ha iya an kaagi han paguwa nga iginpasangyaw han mga
pahayagan, an kakulangan iya na la ginhrhimuhimo.
—Oo,— nagsiring, —magsasayaw han cancan ngan hiya an magpapasunod.
Hi Makaraig ngan hi Pecson nag-andam hin paniid daan na nanhihipahiyom. Hi Isagani ngadto ha iba paniniplat nahakakaald nga hi Paulita napakada pagkita hadto nga paguwa, ngan naghunahuna hin pag-ayat kan Juanito Pelaez hin desafio han pagkabuwas.
Kundi nakawang an paghinulat han mga batan’on. Ginmuwa hi Serpolette, usa nga makabibihag nga daraga, may sukong man liwat nga algodon, makairipa ngan mapintas:
—Hein! qui parle de Serpolette?3 — napakiana han mga maglibak, naninighawak ngan makiaawayon. Usa nga kabalyero pinmakpak ngan sinmubad an ngatanan didto han mga butaka. Hi Serpolette, bisan kun waray balhina an iya postura, sinmiplat ngadto han siyahan nga pinmakpak ngan hinalaran hin usa nga hiyom ipinakita an iya gutiay nga mga ngipon na daw in haliputayay nga kolyar nga perlas nga nakadto ha sakob hin usa nga estutse nga tersyopelo nga pula. Sinunod ni Tadeo an siplat ngan say hinkit’an in usa nga kabalyero nga may bungot nga pinadukot la ngan hin usa nga halaba an irong.
—Panulay nga dako!— nagsiring. —Hi Irenilyo.
—Oo,— binmaton hi Sandoval, —hinkit’an ko nga nakikighinimangraw didto ha sakob han mga actrices
Kamatuuran, hi P. Irene amo in usa nga mapiskay nga melomano, dati magbisti hin diri pagpakilala, ngan maaram kaupay han pranses, salit say sinugo ni P. Salvi ngadto ha teatro, dapit sugad hin sekreta nga polls han tuluuhan, asya ito an iya sumat han mga tawo nga nakakakilala ha iya. Ngan tungod kay tagasusdn nga hais, diri natunga hin pagkita tikang ha hirayo, karuyag gud hikit’an ha hirani an mga artistas; salit sinmalakot didto han mga magdayawon ngan mga himiste, sinmulod didto han panliliwanan dim naghuhuringhuring ngan ginhihiruhimangraw an pranses nga kaudganan, an pranses ha tindahan, yinaknan nga hinsasabutan han bantay nga babayi kun an tiparalit andam pagbayad hin maupay.
Hi La Serpolette ginbubutnga hin duduha nga opisyal nga mag-upay in tindog, usa nga marino ngan hin usa
