An ginkaklasihan amo in usa nga dako ngan haluag nga ruwáng, maglado, may dagko nga bintana nga rinihasan say inaagian hin patakas nga hangin ngan pawa. Ubay han mga bungbong nga kuta hikikit'an in tutuló kasapád nga hagluag nga balitangan nga bató nga tinabunan hin tabla, luób hin mga magturuon nga nagkakalingkod inabakadhan an pagkasurunod. Ngadto ha katapusán nga nahaaatbang han dayunan, ha tungod hin usa nga istampa ni Sto. Tomas de Aquino, nakadto ancatedra, an lingkuran han propesor, hataas, may duduhánga balitangan pagsaká ha magkalyo nga kilid. Sapayán hin usa nga mahusay nga tabla nga naga nga tinukó, nga haros waray gamit kay nakadto pa nahasusurat an "vi-va!" nga hinkit'an han siyahan nga adlaw, waray gud didto ha sakób bisan la ano nga mueble, himurulsan o diri. An mga puto nga kuta nga mga pinabuság ngan tinabunan hin mga pinainggat nga baldosa ha paghirót nga mabag-irán, waray gud bisan la ano nga sabóng, bisan naman la krokis, istampa o badlis nga pagpakita hin usa nga garamitón ha Fisica! An mga magturuon waray na ibá nga ginkikinahanglan, waray may nailiw han pagtutdo nga kikitaon ha buhat hin usa nga kinaadman nga nagkikinahanglan nga gayód buhaton; ha kapid'an nga mga tuig igintutdo ito hin sugad hini ngan an Pilipinas waray kalingaw, lugód amo la gihapon. Usahay danay lumusad tikang ha langit in usa nga gutiay nga garamitón nga ipinakikita han klase tikang ha hirayo, sugad han Santisimo ha mga binunyagan nga nagkakaluhod, "siplati ako, ayaw ak sapingi." Ha ikinapanahón, kun naabót in usa nga propesor nga mainalagyamon, igintata-laan in usa nga adlaw han tuig pagkita han Gabinete de Fisica ngan pagdayaw tikang ha gawás han mga surupaton nga mga aparatos nga nanhihimutang didto han mga aparador; waray na sadang igreklamo; hadto nga adlaw hinkikit'an in damo nga lata, damo nga salaming, damo nga tubo, mga plaka nga maglidong, mga kaliding, mga lingganay ug iba pa, ngan diri na napaunhan dida hiní an mga pagpakita, ngan an Pilipinas diri nalilingáw. Ha luyó nga bahín, an mga magturuon tukib kaupay nga adto nga mga garamitón pinalít diri kay andan ha ira, kun diri lugaring mga lurong an mga prayle! An Gabi-
