han mga armas de salon tugot ha ngatanán nga tuna
dinhi ha kalibutan...
-Diri kita nagsusubád han bisan diin nga tuna ha kalibutan, nagyakan hin mamaramará.
Ha ira ngaduhá kanda S. E. ngan han Hataas in Katungdanan may ada unob nga ginkakalarisan ha panhunahuna, ngan igo la nga inín urhi magmugó hin bisan ano, an siyahan diri na mahawas dida han iya hinsasakyan nga karakwa.
An Hataas in Katungdanan nag-isurulsog hin lain nga paagi.
_Say la madadapatan o manhihiunong han mga armas de salon an kayatután ngan kamanukán,- nagsiring. -Masiring pa la ito nga...
-Nga kamanukán kita?- nagpadayon an Heneral pinmakuro han sugbong. -Bagá ano man in akon? Nagpakita na ako nga diri ako manók.
-Kundi may uusá nga butáng, nagmugó an Sek- retaryo; may upát na kabulan, hadto han pagdid'an paggamit han mga pusil, ginpatapod ta an mga tagá lain nga tuna nga nagpapadará nganhi hito nga mga butáng, nga an mga de salon itutugot.
Hi Su Ekselensiya nagkuriot.
-Kundi, may ada gad hito katigayunan, nag- siring hi Simoun.
-Tipaunano?
-Masayunay. An mga armas de salon, iton iitó la nga mga baligya yana nga may uunóm kamilimetros nga kalibre asya la an igtugot. Say la itugot pagbaligya an may uunóm kamilimetros nga kalibre.
Ngatanán hin-ayunán hini nga kan Simoun kalalaki, sapayán han Hataas in Katungdanan nga hinmuring ha talinga ni P. Fernandez nga adto diri katurunán ngan diri tultol nga paggobyerno."
-An maestro ha Tiani, nagpadayon an Sekre- taryo nagbibinurubuklad hin mga kapapilán, -nanga- ngaro nga tagan hin lugar nga pag...
-Ano pa nga lugar in kinahanglan hin uusá na nga kamalig iton iya ginagamit uusa la hiya?- sinmagbang hi P. Camorra nga binmulig, nahangalimót han tresilyo.
-Nasiríng nga nabarikasan,- binmatón an Sekretaryo, -ngan waray niya binubutangán hitón mga mapa
