mga arrabal ngan sumulang han mga lisang nga kakalsadahan an akon mga kapangon nga maninimulos, kay
ginpahimugso han pagkahako ngan han mga kasalaypan,
uukban ko ang mga kuta han imo bilangguan, kukuhaon
ta ikaw dida ha mga kulo han balikad nga pagtoo ngan,
daw busag nga sarapati, ikaw an magigin-Phoenix dida
han mapaso pa nga mga agbon...! Usa nga karibok nga
ginhimohimo han mga tawo dida han kasisidman asya
in nagrabot ha akon dida ha imo harani; usa man liwat
nga karibok amo in magdadara ha akon ngada ha imo,
magbabanhaw ha akon ito nga bulan, diri na maabot ha
kadayaw, maglalawag hin Pilipinas nga nahawanan han
malamiri nga sighot.
Hi Simoun tinmigda pag-ukoy sugad hin nag-alang. Usa nga tingog didto ha sakdb han iya kasingkasing nagpakiana kun hiya, hi Simoun, diri bahin hadto nga sighot han waray haros nga siyudad ngan bangin ngani amo an lagtok ngan labi kamahugaw. Ngan daw karniminatyan nga nababanhaw han tunog han trompeta han kapalaran, yukot nga morto nga magbangis, mga lambong nga magkarit hin mga tawo nga ginpatay, kababayin’an nga gintalapasan ha pagkababayi, mga amay nga gin-agaw didto han iya panimalay, mga bisyo nga gin-aghat ngan ginpatubo, mga dungog nga gintamakan, nagkakabuhat yana han pakabati han surupaton nga pakiana. Yana pa la ha sakab han panahon nga iya iginsulsog han kinabuhi hin kriminal, tikang han didto ha Habana, dara bisyo ngan han sobomo, nag-isip hiya hin paghimo hin usa nga instrumento nga magpapalakat han iya mga paagi, usa nga tawo nga waray pagtoo, waray pag-ugop hin iroy nga tuna ngan waray kasingkasing, yana pa la ha sulod han iya bug-os nga kinabuhi may nasupil didto ha iya sakob ngan nadiri han iya mga buhat. Pinmiyong hi Simoun ngan waray anay pagkiwa; katima humapyod han iya agtang, waray magpasipara pag-atubang han iya kasingkasing kay nahadlok. Waray, waray hiya magsukna ha iya ngahaw, kinukulang hiya hin gahom paglingi han nag-agi... Yana pa ba nga tiharani an uras han katumanan kakablason na lugod hiya hin gahom, hin pagsarig, pagtoo ha iya ngahaw! Ngan tungod kay an mga morto han mga waray palad nga nasugad tungod ha iya namamaglupadlupad ha iya atubangan daw nangungusbok dida han masilaw nga tubig han salog ngan nasulang han iya
