Ngan pumaharayo ginsusunod ni Placido nga nagtitikang na pagpinakiana kun diri ba hiya nag-iininop.
—Nahapapausa ka, —ginpakianhan ni Simoun,— pagkita hin katsila nga bata pa ngan ginduyagan hin mga sakit? Mga duha katuig anay mabakod an lawas hito sugad ha imo, kundi an iya mga kaaway nakahimo bin pagpadad’an ha iya ngadto ha Balabac ngan didto hiya iginkatarampo hin mga tawo nga nagtutuman hin sirot ngan kitaa yana: may reuma ngan kadal nga amo an magdudulong ha iya ngadto ha lubnganan. Ini nga waray palad nga tawo nakaasawd hin mahusay hin duro nga babayi...
Kay linmabay in usd nga kotse nga waray sakay, gintawag ni Simoun pagpaukoy ngan hira ngan hi Placido napadulong ngadto han iya balay didto ha Escolta. Hadto manta an mga urasdn han mga singbahan natuktok gud hin ikanapulo may tunga nga takna.
Mga duha kauras tikang hadto hi Placido linmakat didto ha balay han alahero ngan, himuot ngan nagpipinanumdom, nagsulsog han Escolta nga haros waray na tawo nga maglalakat bisan kun an mga kapeteriya mga bukas pa ngan damo an tawo. May talagsa nga kotse nga nagpapanlabay hin maglatos nakinaralkadal dida han binatudn nga kalsada.
Hi Simoun, tikang didto hin usa nga sulod, ha iya balay, nga naatubang han Pasig, nagkikinita han Siyudad nga libot hin kuta, nga nalalantaw dida han mga bukas nga tangbuan, an iya mga atop nga sim namamag-inggat tungod han bulan, ngan han iya mga torre nga magsamdong nanlalambong, mga bahol, magsubo dida han mahaliwanong nga panah6n han gab-i. Hi Simoun naghukas han iya matagom nga salaming, an mga busag nga buhok baga in salapi nagiding han iya tinumbaga ngan mabakod nga nawdng nga an tuman la natitiwakan han iya surugaan nga mag-arupaop kay kulang hin petrolyo. Hi Simoun nga tingali may nalilibangan nga panhunahuna, waray panginginano nga an iya suga nagtitikapardng ngan nagluluob na an kasisidman.
—Ha sakob hin pila kaadlaw,— nagsiring, —kun ha iya upat nga kilid magdukot na ito nga waray haros nga siyudad, hurunan han waray aram nga naghihinambog ngan han waray paid nga paglupog han waray sarabutan ngan makaluluoy; kun an kagubdt magbunggas na ha
