nga abogado, han pakakita ha iya nga nagsisinudoy pagpanhiling ha bisan diin nga purtahan o rihas, daw sugad
hin ginsusukol niya han iya irong an lara han tagsa nga
kirigta han paguwa.
Hi La Serpolette, inmukoy pakighimangraw han iya mga kaatubang, nagpakuros han agtang, ipinaigbaw an mga kiray, nginmanga han mga im-im ngan dara han kamatibaksi nga kinaiya hin usa nga parisienne, binayaan an iya mga mag-aaring ngan linmatos daw usa nga torpedo pagtudol han aton magsuruson.
—Tiens, tiens Toutou! mon lapin!—nagsiring kinaptan ha butkon hi P. Irene ngan ginbinay-og ha dako nga kalipay hamtang nagpapasarang ha hangin han iya matagingting nga tingog.
—Chut, chut!—nagsiring hi P. Irene nag-itarago!
—Mais, comment! toi ici, grosse bete! Et moi qui t’croyais...
—Fais pas d’tapage, Lily! il faut m’respester! ’suis ici l’Pape!‘
Sakuri nga nahimo ni P. Irene hin paggutiay han ti ngog. An malipayon nga Lily enchantee gud man tungod nga iginkita ha Manila hin daan nga sangkay nga nakakapahanumdom ha iya han mga coulisses didto ha Teatre de la Grande Opera. Salit dida hini hi P. Irene, nga nakagtuman hin duha nga turumanon, an ha pagkasangkay ngan an ha kamagsuruson, say nag-una hin pagpakpak basi rumayhak: hi La Serpolette angay gud man pakpakan.
Hadto ngahaw an aton mga batan’on naghihinulat han cancan, hi Pecson waray pirukpirok; nakada an ngatanan, cancan la an waray. Namay. panahon nga kun waray daupa hin mga taga husgado nagpupurupniti an kababayin’an, nagrarabutay han mga buhok, kay igintutukso han banyaga nga mga paysano nga namamagpamulat, sama han aton mga estudyantes, hin hinabo nga labaw pa han cancan.
- Scit, scit, scit, scit, scit, scit,
- Disputez-vous, battez vous,
- Scit, scit, scit, scit, scit, scit,
- Nous allons compter les coups.’
Inmukoy an musika, nagkalakat an kalalakin’an, binmalik hin daginot an kababayin’an ngan nagtikang hira la ngahaw hin batunbaton nga waray may sinmabot han
