ђrina nga nagpupusing-ot,— kun managpatuhan ngatanan magdadamo an balot.12 Uff, kalamiri! Gabay pagmumbunan iton salog!
Didto ha ubos lain an mga hinabo.
Nagkakalingkod ha mga bangko ug gudti nga lingkuran nga kahoy ha butnga hin mga malita, kakahunan, kagubungan ngan mga tampipi, ha harani han makina, nadadangdang han mga kaldera, salakot an alisngaw han baho han tawo ngan han mabang-og nga lana han makina, aadto an kadak’an han mga sumarakay.
An iba nalilibang pagkinita han magkalainlain nga hikirit’an didto ha sagni, an iba namamag-urugyag hin baraha o namamaghiruhimangraw, natigi han kinanuog han mga pala, han aringasa han makina, han surutsurot han alisngaw tikang ha mga kaldera, han alimbukad han tubig nga gin-uukay, an uwang han busina. Didto ha usa nga piliw, nahahan-ok daw an mga patay, nangangaturog o namamagpakarukaturog, may pipira nga kainsikan nga mga komersiyante, pinamamagdagat, ipinamagpamahuray han balhas nga mamurukburok dida han ira kalawsan. May pipira la nga mga batan’on nga mga magturuon an kadak’an kinikilala tungod han ira magbusag nga sul-ot ngan han ira angayan nga tindog, amo la an namamagpasipara pagsuduysudoy ngadto ha ulin, o ngadto ha dulong, namamaglakad han mga tabid ngan mga kahon, maglipayon kay namamagpanumdom han mga barubakasyon nga ira aabutan. Danay nira say paglantugion an lakat han mga makina kay ira hinnunumduman an ira gin-adman ha Fisica danay na man nira say pag-alirungan an kolehiyala nga daraga, an paramama nga babayi nga mapulapula an im-im ngan may kuwintas nga marol, ira ginhuhuringhuringan hin mga pulong nga nakakapahiyom o nakakapatabon han bayhon han ira pinintaran nga abaniko.
Kundi may duduha nga diri naungay han pagparuparayaw han kababayin’an, say lugod nira an pakiglinantugi didto ha dulong hin usa katawo nga hamtong na kundi kanan garamhanan an dagway ngan tikig. Ngaduhd tingali mga kilala ngan gintatahod tungod han kanan
