Libre de Memorias/1380

← 1379

1380 Libre de Memorias

1381 →

L'an MCCCLXXX Foron Cossols,

• Johan de la Ganga, per Taulas.
• Senhor Peyre Baquie, per Mercadies.
• Senhor Peyre Fromit, per Parayres.
• Senhor Johan Barrieyra, per Sabaties.
• Senhor Peyre Esteve, per Pelicies.
• Senhor Esteve Gautie, per Monies.
• Senhor Johan Boyer, per Lahor.

Foron Clavaris.

• Aymeric Barba, per Taulas.
• Peyre Girona, per Pararies.
• Jacme Estaci, per Lahor.

Aquel an feron de talha, per denier II franx.

Pus ad ops de la muralha, per denier IIII gros.

Foron levayres de Bans.

• Paul Barba, per Mercadies.
• Guilhem Barrieyra, per Sabaties.
• Peyre Rodie, per Pelicies.
• Guilhem Bedos, per Monies.

Foron Caritadies.

• Anthoni de la Garda, per Taulas.
• Ramon Emengau, per Mercadies.
• Esteve Cornueiol, per Pelicies.
• Bernat Catala, per Monies.

Foron Carrayries.

• Ramon de Monesties, per Taulas.
• Jacme Mauri, per Mercadies.
• Duran Canie, per Monies.
• Jacme Laures, per Sabaties.

L'an dessus, a XVI de genoier, partiron de Bezes los senhors deputatz, per anar en Fransa; soes a saber,

• Senhor Ramon Alari, borzes.
• Maystre Bernat Sebeli, Notari.
• Senhor P. Fromit, Parayre e Cossol.
• Senhor Anric Malras, Mesie.
• Senhor Bernat Fromit, Coyratie.

Et aisso, per monstrar, dire e notificar a nostre senhor lo Rey, los grans greuges que lo poble el pays sostenian tant de subsides quant dautres opressios.

Lan MCCCLXXX, la nuec de Santa Lucia, fouc pres et escalat lo castel de Cabrieyra, per Benezeg Chipparel, et per Bastart de Landorra, capitanis d'alcunas rotas de gens d'armas, et d'aqui en foras doneron al pays motz grans dampnages: totas devetz, lo pays, soes a saber, la vigaria de Bezes, de Ginhac, de Narbona lor donet XIII melia franx, et aneron sen. Empero lo pays avian donat a mossenhor d'Ango II melia francx, que los ne getez; mays el non fec res.

Et costet mays datrestant de gatges a gens d'armas, questavan en establida a Fontes, a Pezet et a Pezenas, et ad Aspira de Cabrayres.

Lan MCCCLXXX, lo XVI jorn de setembre a XI horas, moric e trespasset lo Rey de Fransa, nostre senyor, que avia nom Karles, filh que fo del bon Rey Johan.

Aquel an passet a Bezes madama la duguessa d'Ango, que venie de Tholosa, e sen anava vas Avinho, am son bel filh que avie nom mossen Loys. Els senhors Cossols aneron li fa la reverencia, et devon li VI tansas dargent.

Lan dessus dig MCCCLXXX, dimenge a V de novembre, fouc coronat en la viela de Rems lo Rey de Fransa, que avia nom Karles, filh del dessus dig mossen Karles.