ka makakapahuway sugad han imo karuyag. Huna-
hunaa, senyora, an sirak han adlaw kun naudto, an tuna nga daw kalulutuan hin tinapay. Ngan kun maglakat ka ha baybayon nga batubatuón, adlaw ha igbaw ngan ka layo ha ubós ngan mga bala ha atubangan...
-Aadá la ito ha paghiara!
-Sugad han asno nga nahiara hin diri pagkaon! Didá hini nga kampanya, an nakadamo han aton patáy asya an kasamdan ha mga rapadapá... Amo na, an asno, senyora, an susumaton han asno!
-Kundi, intoy,-nabaton an senyora;-hunahunaa an salapi nga makakarag didá ha mga suylas. Makakabuhi hin damo nga ilo ngan balo basi ha kadayunan han aton maupay nga ngaran. Ngan ayaw hikatawá kay diri ako nahananabi ha akon, may adá ko pensyon bisan kun gutiay la, gutiay kun itanding han mga serbisyo nga binuhat han akon bana, kundi nahananabi ako han iba nga nagdadanas hin waray palad nga kinabuhi: diri matadong nga katapos han dako nga kabudlay nga gin-antos han pag-ikakanhian ngan katapos pagtabók han dagat, maabot dinhi hin kamatáy ha gutom... Iton imo sinisiring mahatungod han mga sundalo bangin kamatuuran, kundi may adá ko na tuló katuig nga pag-ukóy dinhi hini nga tuna waray ko pa may hinkiť'an nga mag-ingka.
-Uyon ako hitó didá han siring han senyora,- pulong han kasapit,-ano in kinahanglan panagi hin sapatos hin waray man ito mga sul-ot han pagkatatawó?
-Kun amo, ano in kinahanglan hin bado?
-Ano in kinahanglan hin saruwal? kun
-Hunahunaa an aton magiginkabantugan mamay-ada naton ehersito hin mga hubó-lubas nga kasundaluhan tinapusan hin usa nga umurugop.
Didto hin usa man nga pundok an baragwati makurukusóg. Hi Ben Zayb namumulong ngan naglalaygay, hi P. Camorra sugad han gihapon binabatón ha ikinagirugihót. An peryodista-prayle, bisan kun natatahod han ngatanán nga may sutana, unob iginkakapingki kan P. Camorra nga iniisip niya nga usa la nga prayle nga waray hangkag; salit nagpapaká-waray ginsusugót nga inaasahan hin susón an mga yawyaw nga hiya kunó Fray Ibañez. Hin-aayunán hiyá kan P. Camorra nga kasibang kay amo la an namamati hin tinuod han iya sinisiring nga iya pangatadungan.
