ug mga istampa nga iya pinamalit hin kalugaringon
nga salapi, kay magkakahuhul6s.
—Kundi waray ako labot hito,— nagngungurudo hi S. E.; —dumangop hiya han Director de Admmistracion, han Gobernador ha lalawigan, ngadto han Nuncio....
—Iton akon igsusumat ha imo, —nagsiring hi P. Camorra, — nga ito nga maistruhay pirupilibustiruhay nga waray hin-aayunan: hunahunaa niyo nga ito nga irihis nagpipinasangyaw nga sama nadudunot an iginlulubong hin damo nga seremonyas ngan han waray la paanuano! Mga sano pagsasantaduhon ko hiya! Ngan hi P. Camorra nangungumol han kamaoo.
—Ngan ha kamatuuran,— namulong hi P. Sibyla say gud niya baga pinababati hi P. Irene; —an buot magtutdo makakagtutdo bisan diin nga higar, ha gawas, ha kakalsadahan; hi Socrates nagtutdo ha mga plasa han bungto; hi Platon didto han mga tanaman ha Academo; ngan hi Kristo, ha kabukiran ngan mga danaw.
—May mga sumbong ha akon patok hito nga maistruhay, —nagsiring hi S. E. nakiggisiplatay kan Simoun. —An maupay hini, gabay hukasan.
—Huhukasan!— sinubad han Sekretaryo. Nakasakit han Hataas in Katungdanan an naginmaraot nga kapalaran hadto nga makaluluoy nga magturutdo nga nangangaro hin tabag nahukasan lugod, ngan nakahunahuna hin pananabag ha iya.
—An kamatuuran,— nagpasabot hin kanan may paghirot, —nga an pagtutdo ha liburan diri kaupay napapanginano.
—Nagpirma na ako hin mga dekreto pagpagawas hin damo nga salapi nga iparalit hin mga kinahanglanon,— nagsiring hin pasulabi hi S. E. daw sugad hin may karuyag niya sidngon. —Binuhat ko na an kapin han kaangayan.
—Kundi, tungod kay kulang hin angay nga binubutangan, iton mga kinahanglanon nga pinamamalit nakakarag la....
—Diri mahihimo nga magkadurungan, —inmutdd hi S. E.; —an mga magturutdo dinhi hini nga tuna diri nasabdt nga maraot an pagpinangaro hin mga balay nga liburan, hin iton didto ha Peninsula nagkakamamatdy hin gutom. Namamagpakasiring pa nga
