gat hin kalipay, ginsusunód hin duduhá nga insik nga
waray bado nga may dará nga duduhá nga dagko nga
sopera nga nagsasabwag ha ruwang hin marasa nga
alimyon. Tinapó hin malipayon nga mga pulong.
Waray pa aabót hi Juanito Pelaez, kundi tungód kay nalabis na an uras, namagkalingkod na la ha duro nga kalipay. Iní hi Juanito unob nga diri nagtutuman han sinabutan.
-Kun say ta lugód gindará hi Basilio, diri hiyá,- an siring ni Tadeo, -nagmamarugyaw pa kita hin labí. Aton ginhuhubóg basi nagsinumat hin iya mga tinago.
Ha? An buutan nga Basilio, may mga tinago?
-Aláng! binmatón hi Tadeo, mga dagko pa ba! May mga surupaton nga hiyá la an maaram han supát... An bata nga nawará, an mongha...
-Senyores, an pansit langlang amo an gimararasahi nga sopa! dako an tingog ni Makaraig nga nagpapa- sabót; -Masayod ka, Sandoval, saralakot dinhi an ulaping, pasayan, tokwa, tanghon, gutiay nga manók ngan ambot kun ano pa. Kay amo an siyahan igpapa- hanungod ta kan don Custodio, aber, kitaon ta, basi magproyekto didá hiní!
Kinarawat ini hin malipayon nga katatawa.
-Habaró ngani..
-Magdidinalagan tipakanhi!- nagsiring hi Sando- maupay man gud, anó in ngaran?
-Pansit langlang, karuyag sidngon, pansit hin insik, kay adton usa pansit tagá dinhi.
Saba! makuri hinumduman nga ngaran. Ha ngaran ni don Custodio bubunyagán ko hin proyecto de sopa.
Ginkauruyunan an ngaran.
-Senyores, nagsiring hi Makaraig nga amo an nag-andam han menu; —may tutuló pa nga linuto! Lumpiyá hin insik nga may baboy...
-Nga igpapahanungod ta kan P. Irene!
-Ayáw, hi P. Irene diri makaon hin baboy kun diri anay kuhaon iton iya iróng,-nagsiríng, hin gutiay nga tingog, in usa nga batan'on ha Iloilo, ha iya kasapit.
-Kuhaon iton iya iróng!
-Abajo an iróng ni P. Irene!-nagsarabat ngatanán.
-Katalahuran, senyores, paghatag kitá hin kata- lahuran!-sinmupak hi Pecson hin badyangás nga waray tawatawa.
-An ikatuló nga linuto amo an torta de congrejos.
