—Diri, senyor Simoon,—sinmagbang hi Basilio, baga pinakaintrimis niya nga kaasoy; —subayi lugod hinin masunod nga siday nga sinurat ngahaw ni sangkay Isagani:
- Tubig kami, kamo kalayo,
- Kay iyo man karuyag, oo!
- Diri kita manhihigrayo;
- Kasunog di kita magtoo!
- Ha kaldera han pag-urusa
- Waray kasaba ngan kasina,
- An urusahon, asdy naton,
- Nga alisngaw lugod buhaton
- Kay say ikalima nga bansag:
- Kay kusog, pag-uswag ngan lambrag3
—Inop, in6p!—binmaton hin mamara nga tingog hi Simoun; —an makina hiaagian na,.. hamtang diri pa, mainom la ako anay hin serbesa. Ngan waray na panamilit, binayaan an duduha nga magsangkay.
—Kundi, inaano ka nga hangft ka yana?— nagpakiana hi Basilio.
—Waray, ambot ano, kundi ito nga tawo makangangalas ko pagkit’on, haros makaharadlok.
—Ginsisiniko ta ikaw; diri ka maaram nga ginngangaranan ini nga El Cardenal Moreno?
—Cardenal Moreno?
—Eminencia Gris, kun karuyag mo.
—Waray ako pakakasalad.
—Hi Richelieu may ada parakianhan nga kaputsino nga amo an ginngangaranan nga Eminencia Gris. Ta, ini amo an parakianhan han General.
—Tudd ito?
—Kay hinbatian ko ito ha usa katawo.. .nga unob ha iya naglilinibak ha talikuran, kundi ha atubangan nagdidinayaw.
—Paratungbalay kan Kapitan Tiyago?
—Tikang umabot, ngan ha kamatuuran iniisip hiya hin usa katawo nga kasibang... ha mga sulundanon... Ngan bangin makigkita han General mahatungod han pagtutdo han kinatsila.
Hadto ngahaw dinmaop in usa nga suruguon nga nagsiring kan Isagani nga pinakakadto ni iya bata. Didto hin mga bangko ha ulin, ngan katampo han
