may pagtamod nga pagdara ha ira han iba. Salit, an darudakd na in panuig, nga nakakasul-ot hin lubos nga it6m, nga amo hi Basilio, an magturuon pagka-mediko, kilala na tungdd han iya panambal nga nahababantog na. An usa man darudako ngan mabakod an lawas bisan kun barubata, amo hi Isagani, usd han mga tigsiday nga ginmawas hadto nga tuig didto ha Ateneo, ngan matungkuon. An lalaki nga ha iginhihimangraw amo an manggaran nga Kapitan Basilio nga tikang didto ha Manila kay namalit.
—Hi Kapitan Tiyago, oo, iguigo la,—nashing an magturuon kamediko, ipinipiling an ulo; —diri naalagad pagpabulong... Tungod hin sagdon hin usa katawo, sinugo ako yana ngadi ha S. Diego pagkita, kuno, han iya balay, balitaw man basi mawaray ha iya makagdiri pag-apyan. An magturuon, kun nahananabi han iya sinisiring nga usa katawo, an karuyag niya sidngon hi P. Irene nga dako nga sangkay ngan manaragdon ni Kapitan Tiyago hinin mga urhi niya nga mga adlaw.
—An apyan asya in usa nga sakit hinin mga bag-o nga panahon.—an pulong han Kapitan nga lakip in pakatamos ngan kangalas daw an senador romano. —An una nga mga tawo kinmilala han apyan kundi waray parnagpahusa paggamit. Hamtang nanhihinayak han mga klasiko nga pag-aradman (tigamni ini niyo, mga batan’on). An apyan usa la nira nga tarnbal, salit, kitaa, hino an labi nga mga hingapyan? An kainsikan, an kainsikan kay diri mag-aram mausa kapulong han latin. Kun hi Kapitan Tiyago unta nagbinasa kan Ciceroni
Ngan inabat an klasiko nga kaurit dida han iya nanlilibugbog nga nawong nga tinusaran hin mahamis. Ginkikinita hiya ni Isagani hin tutok, adto nga naamfng han kinadaan.
—Kundi, hangangadi pa ako hito nga Academia de Castellano,—nagpadayon hi Kapitan Basilio;—sinisiring ta kamo nga din niyo mahihimo....
—Mahihimo namon, oo, mga pira na la kaadlaw igagawad na an pagtugot,—nabaton hi Isagani. —Hi P. Irene, nga imo hinkit’an didto ha igbaw ug amon ginrigaluhan hin usa kapadis nga kabayo nga mga bulaw, nagsaad ha amon. Makikighimangraw hiton General.
—Bisan pa; hi P. Sibyla nadiri!
—Dumiri hiya, kun asya man! Salit, sakay him.... ngadto ha Los Banos... ha General.
