buot, kay waray sasabót kay anó nga in usa nga tawutawo, basi matuháy mauupát in iróng ngan pitó nga
ulo; usa liwat nasiring nga kun kusgan, diri mahihimo kun
indiyo; nga kun adto daw escultura o carpinteria la tugá,
ug ibá pa, an tagsatagsa natunlob han iya kutsara ha
pagsusón, ngan hi P. Camorra, basi diri lupigan, nagungará hin diri kumulang hin katluán nga tiil han tagsa
nga munyika. Kay ano nga, kun an ibá nangangaro hin
iróng, diri man hiyá mangaro hin paa? Ngan didá hadto
ngahaw namaglantugi mahatungód kun an indiyo may
ada ba, o waray, pagkatakós ha escultura, kun angay ba
paghuptan adto nga arte, ngan nagtikáng in totoo nga
baragwati nga gin-utód ni D. Custodio han pagsiring nga
an mga indiyo may pagkatakós kundi angay say la nira
atubangón an panhimo han mga santos, waray ibá.
-Bisan hino makakasiríng,-nagyakán hi Ben Zayb nga hadto nga gab-i mayawit, nga iton ütó nga insik hi Quiroga, kundi kun tutukon hin maupay amo gud hi P. Irene.
-Ngan ano man iyo siring hitón iitó nga indiyo-ingles? Bagá hi Simoun.
Nagpur-ak liwát in bag-o nga katatawa. Hi P. Irene naghinapyod han iróng.
-Matuod! Matuod! Amo na gud!
-Kundi, hain na hi Simoun? Maupay ito palitón ni Simoun!
Hi Simoun nawara, waray may sinmabót.
-Punyales!-an pulong ni P. Camorra;-kakuripot hin Amerikano! Nahadlok nga say makagbayad han aton pagsulód didto ha paguwaan ni Mr. Leeds.
-Diri! binmatón hi Ben Zayb; -an nahahadlukán nga mahalakip hiyá kaaluhi. Inmabat han durugas nga magawás unina para han iya sangkay nga hi Mr. Leeds, salit nag-aalinggawas.
Ngan waray may pinmalit bisan han gigutiayi nga tawutawo, nagpadayon hirá ngadto han isinusumat nga esfinge.
Hi Ben Zayb amo an nagsaad hin pagtuháy han ira nagugupungan. An Amerikano diri makakagpakaalo hin usa nga peryodista nga makakahimo panimulos ha usa nga artikulo nga magpapakaraot.
-Kikitaon niyo kun diri ba aadá la ha mga espeho,- nganiya; kay kitaa daw niyo... Ngan sinmungasong na liwát ngadto hin halaba nga
