sulód namamaggugliat ngan namamagduhól han mga
kamót; tungod kay an mga pamuyboy ug mga basol
bagá naguóp na han hangin ngan binabati niya in mga
tingog hin panhulga ngan panimulos, iinantaw ha tang-
buan an iya mga paniplat ngan tingali yaná pa la hiya
inmabat nga ikinukurog.
-Diri; tingali masakit ako, bangin may adá ko maraot,namulong; -damo in nasisina ha akon, an nakakasiring nga ako an tinikangan han ira maraot nga kapalaran, kundi...
Ngan han pag-abat nga an iya agtang mapasó, bin- muhát ngan dinmaop ha tangbuanan pagginhawa han mahalayahay nga harupoy han gab-i. Ha iya tiilán an Pasig nagdadanas han iya sulóg nga salapi, ha bawbaw an mag-inggat nga burá nga maghinay, namamagbirik, nasulang, na-isol, nag-aalagad han gudti nga alibundan. An siyudad nabundawog didto ha tabók ngan an iya mag-itom nga kuta, matagnaon, surupaton, nawawad'an hin karaksot ha sirong han bulan nga nag-aayád ngan naghuhusay han dagway han ngatanán. Kundi hi Simoun ikinurog liwát; bagá nakakita hiyá han maisog nga nawóng ni iya itáy, nga namatay ha bilangguan, kundi namatay tungód han pagbuhat han maupay, ngan han nawóng nga labi pa liwát kamaisog hin usa katawo nga nag-ula han kinabuhi tungód ha iya kay nakakasi- ring nga magtatalinguha hiya han katubsanan han iya tuna.
-Diri, diri ako makakag-isol,- nagsiring namahid han balhas ha iya agtang; -an buhat natikangán na ngan an iya pagkatuman amo in mag-aayád han akon katadungan... Kun nagsugád ako ha iyo namamatay ako... Diri ako magpipinakaupay-upáy, waray yaná mga palikaw nga paagi! Kalayo ngan puthaw an gaga- miton ko pagkuha han kaduntan, pagsirot han bisyo ngan unina rurungkabón na la an ginamit kun daw maraot! Diri; akon ini gin-isip hin maupay, kundi yaná may hiranat ako... an akon panhunahuna nag-aaláng... kaiyá... kun nagbuhat ako han maraot tungod kay kaupayan an akon tuyo, an tuyo say nagbabawi han mga paagi... An akon bubuhaton amo an diri pag- tagya...
Ngan hinmigda hamtang nagugumok an ulo, ngan nag-imakakaturóg.
