This page has been proofread.
26
mǎ-tuo̿i, 10.
- Ko̤̿ gâ̤ sî-hē, gu̿ niōng gǒ̤ng-dàu, gō̤-uā, Tíng gŏ tǎu da̿u.
- Iǔ bāng gâ̤, ciū ta̿i gṳ̀ í hǎu, iǔ nêng sǐ-tiāu, ciū hiāu gṳ̀ sáng kǐ lâ̤, bāng-tuǒi gâ̤, ciū nà gṳ̀ lōng lâi-lī, iǎ niōng dāi-tiāu gṳ̌, nì bā-bā-di̿ dă̤ lâ̤ gâ̤, iǎ niōng bā-bā-di̿ bṳ́ing nă nêng.
- Nì iáu-duo̿i-di̿ ēng niōng ga̿ géng, ngê̤ng, iáu dǒng cîng.
- Giǎng diō̤ ēng niōng duo̿i iè-sī-dō, ēng niōng duo̿i liòng séng í-ciông, ēng niōng duo̿i ǎi iáu tiōng-ciě: éng-ṳē ca̿-dī nêng dă̤-diō̤ mî-dī iè, sī e̿ng-gái gâ̤.
- Nì mǎu-lō̤ng da̿u nī cì sêng, nī cì hióng, niōng cǎ-mōng ŭ-di̿ sū nêng sī hǎu nêng; ciū hā gṳ̀ gâ̤ chio̤̿-di̿ gṳè-diū cì-dā̤ da̿u ko̤̿ gâ̤ sî-hē.
- Nì nêng gâ̤ chio̤̿, ciū ta̿i gṳ̀ giǔ běng-úing.
- Iŏ̤ng chio̤̿ lâ̤ e̿ng-gái dă̤, ciū nă nì giǔ gâ̤ běng-úing da̿u gṳ̀ ŭ-di̿, lâ̤ ēng e̿ng-gái dă̤, ciū nă nì giǔ gâ̤ běng-úing gṳ́ nì cù-cī.
- Mǎu-lō̤ng sū-mū nêng ēng ciĕ-duòi nì, ēng tia̿ng-nī nì gâ̤ dī, nì chṳ̆ ŭ chio̤̿, iáu ŭ sêng gâ̤ sî-hē, ciū niōng pǐng-tiāu nì káu-di̿ gâ̤ dêng-hó.
- Uòi ì-cài iáu nì uā, Da̿u lò̤ sěng si̿-gáing nêng gâ̤ nì-ciě, Sǔ-dó̤-mǎ, Ngǒ̤-mǒ̤-là siū gâ̤ hěng-huă, piāng ŭ sêng siū gâ̤ hěng-huă gu̿ kiáng.
- ¶ Uòi hǎng nì ko̤̿, su̿-siōng iông iáu cǎi-lǒ̤ng mà bó̤ng: gu̿-chu̿ nì niōng chóng-měng su̿-siōng ṳê, lǎu-sĭ su̿-siōng bà-gŏ̤.
- Lâ̤ niōng bǒ̤ng-bī nêng: éng-ṳē gṳ̀ ŏ̤ nà nì gáu nă góng-hō, da̿u lǐ-ba̿i-dǒ̤ng nà bíng mà nì.
- Éng-ṳē uòi gâ̤ dī, nì gu̿ ŏ̤ nă nêng so̿ng da̿u uǎng-di̿, cǒng-dŭ mīng-chîng, ca̿ gúing-ce̿ng nă gṳ̀ iáu biē-gŏ-nêng dă̤-dí.
- Nêng nà nì gáu ko̤̿ gâ̤ sî-hē, ēng niōng huáng-iě dī niōng gōng-ciōng-iōng uā: da̿u ŭ sî-hē cǒng ŏ̤ nă nì dă̤-dí niōng gōng-ciōng uā.
