦢ꧀ꦩꦼꦠꦸꦱꦏꦲꦶꦁꦠꦤꦃ​꧊ꦩꦺꦱꦶꦂꦱꦿꦤꦔꦼꦠꦶꦔꦭ꧀ꦭꦏꦺꦥꦔ꧀ꦮꦱꦏꦸꦩꦫꦁꦥꦫꦧꦁꦱꦏꦧꦺꦃ꧈​ꦩꦏ꧀ꦱꦸꦢ꧀ꦢꦺꦱꦸꦥꦪꦲꦏꦸꦗꦸꦩꦼꦤꦼꦁꦢꦢꦶꦲꦭ꧀ꦭꦃꦲꦺ꧉"​

^26:46 ꦏꦪꦩꦼꦁꦏꦺꦴꦤꦺꦴꦲꦁꦒꦼꦂꦲꦁꦒꦼꦂꦭꦤ꧀ꦥꦽꦤꦠꦤ꧀ꦥꦽꦤꦠꦤ꧀ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦲꦤꦲꦶꦁꦒꦸꦤꦸꦁ​꧊ꦱꦶꦤꦲꦶ꧈​ꦩꦫꦁ​꧊ꦩꦸꦱ꧈​ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀꧉​