atop basi diri an mga luha manlambigay ha iya mga mata.
Usa nga pagpur-ak hin mga pamakpak nakasangpit ha iya dida han mga pag-inisip-isip.
An biray pagbubutunga pa la ngan an malipayon nga coro hin mga parauma ha Comeville naatubang ha iya mga mata, may mga sukong nga algodon ngan magbug-at nga suwikos nga kahoy ha mga till. Hira, an kababayin’an mga unom o pito ada nga batan’on mga pinapula hin maupay an mga im-im ngan mga apapangig, may maglidong nga bagis palibot han mga mata basi dumugang an inggat han paniplat, binuksan an magbusag nga mga butkon, mga tudlo nga luob hin brilyantes ngan mga bitiis nga maglison ngan mag-upay an lirik. Ngan hamtang hira namamagkanta han puplunganon ha Normandia nga allez, marchez, allez, marchez! nanhihiyom hira han ira mga mag-aaring didto han mga butaka hin kanan waray pagtago, nga hi don Custodio, katima siplat han palko ni Pepay panginano kun diri ba nagsusugad man ngadto hin iba nga mag-aaring, itinigaman ha iya kartera ini nga malaw-ay nga batasan, ngan basi ha pagkaseguro, tinmamod hin gutiay han ulo pagkita kun an mga actrices namamagbukas ba tubtob ha tuhod.
—Uy, ini nga mga pransesas!— nagngurutob ham tang an iya panhunahuna nahangangadto hin haruhataas nga kahimtangan, ngan iya gintatarutanding, ngan naghihimo hin mga proyektos. Quoi v’la taus les cancans d’la s’maine!2 kinakanta inf hadto ngahaw ni Gertrude, usa nga makaiipa nga babayi nga nakiro hin pikat han Kapitan Heneral.
—May ada yana cancan!—nagsiring hi Tadeo nga primer premio hin pranses ha iya klase ngan nakabati him nga pulong.—Makaraig, magsayaw hin cancan!
Ngan malipayon nagpanhapyuron han mga kamot.
Hi Tadeo, tikang butungon an telon, diri na nag-aasa han musikaa say ginbibiniling an mga ikaarawod, mga maglaw-ay ngan mga inmoral dida han mga kiwd ngan mga panapton, ngan tungod han gutiay nga pranses nga hinbaruan, nagtatalinguha hin pamati han mga talagudti nga kalaw-ayan nga iginpinasangyaw han mga tagmangno han mahamis nga pamatasan ha tuna nga natawhan.
Hi Sandoval nga nagpapakamaaram hin pranses, say nagin-interprete han iya kasangkayan. Masugadsugad la han kan Tadeo an iya hinbabaruan, kundi nakakabulig
