Placido Penitente tinmadong ngadto ha ira hin pag-agi,
ngan an duhá nga inmabat han maraot nga paras han
batan'on ngan tungod kay mag-upay an ira kabilók, pinmaantaw ha pagpaumaya. Hi Placido hadto nga uras inaalpan han sinisiring nga hamok1 (kahuramentado) han mag malayo.
Hi Placido, hamtang nagtitiharani ha iya balay, nga amo an balay hin usa nga platero nga iya pinangangasirahan, naghihinanay han iya mga panhunahuna kay may gin-iinisip nga bubuhaton. Mauli hiyá ha iya bungto ngan bumulós basi sumabót an mga prayle nga diri mahihimo in usa nga batan'on pagpasiparahan hin sugad la hitó, ngan diri mahihimo nga hiya pagbinadyangasan la tugá. Karuyag niya magsurát dayon kan iya ináy, hi Ginhaupana Andang, pagsumát han nahinabó ngan pagsiring nga an mga kolehiyo sinadhan na hin dayon para ha iya, nga bisan pa kun kamatuuran nga aadá an Ateneo han mga Jesuitas ha pagtima hadto nga tuig, waray ruhaduha nga diri hiya tutugutan, ha sunód nga tuig mabalik manta hiya ha Universidad.
- Nasiring nga diri kita maaranı bumulos? -nganiya; sarihan paglilinti ngan kikitaon ta!
Kundi hi Placido waray pagpapamulat han aabután niya ha baláy han platero.
Hi Ginhaupana Andang pag-aabót pa la tikang ha Batangas kay namamalit, nalaoy han iya anak ngan iya gindad'an hin kuwarta, tapa nga bugsok ngan hin mga panyo nga sida.
Katima han siyahan nga mga katalahuran, an makaluluoy nga babayi, nga tikang han paghikit'i inmabat han masubó nga paniplat han iya anák, waray na pakailób ngan nagtikáng hin pagpinakiana. An siyahan nga sumat pinakasiring la ni Ginhaupana Andang nga angá, salit hinmiyom la ngan pagsinagdunan an iya anak, pinapanumdom han mga kagul'anan, mga pag-antos han kawaray ug ibá pa ngan hinnabihan an anák ni Kapitana simona nga tungód han pakasulód ha Seminario, didto ha bungto nagpapaka-obispo na: hi Kapitana Šimona nakakasiring na nga Iroy sa Dios, kaiyá, kay an iya anák magigin-Jesucristo!
Kun magpadi itón anak,-nasiring hi Ginhaupana Andang, iton iroy diri na magbabayad han utang... kay hino pa in masukót?
Kundi han pag-abat nga hi Placido nagyayakán hin
