hi Isagani la an unob baga mahagkot kay sakuri nga nahiyom.
- Ano in nahinabo han batan’on?
Hi Isagani, han pagsulod han teatro, nakakitA kan Pau lita didto hin usa nga palko ngan hi Juanito nga nakikighinimangraw ha iya. Iginduruas ngan nakasiring nga nagsasayop hiya. Kundi diri, kay hi Paulita gud adto, hi Paulita nga nasaludo ha iya hin makawiwili nga hiyom, hamtang an mga mata bagA kanan nangangaro hin pasaylo ngan nagsasaad hin paghatag hin kasayuran. Ha kamatuuran, nagkasabot hira nga hi Isagani mag-uuna ngadto ha teatro panginano kun itdn kiritaon waray bahin nga makakaraot hin usa nga daraga nga batan’on, ngan yanA iya hin-abutan nga iginhihimangraw han iya pa ba kasibang. An nahananabd didto han kalag ni Isa gani diri sadang mahipag-asoy; kapungdt, abugho, paghiubds, kasiribton, nagkakaladkad didto ha iya sakdb, namay-usa kadali nga karuyag niya nga an teatro maharumpag; namay-ada niya tuyo nga di-masupil hin pagharahara, pagpakaalo han iya higugmaon, pangayat han iya kaaway, pagribok hin makaaalo, kundi nag-ilob hin paghinayhinay paglingkod ngan hin diri na ha iya pagsiplat. Nakakabati hiya han magpakaruruyag nga mga proyektos nira Makaraig ngan ni Sandoval ngan baga sugad la pamation hin harayo nga aningal; an vals baga mabiduon ngan masubo; an kadam-an mga lurong ngan waray aram, ngan nakadamo hiya pagpugdng nga dm hiya panuruan hin luha. Mahatungdd han aringasa nga dara han tawo nga diri binubuhian an lingkuran, ngan han pagabot han Kapitan Heneral an tuman la hiya nga sinmabot; nagkikinita hiya han telon de boca diin nahapipintar in usa nga ruwang nga libot hin mga mahal nga biray nga pula nga naatubang ngadto hin usa nga tanaman nga may ada nagpipigsot nga tubig. Kamabidnon hadto nga ru wAng ngan kamasubd han tanaman! Yinuyukot nga mga nag-agi nga hinabo nga nagdadaparap, nabutho ha iya panumduman, daw harayo nga aningal hin musikA nga nababati ha magkatutnga, daw malanoy nga kanta nga nabati ha pagkabata, mga ngurob hin kagurangan nga mamingaw, mga sapa ha kasudsuran, kagab-ihon nga bulanon ha tangpi han dagat, nga halapad nabubuklad ha iya mga mata . . . Ngan an nahagugugma nga batan’on nga nakakasiring nga waray niya palad, nahangad ha
