Jv/Alkitab/Kaimaman/3

^3:1 ꦪꦺꦤ꧀ꦮꦺꦴꦁꦚꦲꦺꦴꦱ꧀ꦱꦏꦼꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦫꦸꦥꦱꦥꦶ꧈​ꦱꦥꦶꦤꦺꦏꦼꦤꦭꦤꦁ꧈​ꦏꦼꦤꦮꦢꦺꦴꦤ꧀꧈​ꦤꦁꦔꦶꦁꦏꦸꦢꦸꦩꦸꦭꦸꦱ꧀꧈​ꦠꦤ꧀ꦥꦕꦕꦢ꧀꧉​

^3:2 ꦮꦺꦴꦁꦱꦶꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦲꦸꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦱꦥꦶꦩꦲꦸ꧈​ꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦱꦥꦶꦤꦺꦲꦶꦁꦔꦉꦥ꧀ꦥꦶꦁꦭꦮꦁꦔꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦲꦶꦩꦩ꧀ꦲꦶꦩꦩ꧀ꦲꦤꦏ꧀ꦠꦸꦫꦸꦤꦺꦲꦫꦸꦤ꧀ꦏꦸꦢꦸꦚꦶꦫꦩ꧀ꦩꦏꦺꦒꦼꦠꦶꦃꦲꦺꦱꦥꦶꦩꦲꦸꦲꦶꦁꦭꦩ꧀ꦧꦸꦁꦔꦺꦩꦼꦱ꧀ꦧꦺꦃꦩꦸꦧꦼꦁ꧉​

^3:3 ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦩꦲꦸꦱꦼꦧꦒꦺꦪꦤ꧀ꦢꦶꦲꦼꦁꦒꦺꦴꦏꦸꦂꦧꦤ꧀ꦥꦁꦒꦁꦔꦤ꧀꧈​ꦪꦏꦸꦮꦶ:ꦒꦗꦶꦃꦱꦶꦁꦠꦼꦩꦺꦩ꧀ꦥꦺꦭ꧀ꦲꦶꦁꦗꦼꦫꦺꦴꦮꦤ꧀꧈​

^3:4 ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦭꦤ꧀ꦥꦺꦫꦁꦔꦤ꧀ꦤꦶꦁꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧉​

^3:5 ꦏꦧꦺꦃꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦧꦼꦧꦉꦁꦔꦤ꧀ꦏꦫꦺꦴꦥꦺꦫꦁꦔꦤ꧀ꦭꦶꦪꦭꦶꦪꦤꦺ꧈​ꦲꦶꦁꦩꦼꦱ꧀ꦧꦺꦃꦢꦺꦤꦶꦁꦲꦶꦩꦩ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦥꦁꦒꦁꦔꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​

^3:6 ꦪꦺꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦲꦶꦁꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦩꦲꦸꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮ꧈​ꦏꦼꦤꦭꦤꦁ꧈​ꦏꦼꦤꦮꦢꦺꦴꦤ꧀꧈​ꦤꦁꦔꦶꦁꦏꦸꦢꦸꦩꦸꦭꦸꦱ꧀꧈​ꦠꦤ꧀ꦥꦕꦕꦢ꧀꧉​

^3:7 ꦪꦺꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​

^3:8 ꦮꦺꦴꦁꦔꦺꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦮꦼꦝꦸꦱ꧀ꦩꦲꦸ꧈​ꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦮꦼꦝꦸꦱ꧀ꦱꦺꦲꦶꦁꦔꦉꦥ꧀ꦏꦺꦩꦃꦱꦸꦕꦶ꧉​ꦲꦶꦩꦩ꧀ꦏꦸꦢꦸꦚꦶꦫꦩ꧀ꦩꦏꦺꦒꦼꦠꦶꦃꦲꦺꦮꦼꦝꦸꦱ꧀ꦩꦲꦸꦲꦶꦁꦭꦩ꧀ꦧꦸꦁꦔꦺꦩꦼꦱ꧀ꦧꦺꦃꦩꦸꦧꦼꦁ꧉​

^3:9 ꦱꦶꦁꦏꦸꦢꦸꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦥꦁꦒꦁꦔꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦩꦸꦁꦥꦺꦫꦔꦤ꧀ꦥꦺꦫꦔꦤ꧀ꦤꦺ꧈​ꦪꦏꦸꦮꦶ:ꦒꦗꦶꦃ꧈​ꦧꦸꦤ꧀ꦠꦸꦠ꧀ꦠꦺꦏꦧꦺꦃꦱꦶꦁꦲꦤꦒꦗꦶꦃꦲꦺ꧈​ꦢꦶꦏꦼꦛꦺꦴꦏ꧀ꦔꦼꦥꦺꦴꦏ꧀꧈​ꦩꦺꦥꦺꦠ꧀ꦲꦸꦭꦲꦸꦭ꧈​ꦒꦗꦶꦃꦱꦶꦁꦠꦼꦩꦺꦩ꧀ꦥꦺꦭ꧀ꦲꦶꦁꦗꦼꦫꦺꦴꦮꦤ꧀꧈​

^3:10 ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦭꦤ꧀ꦥꦺꦫꦁꦔꦤ꧀ꦤꦶꦁꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧉​

^3:11 ꦲꦶꦩꦩ꧀ꦏꦸꦢꦸꦔꦺꦴꦧꦺꦴꦁꦏꦧꦺꦃꦩꦲꦸꦲꦶꦁꦩꦼꦱ꧀ꦧꦺꦃꦢꦢꦶꦏꦸꦂꦧꦤ꧀ꦥꦁꦒꦁꦔꦤ꧀ꦏꦠꦸꦂꦩꦫꦁꦄꦭ꧀ꦭꦃ꧉​

^3:12 ꦪꦺꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦫꦸꦥꦮꦼꦝꦸꦱ꧀ꦗꦮ꧈​

^3:13 ꦮꦺꦴꦁꦱꦶꦁꦱꦲꦺꦴꦱ꧀ꦏꦸꦂꦧꦤ꧀ꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦮꦼꦝꦸꦱ꧀ꦩꦲꦸ꧈​ꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦮꦼꦝꦸꦱ꧀ꦱꦺꦲꦶꦁꦔꦉꦥ꧀ꦏꦺꦩꦃꦱꦸꦕꦶ꧉​ꦲꦶꦩꦩ꧀ꦏꦸꦢꦸꦚꦶꦫꦩ꧀ꦩꦏꦺꦒꦼꦠꦶꦃꦲꦺꦏꦺꦮꦤ꧀ꦩꦲꦸꦲꦶꦁꦭꦩ꧀ꦧꦸꦁꦔꦺꦩꦼꦱ꧀ꦧꦺꦃꦩꦸꦧꦼꦁ꧉​

^3:14 ꦱꦶꦁꦏꦸꦢꦸꦢꦶꦱꦲꦺꦴꦱ꧀ꦱꦏꦺꦲꦶꦩꦩ꧀ꦢꦢꦶꦏꦸꦂꦧꦤ꧀ꦥꦁꦒꦁꦔꦤ꧀ꦏꦠꦸꦂꦩꦫꦁꦄꦭ꧀ꦭꦃ꧈​ꦪꦏꦸꦮꦶꦒꦗꦶꦃꦏꦧꦺꦃꦱꦶꦁꦠꦼꦩꦺꦩ꧀ꦥꦺꦭ꧀ꦲꦶꦁꦗꦼꦫꦺꦴꦮꦤ꧀꧈​

^3:15 ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦭꦤ꧀ꦥꦺꦫꦁꦔꦤ꧀ꦤꦶꦁꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧉​

^3:16 ꦏꦸꦮꦶꦩꦲꦸꦏꦧꦺꦃꦢꦶꦲꦺꦴꦧꦺꦴꦁꦔꦢꦺꦤꦶꦁꦲꦶꦩꦩ꧀ꦲꦶꦁꦩꦼꦱ꧀ꦧꦺꦃ꧈​ꦢꦢꦶꦏꦸꦂꦧꦤ꧀ꦥꦁꦒꦁꦔꦤ꧀ꦱꦶꦁꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​ꦒꦗꦶꦃꦲꦺꦏꦺꦮꦤ꧀ꦩꦲꦸꦏꦧꦺꦃꦏꦱꦲꦺꦴꦱ꧀ꦤꦩꦫꦁꦄꦭ꧀ꦭꦃ꧉​

^3:17 ꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦥꦮꦲꦺ꧈​ꦲꦺꦴꦫꦏꦼꦤꦩꦁꦔꦤ꧀ꦒꦗꦶꦃꦲꦸꦠꦮꦒꦼꦠꦶꦃ꧉​ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦱꦼꦭꦮꦱ꧀ꦭꦮꦱ꧀ꦱꦺꦭꦤ꧀ꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦱꦧꦼꦤ꧀ꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦶꦁꦥꦝꦩꦁꦒꦺꦴꦤ꧀ꦲꦶꦁꦔꦼꦤ꧀ꦢꦶꦮꦲꦺ꧉​